3 توپتا 4 جىكتەگى 8 ٴتۇرلى 109 ”شينجياڭ ساپاسى“ ونىمدەرى ٴتىزىمىن جاريالادى
تيانشان تورى \ شينجياڭ گازەتىنىڭ حابارى (سۋرەتىن ءتۇسىرىپ، ماقالاسىن جازعانٴتىلشى سو رۇڭجى). 6 ـ ايدىڭ 4 ـ كۇنى ”دۇنيە جۇزىلىك مويىنداۋ كۇنى“ كەلۋ قارساڭىندا، اۆتونوميالى رايوندىق بازار باقىلاۋ ـ باسقارۋ مەكەمەسى ۇرىمجىدە 2024 ـ جىلعى شينجياڭنىڭ انىقتاما بەرۋ، مويىنداۋ، تەكسەرۋ، تەكسەرۋ ـ ولشەۋ بويىنشا ەكونوميكانىڭ جوعارى ساپالى دامۋىنا قىزمەت وتەۋ نەگىزگى تاقىرىپتىق قيمىلىن وتكىزدى. ماقساتى قيمىل ارقىلى قالىڭ انىقتاما بەرۋ قۇرىلىمدارىنىڭ، تەكسەرۋ، تەكسەرۋ ـ ولشەۋ قۇرىلىمدارىنىڭ تەكسەرۋ، تەكسەرۋ ـ ولشەۋ، انىقتاما بەرۋ قىزمەت وتەۋىنە بەلسەنە ات سالىسىپ، تەحنيكا جونىندە پىكىر اۋىستىرۋ مەن كەڭ كولەمدە سەلبەستىك جۇرگىزۋ ورىستەتىپ، رايونىمىزدىڭ انىقتاما بەرۋ، مويىنداۋ، تەكسەرۋ، تەكسەرۋ ـ ولشەۋ قىزمەت وتەۋ دەڭگەيى مەن قوعامدىق ىقپال كۇشىن ۇزدىكسىز جوعارىلاتىپ، بۇكىل رايون ەكونوميكاسىنىڭ جوعارى ساپالى دامۋىنا قىزمەت وتەۋگە جۇمىلدىرۋ بولىپ تابىلادى.
![](http://kazakh.ts.cn/pic/003/528/269/00352826963_a2a0e585.jpg)
تاقىرىپتىق قيمىلدىڭ ناق مايدانى.
بيىل 6 ـ ايدىڭ 9 ـ كۇنى 17 ـ رەتكى ”دۇنيە جۇزىلىك مويىنداۋ كۇنى“، دۇنيە جۇزىندەگى ٴار ەل انىقتاما بەرۋ، مويىنداۋ، تەكسەرۋ، تەكسەرۋ ـ ولشەۋ قىزمەتىن ۇگىتتەيتىن جانە ىلگەرىلەتەتىن ورتاق مەرەكە، بيىلعى ەلىمىزدىڭ نەگىزگى تاقىرىبى ”انىقتاما بەرىپ بەكىتۋ، تەكسەرۋ، تەكسەرۋ ـ ولشەۋ: جاڭالىق اشۋ، سەلبەستىك، بولاشاق“.
سوڭعى جىلدارى، اۆتونوميالى رايوندىق بازار باقىلاۋ ـ باسقارۋ مەكەمەسى ساپادا قۋاتتى رايون ستراتەگياسىن مىقتاپ ارقاۋ ەتىپ، ساپانىڭ ماركا، ولشەم، ەسەپتەۋ، انىقتاما بەرۋ، مويىنداۋ، تەكسەرۋ جانە تەكسەرۋ ـ ولشەۋ ”قۇرال ساندىعىن“ جان ـ جاقتى قولدانىپ، تەحنيكالىق قۇرىلىمداردى ساپانى سالىستىرۋ، ساپاعا تالداۋ جاساۋ ورىستەتۋگە ۇيىمداستىرىپ، تەكسەرۋ، تەكسەرۋ ـ ولشەۋ، انىقتاما بەرۋ بويىنشا قىزمەت وتەۋ كاسىبىنىڭ كاسىپ سالاسىمەن توعىسىپ دامۋىن ىلگەرىلەتىپ، تەكسەرۋ، تەكسەرۋ ـ ولشەۋ بويىنشا قامداۋ مەن قاجەتسىنۋدىڭ ٴتۇيىلىسۋىن كۇشەيتىپ، شاعىن، ۇساق كاسىپورىندارعا دالمە ـ ٴدال كومەكتەسۋ ـ سۇيەمەلدەۋ سياقتى قيمىلداردى ىشكەرىلەي ورىستەتىپ، ”شينجياڭ ساپاسى“ وڭىرلىك الەۋمەتتىك ماركا قۇرىلىسى ينجەنەرياسىن ۇزدىكسىز ىلگەرىلەتىپ، رايونىمىزدىڭ جوعارى ساپالى دامۋىنا جاڭا قوزعاۋشى قۋات قوستى.
