_ جۇڭگو كوممۋنيستىك پارتياسى قۇرىلعاندىعىنىڭ 103 جىلدىعىن قىزۋ قۇتتىقتايمىز
□حالىق گازەتى باسماقالاسى
تاريح ايبىندى جورىققا كۋا بولدى، ۋاقىت كۇرەس ٴىزىن ورنەكتەدى. بۇگىن ٴبىز جۇڭگو كوممۋنيستىك پارتياسى قۇرىلعاندىعىنىڭ 103 جىلدىعىن قارسى الىپ، جۇڭگو ۇلگىسىندەگى وسىزامانداندىرۋ جولىندا جىگەرلەنە ۇمتىلىپ، ەرلىكپەن العا باسىپ بارامىز. داڭقتى جىلداردى باسىپ وتكەن، بوران ـ شاشىن مەن سىن ـ سايىستاردى باستان كەشىرگەن 100 جىلدىق ۇلى پارتيا كەمەل شاعىندا تۇر؛ قالتقىسىز ادالدىقتى ماڭگى ساقتاپ، گۇلدەنۋ مۇراتىن شىڭداپ، بولاشاقتىق ۇلى ٴىستى ايبىنمەن العا ىلگەرىلەتۋدە.
100 نەشە جىلدان بەرگى ەرەكشە بارىسقا قايىرىلا قاراساق، پارتيامىز حالىقتى ىنتىماقتاستىرىپ جانە باستاپ، وراسان زور تابىستارعا قول جەتكىزدى، اسىرەسە، جاڭا جۇڭگو قۇرىلعان 75 جىلدان بەرى، بۇكىل جۇڭگو حالقىنىڭ قاجىرلىلىقپەن كۇرەس جۇرگىزۋىنە سۇيەنىپ، جۇڭگو بىرىنشىدەن كەدەي، ەكىنشىدەن اق بولۋدان دامىپ، دۇنيە جۇزىندەگى 2 ـ ٴىرى ەكونوميكالىق تۇلعاعا اينالدى، اۋىل ـ قىستاقتارداعى سان ميلليونداعان كەدەي حالىقتى تۇگەلدەي كەدەيلىكتەن ارىلتىپ، ادامزاتتىڭ دامۋ تاريحىنداعى كەرەمەتتى جاراتتى. پارتيانىڭ 18 ـ قۇرىلتايىنان بەرى، دۇنيەدە سيرەك كەزدەسەتىن، تاريحتا سيرەك كەزدەسەتىن ەلەۋلى حاۋىپ ـ قاتەرلەر مەن سىن ـ سايىستار الدىندا شي جينپيڭ جولداستى ۇيتقى ەتكەن پارتيا ورتالىق كوميتەتى ميلليارد حالىقتى ىنتىماقتاستىرىپ جانە باستاپ، سىرتتىڭ قىسىمىنا توتەپ بەرىپ، ىشكى قيىنشىلىقتاردى جەڭىپ، جۇڭگوشا سوتسياليزمنىڭ جاڭا ٴداۋىرىن اشىپ، جۇڭگو ۇلگىسىندەگى وسىزامانداندىرۋعا اناعۇرلىم كەمەلدى تۇزىمدىك كەپىل، اناعۇرلىم مىعىم زاتتىق نەگىز، اناعۇرلىم ىرىقتى رۋحاني كۇش ازىرلەدى. بيىل جىل باسىنان بەرى، پارتيا ورتالىق كوميتەتىنىڭ پارمەندى باسشىلىعىندا، وڭىرلەر، تاراۋلار ورنىقتىلىق بارىسىندا ىلگەرىلەۋ، ىلگەرىلەۋ ارقىلى ورنىقتىلىقتى جەبەۋ، الدىمەن قۇرىپ، ونان سوڭ كۇشىنەن قالدىرۋ تالابىن دايەكتىلەندىرىپ، ەكونوميكانىڭ قايتا ورلەپ، جاقسارۋ جاعدايىن بەكەمدەپ جانە كۇشەيتىپ، جوعارى ساپالى دامۋدى تىڭعىلىقتى ىلگەرىلەتىپ، جاڭاشا وندىرگىش كۇشتى جەدەل دامىتىپ، حالىق تۇرمىسىنىڭ قۇت ـ ىرىسىن ٴۇرتىس ارتتىرىپ، قوعامدىق كەلەلى جاعدايدىڭ جاراسىمدىلىعىن، ورنىقتىلىعىن ساقتاپ، جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا تاراۋىن بىرگە جازدى.
