![](http://kazakh.ts.cn/pic/003/528/243/00352824359_fd2ae435.jpg)
6 - ايدىڭ 20 - كۇنى ٴۇرىمجى قالاسى حۇڭگۋاڭشان جولىنداعى تاقىرىپتىق كورىنىس گۇلدىگى كوپتەگەن جۇرگىنشىلەردى سۋرەتكە تۇسۋگە باۋرادى. 8 ـ كەزەكتى جۇڭگو — ازيا ـ ەۆروپا كورمەسى اشىلۋ الدىندا، ٴۇرىمجى قالاسىنىڭ كوشەلەرىندەگى الۋان ءتۇرلى كورىنىستىك گۇلدىكتەر ىركەس ـ تىركەس بوي كورسەتتى. سۋرەتتى تيانشان تورى - شينجياڭ گازەتىنىڭ ٴتىلشىسى لي شيۇڭشين تۇسىرگەن
تيانشان تورى - شينجياڭ گازەتىنىڭ حابارى (ٴتىلشى حي حۇڭۋي حابارلايدى) 8 ـ كەزەكتى جۇڭگو — ازيا ـ ەۆروپا كورمەسى اشىلۋ الدىندا، ٴۇرىمجى قالاسى قالا ورتاسى، قويۋ راي قالىپتاستىرۋ سىندى جۇمىستاردان باستاپ كىرىسىپ، قورشاعان ورتانى كەشەندى رەتتەۋ ـ وڭاۋ قىزمەتىن جەدەل ورىستەتىپ، شات ـ شادىمان بەرەكەلى راي قالىپتاستىرۋعا كۇش سالىپ، ەل ٴىشى ـ سىرتىنان كەلگەن سيلى قوناقتاردى قارسى الدى.
وسى 2 كۇندە، ”تۇلپار شينشين“، ”جۇڭگو — ازيا ـ ەۆروپا كورمەسىنە نازار“ دەگەن جازۋ بار كورىنىستىك گۇلدىك شينجياڭ حالىقارالىق ءماجىلىس - كورمە ورتالىعى، شيداچياۋ كوپىرى سياقتى ٴتۇيىندى وڭىرلەرگە قويىلدى.
![](http://kazakh.ts.cn/pic/003/528/243/00352824360_c539138c.jpg)
ٴۇرىمجى شيداچياۋ كوپىرىندەگى كورىنىستىك گۇلدىك. سۋرەتتى تيانشان تورى - شينجياڭ گازەتىنىڭ ٴتىلشىسى حي حۇڭۋي تۇسىرگەن
ٴۇرىمجى قالاسى ”نەگىزگى تاقىرىبى ايقىن، بوياۋى قانىق، ٴپىشىنى وزگەشە، گۇل ٴتۇرى مول بولۋ“ پرينسيبى بويىنشا، الاسا شىرماۋىق، كۇڭچۋەساۋ، ايدارگۇل سياقتى ءوڭى اشىق گۇل - شوپتەردەن پايدالانىپ، حىتان تەز قارقىندى جولى، اۋەجاي، حالىق الاڭى سياقتى ٴتۇيىندى وڭىرلەرگە 47 توپ كورىنىستىك گۇلدىكتەردى قويىپ، ادەمى جانە قويۋ مەرەكەلىك تۇسكە يە كورىنىس قالىپتاستىرىپ، قالانىڭ تارتىمدىلىعىن ايگىلەدى.
ٴۇرىمجىنىڭ نەگىزگى جولىندا قىزمەتكەرلەردىڭ جول جوندەۋ ، جارىقتاندىرۋدى تەكسەرۋ-جوندەۋ سياقتى قىزمەتتەردى ىستەپ جاتقانىن كورۋگە بولادى. كورمە ۋاقىتى تاياپ قالدى، ٴۇرىمجى تاعى ورتا تازالىعى، قالا قۇرىلعىلارى، قالانى جارىقتاندىرۋ، الەۋمەتتىك كەڭىستىك سياقتى 6 جاقتى ارقاۋ ەتىپ، قالانى كورىكتەندىرۋ تەبىنىن ارتتىرىپ، تازا، ٴتارتىپتى قالا ورتاسىن قالىپتاستىردى.
