عىلىم ـ تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭدەي توعىسۋىن تىڭعىلىقتى ىلگەرىلەتەيىك
_ باس شۋجي شي جينپيڭنىڭ مەملەكەتتىك عىلىم ـ تەحنيكا جينالىسىندا، مەملەكەتتىك عىلىم ـ تەحنيكا سيلىعىن بەرۋ جينالىسىندا، ەكى اكادەميانىڭ اكادەميكتەر جينالىسىندا سويلەگەن ماڭىزدى ٴسوزىن ۇيرەنۋ، دايەكتىلەندىرۋ تۋرالى
□ حالىق گازەتىنىڭ شولۋشىسى
”جۇڭگو ۇلگىسىندەگى وسىزامانداندىرۋدا عىلىم ـ تەحنيكانىڭ وسىزاماندانۋىن تىرەك ەتۋگە سۇيەنۋ، جوعارى ساپالى دامۋدى جۇزەگە اسىرۋدا عىلىم ـ تەحنيكادا جاڭالىق اشۋ ارقىلى جاڭا قوزعالىس قۋاتىن جەتىلدىرۋگە سۇيەنۋ كەرەك“. مەملەكەتتىك عىلىم ـ تەحنيكا جينالىسىندا، مەملەكەتتىك عىلىم ـ تەحنيكا سيلىعىن بەرۋ جينالىسىندا، ەكى اكادەميانىڭ اكادەميكتەر جينالىسىندا باس شۋجي شي جينپيڭ عىلىم ـ تەحنيكانىڭ ستراتەگيالىق جەتەكشىلىك ورنى مەن ٴتۇبىرلى تىرەكتىك رولىن ەگجەي ـ تەگجەيلى بايىمداپ، ”عىلىم ـ تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭدەي توعىسۋىن تىڭعىلىقتى ىلگەرىلەتىپ، جاڭاشا وندىرگىش كۇشتەردى دامىتۋعا دەم بەرۋدى“ ارقاۋ ەتە وتىرىپ كەلەلى ورنالاستىرۋ جاساپ، توعىسۋدىڭ نەگىزىن، توعىسۋدىڭ تەتىگىن، توعىسۋدىڭ جولدارىن تەرەڭ ٴتۇسىندىردى.
عىلىم ـ تەحنيكادا جاڭالىق اشۋ جاڭا كاسىپ سالاسىن، جاڭا ۇلگىنى، جاڭا قوزعالىس قۋاتىن تۋىنداتادى، ول جاڭاشا وندىرگىش كۇشتەردى دامىتۋدىڭ وزەكتى فاكتورى سانالادى. جاڭا داۋىردەن بەرى شي جينپيڭ جولداستى ۇيتقى ەتكەن پارتيا ورتالىق كوميتەتى عىلىم ـ تەحنيكادا جاڭالىق اشۋدى مەملەكەتتى دامىتۋ جالپى جاعدايىنىڭ وزەكتى ورنىنا قويۋعا تاباندى بولىپ، عىلىم ـ تەحنيكادا جاڭالىق اشۋدىڭ جەتەكشىلىك، باستاماشىلدىق رولىن تولىق ساۋلەلەندىرىپ، جاڭاشا وندىرگىش كۇشتەردى جەدەل قالىپتاستىرىپ، جوعارى ساپالى دامۋعا تاسقىنداعان قوزعالىس قۋات ۇستەدى. شوعىرلى ەلەكتر جولى، جاساندى زەردە سياقتى جاڭادان گۇلدەنگەن كاسىپ سالالارىنىڭ قارىشتاپ دامۋىنان، وتاندىق ٴىرى ۇشاقتىڭ ساۋدالىق ۇشۋدى جۇزەگە اسىرۋىنا، ونان جاڭا ەنەرگيالى اۆتوكولىكتىڭ بۇكىل جەر شارىنىڭ اۆتوكولىك كاسىپ سالاسىنا جاڭا قوزعاۋشى كۇش ۇستەۋىنە دەيىن جوعارى دەڭگەيلى، زەردەلى، جاسىل ٴبىر توپ جاڭاشا تىرەكتىك كاسىپ سالالارى تەز قارقىنمەن وركەندەپ، ەلىمىز ەكونوميكاسىنىڭ اناعۇرلىم جوعارى ساپالى، اناعۇرلىم ونىمدىلىككە يە، اناعۇرلىم ٴادىل، اناعۇرلىم باياندى، اناعۇرلىم حاۋىپسىز دامۋ جولىنا ٴتۇسۋىن ىلگەرىلەتتى. قازىر جاڭا كەزەكتى عىلىم ـ تەحنيكا توڭكەرىسى مەن كاسىپ سالاسى وزگەرىسى ىشكەرىلەي دامىپ، تەحنيكادا جاڭالىق اشۋ بۇرىن بولماعان ٴجيى تەبىندەۋ مەزگىلىنە ٴوتتى، عىلىم ـ تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭدەي توعىسۋىن تىڭعىلىقتى ىلگەرىلەتىپ، عىلىم ـ تەحنيكادا جاڭالىق اشۋ ارقىلى كاسىپ سالاسىندا جاڭالىق اشۋدى ىلگەرىلەتىپ، جوعارى ساپالى دامۋعا جەتەكشىلىك ەتىپ، جوعارى دەڭگەيدەگى حاۋىپسىزدىكتى قامتاماسىز ەتكەندە عانا، عىلىم ـ تەحنيكا باسەكەسى مەن بولاشاق دامۋدىڭ بيىك تۇرعىسىن الدىمەن يەلەپ، جاڭاشا وندىرگىش كۇشتەردى دامىتۋعا دەم بەرىپ، دامۋدىڭ جاڭاشا قوزعالىس قۋاتىن، جاڭا باسىمدىعىن سومداۋعا بولادى.
