ەركىن تۇنياز اۆتونوميالى رايوندىق سيفرلاندىرا دامىتۋ مەكەمەسىندە ۇستىندە جۇمىس جۇرگىزدى
سيفرلاندىرۋ رەفورماسى قىزمەتىنىڭ تەرەڭدەۋىن، ناقتىلانۋىن ىلگەرىلەتۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 6 ـ ايدىڭ 24 ـ كۇنى ۇرىمجىدەن حابارلايدى. 6 ـ ايدىڭ 24 ـ كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق سيفرلاندىرا دامىتۋ مەكەمەسىندە ۇستىندە جۇمىس جۇرگىزىپ، رايونىمىزدىڭ سيفرلاندىرا دامىتۋعا قاتىستى ىستەرىن شەشۋدى ٴبىر تۇتاس جوسپارلاپ، ورنالاستىردى.
ەركىن تۇنياز بۇكىل رايونىمىزدىڭ سيفرلاندىرا دامىتۋ جاعدايى جونىندەگى مالىمەتتى تىڭدادى. قاتىستى تاراۋلار مەن ورىندار ٴبىر تۇلعالانعان ۇكىمەتتىك قىزمەت وتەۋ تۇعىرى قۇرىلىسى، ساندى مالىمەتتەن بىرگە يگىلىكتەنۋ، ”ٴىستى جوعارى ونىمدىلىكپەن ٴبىتىرۋ“، ”ٴبىر جەلىدە ٴبىر تۇتاس باسقارۋ“ تۇعىرى قۇرىلىسى سياقتى جاقتاردى ارقاۋ ەتىپ، قولداۋ كورسەتۋگە، شەشۋگە ٴتيىستى ماسەلەلەردى، قيىنشىلىقتاردى اڭىس ەتتى. ەركىن تۇنياز قاتىستى تاراۋلاردىڭ، ورىنداردىڭ جاۋاپتى جولداستارىمەن بىرگە ٴبىر جاعىنان، تىڭداپ، ٴبىر جاعىنان، تالقىلاپ، ٴبىر ـ بىردەن زەرتتەپ، تالداۋ جاسادى، سايكەسۋدى، ىقپالداستىقتى كۇشەيتىپ، ٴتىزىم ەسەپ داپتەرىن ورناتىپ، ٴتۇيىلىسۋ ارناسىن ىركىلىسسىزدەندىرىپ، تياناقتاندىرۋ شارالارىن اشالاپ، قىزمەت بىرىككەن كۇشىن قالىپتاستىرىپ، شينجياڭنىڭ سيفرلاندىرۋ رەفورماسى قىزمەتىندە ناقتى ونىمدىلىككە قول جەتكىزۋىن ىلگەرىلەتۋدى تالاپ ەتتى.
ەركىن تۇنياز بىلاي دەپ باسا دارىپتەدى: سيفرلاندىرا دامىتۋدى جەدەلدەتۋ _ سوتسياليستىك وسىزاماندانعان قۇدىرەتتى ەل قۇرۋداعى جەتەكشى قىزمەت، باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدىڭ تابيعي تالابى. سيفرلى ۇكىمەت رەفورماسى _ اۆتونوميالى رايوندىق پارتكوم تۇراقتاندىرعان جەتەكشىلىك سيپاتتى، جاسامپازدىق سيپاتتى، ۇلگىلىك سيپاتتى كەلەلى رەفورما ٴىسى. جەر ـ جەر، تاراۋلار ساياسي دەڭگەيدى شىنايى جوعارىلاتىپ، باس شۋجي شي جينپيڭنىڭ، پارتيا ورتالىق كوميتەتىنىڭ سيفرلاندىرۋ رەفورماسى قىزمەتى جونىندەگى شەشىمدەرى مەن ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، سيفرلاندىرا دامىتۋدى جەدەلدەتۋدىڭ كەلەلى ستراتەگيالىق ٴمانىن ساياسي جانە جالپى جاعداي بيىگىنەن تانىپ، اۆتونوميالى رايوندىق پارتكوم مەن ۇكىمەتتىڭ قىزمەت ورنالاستىرۋى بويىنشا، ”ٴاردايىم قام جەپ تۇراتىن“ جاۋاپكەرشىلىك سەزىمىن اناعۇرلىم كۇشەيتىپ، ۇزدىكتەرگە تۋرالانىپ، ٴتۇرلى مىندەتتەردىڭ تياناقتانۋىن ويداعىداي مىقتى يگەرىپ، سيفرلاندىرا دامىتۋ قىزمەتىندە تىڭ تابىستارعا قول جەتكىزۋگە شىنايى كەپىلدىك ەتۋى كەرەك.
