انار بۇلت \ شينجياڭ گازەتىنىڭ ٴتىلشىسى گى يوۋجۇن
4 - ايدىڭ اياق شەنىندە، شونجى اۋدانى بانجيەگوۋ قالاشىعىنىڭ ياۋجانزى قىستاعىنا بارا قالساڭىز، جازعى اۋىل ـ قىستاقتىڭ تۇتاس كورىنىسى كوز الدىڭىزعا كەلەدى.
10 مىڭ مۋلىق ءبيداي بۋىنداۋ مەزگىلىنە وتكەن، تۇتاسقان ەگىنجاي ماساتىداي قۇلپىرىپ الىسقا كوسىلىپ جاتىر، قىستاقتاعى مايتيان الاڭى سياقتى ساياحاتتاعى ات بايلار جەردە ساياحاتشىلار كوڭىلدى ساتتەردەن مەيلىنشە ٴلاززات الادى. ال قىستاقتاعى جاسىل، ورگانيكالى ۇن وڭدەۋ زاۆودىندا بىرنەشە ٴوندىرىس جەلىسى تارتىپپەن جۇمىس جۇرگىزۋدە، وڭدەلىپ بولعان ۇن جەر ـ جەردەگى بازارعا ساتىلادى.
بۇرىنعى ادامدار كوپ بىلە بەرمەيتىن كەدەي قىستاق بۇگىنگى تاڭدا اتى الىس ـ جاقىنعا ايگىلى ”ٴجۇز ميلليون يۋاندىق قىستاققا“ اينالدى، بۇل ياۋجانزى قىستاعىنىڭ شىنايى بەينەسى. قىستاق تۇرعىندارى وسى وزگەرىستەرگە باستاۋشى بولعان قىستاقتىڭ جاقسى قوجايىنى _ تاڭ پەيكى دەسەدى.
پارتيا ۇيىمىن كۇشەيتىپ قۇرىپ، دامۋعا ومىرشەڭدىك كۇش ۇستەدى
2005 ـ جىلى تاڭ پەيكى ياۋجانزى قىستاعى پارتيا باس ياچەيكاسىنىڭ شۋجيى بولدى.
سول كەزدە قىستاقتىڭ ەكونوميكاسىن دامىتۋ سياقتى قىزمەتتەردى جيىن اشىپ اقىلداسقاندا، پارتيا مۇشەسى مەن كادىرلاردىڭ كوبىندە وي دا، ٴادىس تە جوق بولاتىن.
وسى ماسەلەگە مەڭزەس، تاڭ پەيكى پارتيا مۇشەلەرى مەن كادرلار قوسىنىن كۇشەيتىپ قۇرۋدان باستاپ كىرىسىپ، ستيل قۇرىلىسىن، ٴتۇزىم قۇرىلىسىن مىقتى ۇستادى.
مىندەتكە شىققاننان كەيىن، تاڭ پەيكى اۋىل ـ قىستاق جارامدى دارىندىلارىن قىستاقتىڭ ”ەكى كوميتەت“ باسشىلىق القاسىنا بەلسەنە قابىلدادى، سونىمەن بىرگە قىستاق دارەجەلى ۇقىق ٴتىزىمىن ورناتىپ، اقاۋسىزداندىرىپ، قىستاقتاعى بارلىق كەلەلى ىستەردى جۇيەلى ٴبىر جاقتى ەتتى ٴارى بارلىق قىستاق تۇرعىندارىنىڭ باقىلاۋىن قابىلدادى.
پارتيا مۇشەسى گاۋ چي ياۋجانزى قىستاعىنداعى ٴبيداي ەگۋ شەبەرى، سونداي ـ اق قىستاقتاعى سەلبەستىك كووپەراتيۆىنىڭ ٴبيداي ەگىمشىلىگىندەگى ”ۇلكەن اۋماق باستىعى“ بولاتىن، 30 نەشە ”اۋماق باستىعىن“ باسقارىپ، 30 مىڭ مۋعا جۋىق ٴبيداي ەگۋشى ەدى.
”پارتيا مۇشەلەرى ۇلگىلىك، باستاماشىلدىق رولدارىن ساۋلەلەندىرۋى كەرەك، سوندا عانا قىستاق تۇرعىندارىن ەكونوميكانى دامىتۋعا باستاۋعا بولادى“، ـ دەدى گاۋ چي.
