ءۇرىمجى قالاسىنىڭ ۇلكەندى - كىشىلى كوشەلەرى شىراقتارى جايناپ، گۇلدەرى قۇلپىرىپ، قۋانىشتى، مەرەكەلى بەينەمەن سالتاناتتى كورمەنى قارسى الدى (6 - ايدىڭ 24 - كۇنى ۇشقىش اپپاراتپەن تۇسىرىلگەن).
□ سۋرەتتى انار بۇلت \ شينجياڭ گازەتىنىڭ ءتىلشىسى جوۋ پىڭ تۇسىرگەن
6 - ايدىڭ 26 - كۇنى 8 - كەزەكتى جۇڭگو − ازيا − ەۆروپا كورمەسى شينجياڭ حالىقارالىق ءماجىلىس - كورمە ورتالىعىندا باستالادى. سۋرەتتە: شينجياڭ حالىقارالىق ءماجىلىس - كورمە ورتالىعىنىڭ سىرتقى كورىنىسى (6 - ايدىڭ 25 - كۇنى تۇسىرىلگەن).
□ سۋرەتتى حى لۇڭ تۇسىرگەن
6 - ايدىڭ 25 - كۇنى قالا تۇرعىندارى ءۇرىمجى قالاسى حۇڭگۋاڭشان جولىنداعى نەگىزگى تاقىرىپتىق كورىنىستىك گۇل تەكشەسىنىڭ الدىنان ءوتىپ بارادى. 8 - كەزەكتى جۇڭگو − ازيا − ەۆروپا كورمەسى اشىلۋ قارساڭىندا، ءۇرىمجى كوشەلەرىندە ءپىشىنى الۋان ءتۇرلى كورىنىستىك گۇل تەكشەسى ىركەس - تىركەس بوي كورسەتتى.
□ سۋرەتتى حى لۇڭ تۇسىرگەن
6 - ايدىڭ 24 - كۇنى قىزمەتكەرلەر ورتالىق كاسىپورىندار كورمە سارايىندا كورمە ورنىن ورنالاستىرۋدا.
□ سۋرەتتى انار بۇلت \ شينجياڭ گازەتىنىڭ ءتىلشىسى لي شيۇڭشين تۇسىرگەن
6 - ايدىڭ 25 - كۇنى جۇڭگو تەمىر جول قۇرىلىسى توبى جارنا شەكتى سەرىكتەستىگىنىڭ قىزمەتكەرلەرى كورمە تۇعىرىن ورنالاستىرۋدا.
□ سۋرەتتى انار بۇلت \ شينجياڭ گازەتىنىڭ ءتىلشىسى تاڭ يۇڭ تۇسىرگەن
6 - ايدىڭ 25 - كۇنى قىزمەتكەرلەر بەلورۋسسيا رەسپۋبليكاسىنىڭ كورمە سارايىندا كورمە ورنىن ورنالاستىرۋدا.
□ سۋرەتتى انار بۇلت \ شينجياڭ گازەتىنىڭ ءتىلشىسى تاڭ يۇڭ تۇسىرگەن
6 - ايدىڭ 25 - كۇنى قىزمەتكەرلەر سىچۋان ولكەسى كورمە سارايىنىڭ الدىنان ءوتىپ بارادى.
□ سۋرەتتى انار بۇلت \ شينجياڭ گازەتىنىڭ ءتىلشىسى تاڭ يۇڭ تۇسىرگەن
6 - ايدىڭ 24 - كۇنى جۇڭگو حيميا ينجەنەرياسى توبى شەكتى سەرىكتەستىگىنىڭ قىزمەتكەرى شينجياڭ حالىقارالىق ءماجىلىس - كورمە ورتالىعىندا كورمە ورنىن ورنالاستىرۋدا. بۇل وسى سەرىكتەستىكتىڭ جۇڭگو − ازيا − ەۆروپا كورمەسىنە تۇڭعىش قاتىناسۋى.
□ سۋرەتتى انار بۇلت \ شينجياڭ گازەتىنىڭ ءتىلشىسى لي شيۇڭشين تۇسىرگەن
□ انار بۇلت \ شينجياڭ گازەتىنىڭ ٴتىلشىسى لۋ فىڭباۋ
جاز ورتاسى، شىجىعان ىستىق. 6 ـ ايدىڭ 26 ـ كۇنى تيانشان باۋرايىندا 8 ـ كەزەكتى جۇڭگو _ ازيا _ ەۆروپا كورمەسى سالتاناتپەن اشىلادى.