ٴۇرىمجى قالالىق قالا باسقارۋ مەكەمەسى (اكىمشىلىك زاڭ اتقارۋ مەكەمەسى) قورشاعان ورتانى كەشەندى رەتتەۋ ـ وڭاۋ ٴبولىمىنىڭ باستىعى دۇڭ گو ـ ي مىنالاردى ٴبىلدىردى: تاياۋدا قورشاعان ورتا تازالىعى، قالا قۇرىلعىلارى، قالا شىراقتارى سياقتى جاقتاردى ۇزدىكسىز ارقاۋ ەتە تەكسەرۋ جۇرگىزىپ، بايقالعان ماسەلەلەردى تاباندا اتقارىپ، تاباندا تۇزەتىپ، ”قاداعالاپ ىستەۋ، ىلەسە ٴبىتىرۋ“ ٴتاسىلىن قولدانىپ، ٴتۇرلى قىزمەتتەردىڭ تياناقتانۋىن ويداعىداي يگەرىپ، كوركەم قالا ورتاسىن قالىپتاستىرۋعا كۇش سالدىق.
![](http://kazakh.ts.cn/pic/003/528/243/00352824361_53d07d07.jpg)
شينجياڭ حالىقارالىق ءماجىلىس - كورمە ورتالىعىنداعى كورىنىستىك گۇلدىك. سۋرەتتى تيانشان تورى - شينجياڭ گازەتىنىڭ ٴتىلشىسى حي حۇڭۋي تۇسىرگەن
قالا رايىن قالىپتاستىرۋ جاعىندا، ٴۇرىمجى قالاسى جارىقتاندىرۋ قىزمەت جوباسىن جاساپ، بۇكىل قالاداعى الەۋمەتتىك جارىقتاندىرۋ قۇرىلعىلارىن جاپپاي تەكسەرىپ، قورعاپ، جوندەپ، ماڭىزدى مەرەكە ـ مەيرامدار مەن كەلەلى قيمىلدار كەزىندەگى قالا جولدارىنداعى جارىقتاندىرۋ قۇرىلعىلارىنىڭ اقاۋسىزدىعىنا تولىق كەپىلدىك ەتتى. قاتىستى تاراۋلار ٴتۇيىندى وڭىرلەردەگى، ٴتۇيىندى جەلىلەردەگى جارىقتاندىرۋ قۇرىلعىلارىن، LED شىراعىن كۇتىمدەدى، سونىمەن بىرگە، اۋەجاي جوعارى قارقىندى تاس جولىنىڭ ەكى جاعىنداعى شىراق باعاناسىنا 222 دانا 8 ـ كەزەكتى جۇڭگو — ازيا ـ ەۆروپا كورمەسىنىڭ تۋىن ءىلدى.
ۇعىسۋعا قاراعاندا، وسى كەزەكتى كورمە كەزىندە، ٴۇرىمجى حۇڭشان شيداچياۋ كوپىرى اۋماعى، ٴماجىلىس ـ كورمە ورتالىعى اۋماعى، دوستىق ساۋدا سارايى شوعىرى سياقتى وڭىرلەردىڭ شىراق شوۋى قۇرىلعىلارى مەرەكە كەزىندەگى قالىپقا تۇسەدى ەكەن. سونىمەن بىرگە، نەگىزگى جول، الاڭ، باقشا، ماڭىزدى ساۋدا كوشەسى رايوندارىنىڭ كورىنىستىك جارىقتاندىرۋ قۇرىلعىلارىن اشىپ، سالتاناتتى جينالىس رايىن تۇلعالايدى.