گاۋچاڭ رايونى شاللىق قىستاعىنداعى ءبىر ءبولىم ءجۇزىم سورتىنان شاتتىقپەن مول ءونىم الىندى. سۋرەتتى حۋاڭ ۋىنجۋان تۇسىرگەن
جازعى توقىراۋ امالىنىڭ كەلۋىنە بايلانىستى، گاۋچاڭ رايونى جاڭا قالا اۋماعى شاللىق قىستاعىنىڭ مانايزى جۇزىمدەرى مول ءونىم ماۋسىمىن قارسى الدى. 6 - ايدىڭ 24 - كۇنى، شاللىق قىستاعى 2 - گرۋپپاسىنىڭ قىستاق تۇرعىنى كۇڭ حۇڭشيانىڭ ءجۇزىم باقشاسىندا مول ءونىم الۋدىڭ دۋماندى كورىنىسى كورىندى. شۋماق - شۋماق مولدىرەگەن مانايزى جۇزىمدەرى ساباعىنداعى جاسىل جاپىراقتارمەن جاراسىم تاۋىپ، جۇپار يىسىمەن ادامدى وزىنە ەلىتتى، جۇمىسكەرلەر جيناۋ، قوراپتاۋ، تاسۋ جۇمىستارىمەن اينالىستى.
”ءجۇزىمىنىڭ ءدامى مەن ساپاسىنا كەپىلدىك ەتۋ ءۇشىن، ەگۋ بارىسىندا قامپيتاتىن كوپىرتكىشتەردى ىستەتپەي، ەگىنشى وتباسىلارىنىڭ تىڭايتقىشىن بەرىپ، ءجۇزىمنىڭ تابيعي پىسىپ - جەتىلۋىنە مۇمكىندىك جاسادىق. ءاربىر مۋ جەردەگى ءجۇزىمنىڭ ءونىم مولشەرىن نەگىزىنەن ءبىر توننا اينالاسىندا مەڭگەردىك، وسىلاي بولعاندا ءاربىر تال ءجۇزىمنىڭ تاتتىلىگى مەن ساپاسىنا كەپىلدىك ەتۋگە بولادى، وسى باعامەن ساتاتىن بولساق، 2 مۋ جەردەن كەمىندە 30 مىڭ يۋان اينالاسىندا كىرىس كىرگىزەمىز“. كۇڭ حۇڭشيا بىلاي دەپ تانىستىردى، ءۇرتىس 5 جىل مانايزى ءجۇزىمىن وسىردىك، اتالعان ءجۇزىم سورتى ەرتە جەتىلەدى، بازاردا تانىمالدىلىعى دا جوعارى، كەلەر جىلى قالعان 3 مۋ جەردەگى ءجۇزىم سورتىن بۇكىلدەي وسى تۇرگە وزگەرتپەكشىمىز“.
جۋىق جىلداردان بەرى، جاڭا قالا رايونى شاللىق قىستاعى ەرەكشە جەمىس ورمان شارۋاشىلىعىن كۇش سالا دامىتىپ، ”ەگجەي - تەگجەيلىلەنگەن، ولشەمدەنگەن، ساپالىلانعان“ بولۋ تالابىنا ساي، جاڭا سورت ەنگىزىپ، جاڭا تەحنيكادان پايدالانىپ، ۋاقىت پارقىن ەپتىلىكتەن ورنالاستىردى، جاڭا ءجۇزىم سورتى جەمىس-جيدەك بازارىندا ”ءدۇمپۋ“ قوزعاپ، قالىڭ الارمانداردىڭ قىزۋ القاۋىنا بولەندى.
”شاللىق قىستاعىنىڭ ءجۇزىم ەگىلگەن جەر اۋماعى 1625 مۋ، كەلەسى قادامدا ەگىمشىلىك قۇرىلىمىن ۇزدىكسىز رەتكە سالىپ، ساپالىلاندىرىپ، بوىرتى ءجۇزىمى، لانباۋشى ءجۇزىمى، ۋحىزى ءجۇزىمى، حيمەيرىن ءجۇزىمى سياقتى ەرەكشە سورتتاعى جۇزىمدەردەن ۇلگى كورسەتىپ، جالپىلاستىرىپ، ءجۇزىمنىڭ جوعارى ولشەمدى ۇلگى كورسەتۋ باقشاسىن بىرتىندەپ قۇرىپ، ساپاسى مەن ونىمدىلىگىن جوعارىلاتۋمەن قاتار، ءونىمدى، كىرىستى ارتتىرۋدى ىسكە اسىرامىز.“،-دەدى شاللىق قىستاعىندا تۇراتىن قىزمەت اترەتىنىڭ ءبىرىنشى شۋجيى ءدىلنار مۇتالىپ.
(گاۋچاڭ رايوندىق توعىسپالى مەديا ورتالىعىنان حۋاڭ ۋىنجۋان)
