8-كەزەكتى جۇڭگو-ازيا-ەۆروپا كورمەسى اشىلۋ الدىندا تۇر. كورمەگە قاتىناسقان ساۋداگەرلەر كورمەنى قاۋىرت ورنالاستىرۋدا. سۋرەتتە 6-ايدىڭ 22-كۇنى قۇرىلىس جۇرگىزۋشىلەر شينجياڭ حالىقارالىق كورمە ورتالىعىندا كورمە ورنالاستىرۋدا. سۋرەتتى اناربۇلت \ شينجياڭ گازەتىنىڭ ءتىلشىسى لي شيۇڭشين تۇسىرگەن
□ انار بۇلت \ شينجياڭ گازەتىنىڭ ٴتىلشىسى شى شين
گۇلدەر جايقالا اشىلىپ، اسەم كورىنىس كوز تويىندىرعان ٴسات. بۇكىل دۇنيەنىڭ نازارى تاعى دا جۇڭگونىڭ شينجياڭىنا شوعىرلاندى.
6 ـ ايدىڭ 26 ـ كۇنى 8 ـ كەزەكتى جۇڭگو _ ازيا _ ەۆروپا كورمەسى ٴۇرىمجى قالاسىندا شىمىلدىعىن اشادى. جۇڭگو مەن ازيا ـ ەۆروپاداعى ٴار ەل حالقىنىڭ بىرگە اقىلداسۋ، بىرگە قۇرۋ، بىرگە يگىلىكتەنۋ ارمانىن ارقالاپ، الدىڭعى 7 كەزەك كورمەنىڭ قۋاتتى اسەرىن شوعىرلاندىرعان وسى ”جىبەك جولى ۋادەسىنە“ بۇكىل الەمدەگى جاڭا دوستار مەن كونە دوستار بىرگە كەلىپ، ٴوزارا تيىمدىلىك جاساپ، ورتاق يگىلىككە كەنەلۋدىڭ، بىرگە دامۋدىڭ سەلبەستىك تاراۋىن بىرگە جازادى.
ٴتوراعا شي جينپيڭ 7 ـ كەزەكتى جۇڭگو _ ازيا _ ەۆروپا كورمەسىنە جولداعان قۇتتىقتاۋ حاتىندا بىلاي دەپ اتاپ كورسەتتى: ازيا _ ەۆروپا قۇرلىعى دامۋ ومىرشەڭدىگىنە جانە كومەسكى قۋاتىنا تولى، ”ٴبىر بەلدەۋ، ٴبىر جولدى“ بىرگە قۇرۋ حالىقارالىق سەلبەستىگىندەگى ٴتۇيىندى ٴوڭىر.
جىبەك جولىنىڭ جاڭا ورايى، ازيا _ ەۆروپانىڭ جاڭا ومىرشەڭدىگى. جۇڭگو _ ازيا _ ەۆروپا كورمەسى جۇڭگونىڭ ازيا _ ەۆروپا ەلدەرىمەن كوپ سالالى اۋىس ـ كۇيىس، سەلبەستىك ورىستەتۋىنىڭ ماڭىزدى ارناسى، ”ٴبىر بەلدەۋ، ٴبىر جول“ وزەكتى رايونى قۇرىلىسىن جەبەيتىن ماڭىزدى تۇعىر رەتىندە، شينجياڭ سىندى ىرىستى توپىراقتا ازيا ـ ەۆروپا سەلبەستىگى اياسىن ۇزدىكسىز كەڭەيتىپ، ازيا _ ەۆروپا سەلبەستىگىنىڭ دەڭگەيىن جوعارىلاتىپ، بىرگە دامۋدى، گۇلدەنۋدى جەبەيدى.
سالتاناتتى باس قوسۋعا ۋاعدالاستى ازيا _ ەۆروپا جابال ٴۇن قوستى
”50 مەملەكەت پەن ٴوڭىر جانە حالىقارالىق ۇيىم كورمەگە قاتىناسادى، 27 مەملەكەت پەن ٴوڭىر جانە حالىقارالىق ۇيىم مەملەكەت (ٴوڭىر) سارايىن اشىپ، ەرەكشە ونىمدەرىن كورسەتەدى“. 6 ـ ايدىڭ 12 ـ كۇنى 8 ـ كەزەكتى جۇڭگو _ ازيا _ ەۆروپا كورمەسىنىڭ اقپار جاريالاۋ ماجىلىسىندە ساۋدا ىستەرى مينيسترلىگى سىرتقى ساۋدانى دامىتۋ ىستەرى مەكەمەسىنىڭ باستىعى ليۋ ديانشۇن ەل ٴىشى ـ سىرتىنداعى ٴار سالاعا تاعى دا ۇسىنىس جاريالاپ، سالتاناتتى جينالىسقا بىرگە قاتىناسۋدى، دامۋدى بىرگە كوزدەۋدى ٴۇمىت ەتتى.
دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، دۇنيە ٴجۇزى ەكونوميكاسىنىڭ قالپىنا كەلۋ قوزعاۋشى كۇشى تەبىندى بولماعان جاعدايدا، جۇڭگو _ ازيا _ ەۆروپا كورمەسى ٴار ەل تىلدەسەتىن، پىكىر اۋىستىراتىن، ەكونوميكا ـ ساۋدا سەلبەستىگىن جەبەيتىن ۇلكەن تۇعىر ورناتىپ، ەسىك اشۋ ارقىلى دامۋداعى قيىنشىلىقتى شەشىپ، ەسىك اشۋ ارقىلى سەلبەسۋ كۇشىن شوعىرلاندىرىپ، ەسىك اشۋ ارقىلى جاڭالىق اشۋ جاعدايىن ۇيىستىرىپ، ەسىك اشۋ ارقىلى بىرگە يگىلىكتەنۋ باقىتىن كوزدەپ، ەكونوميكانىڭ جاھاندانۋىنىڭ ۇزدىكسىز العا بەت الۋىن ىلگەرىلەتتى.
2011 ـ جىلدان بەرى جۇڭگو _ ازيا _ ەۆروپا كورمەسى تابىستى تۇردە 7 كەزەك وتكىزىلدى، جۇڭگو مەن شەتەلدەن جالپى ت40ان استام مەملەكەت باسشىسى، حالىقارالىق ۇيىمداردىڭ جاۋاپتىسى، سونداي ـ اق جۇڭگو مەن شەتەلدەن 1100دەن استام مينيستر دارەجەلى سيلى قوناق كورمەگە قاتىناستى، 5 قۇرلىقتاعى 70تەن استام مەملەكەت پەن وڭىردەن كەلىپ كورمەگە قاتىناسقان شەكارا ٴىشى ـ سىرتىنداعى كاسىپورىندار جالپى 12 مىڭنان استام بولىپ، كورمەنى تاماشالاۋشىلار جالپى 2 ميلليون 160 مىڭعا (رەت) جەتىپ، ىقپالعا يە جانە ۇلگى كورسەتۋ سيپاتىن العان ٴبىرسىپىرا سەلبەستىك جەتىستىكتەرى قالىپتاسىپ، جۇڭگو مەن ازيا _ ەۆروپا ەلدەرى اراسىنداعى گۋمانيتارلىق اۋىس ـ كۇيىستى ارتتىرۋدى ىلگەرىلەتۋدە، ەكونوميكا ـ ساۋدا سەلبەستىگىن تەرەڭدەتۋدە بەلسەندى رول اتقاردى.
ال بۇگىنگى تاڭدا، جۇڭگو _ ازيا _ ەۆروپا كورمەسىنىڭ ”دوستار شەڭبەرى“ تاعى دا كەڭەيىپ، وسى اشىق تۇعىردىڭ ومىرشەڭدىگى مەن باۋراۋ قۋاتىن تولىق ايگىلەدى.
”كورمەگە ۇزدىكسىز قاتىناسىپ كەلە جاتقان كاسىپورىن رەتىندە، ٴبىز كورمەنىڭ ايگىلەۋ اسەرى مەن جەبەۋ اسەرىن شىنايى سەزىندىك“، ـ دەدى جينفىڭ عىلىم ـ تەحنيكا جارنا شەكتى سەرىكتەستىگىنىڭ القا باستىعى ۋ گاڭ. كورمەمەن بىرگە تولىسىپ ـ جەتىلىپ، اياق الىسىن تيانشان باۋرايىنان باستاعان جينفىڭ عىلىم ـ تەحنيكاسى جۇڭگونىڭ جەل ەلەكتر كاسىبىندەگى جەتەكشى كاسىپورىن بولىپ دامىپ، ”ٴبىر بەلدەۋ، ٴبىر جولدى“ بىرگە قۇرۋعا ىشكەرىلەي ات سالىسىپ، بۇكىل الەمنىڭ ەنەرگيا قۇرىلىمىنداعى بۇرىلىسقا دەم بەردى.