![](http://kazakh.ts.cn/pic/003/528/243/00352824369_c92a34e1.jpg)
4 - ايدىڭ 9 - كۇنى ياۋجانزى قىستاعىنىڭ ورگانيكالى لاعىمان زاۆوتىندا قىستاق پارتيا باس باچەيكاسىنىڭ شۋجيى تاڭ پەيكى (وڭدا) كاسىپورىن جاۋاپتىسىمەن جاسىل ورگانيكالى اۋىل شارۋاشىلىق ونىمدەرىن وڭدەۋ، ساۋدالاۋ جايلى كەڭەسۋدە. سۋرەتتى دىڭ يۋەلۇڭ تۇسىرگەن
2009 ـ جىلدان باستاپ ياۋجانزى قىستاعى ”پارتيا باس ياچەيكاسى + سەلبەستىك كووپەراتيۆى + شارۋالار“ سىندى ٴۇش ٴبىر تۇلعالانعان شوعىرلى شارۋاشىلىق ۇلگىسىن اتقارىپ، بۇكىل قىستاقتىڭ جەرىن تۇگەل سەلبەستىك كووپەراتيۆىنىڭ ٴبىر تۇتاس شارۋاشىلىق جۇرگىزۋىنە، باسقارۋىنا وتكەرىپ، قىستاقتا بىرتىندەپ جاسىل، ورگانيكالى ٴبيداي ەگىمشىلىگى، ۇن سياقتى اۋىل شارۋاشىلىق ونىمدەرىن جىنتىكتەي وڭدەۋ، اس ـ سۋ، ٴدامدى تاعامدار، اۋىل ـ قىستاق ساياحاتى سياقتىلار توعىسا دامىعان كاسىپ سالاسى تىزبەگىن قالىپتاستىردى. 2023 ـ جىلى ياۋجانزى قىستاعىنىڭ جالپى ٴونىم قۇنى 560 ميلليون يۋان، قىستاق تۇرعىندارىنىڭ جان باسىندىق ورتاشا كىرىسى 30 مىڭ 600 يۋان بولدى.
وسى جىلدارى ياۋجانزى قىستاعى پارتيا باس ياچەيكاسى ىلگەرىندى ـ كەيىندى ”اۆتونوميالى رايوندىق ۇزدىك نەگىزگى ساتى پارتيا ۇيىمى“، اۆتونوميالى رايوننىڭ ”بەستە جاقسى“ پارتيا ياچەيكاسىنان ۇلگى كورسەتۋ ٴتۇيىنى بولىپ باعالاندى. وسى قىستاق ىلگەرىندى ـ كەيىندى مەملەكەتتىك قونىسقا جايلى كورىكتى اۋىل - قىستاق، مەملەكەتتىك اۋىل ـ قىستاقتى باسقارۋداعى ۇلگىلى قىستاق بولىپ باعالاندى. 2022 ـ جىلى تاڭ پەيكى بۇكىل ەلدەگى ”حالىق رازى مەملەكەت قىزمەتكەرى“ بولىپ باعالاندى.
ٴۇش كاسىپ سالاسىنىڭ توعىسۋ تىزبەگى، قىستاق تۇرعىندارىن بايىتۋ تىزبەگى
”وسى بىرنەشە كۇندە ٴبىز ٴبىر حالىقارالىق ساۋدا سەرىكتەستىگى ارقىلى ياۋجانزىنىڭ قولمەن سوزىلعان ورگانيكالى لاعمانىن ەكسپورت ەتۋ ىستەرىن ىلگەرىلەتىپ، بازارداعى ساتۋ جولىن ونان ارى كەڭەيتتىك“، ـ دەدى تاڭ پەيكى.
2009 ـ جىلى ياۋجانزى قىستاعى شونجى اۋدانى فىڭيۇي اۋىل شارۋاشىلىعى بويىنشا قىزمەت وتەۋ كاسىپتىك سەلبەستىك كووپەراتيۆىن قۇرىپ، ”پارتيا باس ياچەيكاسى + سەلبەستىك كووپەراتيۆى + ەگىنشىلىك وتباسى“ ءۇش ءبىر تۇلعالانعان شوعىرلى تيجارات ۇلگىسىن اتقاردى، بۇكىل قىستاقتاعى 443 وتباسىنداعى قىستاق تۇرعىنى سەلبەستىك كووپەراتيۆىنىڭ ”جارنا ۇلەسكەرىنە“ اينالدى، بۇكىل قىستاق ”ٴبىر اتىزدى“ بىرگە ەگىپ، كووپەراتيۆ مۇشەلەرىندە جەردى وتكەرمەلەۋ قاراجاتى بولىپ قانا قويماي، جىل سوڭىندا پايدانى دا ٴبولىستى.
