_ باس شۋجي شي جينپيڭنىڭ نيڭشيادا قىزمەت تەكسەرگەندە سويلەگەن ماڭىزدى ٴسوزى قالىڭ كادر ـ بۇقارانى شىنايى يگەرىپ ناقتى ىستەپ، ٴورىس اشا ەكپىندەي ىلگەرىلەۋگە شابىتتاندىردى
□ شينحۋا اگەنتتىگىنىڭ ٴتىلشىسى
باس شۋجي شي جينپيڭ تاياۋدا نيڭشيادا قىزمەت تەكسەردى ٴارى ماڭىزدى ٴسوز سويلەپ، جوعارى ساپالى دامۋ مەن جوعارى دەڭگەيدە قورعاۋ، رەفورمانى جاپپاي تەرەڭدەتۋ مەن ەسىك اشۋدى كەڭەيتۋ، جاڭاشا قالا ـ قالاشىقتاندىرۋ مەن اۋىل ـ قىستاقتى گۇلدەندىرۋ، ۇلتتار ىنتىماعى مەن بىرگە بايۋ سياقتى قىزمەتتەردى ٴبىر تۇتاس جوسپارلاپ ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ نيڭشيا تاراۋىن قۇلشىنا جازۋدى باسا دارىپتەدى. قالىڭ كادر ـ بۇقارا باس شۋجي شي جينپيڭنىڭ ماڭىزدى ٴسوزىنىڭ رۋحىن مۇقيات ۇيرەنىپ، ٴتۇسىنىپ، مىنالاردى ٴبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ورنىقتىلىق بارىسىندا ىلگەرىلەۋ قىزمەت نەگىزگى اۋەنىنەن جازباي، رەفورمانى ونان ارى جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋ جولىندا شىنايى يگەرىپ ناقتى ىستەپ، ٴورىس اشا ەكپىندەي ىلگەرىلەيمىز.
ٴار ۇلت حالقىنىڭ ىنتىماقتاسا كۇرەس جۇرگىزۋىنىڭ تاماشا جاعدايىن بەكەمدەيمىزجانە دامىتامىز
كوك اسپان، اقشا بۇلت استىندا نيڭشيانىڭ يىنچۋان قالاسى جينفىڭ رايونىنداعى تازا دا رەتتى چاڭچىڭ حۋايۋان الەۋمەتتىك اۋماعى شاتتىق قۇشاعىنا شومدى. كوپ ۇلت شوعىرلى قونىستانعان وسى كولەمدى الەۋمەتتىك اۋماقتا حانزۋ، حۇيزۋ، مانزۋ، موڭعۇل، زاڭزۋ سياقتى ٴار ۇلت بۇقاراسى ٴبىر ٴۇيلى جانداي تاتۋ ـ ٴتاتتى وتۋدە.
6 ـ ايدىڭ 19 ـ كۇنى تۇستەن كەيىن باس شۋجي چاڭچىڭ حۋايۋان الەۋمەتتىك اۋماعىنا كەلىپ، الەۋمەتتىك اۋماقتىڭ نەگىزگى ساتى پارتيا ۇيىمىنىڭ رولىن ساۋلەلەندىرۋ، حالىققا قولايلى، حالىققا ٴتيىمدى قىزمەت وتەۋدى ساپالىلاندىرۋ، ٴار ۇلت بۇقاراسىنىڭ ارالاسۋىن، ىشتەسۋىن، توعىسۋىن ىلگەرىلەتۋ سياقتى جاعدايلاردى ەگجەي ـ تەگجەيلى ۇعىستى. سول كەزدەگى جاعدايدى ەسكە العاندا، چاڭچىڭ حۋايۋان الەۋمەتتىك اۋماعى پارتكومىنىڭ شۋجيى جاۋ نايشياڭ قۋانىشى قوينىنا سيمادى: ”ٴبىز باس شۋجيدىڭ تاپسىرماسىن ەستە بەرىك ساقتاپ، الەۋمەتتىك اۋماق پارتيا ۇيىمىن ويداعىداي، كۇشەيتىپ قۇرىپ، بۇقاراعا قىزمەت وتەۋ قىزمەتتەرىن ىشكەرىلەي، ەگجەي ـ تەگجەيلى، تياناقتى ىستەپ، ٴار ۇلت بۇقاراسىنىڭ ’ٴبىر ـ بىرىمەن بىتە قايناسقان‘ بەرەكەلى شاڭىراق جاعدايىن ۇزدىكسىز بەكەمدەيمىز“.
