تيانشان الابىندا باي مازمۇندى قيمىلدار وتكىزىلىپ ”1 ـ شىلدە“ قۇتتىقتالدى
اۋەلگى ماقساتتى، بورىشتى ەستە بەرىك ساقتاپ، ۇزدىكسىز ناقتى ىستەر تىندىرىپ كۇرەس جۇرگىزدى
انار بۇلت \ شينجياڭ گازەتىنىڭ ٴتىلشىسى ٴپاريزات ابدۇل
قىزىل ٴتۇستى شىلدەدە پارتيا تۋى جەلبىرەيدى. جۇڭگو كوممۋنيستىك پارتياسى قۇرىلعاندىعىنىڭ 103 جىلدىعىن قۇتتىقتاۋ ٴۇشىن، بىرنەشە كۇننەن بەرى شينجياڭنىڭ جەر ـ جەرىندە پارتيا مۇشەلەرى، كادرلار، بۇقارا ٴبىرسىپىرا فورماسى ٴار الۋان، مازمۇنى باي ”1 ـ شىلدەنى“ قۇتتىقتاۋ قيمىلدارىن ورىستەتىپ، قالىڭ پارتيا مۇشەلەرىن، كادرلاردى اۋەلگى ماقساتتى، بورىشتى ەستە بەرىك ساقتاپ، ۇزدىكسىز ناقتى ىستەر تىندىرىپ، كۇرەس جۇرگىزىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا جاڭا ۇلەس قوسۋعا جىگەرلەندىردى.
پارتياعا كىرۋ سەرتىن قايتا پىسىقتادى، تاڭداۋلى پارتيا مۇشەلەرىن ماداقتادى ـ سيلادى، جاڭا قالا باتىس قاقپا قىستاعىن ەكسكۋرسيالادى... 6 ـ ايدىڭ 28 ـ كۇنى تۇرپان قالاسى گاۋچاڭ رايونى جار قالاشىعى شاللىق قىستاعى ”1 ـ شىلدەنى قارسى الۋ، پارتيالىلىقتى كۇشەيتۋ، اۋەلگى ماقساتتى امالياتتا ايگىلەۋ _ پارتيا تۋى تيانشاندى نۇرلاندىردى“ نەگىزگى تاقىرىپتىق پارتيا كۇنى قيمىلىن ورىستەتتى، بۇكىل قىستاقتاعى پارتيا مۇشەلەرى، كادرلار، قىستاقتا تۇراتىن قىزمەت اترەتىنىڭ مۇشەلەرى وسى رەتكى قيمىلعا بىرگە قاتىناستى. شاللىق قىستاعىنىڭ ٴبىرىنشى شۋجيى ٴدىلنار ٴمۇتالىپ بىلاي دەدى: پارتيا مۇشەسى رەتىندە، جاڭا ٴداۋىردىڭ جاڭا جورىعىندا مۇرات ـ سەنىمدى بەكەمدەپ، اناعۇرلىم تاسقىنداعان ىنتامەن، اناعۇرلىم ناقتى ٴىس ىستەۋ ستيلىمەن بۇكىل قىستاقتاعى ٴار ۇلت بۇقاراسىن باستاپ اۋىل ـ قىستاقتى گۇلدەندىرۋدى بىرگە ىلگەرىلەتەمىن.
سول كۇنى وزگەشە نەگىزگى تاقىرىپتىق پارتيا كۇنى قيمىلى حوتان اۋدانى سۋ ىشكەندە قۇدىق قازۋشىنى ۇمىتپاۋ ەسكەرتكىش سارايىندا وتكىزىلدى. وسى اۋداننىڭ بۇزاق اۋىلى زاۋتۋ قىستاعىنىڭ ”ەكى كوميتەت“ القاسى، پارتيا مۇشەلەرى ۋاكىلدەرى ەكسكۋرسيا، ۇيرەنۋ بارىسىندا پارتيانىڭ شۇعىلالى تاريحي بارىسىن قايتا ەسكە الىپ، پارتيا جونىندەگى تۇسىنىكتەرىن تەرەڭدەتىپ، ەكپىندەي ىلگەرىلەۋ كۇش ـ قۋاتىن قابىلدادى.