”قازىرگى ۋاقىتتاعى الەم قات ـ قابات قيىندىقتارعا ٴدوپ كەلىپ، ەكونوميكانىڭ دامۋى، ساۋدا اينالىمى، قامداۋ تىزبەگى سياقتىلار سوققىعا ۇشىراعانىمەن، وتكىزىلگەلى تۇرعان جۇڭگو _ ازيا _ ەۆروپا كورمەسى شينجياڭنىڭ سىرتقا جوعارى ساپالى ەسىك اشۋ ٴۇردىسىن ىلگەرى باستىرادى“. شينجياڭ قازىنا ـ ەكونوميكا داشۋەسى حالىقارالىق ەكونوميكا ـ ساۋدا شۋەيۋانىنىڭ باستىعى، پروفەسسور چاي لي بىلاي دەدى: شينجياڭ سىرتقا جوعارى ساپالى ەسىك اشۋدى ۇزدىكسىز ىلگەرىلەتىپ، شەتەل كاسىپورىندارىنىڭ جۇڭگودا كاسىپ ٴورىسىن كەڭەيتۋىنە اناعۇرلىم كوپ وراي ازىرلەدى.
ورايدان بىرگە يگىلىكتەندى، ٴوزارا پايدا جەتكىزىپ، تەڭ يگىلىككە كەنەلدى
بايىرعى جىبەك جولى بۇگىنگى تاڭدا ازيا _ ەۆروپا ەلدەرىن تۇتاستىراتىن داڭعىل جولعا اينالدى، باتىستاعى ٴىشىنارا ەلدەر ”بايلانىستى الشاقتاتىپ، تىزبەكتى ٴۇزۋدى“ دابىرالاتىپ، ”شاعىن اۋلاسىنا بيىك داۋال“ سوعىپ، تاريح اعىنىنا قارسى جۇزگەن تۇستا، جۇڭگو مەن ازيا _ ەۆروپاداعى مەملەكەتتەردىڭ كوپ سالالى اۋىس ـ كۇيىس، سەلبەستىك ورىستەتەتىن تۇعىرى رەتىندەگى جۇڭگو _ ازيا _ ەۆروپا كورمەسىنىڭ بەيبىتشىلىكپەن سەلبەستىك جاساۋ، اشىق تا سيىسىمدى بولۋ، ٴوزارا ۇيرەنىپ، ٴوزارا ۇلگى الۋ، ٴوزارا پايدا جەتكىزىپ، تەڭ يگىلىككە كەنەلۋ داڭعىل جولىنداعى نىق قادامى دۇنيە جۇزىندەگى كوپ ادامنىڭ نازارىن اۋداردى.
ازيا _ ەۆروپا سەلبەستىگىنىڭ ونىمدىلىگى قالاي بولدى؟
6 ـ كەزەكتى جۇڭگو _ ازيا _ ەۆروپا كورمەسىندە باسشىلار ديپلوماتياسىنىڭ تۇعىرلىق رولى كورنەكتى بولدى، جارىسپالى تالقى مىنبەرى وڭىردەگى ەكونوميكالىق تەرەڭ سەلبەستىكتى ىلگەرى باستىردى، ساۋدانى جانە قارجى قوسۋدى جەبەۋ قيمىلىندا تابىس مول بولدى.
7 ـ كەزەكتى جۇڭگو _ ازيا _ ەۆروپا كورمەسىندە شاڭحاي سەلبەستىك ۇيىمى مەن جۇڭگو _ شىعىس وڭتۇستىك ازيا ەلدەر وداعى سەلبەستىك مەحانيزمىنىڭ جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىنداعى تەرەڭ توعىسۋى جۇزەگە اسىپ، جۇڭگو _ ازيا _ ەۆروپا كورمەسىنىڭ مەملەكەتتىڭ ديپلوماتيالىق كەلەلى جاعدايىنا قىزمەت وتەۋ تۇعىرلىق رولى ايگىلەندى.
.....