بەيجيڭ شيدان موڭعۇل _ زاڭزۋ مەكتەبىنىڭ ەسكى جۇرتىندا فۋجياننان، نيڭشيادان كەلگەن ۇلتتار مادەنيەتىن ايگىلەۋ، سەزىنۋ نىساندارى تارتىمدى بولىپ، ەكسكۋرسيالاۋشىلار جۇڭحۋا ۇلتىنىڭ ارالاسۋىنىڭ، ىشتەسۋىنىڭ، توعىسۋىنىڭ كارتيناسىن تاماشالادى.
”جۇڭحۋا ۇلتى ورتاق تۇلعا تانىمىن ۇزدىكسىز بەكەمدەۋ“، ”ٴار ۇلت حالقىنىڭ تىلەگىن تىعىز توعىستىرۋ“، باس شۋجي شي جينپيڭ العا قويعان ماڭىزدى تالاپ موڭعۇل _ زاڭزۋ مەكتەبىنىڭ ەسكى جۇرتىنىڭ قاتىستى جاۋاپتىسى حۋاڭ چۇنفىڭعا جاۋاپكەرشىلىگىنىڭ اۋىر ەكەندىگىن تەرەڭ سەزىندىردى، ول مىنالاردى ٴبىلدىردى: الداعى جەردە ۇزدىكسىز ٴورىس اشا جاڭالىق اشىپ، جۇڭحۋا پەرزەنتتەرىنىڭ جۇڭحۋا ٴداستۇرلى مادەنيەتىنىڭ كوركەمدىگىن تولىق تۇسىنۋىنە، ٴار ۇلت بۇقاراسىنىڭ سۇيىسپەنشىلىگىنىڭ بارعان سايىن قويۋلانۋىنا، بارعان سايىن جاراسىمدى بولا تۇسۋىنە مۇمكىندىك جاسايمىز.
”جۇڭحۋا ۇلتى ورتاق تۇلعا تانىمىن بەكەمدەۋ جەلىلەس وقۋلىعى“ باسپادان شىعۋ الدىندا تۇر، ول شيزاڭداعى پارتيالى كادرلار وقۋلىعى، شيزاڭداعى بۇقارانىڭ وقۋلىعى، شيزاڭنىڭ جاستار وقۋلىعى جانە شيزاڭ وسپىرىمدەرىنىڭ وقۋلىعى سياقتىلاردى قامتيدى، مەجەمەن ٴبىر ميلليوننان استام تيراجبەن تاراتىلادى.
”باس شۋجيدىڭ ’جاڭا داۋىردەگى پارتيانىڭ ۇلت قىزمەتى جونىندەگى كەلەلى باعىت ـ ساياساتتارىن جاپپاي دايەكتىلەندىرۋ كەرەك‘ دەپ باسا دارىپتەۋى بىزگە ٴتۇبىرلى بويسۇنۋ ولشەمىن ازىرلەدى. ٴبىز ۇلتتار ىنتىماعى، العاباسارلىعى جونىندەگى اناعۇرلىم كوپ، اناعۇرلىم جاقسى وقۋ ماتەريالدارى مەن وقۋلىقتاردى قۇراستىرىپ، باي مازمۇندى، الۋان فورمالى ’ۇگىت لەكسيا +‘، ’اماليات +‘ قيمىلدارىن ورىستەتىپ، ٴار ۇلت حالقىن جۇڭحۋا ۇلتى جونىندەگى شىنايى مويىنداۋ سەزىمى مەن ماقتانىش سەزىمىن ونان ارى كۇشەيتىپ، بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اششى ـ تۇششىنى بىرگە تاتاتىن، تاعدىرلاس بولاتىن ورتاق تۇلعا ۇستانىمىن بەرىك ورناتۋعا جەتەكتەيمىز“، ـ دەدى شيزاڭ اۆتونوميالى رايوندىق پارتكوم ۇگىت ٴبولىمى نازاريا باسقارماسىنىڭ باستىعى شى چيفىڭ.