”بيىل قىستاعىمىزدىڭ دامۋ وي جەلىسى: 1 ـ كاسىپ سالاسىندا قۇرىلىمدى رەتتەۋ، 2 ـ كاسىپ سالاسىندا جوسپارلاۋ ـ ساتۋدى يگەرۋ، 3 ـ كاسىپ سالاسىندا ساپا مەن ونىمدىلىكتى ارتتىرۋ“. تاڭ پەيكى بىلاي دەدى: بيىل سەلبەستىك كووپەراتيۆىنىڭ ەگىلگەن جەرى 200 مىڭ مۋ، مۇنىڭ ىشىندە 100 مىڭ مۋ جەرگە جاسىل، ورگانيكالى ٴبيداي، 100 مىڭ مۋ جەرگە باسقا جوعارى ٴونىمدى داقىلدار ەگىلگەن. سۋ مەن تىڭايتقىشتى ٴبىر تۇلعالاندىرۋ سياقتى وزىق ٴوندىرىس تەحنيكاسىن قولدانۋ ارقىلى ەگىمشىلىك كاسىبىنىڭ ٴونىم مولشەرى ارتىپ، ونىمدىلىگى جوعارىلادى.
وسى جىلداردا ياۋجانزى قىستاعى سەلبەستىك كووپەراتيۆىنە سۇيەنىپ، جاسىل، ورگانيكالى ٴبيدايدى، قارا استىقتى جەتەكشى ەتكەن جاسىل، ورگانيكالى ەگىمشىلىكتى زور كۇشپەن دامىتتى. وسى نەگىزدە ىلگەرىندى ـ كەيىندى شينجياڭ فىڭي اۋىل شارۋاشىلىعىن دامىتۋ شەكتى سەرىكتەستىگىن، شينجياڭ فىڭي مادەنيەتتى، ساياحاتتى دامىتۋ شەكتى سەرىكتەستىگىن جانە شينجياڭ ياۋجانزى شارۋاشىلىق توبى شەكتى سەرىكتەستىگىن قۇردى، ”ياۋجانزى“ ماركالى جاسىل، ورگانيكالى ۇن، قولمەن سوزىلعان ورگانيكالى لاعمان سياقتى 40 نەشە ٴتۇرلى جاسىل، ورگانيكالى اۋىل شارۋاشىلىق ونىمدەرىن تۇلعالادى، سونداي ـ اق مايتيان الاڭى، سۇيكىمدى ەرمەك جانۋارلار حايۋاناتتار باقشاسى، ساياحات ـ ساۋدا كوشەسى، ٴبيداي مۇراجايى سياقتى كورىنىس تۇيىندەرىن سالىپ، اۋىل ـ قىستاق جالپى وڭىرلىك ساياحاتىنىڭ دامۋىن ىلگەرىلەتتى.
”جالاڭ اۋىل شارۋاشىلىعى ەكونوميكاسىنان 1 ـ ، 2 ـ ، 3 ـ كاسىپ سالالارىنىڭ توعىسپالى دامۋىنا دەيىن ٴبىز كاسىپ سالاسى تىزبەگىن ۇزدىكسىز ۇزارتىپ، كاسىپ سالاسى قۇن تىزبەگىنىڭ دەڭگەيىن كوتەرىپ، كاسىپ سالاسى تىزبەگىن قىستاق تۇرعىندارىن بايىتۋ تىزبەگىنە اينالدىردىق“، ـ دەدى تاڭ پەيكى.
اۋىل ـ قىستاقتىڭ بەت ـ بەينەسى جاڭارىپ، بۇقارا قۋانىشقا شومدى
4 - ايدىڭ 27 - كۇنى تاڭەرتەڭ ياۋجانزى قىستاعىنىڭ 71 جاستاعى تۇرعىنى ۋاڭ جينتاڭ تاڭعى اسىن ىشكەننەن كەيىن، كۇندەگىسىندەي قىستاقتاعى قىستاق تۇرعىندارى مادەنيەت قيمىل ورتالىعىنا كەلىپ، ٴار ٴتۇرلى مادەنيەت قيمىلدارىنا قاتىناسادى، بۇل ونىڭ جانە قىستاقتاعى كوپتەگەن قارتتىڭ كۇندەلىكتى ٴىسى.
”قىستاعىمىز بارعان سايىن جاقسى دامىپ كەلەدى، تۇرمىسىمىز دا بارعان سايىن جاقسارا ٴتۇستى، ەرەكشە راحات!“ ـ دەدى ۋاڭ جينتاڭ.
