زاڭمەن باسقارۋ ارقىلى حالىق تۇرمىسىنىڭ نەگىزىن نىعايتۋ كەرەك
انار بۇلت \ شينجياڭ گازەتىنىڭ حابارى (ٴتىلشى جاڭ لەي حابارلايدى). ءتىلشىنىڭ 5 - ايدىڭ 30 - كۇنى اۆتونوميالى رايوندىق حالىق قۇرىلتايى تۇراقتى كوميتەتى كەڭسەسى وتكىزگەن تىلشىلەر ماجىلىسىنەن ۇعىسۋىنشا، شينجياڭنىڭ جۇمىستاندىرۋ جاعدايىندا تەرەڭ وزگەرىس تۋىلۋىنا ىلەسە، قازىر اتقارىلىپ وتىرعان «شينجياڭ ۇيعۇر اۆتونوميالى رايونىنىڭ ‹جۇڭحۋا حالىق رەسپۋبليكاسىنىڭ جۇمىستاندىرۋدى جەبەۋ زاڭىن> اتقارۋ ادىسىندەگى» (تومەندە قىسقارتىلىپ «ٴادىس» دەلىنەدى) ٴىشىنارا بەلگىلەمەلەر قازىرگى ۋاقىتتاعى جۇمىستاندىرۋدى جەبەۋ قىزمەتىنىڭ ٴىس جۇزىندىگىمەن بۇكىلدەي ۇيلەسپەيتىندىكتەن، اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 11 ـ ٴماجىلىسى جاڭادان وزگەرىس ەنگىزىلگەن «ٴادىستى» داۋىسقا سالىپ ماقۇلداعان، ول 10 ـ ايدىڭ 1 ـ كۇنىنەن باستاپ اتقارىلادى ەكەن.
اۆتونوميالى رايوندىق حالىق قۇرىلتايى تۇراقتى كوميتەتى كەڭسەسى وتكىزگەن تىلشىلەر ءماجىلىسىنىڭ ناق مايدانى. سۋرەتتى انار بۇلت \ شينجياڭ گازەتىنىڭ ءتىلشىسى جاڭ لەي تۇسىرگەن
وزگەرىس ەنگىزىلگەننەن كەيىنگى «ٴادىس» جيىنى 8 تاراۋ، 59 تارماق، ٴار دارەجەلى ۇكىمەتتەردىڭ، ٴارقايسى تاراۋلاردىڭ قىزمەت جاۋاپكەرشىلىكتەرىن ەگجەي ـ تەگجەيلىلەندىرۋمەن بىرگە، تاعى قوعامدىق ۇيىم، مەكتەپ، مەديا سياقتى قوعامداعى ٴارقايسى جاقتاردا جۇمىستاندىرۋدى جەبەۋ جاۋاپكەرشىلىگى بولاتىندىعىن ايقىندادى، سونداي ـ اق جۇمىستاندىرۋدى جەبەۋ بويىنشا باعالاۋ، باقىلاۋ مەحانيزمىن ورناتىپ، اقاۋسىزداندىرىپ، جۇمىستاندىرۋدى جەبەۋ ساياساتتارىنىڭ، شارالارىنىڭ تياناقتانۋىن، ناقتىلانۋىن ىلگەرىلەتۋدى بەلگىلەدى. سونىمەن بىرگە، «ٴادىس» فينانس، وقۋ ـ اعارتۋ، دارىندىلار سياقتى ساياساتتاردىڭ جۇمىستاندىرۋعا قولداۋىن كۇشەيتىپ، جاڭا كاسىپ كۇيىندە كاسىپپەن شۇعىلدانۋشىلاردىڭ ۇقىق ـ مۇددەسىن قامتاماسىز ەتۋدى زاڭ ەرەجە جاعىنان كۇشەيتىپ، شينجياڭعا باعىتتامالى كومەكتەسۋدىڭ باسىمدىعىن ساۋلەلەندىرىپ، شينجياڭعا كومەكتەسۋ ساياساتى جانە نىسانى ارقىلى جۇمىس ورنىن كوبەيتىپ، ٴار ۇلت ەڭبەكشىلەرىنىڭ جوعارى ساپالى، تولىق جۇمىستانۋىنا شارت ـ جاعداي ازىرلەۋدى ايقىندادى.