ٴتۇرلى حالىق تىلەگى ينجەنەريالارى، حالىققا ٴتيىمدى ناقتى ىستەر ٴار ۇلت بۇقاراسىن رەفورما، دامۋ جەتىستىكتەرىنەن تەڭ يگىلىكتەندىرىپ، بىرگە ىنتىماقتاسا كۇرەس جۇرگىزۋگە مۇمكىندىك جاسادى.
جاز كەلىسىمەن گۇيجوۋ ولكەسى چياندۇڭنان مياۋزۋ _ دۇڭزۋ اۆتونوميالى وبلىسى تيانجۋ اۋدانى جۋشي اۋىلى جۋشي قىستاعىنداعى مىڭ مۋلىق ماي بۇرگەننىڭ ٴوسۋ جاعدايى ادامدى قۋانتادى. جۋىق جىلداردان بەرى جەرگىلىكتى بۇقارا ورماندى جەردى اينالىمعا سالۋ، جەردى جارناعا قوسۋ، قۇرىلىسقا ات سالىسۋ سياقتى كوپ ٴتۇرلى تاسىلمەن كىرىستەرىن ارتتىرىپ، تۇراقتى جۇمىسقا ورنالاستى.
باس شۋجي شي جينپيڭنىڭ ماڭىزدى ٴسوزىن دەر كەزىندە ۇيرەنگەننەن كەيىن، جۋشي قىستاعى پارتيا ياچەيكاسىنىڭ شۋجيى ياڭ تيانلاي تولىق سەنىممەن بىلاي دەدى: ”ٴبىز باس شۋجيدىڭ تالابى بويىنشا، ٴار جاقتىڭ كۇشىن كەڭىنەن ۇيىستىرىپ، حالىق تۇرمىسى قۇت ـ ىرىسىن ۇزدىكسىز ارتتىرىپ، ٴار ۇلت بۇقاراسىنا بىرگە بايۋدىڭ ارەكەتتە، جانىمىزدا ەكەندىگىن شىنايى سەزىندىرەمىز“.
ەكولوگيالىق جاسىل دامۋدى قورعاۋ سىندى كەلەلى ٴىستى ويداعىداي ىستەيمىز
ما ـ ۋسۋ قۇمدى جەرىنىڭ جيەگىندەگى نيڭشيانىڭ ليڭۋ بايجيتان مەملەكەت دارەجەلى جاراتىلىستىق قورىعى بەينە جاسىل قالتقى سياقتى قۇمدى بوراندى بوگەپ تۇر.
”باس شۋجي ’ورمان، جايلىم، سازدىق، شولەيت ەكولوگياسىن قورعاۋدى، قالپىنا كەلتىرۋدى جانە سورتاڭ جەرلەردى جان ـ جاقتى وڭاۋدى ٴبىر تۇتاس جوسپارلاپ ىلگەرىلەتۋدى‘ تالاپ ەتىپ، جاڭا داۋىردەگى قۇمايتتانۋدان ساقتانۋ، قۇمدى تىزگىندەۋ قىزمەتىنە ايقىن بەتالىس كورسەتتى“. قۇمدى شولمەن قاجىماي ـ تالماي كۇرەس جۇرگىزۋدى ەسكە العاندا، ”مەملەكەتتىك قۇمدى تىزگىندەۋ قاھارمانى“ ۋاڭ يوۋدى مىنالاردى ٴبىلدىردى: ”ٴبىز قۇمايتتانۋدان ساقتانۋ، قۇمدى تىزگىندەۋ تابىستارىن ۇزدىكسىز بەكەمدەپ جانە كەڭەيتىپ، ’ٴۇش تەرىستىك‘ ينجەنەرياسىن مىزعىماس سولتۇستىك ٴوڭىر جاسىل ۇلى قورعانى، ەكولوگيالىق حاۋىپسىزدىك قالتقىسى ەتىپ قۇرىپ شىعىپ، ’سولتۇستىكتەگى جياڭنان جاسىل القابىن‘ ونان ارى كورىكتەندىرەمىز“.