ەركىن تۇنياز بىلاي دەپ باسا دارىپتەدى: ٴتۇيىندى سالالار مەن شەشۋشى بۋىنداردى كورنەكتىلەندىرىپ، نىسانالى تۇردە كۇش توپتاپ قامال الۋ كەرەك. ٴبىر تۇلعالانعان ۇكىمەتتىك قىزمەت وتەۋ تۇعىرىن قۇرۋدى، ساندى مالىمەتتەن ورتاق يگىلىكتەنۋدى جەدەل ىلگەرىلەتۋدى سيفرلى ۇكىمەت قۇرىلىسىنىڭ نەگىزدىك سيپاتتى، ٴتۇبىرلى سيپاتتى، شەشۋشى سيپاتتى قىزمەتى رەتىندە شىنايى يگەرۋ، ويداعىداي يگەرۋ كەرەك. تۇعىر قۇرىلىسىنىڭ جالپى تۇلعالىق وي جەلىسىن ايقىنداپ، مەملەكەتتىڭ، اۆتونوميالى رايوننىڭ قاتىستى تاراۋلارىمەن جانە ايماق، وبلىس، قالالارمەن سايكەسۋدى، ٴتۇيىلىسۋدى كۇشەيتىپ، تۇعىر فۋنكتسياسىن اناعۇرلىم كەمەلدەندىرۋ كەرەك. ساندى مالىمەتتەن بىرگە يگىلىكتەنۋدى جەدەل ىلگەرىلەتىپ، ۇكىمەتتىك قىزمەت وتەۋ ىستەرىن ولشەمدەندىرۋ قىزمەتىن ورىستەتىپ، بۇكىل رايوندا ”ٴبىر ەسەپ داپتەردى“ جۇزەگە اسىرىپ، كاسىپورىندار مەن بۇقارانىڭ ٴىس بىتىرۋىندە ”ٴبىر جەلىدە ٴبىر تۇتاس ٴبىتىرۋدى“ شىن مانىندە جۇزەگە اسىرۋ كەرەك. نىسان قارجىسىن ٴبىر تۇتاس جوسپارلاپ، ودان ويداعىداي پايدالانىپ، ەڭ زور ونىمدىلىكتى ساۋلەلەندىرۋگە شىنايى كەپىلدىك ەتۋ كەرەك.
ەركىن تۇنياز بىلاي دەپ باسا دارىپتەدى: سيفرلى ۇكىمەت قۇرىلىسىن شارۋاشىلىق ـ ساۋدا ورتاسىن ساپالىلاندىرۋدىڭ ماڭىزدى تۇتقاسى ەتۋگە تاباندى بولىپ، ۇكىمەتتىك قىزمەت وتەۋ اينالىم مەحانيزمىن ونان ارى كەمەلدەندىرىپ، ساندى مالىمەتتىڭ وقشاۋ قالۋىن، وڭىرلىك شەكتەمەنى بۇزىپ، جۇيەلى شوعىرلاندىرۋدى، جۇمىس ٴتارتىبىن قايتا جاساۋدى كۇشەيتىپ، كاسىپورىن مەن بۇقارانىڭ قاجەتىن شىعار ٴتۇيىن ەتىپ، ”شينجياڭ ۇكىمەتتىك قىزمەت وتەۋ بويىنشا توردا جۇمىس ٴبىتىرۋ زالى“، ”شينجياڭ كاسىپورىن ىستەرىن توردا ٴبىتىرۋ زالى“ سياقتى تۇعىر دانەكەرلەرىن ويداعىداي قۇرىپ جانە ودان ويداعىداي پايدالانىپ، ”ٴىستى جوعارى ونىمدىلىكپەن ٴبىتىرۋ“ قىزمەتىن ٴتۇيىن ەتىپ، اناعۇرلىم كوپ جوعارى جيىلىكتەگى ىستەردىڭ ”بىتىرە الۋدان” “جاقسى بىتىرۋگە“، ”وڭاي بىتىرۋگە“، ”جوعارى ونىمدىلىكپەن بىتىرۋگە“ قاراي بۇرىلىس جاساۋىن ىلگەرىلەتۋ كەرەك. مەملەكەت مەنشىگىندەگى مال ـ مۇلىك، مەملەكەت مەنشىگىندەگى كاسىپورىنداردىڭ رولىن اناعۇرلىم ويداعىداي ساۋلەلەندىرىپ، سيفرلى كاسىپ سالاسى مەن سيفرلى ەكونوميكانىڭ دامۋىن جەدەل ىلگەرىلەتۋ كەرەك.
ەركىن تۇنياز مىنالاردى تالاپ ەتتى: قاتىستى تاراۋلار، ورىندار ”ٴبىر تۇتاس جۇيە“ يدەياسىن بەرىك ورناتىپ، جوعارى دەڭگەيدە جوبالاۋدى كۇشەيتىپ، قىزمەت مەحانيزمىن كەمەلدەندىرىپ، ساياسات، تەحنيكا، قارجى، دارىندى سياقتى جاقتارداعى قامتاماسىزدىقتى كۇشەيتىپ، جۇمىس جۇرگىزۋدى باسقارۋدى ارناعا ٴتۇسىرىپ، كەمەلدى تاجىريبەلەردى كوشىرىپ قولدانىپ، جالپىلاستىرىپ، ساندى مالىمەت حاۋىپسىزدىگى تومەنگى شەگىن بەرىك ساقتاپ، ماماندانعان جوعارى ساپالى كادرلار قوسىنىن قۇرىپ، تۇتاس رايونىمىزدىڭ سيفرلاندىرۋ قىزمەتىنىڭ جالپى تۇلعالىق دەڭگەيىن شىنايى جوعارىلاتۋى كەرەك.
چىن ۋيجۇن قاتىستى قيمىلدارعا قاتىناستى.