”توعىسۋدىڭ نەگىزى _ جوعارى ساپالى عىلىم ـ تەحنيكامەن قامداۋدى ارتتىرۋ“. جاڭاشا وندىرگىش كۇشتەر، نەگىزىنەن، تەحنيكانىڭ توڭكەرىس سيپاتتى جاڭالىق اشۋىنان تۋىنداعان، بۇل بىزدەن عىلىم ـ تەحنيكادا جاڭالىق اشۋدى، اسىرەسە، ٴتول جاسامپازدىق سيپاتتى، توڭكەرىستىك سيپاتتى عىلىم ـ تەحنيكادا جاڭالىق اشۋدى كۇشەيتىپ، شەشۋشى، وزەكتى تەحنيكالاردان قامال الۋ شايقاسىن ويداعىداي جۇرگىزىپ، ٴتول جاسامپازدىق سيپاتتى، توڭكەرىستىك سيپاتتى عىلىم ـ تەحنيكادا جاڭالىق اشۋ جەتىستىكتەرىن ىركەس ـ تىركەس جارىققا شىعارىپ، جاڭاشا وندىرگىش كۇشتەردىڭ جاڭا قوزعالىس قۋاتىن جەتىلدىرۋدى، دامىتۋدى تالاپ ەتەدى. باس شۋجي شي جينپيڭنىڭ ماڭىزدى تالابىن دايەكتىلەندىرىپ، تياناقتاندىرىپ، نازاردى وسىزاماندانعان كاسىپ سالاسى جۇيەسى قۇرىلىسىنداعى ٴتۇيىندى سالالار مەن ٴالسىز بۋىندارعا شوعىرلاندىرىپ، شوعىرلى تىزبەك، ونەركاسىپتىك انا ماشينا، نەگىزدىك جۇمساق بولشەك، وزىق ماتەريال، عىلمي زەرتتەۋ اسپاپتارى، وزەكتى تۇقىم قاينارى سياقتى بوگەتتەرگە، شەكتەمەلەرگە مەڭزەس تەحنيكانى زەرتتەپ اشۋ تەبىنىن ارتتىرىپ، ماڭىزدى كاسىپ سالاسى تىزبەگىنىڭ، قامداۋ تىزبەگىنىڭ دەربەس، حاۋىپسىز، مەڭگەرىلەتىن بولۋىنا شىنايى كەپىلدىك ەتۋگە عىلىم ـ تەحنيكا تىرەگىن ازىرلەۋ؛ بولاشاق عىلىم ـ تەحنيكا مەن كاسىپ سالاسى دامۋىنىڭ بيىك تۇرعىسىن كوزدە ۇستاپ، جاڭا بۋىن ينفورماتسيا تەحنيكاسى، جاساندى زەردە، كۆانتتىق عىلىم ـ تەحنيكا، بيو عىلىم ـ تەحنيكا، جاڭا ەنەرگيا، جاڭا ماتەريال سياقتى سالادا عىلىم ـ تەحنيكادان جاڭالىق اشۋدى جەدەلدەتىپ، جاڭادان گۇلدەنگەن كاسىپ سالاسى مەن بولاشاق كاسىپ سالاسىن جەتىلدىرۋ؛ جاڭا تەحنيكانى بەلسەنە قولدانىپ ٴداستۇرلى كاسىپ سالاسىن جاڭالاپ، دارەجەسىن جوعارىلاتىپ، كاسىپ سالاسىنىڭ جوعارى دەڭگەيلىلەنۋىن، زەردەلىلەنۋىن، جاسىلدانۋىن ىلگەرىلەتۋ كەرەك.
