8 ـ كەزەكتى جۇڭگو — ازيا ـ ەۆروپا كورمەسى 6 - ايدىڭ 26 - كۇنى شينجياڭ حالىقارالىق ءماجىلىس - كورمە ورتالىعىندا اشىلادى، سۋرەتتە: شينجياڭ حالىقارالىق ٴماجىلىس ـ كورمە ورتالىعىنىڭ سىرتقى كورىنىسى (6 ـ ايدىڭ 25 ـ كۇنى تۇسىرىلگەن)
انار بۇلت \ شينجياڭ گازەتىنىڭ حابارى (سۋرەتىن ءتۇسىرىپ، ماقالاسىن جازعان تىلشىلەر: تاڭ يۇڭ، لي شيۇڭشين). 6 - ايدىڭ 25 - كۇنى، 8 ـ كەزەكتى جۇڭگو — ازيا ـ ەۆروپا كورمەسىنىڭ ٴتۇرلى دايىندىق قىزمەتتەرى اياقتادى، سالتاناتتى جينالىس باستالۋ الدىندا.
جۇڭگو — ازيا ـ ەۆروپا كورمەسى 6 ـ ايدىڭ 26 ـ كۇنىنەن 30 ـ كۇنىنە دەيىن ءۇرىمجى قالاسىندا وتكىزىلەدى، جالپى 50 مەملەكەت، ءوڭىر جانە حالىقارالىق ۇيىمنان، 30 ولكە، اۆتونوميالى رايون، توتەقاراستى قالا، شينجياڭ ٴوندىرىس ـ قۇرىلىس بيڭتۋانىنان جانە 14 ايماق، وبلىس، قالادان كەلگەن 1900دەن استام كاسىپورىن مەن قۇرىلىم كورمەگە قاتىناسادى.
وسى كەزەكتى جۇڭگو — ازيا - ەۆروپا كورمەسىنىڭ بولمە ٴىشى ـ سىرتى كورمە اۋدانى 140 مىڭ شارشى مەتر، قارجى قوسۋ سەلبەستىگى، حالىقارا، ەرەكشە كاسىپ سالاسى، جابدىق جاساۋ سىندى 4 كورمە اۋماعى ورنالاستىرىلعان، كورمەدە جالپى 14 كورمە سارايى جانە 2 بولمە سىرتى كورمە اۋماعى بار بولىپ، ءبىرىنشى ءنومىرلى سارايدان جەتىنشى ءنومىرلى سارايعا دەيىن تۇگەلدەي ەرەكشە ارلەنگەن كورمە تەكشەسى بولىپ، جالپى كورمە سارايىن ەرەكشە ارلەندىرۋ مولشەرى %77كە جەتكەن.
كورمەدە تاعى تۇڭعىش رەت ورتالىق كاسىپورىندار سارايى، ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان كاسىپورىن سارايى، گۋاڭدۇڭ، شياڭگاڭ، اۋمىن وڭىرىندەگى كاسىپورىندار سارايى، شينجياڭنىڭ ”سەگىز ٴىرى كاسىپ سالاسى شوعىرى“ كاسىپ سالاسى تىزبەگىنىڭ تىزبەك باسى كاسىپورىندار سارايى سىندى 4 ۇلكەن كورمە سارايى ورنالاستىرىلدى.
ورنالاسىپ بولعان حوتان كورمە سارايى (6 - ايدىڭ 25 - كۇنى تۇسىرىلگەن).
ورنالاسىپ بولعان جۇڭگو عارىش عىلىم ـ تەحنيكا توبى شەكتى سەرىكتەستىگىنىڭ كورمە سارايى (6 ـ ايدىڭ 25 ـ كۇنى تۇسىرىلگەن).
ورنالاسىپ بولعانٴۇرىمجى كورمە سارايى (6 - ايدىڭ 25 - كۇنى تۇسىرىلگەن).
6 ـ ايدىڭ 25 ـ كۇنى كورمەگە قاتىناسۋشىلار گانا مەملەكەت سارايىندا سوڭعى جۇمىستارىن ىستەۋدە.
6 - ايدىڭ 25 - كۇنى قازاقستاننان كەلىپ كورمەگە قاتىناسقان ساۋداگەرلەر كورمە ورنىنا كورمە بۇيىمدارىن قويۋدا. كورمە كەزىندە وسى كورمەگە قاتىناسقان ساۋداگەرلەر ەرەكشە ازىق ـ تۇلىك، ٴىنجۋ ـ مارجان، القا ـ مونشاق سياقتىلاردى ٴتۇيىندى تۇردە كورمەلەيدى.
6 ـ ايدىڭ 25 ـ كۇنى ۆيەتنامنان كەلىپ كورمەگە قاتىناسقان ساۋداگەرلەر كورمە ورنىنا كوفە سياقتى كورمە بۇيىمدارىن قويۋدا.
6 - ايدىڭ 25 - كۇنى وزبەكستان مەملەكەت سارايىنىڭ سىرتقى كورىنىسى. بۇل ساراي اۋىل شارۋاشىلىعى، ەنەرگيا سياقتى سالالارداعى ساپالى ونىمدەردى ٴتۇيىندى تۇردە كورمەلەيدى.