پارتيانىڭ كۇرەس جۇرگىزۋ بارىسى تاريح پەن حالىقتىڭ جۇڭگو كوممۋنيستىك پارتياسىن تاڭداعاندىعىن، جۇڭگو كوممۋنيستىك پارتياسىنىڭ تاريح پەن حالىقتىڭ تاڭداۋىن اقتاعاندىعىن تەرەڭ كورسەتتى. جاڭا داۋىردەگى ۇلى وزگەرىس ”ەكىنى تۇراقتاندىرۋدىڭ“ پارتيا مەن حالىقتىڭ بارلىق ايقىنسىزدىققا توتەپ بەرۋدەگى ەڭ ۇلكەن ايقىندىلىق، ەڭ ۇلكەن سەنىم، ەڭ ۇلكەن كەپىلدىك ەكەندىگىن، بۇل ٴبىزدىڭ ٴتۇرلى حاۋىپ ـ قاتەرلەر مەن سىن ـ سايىستارعا توتەپ بەرۋىمىز، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋىمىز جونىنەن شەشۋشى ٴمان الاتىندىعىن تولىق دالەلدەدى.
قازىر جانە الداعى ٴبىر مەزگىل _ جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدەگى شەشۋشى مەزگىل. ٴبىز جۇڭگو ۇلگىسىندەگى وسىزامانداندىرۋدى ىلگەرىلەتۋ بۇرىنعىلار ىستەپ كورمەگەن جاسامپازدىق سيپاتتى ٴىس ەكەندىگىن، تابيعي تۇردە العا باسۋ جولىمىزدا بۇرىن جارىققا شىقپاعان قىرۋار شىت جاڭا تاقىرىپتارعا جولىعاتىندىعىمىزدى، ٴتۇرلى قيىن ـ قىستاۋ، حاۋىپ ـ قاتەر، توسقاۋىل ـ بوگەتتەرگە ۇشىرايتىندىعىمىزدى، كوپتەگەن اساۋ تولقىنداردىڭ، ٴتىپتى، داۋىلدى تولقىنداردىڭ اۋىر سىناعىنان وتەتىندىگىمىزدى قانىق بىلەمىز. بەلگىلەنگەن كۇرەس نىساناسىن كوزدەپ، جۇڭگو ۇلگىسىندەگى وسىزامانداندىرۋ قۇرىلىسىنىڭ باتىل ارەكەت جاساۋشىسى، ناقتى ىستەيتىن ىسكەرى بولعاندا عانا، قيىندىقتاردان قامال الۋ بارىسىندا ىستەردە تابىسقا جەتە الامىز، باتىلدىقپەن اتويلاپ، جۇرەكتىلىكپەن ىستەۋ بارىسىندا داڭعىل جول اشا الامىز. جاڭا جورىقتا بۇكىل پارتياداعى جولداستار شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا قۇرۋ ۇلى رۋحىن اسقاقتاتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، تاريح سەنىمىن بەكەمدەپ، تاريحي ىرىقتىلىقتى كۇشەيتىپ، جاسامپازدىق ومىرشەڭدىگىن قاۋلاتىپ، كۇرەسكەرلىك رۋحتى ساۋلەلەندىرىپ، تەلەگەي كۇش ۇيىستىرىپ، جۇڭگو ۇلگىسىندەگى وسىزامانداندىرۋ ۇلى ٴىسىن بۇلجىماي ۇزدىكسىز العا ىلگەرىلەتۋى كەرەك.
رەفورما جاساۋ، ەسىك اشۋ _ پارتيا مەن حالىق ىستەرىنىڭ ارشىندى قاداممەن داۋىرگە ىلەسۋدەگى ماڭىزدى اسىلى، جۇڭگو تىڭ دا اناعۇرلىم زور دامۋدى جۇزەگە اسىرۋدا، تۇبىرىنەن العاندا، تاعى دا رەفورما جاساۋعا، ەسىك اشۋعا سۇيەنۋى كەرەك. باس شۋجي شي جينپيڭ ”جۇڭگو ۇلگىسىندەگى وسىزامانداندىرۋدى ىلگەرىلەتۋدە، ٴسوز جوق، رەفورما جاساۋدى، ەسىك اشۋدى ونان ارى جاپپاي تەرەڭدەتىپ، ۇزدىكسىز قوعامدىق وندىرگىش كۇشتەردى ازات ەتۋ جانە دامىتۋ، قوعامدىق ومىرشەڭدىك كۇشتى ازات ەتۋ جانە كۇشەيتۋ كەرەك“ دەپ باسا دارىپتەدى. قىم ـ قۋىت كۇردەلى حالىقارالىق جانە ەل ٴىشى جاعدايى الدىندا، جاڭا كەزەكتى عىلىم ـ تەحنيكا توڭكەرىسى جانە كاسىپ سالاسى وزگەرىسى الدىندا، حالىق بۇقاراسىنىڭ جاڭا ارمان ـ تىلەگى الدىندا، ٴسوز جوق، رەفورمانى سانالى تۇردە اناعۇرلىم كورنەكتى ورىنعا قويىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى مىقتاپ ارقاۋ ەتە وتىرىپ رەفورمانى اناعۇرلىم جاپپاي تەرەڭدەتۋ كەرەك. جاڭا جورىقتا ٴبىز رەفورما جاساۋ، ەسىك اشۋ سىندى وسى ماڭىزدى اسىلدان پايدالانىپ دامۋداعى ماسەلەلەردى شەشۋگە، العا باسۋ جولىمىزداعى حاۋىپ ـ قاتەرلەر مەن سىن ـ سايىستارعا توتەپ بەرۋگە تاباندى بولىپ، رەفورمانى سوڭىنا دەيىن جۇرگىزۋ باتىل بەكىمىمەن شىنداپ كىرىسىپ، قيىن تۇيىندەرگە سايىس جاريالاپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە كەدەرگى بولاتىن يدەيالىق كوزقاراس پەن ٴتۇزىلىس ـ مەحانيزم كەمشىلىكتەرىن باتىل الاستاپ، وزەكتى مىندەتتى ورىنداۋعا، ستراتەگيالىق نىسانانى جۇزەگە اسىرۋعا قوزعاۋشى كۇش ۇستەۋىمىز كەرەك.