”توعىسۋدىڭ تەتىگى _ كاسىپورىننىڭ عىلىم ـ تەحنيكادا جاڭالىق اشۋ نەگىزگى تۇلعالىق ورنىن كۇشەيتۋ“. كاسىپورىن _ جاڭالىق اشۋدىڭ نەگىزگى تۇلعاسى، جاڭالىق اشۋدى، جاسامپازدىقتى ىلگەرىلەتەتىن جالىندى كۇش. كاسىپورىنداردىڭ عىلىم ـ تەحنيكادا جاڭالىق اشۋ نەگىزگى تۇلعالىق ورنىن ٴتۇزىم جاعىنان تياناقتاندىرىپ، كاسىپورىننىڭ تەحنيكادا جاڭالىق اشۋ شەشىمىن جاسايتىن، زەرتتەۋ ـ اشۋعا ۇسىنىلىم قوساتىن، عىلمي زەرتتەۋگە ۇيىمداستىراتىن جانە جەتىستىكتى كادەگە جاراتاتىن نەگىزگى تۇلعا بولۋىن ىلگەرىلەتىپ، بازار قاجەتىنىڭ، شوعىرلى جاڭالىق اشۋدىڭ، ۇيىمداستىرۋ تۇعىرىنىڭ باسىمدىعىن ساۋلەلەندىرىپ، عىلىم ـ تەحنيكادا قۋاتتى بولۋدان كاسىپورىندار قۋاتتى بولۋدىڭ، كاسىپ سالاسىندا قۋاتتى بولۋدىڭ، ەكونوميكادا قۋاتتى بولۋدىڭ ارناسىن اشۋ؛ عىلىم ـ تەحنيكادا كوشباسشى كاسىپورىنداردىڭ باستاماشىلدىق رولىن تولىق ساۋلەلەندىرىپ، ورتا، شاعىن كاسىپورىندار مەن حالىقتىق كاسىپورىنداردى عىلىم ـ تەحنيكادا جاڭالىق اشۋعا شابىتتاندىرىپ، كاسىپورىنداردىڭ مەملەكەتتىڭ كەلەلى عىلىم ـ تەحنيكا نىساندارىنا باستاماشى بولۋىنا نەمەسە ات سالىسۋىنا قولداۋ كورسەتۋ؛ كاسىپورىنداردىڭ ”سۇراق شىعارۋشى“، ”جاۋاپ بەرۋشى“، ”ەمتيحان تەكسەرۋشى“ بولۋىنا قولداۋ كورسەتىپ، كاسىپورىنداردىڭ جوعارى مەكتەپتەرمەن، عىلمي زەرتتەۋ قۇرىلىمدارىمەن ٴجيى سەلبەستىك جاساۋىنا جەتەكشىلىك ەتىپ، جاڭالىق اشۋ بىرلەسكەن تۇلعاسىن ۇيىمداستىرىپ قۇرۋ، عىلىم ـ تەحنيكادا جاڭالىق اشۋ تۇعىرىن قۇرۋ سياقتى تاسىلدەر ارقىلى كاسىپ سالاسىنىڭ قاجەتىنە قاراي عىلىم ـ تەحنيكا ماسەلەلەرىن بىرگە جيناقتاپ، عىلمي زەرتتەۋدەن قامال الۋدى بىرلەسە ورىستەتىپ، عىلىم ـ تەحنيكا دارىندىلارىن سايكەسە باۋلىپ، كاسىپورىندار جەتەكشىلىك ەتەتىن ٴوندىرۋ، وقىتۋ، زەرتتەۋ توعىسقان جاڭالىق اشۋدى ىلگەرىلەتۋ كەرەك.