شاندۇڭنىڭ دۇڭيىڭىنداعى شاندۇڭ حۋاڭحى اتىراۋى مەملەكەت دارەجەلى جاراتىلىستىق قورىعىندا ٴار ٴتۇرلى وسىمدىكتەر كۇنگە قاراپ ٴوسىپ، جىل قۇستارى اسپاننان اۋىق ـ اۋىق ۇشىپ وتەدى.
قورىقتىڭ ەكولوگياسىن باقىلاۋ ـ ولشەۋ ورتالىعىندا اعا ينجەنەر جاۋ ياجيە ۇلكەن ەكران ارقىلى سۋ قۇستارىنىڭ كوبەيۋ جاعدايىن باقىلادى. ”جۋىق جىلدارى مەملەكەت حۋاڭحى وزەنى الابىنىڭ ەكولوگياسىن قورعاۋدى جانە جوعارى ساپالى دامۋىن زور كۇشپەن ىلگەرىلەتىپ، تۇتاس الاپتىڭ ەكولوگياسىن تىڭ ساتىعا كوتەردى“. جاۋ ياجيە بىلاي دەدى: ”باس شۋجي حۋاڭحى وزەنى الابىنىڭ ەكولوگياسىن قورعاۋعا جانە جوعارى ساپالى دامۋىنا ايرىقشا نازار اۋداردى، ٴبىز عىلمي زەرتتەۋ، باقىلاۋ ـ ولشەۋ دەڭگەيىن ۇزدىكسىز جوعارىلاتىپ، زەردەلى باقىلاۋ ـ باسقارۋ قابىلەتىن كۇشەيتىپ، ەكولوگيالىق ورتانى دەن قويا، كۇش سالا قورعاپ، ادام مەن تابيعاتتىڭ جاراسىمدى قاتار ٴومىر ٴسۇرۋىنىڭ جاڭا تاراۋىن جازامىز“.
چيڭحايداعى حۋاڭحى وزەنىنىڭ جوعارعى اعارىنداعى سۋ ەلەكتر اشۋ شەكتى جاۋاپكەرشىلىك سەرىكتەستىگىنىڭ حاينان بازاسىندا فوتوۆولتتىق تاقتالار جاسىل ەنەرگيانى توقتاۋسىز شىعارۋدا.
”ٴبىز باس شۋجي شي جينپيڭنىڭ ەكولوگيالىق ونىمدەردىڭ قۇنىن جۇزەگە اسىرۋ مەحانيزمىن جانە ەكولوگيانى قورعاۋ بويىنشا تولەم بەرۋ مەحانيزمىن كەمەلدەندىرۋ جونىندەگى ماڭىزدى ٴسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، تازا ەنەرگيا ۇلكەن بازاسى قۇرىلىسىن جانە جاڭادان گۇلدەنگەن كاسىپ سالالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكولوگيانى الدىمەن ويلاستىرۋعا، جاسىل دامۋ جولىمەن جۇرۋگە باستان ـ اياق تاباندى بولامىز“، ـ دەدى مەملەكەتتىك ەلەكترگە قارجى قوسۋ حۋاڭحى سەرىكتەستىگىنىڭ القا باستىعى ياۋ شياۋيان.
جياڭشيدىڭ جيۋجياڭىندا، شاڭگاڭ توبى جيۋجياڭ پورت قالاسى باتىس پورت اۋماعى كونتينەر كەمەجايى قاۋىرت جۇمىس جۇرگىزۋدە، وزەندە جۇك كەمەلەرى قايشالىسىپ، گۋدوك ٴۇنى كوتەرىلدى.