جۇڭگو ۇلگىسىندەگى وسىزامانداندىرۋ _ جۇڭگو كوممۋنيستىك پارتياسى باسشىلىعىنداعى سوتسياليستىك وسىزامانداندىرۋ، پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ ٴتۇبىرلى بەتالىسىنا، بولاشاق تاعدىرىنا، ەڭ سوڭعى ٴساتتى ـ ٴساتسىز بولۋىنا تىكە قاتىستى. تەك ٴىرى پارتياعا عانا ٴتان قيىن ماسەلەلەردى شەشەتىن سەرگەكتىك پەن تاباندىلىقتى قاي ـ قاشان دا ساقتاپ، پارتيانى اناعۇرلىم قۋاتتى دا پارمەندى ەتىپ قۇرعاندا عانا، جۇڭگو ۇلگىسىندەگى وسىزامانداندىرۋدىڭ تولقىن جارىپ، ورنىقتى قاداممەن الىسقا جەتۋىنە شىنايى كەپىلدىك ەتۋگە بولاتىندىعىن، ٴسوز جوق، تەرەڭ تانۋىمىز كەرەك. جاڭا جورىقتاعى جاڭا سىن ـ سايىستار، جاڭا سىناقتار، جاڭا جاعداي، جاڭا مىندەتتەر الدىندا، باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن، پارتيانىڭ وزىنە ـ ٴوزى توڭكەرىس جاساۋى جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىنىڭ جەتىستىكتەرىن ٴۇرتىس بەكەمدەپ جانە كەڭەيتىپ، پارتيا ٴتارتىبىن ۇيرەنۋ تاربيەسىن ورىستەتۋدى وراي ەتىپ، سانالى تۇردە ٴتارتىپ تالابىن وي ـ ساناعا ۇيالاتىپ، ارەكەتتە ايگىلەپ، ساياسي تاباندىلىقتى، ٴتارتىپ تاباندىلىعىن، ٴمورال تاباندىلىعىن، شىرىكتەسۋگە قارسى تۇرۋ تاباندىلىعىن ۇزدىكسىز كۇشەيتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ قۇدىرەتتى قوزعاۋشى كۇشى مەن بىرىككەن كۇشىن قالىپتاستىرىپ، تاريحتىڭ جانە حالىقتىڭ سىنىنان وتەتىن ناقتى ناتيجەلەردى جاراتۋعا قۇلشىنۋىمىز كەرەك.
جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ _ جۇڭگو حالقىنىڭ تاماشا، باقىتتى تۇرمىسقا تالپىنۋداعى جارقىن جولى ٴارى دۇنيە ٴجۇزىنىڭ بەيبىتشىلىگى مەن دامۋىن جەبەيتىن اقيقات جولى. بىردەن ـ ٴبىر دۇرىس وسى داڭعىل جولمەن ارشىنداي ىلگەرىلەسەك، تاباندىلىعىمىز شەكسىز ارتىپ، سەنىمىمىز تەڭدەسسىز كۇشەيەدى. ”ٴبارىمىز كۇرەسكەرمىز، بۇرىننان قازىرگە دەيىن كۇرەس جاساپ، وسىنشاما شۇعىلالى تابىسقا قول جەتكىزدىك. بولاشاق نىسانامىز وتە ايقىن، وتە ۇلى، ونى جۇزەگە اسىرۋ ٴۇشىن ۇزدىكسىز تىڭعىلىقتى ىستەپ، كۇرەس جۇرگىزۋىمىز كەرەك“. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، قايراتتانا ۇمتىلىپ، جاۋاپكەرشىلىك ارقالاپ، ىسكەرلىك كورسەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جاڭا جورىعىندا اناعۇرلىم شۇعىلالى داستان جازايىق.
(شينحۋا اگەنتتىگىنىڭ 6 ـ ايدىڭ 30 ـ كۇنى بەيجيڭنەن بەرگەن حابارى)