”توعىسۋدىڭ جولى _ عىلىم ـ تەحنيكا جەتىستىكەرىن كادەگە جاراتۋدى، پايدالانۋدى جەبەۋ“. عىلىم ـ تەحنيكا جەتىستىگىن مەملەكەتتىڭ قاجەتىمەن، حالىقتىڭ تالابىمەن، بازاردىڭ سۇرانىسىمەن ۇشتاستىرىپ، عىلمي زەرتتەۋ، تاجىريبە جاساپ اشۋ، جالپىلاستىرىپ قولدانۋ سياقتى ٴۇش سەكىرۋدى ورىنداعاندا عانا، جاڭالىق اشۋ قۇنىن شىن مانىندە جۇزەگە اسىرۋعا، دامۋعا جاڭالىق اشۋ ارقىلى دەم بەرۋدى شىن مانىندە جۇزەگە اسىرۋعا بولادى. عىلىم ـ تەحنيكا جەتىستىكتەرىن ناقتى وندىرگىش كۇشكە اينالدىرۋدىڭ بەينەلەنۋ فورماسى جاڭا كاسىپ سالاسىن تۋىنداتىپ، كاسىپ سالالارىنىڭ تەرەڭدەي تيبىن وزگەرتىپ، دارەجەسىن جوعارىلاتۋىن ىلگەرىلەتۋ بولماق. عىلىم ـ تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭدەي توعىسۋىن تىڭعىلىقتى ىلگەرىلەتۋدە عىلىم ـ تەحنيكادا جاڭالىق اشۋ جەتىستىكتەرىن ناقتى كاسىپ سالاسىندا جانە كاسىپ سالاسى تىزبەگىندە دەر كەزىندە قولدانىپ، وسىزاماندانعان كاسىپ سالاسى جۇيەسىن كەمەلدەندىرۋ كەرەك. باس شۋجي شي جينپيڭنىڭ ماڭىزدى تالابىن دايەكتىلەندىرىپ، تياناقتاندىرىپ، ەلىمىزدىڭ كاسىپ سالاسى نەگىزىنىڭ باسىمدىعىنا جانە ەرەن ۇلكەن كولەمدەگى بازار باسىمدىعىنا سۇيەنىپ، مەملەكەتتىڭ تەحنيكانى كوشىرۋ جۇيە قۇرىلىسىن كۇشەيتىپ، ساياساتتىق قولداۋ مەن بازاردىڭ قىزمەت وتەۋىن كەمەلدەندىرىپ، دەربەس قامال العان ونىمدەردى جالپىلاستىرۋدى، پايدالانۋدى جانە جاڭالاپ، دارەجەسىن ٴوسىرۋدى جەبەپ، اناعۇرلىم مول عىلىم ـ تەحنيكا جەتىستىكتەرىنىڭ ۇلگىدەن ونىمگە اينالىپ، كاسىپ سالاسىن قالىپتاستىرۋىنا مۇمكىندىك جاساۋ؛ عىلىم ـ تەحنيكا فينانسى سىندى وسى ٴىستى جاقسى ىستەپ، فينانس كاپيتالىن ەرتە قارجى قوسۋعا، شاعىن كاسىپورىندارعا قارجى قوسۋعا، ۇزاق مەزگىل قارجى قوسۋعا، ساپالى عىلىم ـ تەحنيكاعا قارجى قوسۋعا جەتەكتەۋ كەرەك.
جوعارى ساپالى دامۋ _ جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى، جاڭا ٴداۋىردىڭ بۇلجىماس قاعيداسى. جاڭاشا وندىرگىش كۇشتەردى دامىتۋ _ جوعارى ساپالى دامۋدى ىلگەرىلەتۋدىڭ ىشكى تالابى جانە ماڭىزدى كۇش سالۋ ٴتۇيىنى. جاڭالىق اشۋ ارقىلى دامۋعا جەتەكشىلىك ەتۋگە تاباندى بولىپ، جاڭالىق اشۋدى يگەرۋ دەگەنىمىز دامۋدى يگەرۋ، جاڭالىق اشۋدى كوزدەۋ دەگەنىمىز بولاشاقتى كوزدەۋ دەيتىن ۇستانىمدى بەرىك ورناتىپ، عىلىم ـ تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭدەي توعىسۋىن تىڭعىلىقتى ىلگەرىلەتكەندە، ٴسوز جوق، جاڭاشا وندىرگىش كۇش ارقىلى جوعارى ساپالى دامۋدى بار كۇشپەن ىلگەرىلەتىپ، جۇڭگو ۇلگىسىندەگى وسىزاماندانۋعا مىعىم زاتتىق، تەحنيكالىق نەگىز قالاپ، جاڭا جورىقتا ىرىقتىلىققا، باسىمدىققا، بولاشاققا ۇزدىكسىز قول جەتكىزە الامىز.
(شينحۋا اگەنتتىگىنىڭ 6 ـ ايدىڭ 27 ـ كۇنى بەيجيڭنەن بەرگەن حابارى)