ياۋجانزى قىستاعى پارتيا باس ياچەيكاسىنىڭ ورىنباسار شۋجيى ليۋ چاڭحۇي بىلاي دەپ تانىستىردى: وسى جىلداردا قىستاق كورىكتى اۋىل ـ قىستاق قۇرىلىسىن زور كۇشپەن ىلگەرىلەتىپ، جيىنى 300 ميلليون يۋان قارجى قوسىپ، ىلگەرىندى ـ كەيىندى قىستاقتى جاسىلداندىرۋ، كورىكتەندىرۋ، جولدى قاتتىلاندىرۋ، جارىقتاندىرۋ، ۇيلەردى جاڭالاپ، دەڭگەيىن كوتەرۋ، شوعىرلى جىلۋمەن، سۋمەن قامداۋ جانە لاس سۋ شىعارۋ، قوقىر ـ قوقسىقتى شوعىرلى ٴبىر جاقتى ەتۋ، لاس سۋدى ٴبىر جاقتى ەتۋ پۋنكتى سالۋ سياقتى كوپتەگەن حالىققا ٴتيىمدى نىسانداردى اتقارىپ، قىستاقتىڭ بەت ـ بەينەسى شىتتاي جاڭارىپ، قىستاق تۇرعىندارىنىڭ تۇرمىسى اناعۇرلىم ساپالى بولدى.
![](http://kazakh.ts.cn/pic/003/528/243/00352824370_1ddd6710.jpg)
4 - ايدىڭ 9 - كۇنى ياۋجانزى قىستاعىنىڭ جاڭادان اشقان مايباۋلىيۋان ساۋىق - سايران الاڭىندا قىستاق پارتيا باس ياچەيكاسىنىڭ شۋجيى تاڭ پەيكى (وڭنان 2 -) قىستاقتاعى پارتيالى كادرلارمەن اۋىل - قىستاق ساياحاتىن دامىتۋ قىزمەتى جايلى كەڭەسۋدە. سۋرەتتى دىڭ يۋەلۇڭ تۇسىرگەن
2021 ـ جىلى 12 ـ ايدا ياۋجانزى قىستاعىنىڭ ”ەكى كوميتەتى“ ”ٴتورتتى كەڭەسۋ، ەكىنى جاريا ۇستاۋدى“ ماقۇلداپ، «ياۋجانزى قىستاعىنىڭ قوعامدىق ىنتالاندىرۋ جانە يگىلىك ٴتۇزىمىن» جاساپ، قىستاقتاعى سالماقتى اۋرۋى بار ناۋقاستار، جاسى ۇلكەن قارتتار، جوعارى مەكتەپ وقۋشىلارى سياقتى شوعىرلارعا ٴار جىلى 1000 يۋان نان 10 مىڭ يۋانعا دەيىنگى تۇرلىشە كومەك قاراجات نەمەسە سيلىق اقشا بەرۋدى ۇيعارىپ، قىستاق تۇرعىندارىنا اۋىل ـ قىستاقتى گۇلدەندىرۋدىڭ پايداسىن شىنايى سەزىندىردى.
ياۋجانزى قىستاعى يگىلىكتى تىرەك ەتىپ، قىستاق تۇرعىندارىنىڭ قىستاق قاعيداسىنا، تۇرعىندار شارتىنا بويسۇنۋىن تاڭداۋلى پارتيا مۇشەسى، ەڭ ارداقتى وتباسى، جاقسى ەنە ـ كەلىن سياقتىلاردى باعالاۋمەن تىكەلەي بايلانىستىرىپ، وركەنيەت ولشەمىنە بويسۇنۋدى قىستاق تۇرعىندارىنىڭ سانالىلىعىنا اينالدىردى. 2020 ـ جىلى ياۋجانزى قىستاعى ٴساتتى تۇردە مەملەكەتتىك وركەنيەتتى قىستاق ـ قالاشىق بولىپ قۇرىلدى.
”وسى جىلداردا ٴبىز دامۋ بارىسىندا ٴبىراز ناتيجەگە قول جەتكىزدىك، ايتسەدە قازىرگىگە قاناعات ەتپەيمىز، تاعى دا قايراتتانا ىستەيمىز، الدا ياۋجانزى قىستاعىنىڭ اناعۇرلىم باي، اناعۇرلىم كورىكتى بولاتىندىعىنا سەنەمىز“، ـ دەدى تاڭ پەيكى.