”ٴداستۇرلى كاسىپ سالاسىنىڭ تيبىن وزگەرتىپ، دارەجەسىن جوعارىلاتۋدى جەبەۋ، ستراتەگيالىق جاڭادان گۇلدەنگەن كاسىپ سالاسىن جەتىلدىرۋ _ باس شۋجي شي جينپيڭ العا قويعان ايقىن تالاپ“. جياڭشي ولكەسى جيۋجياڭ قالالىق ونەركاسىپ جانە ينفورماتسيالاندىرۋ مەكەمەسىنىڭ باستىعى لوۋ چي بىلاي دەپ تانىستىردى: تاياۋ جىلداردان بەرى جيۋجياڭ وزەن جاعالاۋىنداعى شاعىن حيميا ونەركاسىپ كاسىپورىندارىن تۇرگە ايىرىپ بەكىتىپ، توقتاتىپ، بىرىكتىرىپ، كوشىرىپ، دامۋ كەڭىستىگىن پورتقا جاقىن ٴوڭىردىڭ ەكونوميكاسىن سيفرلى ەكونوميكانى جەتەكشى ەتكەن جاڭادان گۇلدەنگەن كاسىپ سالاسىنا قالدىردى. ”بولاشاقتا ٴبىز باس شۋجيدىڭ تالابى بويىنشا، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، حيميا ونەركاسىپ كاسىپورىندارىن جاڭا تىزبەككە كىرۋگە، جاڭا ومىرگە قول جەتكىزۋگە، جاسىلدانۋعا، اشالانۋعا، جوعارى دەڭگەيگە قاراي بۇرىلىس جاساۋعا جەتەكتەيمىز“، ـ دەدى لوۋ چي.
جالپى حالىقتى وسىزامانداندىرۋ قۇرىلىسىنىڭ جەتىستىكتەرىنەن اناعۇرلىم كوپ، اناعۇرلىم ٴادىل يگىلىكتەندىرەمىز
ەل باسقارۋ جولى حالىقتى بايىتۋدان باستالادى. جۇڭگو ۇلگىسىندەگى وسىزامانداندىرۋ قۇرىلىسىندا جوعارى ساپالى دامۋدى جۇزەگە اسىرۋ، جالپى حالىقتىڭ بىرگە بايۋىن ىلگەرىلەتۋ جاعىندا اناعۇرلىم كورنەكتى ماندىك ىلگەرىلەۋشىلىككە ۇزدىكسىز قول جەتكىزۋ كەرەك.
2017 ـ جىلى 9 ـ ايدا گانسۋ (لانجوۋ) حالىقارالىق قۇرلىقتىق پورتى باتىس بولىكتەگى قۇرلىق ـ تەڭىز جاڭا ارناسىنىڭ جۇك تاسىمال كەزەكشى پويەزىن تۇڭعىش رەت جۇرگىزىپ، گانسۋ ولكەسىنىڭ باتىس سولتۇستىكتەن باتىس وڭتۇستىكتە تەڭىزگە شىعار اۋىزعا دەيىنگى ارالىعى ەڭ قىسقا جولدى اشتى، قازىرگە دەيىن جيىنى 477 حالىقارالىق كەزەكشى پويەز جونەلتىلدى.
”باس شۋجي شي جينپيڭ ’ىشكە، سىرتقا ەسىك اشۋدى ٴوزارا ۇشتاستىرۋعا تاباندى بولۋ كەرەك‘ دەپ باسا دارىپتەپ، ٴبىزدىڭ ’ٴبىر بەلدەۋ، ٴبىر جولدى‘ بىرگە قۇرۋعا جانە باتىس بولىكتىڭ قۇرلىق ـ تەڭىز جاڭا ارناسى قۇرىلىسىنا بەلسەنە ات سالىسۋىمىزعا قۇدىرەتتى قوزعاۋشى كۇش ۇستەدى“. گانسۋ (لانجوۋ) حالىقارالىق قۇرلىقتىق پورت باسقارۋ كوميتەتىنىڭ مەڭگەرۋشىسى لي جيانلياڭ بىلاي دەدى: ”ٴبىز رەفورمانى اناعۇرلىم جاپپاي تەرەڭدەتۋ ورنالاستىرۋى بويىنشا، جاڭا داۋىردە باتىس بولىكتى قاۋىرت اشۋدى ىلگەرىلەتۋ ستراتەگيالىق ورايىن مىقتى يگەرىپ، وڭىرلىك سەلبەستىكتى كۇشەيتىپ، ىشكى قۇرلىقتىق ەسىك اشۋ دەڭگەيىن ۇزدىكسىز جوعارىلاتامىز“.