دۇرىس جولمەن جۇرگەندەر جالعىزدىق كورمەيدى، الەم اياسى ٴبىر شاڭىراق. جۇڭگو _ ازيا _ ەۆروپا كورمەسىنىڭ بارعان سايىن جاقسى وتكىزىلۋى جۇڭگو دامۋىنىڭ سەنىمى مەن قايراتىن كورسەتىپ، جۇڭگونىڭ سىرتقا ەسىك اشۋدى كەڭەيتۋدەگى جاڭا تانىسقىسىنا اينالىپ قانا قويماي، جاھاندانعان كاسىپورىنداردىڭ جۇڭگودا جاڭا بازار اشۋىنىڭ، جاڭا وبراز سومداۋىنىڭ ماڭىزدى تۇعىرىنا دا اينالىپ كەلەدى.
2017 ـ جىلى قازاقستاننان كەلگەن قانات بەكتىمبايەۆ شينجياڭنىڭ وڭىرلىك، گۋمانيتارلىق ىستەر، ساياسات سياقتى جاقتارداعى باسىمدىقتارىن ۇناتىپ، ۇرىمجىدە قارجى بىرىكتىرىلگەن كاسىپورىن _ شينجياڭ اۋگىفۋدى يمپورت ـ ەكسپورت ساۋدا شەكتى سەرىكتەستىگىن قۇردى. ”4 كەزەك كورمەگە قاتىناسىپ، وسىدان بۇرىنعى كورمەلەر ارقىلى جۇڭگو بازارىنىڭ ومىرشەڭدىگى مەن ماڭىزدىلىعىن سەزىنىپ، اناعۇرلىم كوپ وراي تاۋىپ، اناعۇرلىم زور دامۋعا قول جەتكىزدىم“، ـ دەدى ول.
جۇڭگو _ ازيا _ ەۆروپا كورمەسى سىندى سىرتقا ەسىك اشۋ تۇعىرىنا سۇيەنگەن شينجياڭ مينيستر دارەجەلىدەن جوعارى جىكتەگىلەر تالقى مىنبەرلەرىن جانە ارناۋلى تاقىرىپتىق قيمىلداردى 60 نەشە رەت وتكىزىپ، جوعارى جىكتەگىلەردىڭ ٴوزارا ساپاردا بولۋى، كەڭەس وتكىزۋى، ەكونوميكا ـ ساۋدا كەڭەسى سەلبەستىك مەحانيزمىن تەرەڭدەتىپ، كاسىپورىنداردى، ساۋداگەرلەردى ”سىرتقا شىعۋعا“ بەلسەنە ۇيىمداستىرىپ، ”ٴبىر بەلدەۋ، ٴبىر جولدى“ بىرگە قۇراتىن ەلدەردىڭ كاسىپورىندارىن جانە ساۋداگەرلەرىن ”كىرۋگە“ كەڭ كولەمدە ۇسىنىس ەتىپ، اناعۇرلىم زور كولەمدە، اناعۇرلىم تەرەڭ قاتپارلى ەكونوميكا ـ ساۋدا بارىس ـ كەلىسىن جيىلەتىپ، ەكونوميكا ـ ساۋدا سەلبەستىك ٴورىسىن كەڭەيتتى.
جۇڭگو _ ازيا _ ەۆروپا كورمەسى ٴبىر رەتكى ساۋدا سالتاناتى عانا ەمەس، اسىرەسە، الەمدىك ەكونوميكالىق سەلبەستىك پەن دامۋدى ىلگەرىلەتەتىن ماڭىزدى وراي. وسى تۇعىر ارقىلى جۇڭگونىڭ شينجياڭى ورتا ازيا ەلدەرىمەن وقۋ ـ اعارتۋ، عىلىم ـ تەحنيكا، ەمدەۋ جانە دەنساۋلىق ساقتاۋ، مادەنيەت سياقتى سالالاردا ىشكەرىلەي سەلبەستىك ورىستەتىپ، باياندى دامۋدىڭ جاڭا جولىن بىرگە قاراستىردى.
ورتا ازيا ەلدەرىنىڭ 20 مىڭنان استام وقۋشىسى شينجياڭنىڭ جوعارى مەكتەپتەرىندە وقيدى؛ 250 نەشە ٴتۇرلى حالىقارالىق عىلىم ـ تەحنيكا سەلبەستىگى نىسانىن ۇيىمداستىرىپ اتقارىپ، 10نان استام مەملەكەت دارەجەلى حالىقارالىق عىلىم ـ تەحنيكا سەلبەستىك بازاسىن سالدى؛ جۇڭگو _ ازيا _ ەۆروپا كورمەسىنىڭ ”جۇڭگو، شەتەل مادەنيەتىن كورسەتۋ اپتالىعى“ ورتا ازيا ەلدەرىنىڭ مادەنيەت سالاسىندا اۋىس ـ كۇيىس جاساۋىنىڭ ماركالى نىسانىنا اينالدى...