ٴۇرىمجى شىت جاڭا تۇسكە ەنىپ، نەگىزگى كوشەلەرى گۇلمەن كومكەرىلىپ، شىراقتار جايناپ، سالتاناتتى جينالىستى ساۋلەتتى بەينەمەن قارسى الدى.
”تۇلپار جاڭالىعى“ ورنەگى، ”جۇڭگو _ ازيا _ ەۆروپا كورمەسى“ سياقتى جازۋلار جازىلعان كورىنىستىك گۇل شوعىرلارى شينجياڭ حالىقارالىق ٴماجىلىس ـ كورمە ورتالىعى، شيداچياۋ سياقتى وڭىرلەرگە تارتىپپەن ٴتىزىلىپ، ٴۇرىمجى گۇل تەڭىزىنە اينالدى.
ىمىرت ۇيىرىلگەندە نەگىزگى جولداردىڭ، الاڭداردىڭ، باقشالاردىڭ، ساۋدا كوشەلەرىنىڭ كورىنىستىك جارىقتاندىرۋ قۇرىلعىلارى جارقىراپ، تارتىمدى دا ايشىقتى بولىپ، ٴۇرىمجى قالاسى اناعۇرلىم جالىندى دا الۋان تۇسكە ەندى.
”جىبەك جولىنىڭ جاڭا ورايى، ازيا _ ەۆروپانىڭ جاڭا ومىرشەڭدىگى“، وسى كەزەكتى كورمە 50 مەملەكەتتەن، وڭىردەن جانە حالىقارالىق ۇيىمنان، 30 ولكە، اۆتونوميالى رايون، توتە قاراستى قالادان، شينجياڭ ٴوندىرىس ـ قۇرىلىس بيڭتۋانىنان جانە اۆتونوميالى رايوننىڭ 14 ايماق، وبلىس، قالاسىنان 1900دەن استام كاسىپورىن مەن قۇرىلىمدى باۋرادى. قوناقتار مەن دوستار ۇرىمجىگە شار تاراپتان كەلدى، وسى قالانىڭ ىستىق ىقىلاسىن سەزىندى.
وسى كەزەكتى كورمەنىڭ كورمە اۋماعى 140 مىڭ شارشى مەتر بولىپ، قارجى قوسۋ سەلبەستىگى، حالىقارا، ەرەكشە كاسىپ سالاسى، جابدىق جاساۋ سىندى 4 ۇلكەن كورمە اۋماعى قۇرىلدى، سونداي ـ اق تۇڭعىش رەت ورتالىق كاسىپورىندار سارايى، ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان كاسىپورىندار سارايى، گۋاڭدۇڭ، شياڭگاڭ، اۋمىن ٴوڭىرى كاسىپورىندار سارايى، شينجياڭ ”سەگىز ٴىرى كاسىپ سالاسى شوعىرى“ كاسىپ سالاسى تىزبەگىنىڭ تىزبەك باسى كاسىپورىندار سارايى سىندى 4 ۇلكەن كورمە سارايى ورنالاستىرىلدى.
ورتالىق كاسىپورىندار سارايىندا جۇڭگو تەمىر جول قۇرىلىسى توبى جارنا شەكتى سەرىكتەستىگى قىرۋار ناقتى زات قۇم تاباعى مەن مودەلىنەن پايدالانىپ، دۇنيە جۇزىندەگى ەڭ ۇلكەن تىك قۇدىق قازۋ ماشيناسى ”مىڭشياڭ ٴنومىرلى“، ەل ىشىندەگى تۇڭعىش 16 مەترلىك ەرەكشە ۇلكەن ديامەترلى تۋنەل قازۋ ماشيناسى ”جيڭحۋا ٴنومىرلى“ سياقتى ونىمدەردى كورسەتىپ، مەملەكەتتىڭ جابدىق جاساۋ دەڭگەيىن تولىق ايگىلەدى.
بار الەمگە قۇشاق اشتى. وسى كەزەكتى كورمە دۇنيە جۇزىنە قۇشاعىن ايقارا اشىپ، جەر ـ جەردەن كەلگەن سيلى قوناقتارمەن بىرگە ”ٴبىر بەلدەۋ، ٴبىر جولدىڭ“ جاڭا تاراۋىن بىرگە جازادى.