اماليات بارىسىندا ورىن تەپكەن تەپە ـ تەڭ جۇمىستانۋعا ىقپال جەتكىزەتىن ۇيلەسىمسىز شەكتەمەلەرگە جانە جۇمىستاندىرۋ كەمسىتۋلەرىنە قالاي توتەپ بەرۋ كەرەك؟ «ٴادىس» ”ٴادىل جۇمىستانۋ“ ارناۋلى تاراۋىن اشىپ، ٴادىل جۇمىستانۋ ورتاسىن ساپالىلاندىرىپ، تەپە ـ تەڭ جۇمىستانۋ ورايىن جانە ٴادىل جۇمىستانۋ شارت-جاعدايىن ازىرلەپ، ەڭبەككۇش بازارىنىڭ سيىمدىلىعىن كۇشەيتۋدى بەلگىلەدى. جۇمىستانۋى قيىن ادامدار سياقتى قاۋىمنىڭ جۇمىستانۋىنا مەڭزەس، «ٴادىس» قيىنشىلىعى بار قاۋىمدى تومەنگى شەكتەن تۇسىرمەي كومەكتەسۋدى ـ سۇيەمەلدەۋدى كۇشەيتىپ، بازارلانعان، قوعامدانعان جۇمىستاندىرۋ مەن ۇكىمەتتىڭ كومەكتەسۋىن ـ سۇيەمەلدەۋىن ۇشتاستىرۋعا تاباندى بولىپ، كوپ ارنامەن جۇمىستاندىرۋدى جەبەدى.
شينجياڭنىڭ جوعارى ساپالى دامۋىنداعى كۇن سايىن ارتقان تەحنيك جۇمىسشى دارىندىلار قاجەتىنە مەڭزەس، «ٴادىس» مىنانى العا قويدى: تەحنيك جۇمىسشىلار وقۋ ـ اعارتۋىن زور كۇشپەن دامىتىپ، تەحنيك دارىنداىلاردىڭ كاسىپتىك دامۋ ارناسىن ىركىلىسسىزدەندىرىپ، تەحنيك دارىندىلاردىڭ ەڭبەكاقىسى، ماداقتاۋ-سيلاۋ سياقتى شابىتتاندىرۋ ساياساتىن كەمەلدەندىرىپ، ومىرلىك كاسىپ شەبەرلىگىنە باۋلۋ ٴتۇزىمىن ورناتىپ، اقاۋسىزداندىرىپ، كاسىپ سالالارىنىڭ دامۋىن، كاسىپورىنداردىڭ قاجەتىن، جەكەلەردىڭ قاجەتىن توڭىرەكتەي وتىرىپ، كوپ نەگىزدەنگەن، باعىتتامالى كاسىپتىك شەبەرلىك باۋلۋىن ورىستەتىپ، قۇرىلىمدىق جاقتاعى جۇمىستانۋ قايشىلىعىن شەشۋدى ىلگەرلەتۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتى زاڭ ـ ٴتۇزىم قىزمەتى كوميتەتى قوعامدىق زاڭ ەرەجە شىعارۋ باسقارماسىنىڭ باستىعى لي شۋەجۇن «ءادىستى» تانىستىردى. سۋرەتتى انار بۇلت \ شينجياڭ گازەتىنىڭ ءتىلشىسى جاڭ لەي تۇسىرگەن
اۆتونوميالى رايوندىق حالىق قۇرىلتايى تۇراقتى كوميتەتى زاڭ ـ ٴتۇزىم قىزمەتى كوميتەتى قوعامدىق زاڭ ەرەجە شىعارۋ باسقارماسىنىڭ باستىعى لي شۋەجۇن مىنانى ٴبىلدىردى: «ٴادىس» ٴىس جۇزىندىك قاجەتپەن تىعىز جاناسىپ، نازاردى ٴىس جۇزىندىك بوگەتتى تۇيىنگە، قيىن تۇيىنگە شوعىرلاندىرىپ، شينجياڭنىڭ جەرگىلىكتى ەرەكشەلىگىن كورنەكتىلەندىردى، اتقارىلعاننان كەيىن اۆتونوميالى رايوننىڭ جۇمىستاندىرۋدى جەبەۋ قىزمەتىن اناعۇرلىم ويداعىداي قامتاماسىز ەتۋگە، جەتەكتەۋگە، ىلگەرىلەتۋگە پايدالى، جوعارى ساپالى، تولىق جۇمىستاندىرۋدى جەبەۋ، ەكونوميكانىڭ دامۋى مەن جۇمىستاندىرۋدى كەڭەيتۋدىڭ سايكەسۋىن ىلگەرىلەتۋ، قوعامنىڭ جاراسىمدىلىعىن، ورنىقتىلىعىن جەبەۋ جونىنەن ماڭىزدى رول اتقارادى.