كەڭ ـ بايتاق ازيا _ ەۆروپا قۇرلىعىندا دامۋدى بىرگە كوزدەۋدىڭ، بولاشاقتان بىرگە يگىلىكتەنۋدىڭ تەلەگەي كۇشىن ۇيىستىردى. كۇن وتكەن سايىن جاڭارعان 100 جىلدىق كونە دۇكەننەن ەرلىكپەن الدىڭعى شەپتە اتويلاعان العاشقى جاسامپازدىق سەرىكتەستىگىنە دەيىن، قۋاتى مىعىم دۇنيە جۇزىندەگى 500 ەگەي كاسىپورىننان ەڭ دامىماي قالعان ەلدەگى ورتا، شاعىن كاسىپورىندارعا دەيىن ٴارقايسى جاقتاردىڭ ٴبارى سەلبەستىكتى بەلسەنە ىلگەرىلەتۋدە.
تارتۋ قۋاتى جارىققا شىعارىلدى، ومىرشەڭدىگى شەكسىز بولدى
تۇڭعىش كەزەكتى جۇڭگو _ ازيا _ ەۆروپا كورمەسىنەن بەرى كورمەگە قاتىناسقان كوپتەگەن كاسىپورىندار جۇڭگونىڭ شينجياڭىندا جاڭا دۇكەن، جاڭا زاۆود، جاڭا زەرتتەۋ ـ اشۋ ورتالىعىن اشتى. وسى رەتكى كورمە، ٴتىپتى، ەل ٴىشى ـ سىرتىنداعى 1900دەن استام كاسىپورىن مەن قۇرىلىمدى ۇيىستىرىپ، جيىنى 50 نەشە رەت بوگەنايى بولەك، ەرەكشەلىگى ايقىن ەل ٴىشى، حالىقارا ساۋدانى جەبەۋ قيمىلىن وتكىزدى.
”كورمەگە قاتىناسۋ، ماجىلىسكە قاتىناسۋ كولەمى كەڭ، دەڭگەيى جوعارى، ساۋداگەر سانى مول، ساۋدانى جەبەۋ قيمىلدارى كوپ بولىپ، شەتەلدىك ساۋداگەرلەردىڭ پىكىر اۋىستىرۋ تىلەگى كۇشتى بولدى“، ـ دەدى اۆتونوميالى رايوندىق حالىق ۇكىمەتىنىڭ ورىنباسار باس حاتشىسى شيۇڭ جىجيا وسى كەزەكتى كورمەنىڭ 3 ەرەكشەلىگىن تانىستىرىپ.
سالتاناتتى جينالىس اينا ىسپەتتى، ول جۇڭگو بازارىنىڭ كولەمىن، ومىرشەڭدىگىن، ورايىن اڭعارتتى. سالتاناتتى جينالىس تىپتەن ٴبىر كوپىر سياقتى، جۇڭگونىڭ شينجياڭى مەن دۇنيە ٴجۇزىن تۇتاستىرىپ، ىقپالداستىقتى، توعىسۋدى، بىرگە يگىلىككە كەنەلۋدى جەبەدى.
”كورمە تەك كورمە عانا ەمەس، تىپتەن سەلبەستىك، بىرگە يگىلىككە كەنەلۋ، بولاشاق بولدى“. قازاقستانداعى ٴبىر اۋىل شارۋاشىلىعى ونىمدەرى سەرىكتەستىگىنىڭ ورىنباسار القا باستىعى مارينا فەتيسوۆا بىلاي دەدى: جۇڭگو كاسىپورنىمىزدىڭ ەڭ ۇلكەن ساتۋ بازارى، كورمە كاسىپورىنعا تۇتىنۋشىلارمەن تىكەلەي جاناسۋدىڭ قىمباتتى ورايىن بەردى، سونداي ـ اق كورمەدە تانىسقان سەلبەستىك سەرىكتەرىمىز ارقىلى كاسىپورنىمىز جۇڭگو بازارىندا ونان ارى ٴورىس اشتى.
جۇڭگو ەكونوميكاسىنىڭ ومىرشەڭدىگى مەن جۇڭگو بازارىنىڭ وراسان زور باۋراۋ قۋاتى كوپتەگەن حالىقارالىق، ەل ٴىشى كاسىپورىندارىنىڭ بەلسەندى تۇردە كورمەگە قاتىناسۋىنىڭ ماڭىزدى سەبەبى.
