اۆتونوميالى رايوننىڭ ”ۇش تەرىستىك“ ينجەنەرياسىنان قامال الۋ شايقاسى جانە تاكلاماكان قۇمدى ٴشولى جيەگى توسقاۋىل شايقاسىن جۇمىس باسىندا ىلگەرىلەتۋ (كۋرسى) ٴماجىلىسى اشىلدى
جۇڭگو ۇلگىسىندەگى وسىزامانداندىرۋدىڭ شينجياڭ امالياتىنىڭ جاسىل نەگىزىن بەكەمدەۋ كەرەك
انار بۇلت \ شينجياڭ گازەتىنىڭ ٴتىلشىسى ليۋ شياڭ 6 ـ ايدىڭ 24 ـ كۇنى چەرشەننەن حابارلايدى. 6 ـ ايدىڭ 24 ـ كۇنى اۆتونوميالى رايوننىڭ ”ۇش تەرىستىك“ ينجەنەرياسىنان قامال الۋ شايقاسى جانە تاكلاماكان قۇمدى ٴشولى جيەگى توسقاۋىل شايقاسىن جۇمىس باسىندا ىلگەرىلەتۋ (كۋرسى) ٴماجىلىسى چەرشەن اۋدانىندا اشىلدى. ٴماجىلىس شي جينپيڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، تياناقتاندىرىپ، ”ٴۇش تەرىستىك“ ينجەنەرياسىنان قامال الۋ شايقاسىن ويداعىداي جۇرگىزۋ، تاكلاماكان قۇمدى ٴشولى جيەگى توسقاۋىل شايقاسىنىڭ جەڭىسىنە قول جەتكىزۋ جونىندە تاعى دا اتتانىسقا كەلتىرىپ، ورنالاستىرۋ جاساپ، باۋلىپ، بۇكىل رايونىمىزدا جوعارىدان تومەنگە دەيىن ٴتۇرلى مىندەتتەردى ارقالاپ، ناقتاپ يگەرىپ، ويداعىداي تياناقتاندىرىپ، ەلىمىزدىڭ سولتۇستىك جاعىنداعى ەكولوگيالىق حاۋىپسىزدىك قالتقىسىن شىنايى بەكەمدەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنىڭ جاسىل نەگىزىن بەكەمدەدى. اۆتونوميالى رايوندىق پارتكومنىڭ ورىنباسار شۋجيى جاڭ جۋ ماجىلىسكە قاتىناستى ٴارى ٴسوز سويلەدى.
ٴماجىلىس مىنالاردى باسا دارىپتەدى: جەر ـ جەر، تاراۋلار ساياسي دەڭگەيدى جوعارىلاتىپ، شينجياڭنىڭ تاكلاماكان قۇمدى ٴشولى جيەگى توسقاۋىل شايقاسىنىڭ جالپى تۇلعالىق جوباسىنىڭ تالابىنا ساي، تاكلاماكان قۇمدى ٴشولى جيەگىن بوگەۋدى نەگىزگى قامال الۋ بەتالىسى، قۇم قاينارىنىڭ كەڭەيمەۋىنە شىنايى كەپىلدىك ەتۋدى نىسانا ەتىپ، جۇيەلى كوزقاراسقا تاباندى بولىپ، وزىندىك ورنىن ٴدال تاۋىپ، ”ٴبىر شەڭبەر، ەكى رايون، ٴۇش جەلىنى“ ٴتۇيىندى وڭاۋدى كورنەكتىلەندىرىپ، جەرگىلىكتى جاعدايعا قاراي ىستەپ، اپات جاعدايىنا قاراي قورعانىس جاساپ، تۇرگە ٴبولىپ شارا قولدانىپ، عىلمي جولمەن قۇمدى تىزگىندەپ، شارۋاشىلىق تۇلعالارىنىڭ رولىن ساۋلەلەندىرۋگە باسا ٴمان بەرىپ، قوعامداعى ٴار جاقتاعى كۇشتەردى قۇمايتتانۋدان ساقتانۋعا، قۇمدى تىزگىندەۋگە بەلسەنە ات سالىسۋعا جۇمىلدىرىپ، فوتوۆولت + قۇمدى تىزگىندەۋ، بيولوگيالىق جولمەن قۇمدى تىزگىندەۋ + جۇڭي ٴدارى ماتەريالدارىن ەگۋ، قۇرىلعىلى اۋىل شارۋاشىلىعى + قۇمدى تىزگىندەۋ، الدىمەن ورمان ٴوسىرىپ، ونان سوڭ اتىز جاساۋ، قۇمايتتانۋدان ساقتانۋ، قۇمدى تىزگىندەۋمەن بىرگە، جۇمىستاندىرۋ، كىرىستى ارتتىرۋ سياقتى ۇلگىلەردى اتقارۋ ارقىلى ”وڭتۇستىكتە بوگەۋ، شىعىستا كەڭەيتۋ، سولتۇستىكتە ارتتىرۋ، باتىستا قورعاۋ، ورتادا توسقاۋىلداۋ“ جۇزەگە اسىرىپ، بۇكىل ەل بويىنشا شولەيتتەنۋدەن ساقتانۋدىڭ قالىبى مەن ۇلگىسىن قۇلشىنا قالىپتاستىرۋ كەرەك.