”شينجياڭ ساپاسى“ وڭىرلىك الەۋمەتتىك ماركا قۇرىلىسى ينجەنەرياسىندا ساتىلاي ىلگەرىلەتۋ پرينسيبى بويىنشا، 3 توپتا 4 جىكتەگى 8 ٴتۇرلى 109 ” شينجياڭ ساپاسى“ ونىمدەرى ٴتىزىمى جاريالاندى، بۇل ماركا قالىپتاستىرۋعا نەگىز قالادى، سونداي ـ اق 23 كاسىپورىننىڭ 84 ٴتۇرلى ٴونىمى انىقتاما بەرۋدەن ٴوتىپ، ”شينجياڭ ساپاسى“ انىقتاما كۋالىگىن الدى.
اۆتونوميالى رايوندىق بازار باقىلاۋ ـ باسقارۋ مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى جۋ شين مىنانى ٴبىلدىردى: شارت ـ جاعدايى بار كاسىپورىنداردى، كاسىپ سالا ۇيىمدارىن، كاسىپتىك قۇرىلىمداردى ىرىقتىلىقپەن حالىقارالىق بازارمەن تۇيىلىسۋگە، حالىقارالىق ولشەممەن سالىستىرۋدى بەلسەنە ورىستەتۋگە، حالىقارالىق ولشەمدى جاساۋعا قاتىسۋعا ۇزدىكسىز ىنتالاندىرىپ، شينجياڭنىڭ باسىمدىققا يە كاسىپ سالاسى مەن ەرەكشە ونىمدەرىنىڭ سىرتقا شىعۋىنا دەم بەرەمىز. تەكسەرۋ، تەكسەرۋ ـ ولشەۋ ارقىلى كاسىپ سالاسىن ساپالىلاندىرىپ، دارەجەسىن جوعارىلاتۋ ارەكەتىن ىشكەرىلەي ورىستەتىپ، ”تىزبەك باسىنىڭ“ جانە تىرەكتى كاسىپورىنداردىڭ جوعارى ـ تومەن بۋىنداعى كاسىپورىنداردى ورتاق ساپا باسقارۋ جۇيەسىنە ەنگىزۋىنە جەتەكشىلىك ەتىپ، باسىمدىققا يە كاسىپ سالاسىنىڭ ”ۇساقتان“ ”ۇلكەنگە“ شوعىرلانۋىن، ”ۇلكەننەن“ ”قۋاتتى بولۋعا“ ويىسۋىن ىلگەرىلەتىپ، تۇتاس كاسىپ سالا تىزبەگىنىڭ قارىشتاپ دامۋىن ىلگەرىلەتەمىز.
سول كۇنى، شيامىن قالالىق ازىق ـ تۇلىك حاۋىپسىزدىگى قىزمەتى بىرلەستىگى مەن ”شينجياڭ ساپاسى“ وڭىرلىك الەۋمەتتىك ماركاسى حالىقارالىق انىقتاما بەرۋ وداعى ”لۋپين“ جانە ”شينجياڭ ساپاسى“ ماركاسى جونىندە ستراتەگيالىق سەلبەستىك كەلىسىمىن جاساستى. كەلىسىمگە ساي، ەكى جاق ٴونىمنىڭ ورتاق ولشەمىن زەرتتەۋ، ولشەم بەلگىلەۋ، وزگەرىس ەنگىزۋ ، تۇراقتاندىرۋ جانە ولشەمدى ٴوزارا مويىنداۋ قىزمەتىن ورىستەتىپ، تەحنيكالىق كۇشتەر بايلىعىن بەلسەنە بىرىكتىرىپ، ولشەم زەرتتەۋ، بەلگىلەۋ قىزمەتىن سايكەسىپ ورىستەتىپ، بەلگىلەنىپ جاريالانعان ”لۋپين“ جانە ”شينجياڭ ساپاسىنا“ قاتىستى ولشەمدەر جونىندە سالىستىرمالى زەرتتەۋ ورىستەتىپ، ولشەمدى ٴوزارا مويىنداۋ كولەمى مەن ٴتاسىلىن ايقىنداپ، ولشەمدى ورتاق ٴوزارا مويىنداۋدى ىلگەرىلەتەدى. ولشەمدى ورتاق ٴوزارا مويىنداۋ نەگىزىندە، ”لۋپين“ جانە ”شينجياڭ ساپاسى“ بەلگىسىن ٴوزارا مويىنداۋدى باسقارۋ ەرەجەسىن جاساپ، ”لۋپين“، ”شينجياڭ ساپاسىنىڭ“ ٴوزارا مويىنداۋى بويىنشا قولايلى قاراپ تەكسەرۋ جاسىل ارناسى سىناق ٴتۇيىنىن اشادى.