نيڭشيانىڭ پىڭياڭ اۋدانى ميننيڭ وسى زامانعى اينالمالى اۋىل شارۋاشىلىعى عىلىم ـ تەحنيكاسىنان ۇلگى كورسەتۋ باقشاسى 300 مۋ جەردى الىپ جاتىر، كۇنىنە ٴتۇرلى جاس ساڭىراۋقۇلاقتان 5 توننا ٴونىم الىپ، جىلدىق ٴونىم قۇنى 20 ميلليون يۋانعا جەتىپ، جەرگىلىكتى ورىنداعى نەشە ٴجۇز بۇقارانىڭ ٴۇيىنىڭ جانىندا كىرىسىن ارتتىرۋىنا جەتەكشىلىك ەتىپ، فۋجيان مەن نيڭشيانىڭ شىعىس ـ باتىس بولىك ىستەستىگىندەگى ماڭىزدى جەتىستىككە اينالدى.
”قازىر فۋجيان مەن نيڭشيانىڭ ىستەستىگىندەگى جاڭا كاسىپ سالالارى تولاسسىز جارىققا شىعىپ، جاڭا قارجى قوسۋ وركەندەپ كەلەدى، ’فۋجيان ـ نيڭشيا سۇيىسپەنشىلىگىنىڭ‘ تىڭ داستانى جازىلۋدا“. فۋجيان ولكەسىنەن 13 ـ توپتا نيڭشياعا كومەككە كەلگەن قىزمەت اترەتىنىڭ مۇشەسى، پىڭياڭ اۋداندىق پارتكومنىڭ ورىنباسار شۋجيى، ورىنباسار اۋدان اكىمى ۋىن جيە بىلاي دەدى: شىعىس ـ باتىس بولىك ىستەستىك مەحانيزمىن كەمەلدەندىرىپ، فۋجيان _ نيڭشيا كاسىپ سالاسى باقشاسى قۇرىلىسىن ۇزدىكسىز ىلگەرىلەتىپ، ٴتيىمدى ساياساتتاردى سايكەستى تياناقتاندىرىپ، ٴار ۇلت حالقىنىڭ بىرگە بايۋىن تىڭعىلىقتى ىلگەرىلەتەمىز.
قاتىناسى قولايلى بولدى، كاسىپ سالاسى دامىدى، قورشاعان ورتاسى جاقساردى... بۇكىل ەلدەگى قونىس جاڭالاعان ەڭ ۇلكەن ەكولوگيالىق كوشپەندى حالىق شوعىرلى ورنالاسقان رايون _ نيڭشيا ۋجۇڭ قالاسى حۇڭسىباۋ رايونى ”قۇرعاق قايراڭنان“ ”التىن قايراڭعا“ دەيىنگى وزگەرىستى قارسى الدى.
”باس شۋجي شي جينپيڭ باستان ـ اياق اۋىل ـ قىستاقتى ەسىنەن شىعارمادى، بۇل ٴبىزدىڭ جۇرەگىمىزدى جىلىتتى ٴارى ارقالاعان جۇگىمىزدىڭ اۋىرلاعاندىعىن سەزىندىردى“. ۋجۇڭ قالاسى حۇڭسىباۋ رايوندىق پارتكومنىڭ شۋجيى جاۋ جىفىڭ مىنانى ٴبىلدىردى: كەلەسى قادامدا شارۋالاردىڭ كىرىسىن ارتتىرىپ، بايۋ ارناسىن مۇمكىندىكتىڭ بارىنشا كەڭەيتىپ، كولەمدى قايتا كەدەيلەسۋدەن باتىل ساقتانىپ، قونىستانۋعا، كاسىپتەنۋگە قولايلى كورىكتى اۋىل ـ قىستاقتى تىڭعىلىقتى قۇرىپ، اۋىل ـ قىستاقتى گۇلدەندىرۋدى جاپپاي ىلگەرىلەتەمىز.