ٴماجىلىس مىنالاردى اتاپ كورسەتتى: اۆتونوميالى رايون دەڭگەيىندە قارجى، سۋدان پايدالانۋ، جەردەن پايدالانۋ سياقتى جاقتاردى ارقاۋ ەتىپ، تاكلاماكان قۇمدى ٴشولى جيەگى توسقاۋىل شايقاسىنا قولداۋ كورسەتۋدىڭ 9 ٴتۇرلى شاراسىن العا قويىپ، قۇمايتتانۋدان ساقتانۋ، قۇمدى تىزگىندەۋدە ۇزاق ۋاقىتتان بەرى ”القىمداعان“ ماسەلەلەردى شەشۋ قاجەت. جەر ـ جەر، تاراۋلار قاتىستى قولداۋ ساياساتتارىن ٴداپ باسىپ يگەرىپ، جەتە ٴتۇسىنىپ، ٴىس جۇزىندىك جاعدايمەن ۇشتاستىرىپ ناقتى شارالاردى اشالاپ، ەڭ قاراپايىم ينجەنەريا جوباسى، ەڭ از بوداۋ بەرۋ ارقىلى ەڭ باستى نىسانا ـ مىندەتتەردى جۇزەگە اسىرۋ كەرەك.
ٴماجىلىس مىنالاردى باسا دارىپتەدى: ٴار دارەجەلى پارتكومدار مەن ۇكىمەتتەر نەگىزگى تۇلعالىق جاۋاپكەرشىلىكتى ارقالاۋى، ٴارقايسى قاتىستى تاراۋ تىعىز سايكەسۋى، سەلبەسۋى، بيڭتۋان مەن جەرگىلىكتى ورىندار بىرلەسىپ ساقتانۋدى، بىرلەسىپ وڭاۋدى كۇشەيتىپ، ٴتۇرلى مىندەتتەردىڭ تياناقتانۋىن، ناقتىلانۋىن بار كۇشپەن ىلگەرىلەتۋى كەرەك. جۇڭگو شينجياڭىنىڭ حيكاياسىن ويداعىداي بايانداۋ بيىگىنەن قۇمايتتانۋدان ساقتانۋ، قۇمدى تىزگىندەۋ جونىندەگى ۇگىتتى، حابارلاۋدى ويداعىداي ىستەپ، تۇتاس قوعام قۇمايتتانۋدان ساقتانۋعا، قۇمدى تىزگىندەۋگە نازار اۋداراتىن، قولداۋ كورسەتەتىن قويۋ راي قالىپتاستىرۋدى ىلگەرىلەتۋ كەرەك.
ماجىلىستە اۆتونوميالى رايوننىڭ 2024 ـ جىلعى 1 ـ ٴنومىرلى باس ورمان باستىعى بۇيرىعى وقىلدى؛ اۆتونوميالى رايوننىڭ ”ٴۇش تەرىستىك“ ينجەنەرياسىنان قامال الۋ شايقاسى جانە تاكلاماكان قۇمدى ٴشولى جيەگى توسقاۋىل شايقاسى قولباسشىلىق شتابىنىڭ ۇيىمداسۋ جوباسى جاريالاندى؛ اۆتونوميالى رايوندىق حالىق ۇكىمەتى قاتىستى ايماق، وبلىس، اۋدان، قالالارمەن بىرلەسىپ ٴۇش جاق جاۋاپكەرشىلىك حاتىنا قول قويىستى.
مەملەكەتتىك ورمان شارۋاشىلىعى جانە جايلىم مەكەمەسىنىڭ شولەيتتەنۋدەن ساقتانۋ جانە ونى وڭاۋ مەڭگەرمەسىنىڭ جاۋاپتى جولداستارى ٴسوز سويلەدى. ٴماردان مۇحيت ٴماجىلىستى باسقاردى، ليۋ شينجيان قاتىناستى. اۆتونوميالى رايوننىڭ قاتىستى مەڭگەرمەلەرىندەگى، مەكەمەلەرىندەگى جولداستار قاتىستى ساياساتتار جونىندە جەتەكشىلىك ىستەپ باۋلۋ جۇرگىزدى.
ماجىلىستەن بۇرىن ماجىلىسكە قاتىناساتىندار چارقىلىقتاعى، چەرچەندەگى قۇمايتتانۋدان ساقتانۋ، قۇمدى تىزگىندەۋ جونىندەگى ٴبىر بولىم نىسانداردى كوزدەن كەشىرىپ، تەكسەرۋ ـ زەرتتەۋ جۇرگىزدى.