2023 ـ جىلى شينجياڭنىڭ وڭىرلىك ٴوندىرىس جالپى قۇنى ٴبىر تريلليون 912 ميلليارد 590 ميلليون يۋان بولىپ، الدىڭعى جىلداعىدان %6.8 ارتتى؛ يمپورت ـ ەكسپورت ساۋداسىنىڭ جالپى قۇنى 357 ميلليارد 330 ميلليون يۋان بولىپ، الدىڭعى جىلداعىدان %45.9 ارتتى. بيىل 1 ـ ايدان 4 ـ ايعا دەيىن شينجياڭنىڭ وڭىرلىك ٴوندىرىس جالپى قۇنى 441 ميلليارد 321 ميلليون يۋان بولىپ، سايكەس مەزگىلدەگىدەن %5.6 ارتتى؛ شينجياڭنىڭ سىرتقى ساۋدا يمپورت ـ ەكسپورت جالپى قۇنى 137 ميلليارد 900 ميلليون يۋان بولىپ، سايكەس مەزگىلدەگىدەن %49.5 ارتتى، ارتۋ قارقىنى بۇكىل ەل بويىنشا ەكىنشى بولدى.
بىرەۋىن بىلسەڭ ٴبارىن بىلەسىڭ، ٴبىر عانا ٴتۇيىنىن باقىلاۋ ارقىلى تۇتاس تۇلعاسىن كورە بىلۋگە بولادى. شينجياڭ قۇشاعىن اشىپ، بۇكىل الەمدەگى كاسىپورىنداردىڭ جۇڭگونىڭ ٴىرى بازارىنان بىرگە يگىلىكتەنۋىن قارسى الادى.
ٴبارى جاقسى بولعانى عانا ناعىز جاقسى بولعاندىق.
كورمەگە قاتىناسقان ەلدەر جانە كاسىپورىندار جونىنەن العاندا، كىم جۇڭگونىڭ شينجياڭىنىڭ ماڭىزدى وڭىرلىك ورىن باسىمدىعىنا سۇيەنىپ، ”ٴبىر بەلدەۋ، ٴبىر جولدى“ بىرگە قۇراتىن ەلدەر اراسىنداعى ىقپالىن ونان ارى كەڭەيتۋدى ويلامايدى دەيسىز؟
شينجياڭ جونىنەن العاندا، كورمەدە قوناق يەسىنىڭ دوستىعىن مۇمكىندىگىنشە كورسەتىپ عانا قويماي، ٴتىپتى، قوناق يەسىنىڭ تيىمدىلىگىنە سۇيەنىپ، ەنەرگيا بايلىعى، مادەنيەت ـ ساياحات وزگەشە تارتىمدىلىقتارىن ايگىلەپ، اناعۇرلىم كوپ سەلبەستىك ورايىن ازىرلەپ، ”ٴبىر بەلدەۋ، ٴبىر جول“ وزەكتى رايونىنىڭ ىقپال كۇشىن ۇزدىكسىز اشۋدى ٴۇمىت ەتەدى.
جۇڭگو (شينجياڭ) ەركىن ساۋدا سىناق رايونىنىڭ قۇرىلىسى جاپپاي باستالدى، يمپورت پەن ەكسپورتتىڭ ارتۋ قارقىنى جوعارى ارتۋ كۇيىن ساقتادى، ”شاقىرىپ اكەلۋ، سىرتقا شىعارۋ“ سەرپىنى بۇرىن بولىپ كورىلمەگەن دەڭگەيدە بولدى... جۋىقتاعى كالەندار بەتتەرىن اشىپ قاراسا، ادامدار شينجياڭنىڭ ازيا _ ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن تۇلعالاۋدا تىنىمسىز ارەكەت ەتىپ جاتقاندىعىن كورە الادى.
تاريحتىڭ العا ىلگەرىلەۋ لوگيكاسى بويىنشا العا ىلگەرىلەدى، ٴداۋىر دامۋىنىڭ اعىسى بويىنشا دامىدى. دامۋ ومىرشەڭدىگى مەن كومەسكى كۇشىنە تولعان ازيا _ ەۆروپا قۇرلىعىندا ٴبىز وسى كەزەكتى جۇڭگو _ ازيا _ ەۆروپا كورمەسىنىڭ اناعۇرلىم كوپ توسىن سي اكەلۋىن كۇتەمىز.