قازىر شينجياڭنىڭ قاشقار ايماعى ٴپايزاۋات اۋدانىنىڭ اتىز باسىندا شينمەي اعاشتارىندا جەمىس سامسىپ تۇر. بۇل ارا جۇڭگوداعى ەڭ ۇلكەن ساپالى شينمەي ٴوندىرۋ، وڭدەۋ جانە ەكسپورت ەتۋ بازاسىنا اينالدى.
”باس شۋجي ەرەكشەلەنگەن، پارىقتاندىرىلعان كاسىپ سالاسىن دامىتۋ جولىمەن ٴجۇرۋدى باسا دارىپتەدى، بۇل ٴبىزدىڭ جۇرەگىمىزگە تەرەڭ ۇيالادى“. شينمەي ەككەنىنە 20 جىلعا تاياعان قۇربان عوپۇر بىلاي دەدى: ”بولاشاقتا باس شۋجي نۇسقاعان بەتالىسپەن بۇلجىماي ٴجۇرىپ، زەردەلى ٴوندىرىس جەلىسىن قۇرىپ، وزىق جاس كۇيىندە ساقتاۋ تەحنيكاسىن ەنگىزىپ، كاسىپ سالاسى تىزبەگىن ۇزارتىپ، ۇستەمە قۇندى جوعارىلاتىپ، اۋىل شارۋاشىلىعىن وسىزامانداندىرۋدى ىلگەرىلەتۋ ٴتاسىلى ارقىلى شارۋالاردىڭ قالتاسىن اناعۇرلىم قامپايتىپ، تۇرمىستارىن ٴتىپتى دە ٴماندى ەتەمىز“، ـ دەدى.
جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋدىڭ تەتىگى پارتيادا. ”فورماشىلدىقتى جونگە سالۋدى ۇزدىكسىز تەرەڭدەتىپ، نەگىزگى ساتىنىڭ اۋىرتپالىعىن جەڭىلدەتىپ، شىرىكتەسۋگە باتىلدىق ەتكىزبەۋ، شىرىكتەسۋگە مۇمكىندىك بەرمەۋ، شىرىكتەسۋدى ويىنا الدىرماۋدى ٴبىر تۇتاس ىلگەرىلەتۋ كەرەك“، باس شۋجي شي جينپيڭنىڭ ماڭىزدى ٴسوزى جياڭشي ولكەسى گانجوۋ قالاسى گانشيان رايوندىق ٴتارتىپ تەكسەرۋ كوميتەتىنىڭ شۋجيى، باقىلاۋ ـ تەكسەرۋ كوميتەتىنىڭ مەڭگەرۋشىسى لي يۇنفيدىڭ قىزمەت بەتالىسىن اناعۇرلىم ايقىنداۋىنا مۇمكىندىك جاسادى: ”ٴبىز پارتيالىلىقتى، پارتيا ستيلىن، پارتيا ٴتارتىبىن بىرگە يگەرۋگە تاباندى بولىپ، ستيل قۇرىلىسىنىڭ ۇدايىلانعان، ۇزاق ۋاقىتتىق ٴونىمدى ٴتۇزىم ـ مەحانيزمىن كەمەلدەندىرەمىز. تاماشا پارتيا ستيلى ارقىلى جۇرت تىلەگىن ۇيىستىرىپ، قوعامدىق سالتقا جەتەكشىلىك ەتىپ، قالىڭ كادر ـ بۇقارانى جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋ جولىندا ايانباي كۇرەس جۇرگىزۋگە جىگەرلەندىرەمىز“.
(شينحۋا اگەنتتىگىنىڭ 6 ـ ايدىڭ 21 ـ كۇنى بەيجيڭنەن بەرگەن حابارى)