ەسكەرتكىش سارايىندا پارتيا مەن ۇكىمەتتىڭ حوتان اۋدانىنداعى ٴار ۇلت بۇقاراسىنا بالداي ٴتاتتى سۋ جەتكىزگەن بارىسى ەستەلىككە الىنعان. اۋىز سۋدى جاقسارتۋ تاريحىنان اۋىز سۋدى جاقسارتۋ بارىسىنا، ودان بۇقارانىڭ باقىتتى تۇرمىسىنا دەيىن، ٴاربىر سۋرەتتىڭ، ٴاربىر ناقتى زاتتىڭ ٴبارى وسى قىستاقتاعى پارتيا مۇشەسى ابىلەاحات روزىتوحتىنى ەرەكشە اسەرلەندىردى، ”قازىر ٴبىزدىڭ ىشكەنىمىز حاۋىپسىز، بالداي ٴتاتتى قۇبىر سۋى، سانسىز پارتيا مۇشەسىنىڭ، كادرلاردىڭ جۇرەك قانىن سارقىپ، بار قايراتىن جۇمساۋىنان كەلگەن، ٴبىز وڭاي ـ وسپاق كەلمەگەن باقىتتى تۇرمىسىمىزدى قادىرلەۋىمىز كەرەك“.
6 ـ ايدىڭ 30 ـ كۇنى كەشتە ٴدوربىلجىن اۋدانى ەمىل الاڭى دۋمانعا بولەندى، ٴدوربىلجىن اۋدانىنىڭ ”جۇڭگو كوممۋنيستىك پارتياسى قۇرىلعاندىعىنىڭ 103 جىلدىعىن قۇتتىقتاۋ“ وتانشىلدىق اندەر حور جارىسى وسى ارادا وتكىزىلدى. «كوممۋنيستىك پارتيا بولماسا، جاڭا جۇڭگو بولماق ەمەس»، «وتاندى جىرلايمىز»، «ٴبىز داڭعىل جولدا كەلەمىز»... بۇكىل اۋداننىڭ ٴارقايسى اۋىلىنان (قالاشىق)، الاڭىنان كەلگەن 13 حور ۇيىرمەسى كەزەكپەن ساحناعا شىقتى، قۇلاققا ابدەن تانىس، ادامدى ەكپىندەي ىلگەرىلەۋگە ىنتالاندىراتىن كلاسسيك وتانشىلدىق اندەر ٴار ۇلت حالقىنىڭ پارتياعا شىنايى سۇيىسپەنشىلىگىن اسقاقتاتتى.
”ساحنادا انمەن پارتياعا قىزۋ سۇيىسپەنشىلىك پەن العىس ايتۋ سەزىمىن جەتكىزە العاندىعىما ايرىقشا قۋانىشتامىن“. ٴدوربىلجىن اۋدانى ٴۇشقاراسۋ قالاشىعىنىڭ كادرى ميلەك ۇيىمبەك بىلاي دەدى: وتانشىلدىق اندەر حور جارىسى قابىلەتتى ايگىلەيتىن تۇعىر عانا ەمەس، تىپتەن، جان دۇنيەنى تازارتادى. الداعى قىزمەت بارىسىندا مەن اۋەلگى ماقساتتى، بورىشتى ۇزدىكسىز ەستە بەرىك ساقتاپ، حالىق بۇقاراسىنا ٴتىپتى دە ويداعىداي قىزمەت ەتەمىن.
ٴان ايتىپ، بيگە باسىپ ”1 ـ شىلدەنى“ قۇتتىقتادى. 6 ـ ايدىڭ 30 ـ كۇنى كەشتە پوسكام اۋدانى ٴسايلى اۋىلىنىڭ گۇلباق قىستاعى ”1 ـ شىلدەنى“ قارسى الۋ ادەبيەت ـ كوركەمونەر بايقاۋىن وتكىزدى. وسى قىستاقتىڭ كادر ـ بۇقاراسى ورىنداعان «بالدىرعاندار جۇرەگى پارتيا دەپ سوعادى»، «بارابان قاعىپ ٴانىڭدى اۋەلەت»، «تىنىستاس انار داندەرى» سياقتى ون نەشە ويىن نومىرىنە كورەرەمەندەر اۋىق ـ اۋىق دۋ قول شاپالاق سوقتى. كوپشىلىكتىڭ وزدەرى قۇراستىرىپ، وزدەرى رەجيسسەرلىك ىستەگەن ٴان ـ بيلەر پارتياعا العىس سەزىمىن جەتكىزىپ، جاڭا ٴداۋىردى ماداقتاپ، بۇگىنگى باقىتتى تۇرمىستى ايگىلەپ، كادرلاردىڭ، بۇقارانىڭ پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ بەرىك سەنىمىن اناعۇرلىم بەكەمدەدى.
”مەن ٴوز ەركىممەن جۇڭگو كوممۋنيستىك پارتياسىنا مۇشە بولامىن، پارتيانىڭ باعدارناماسىن جاقتايمىن، پارتيانىڭ ۋستاۆىنا بويسۇنامىن...“ 7 ـ ايدىڭ 1 ـ كۇنى ونسۋ اۋدانى ارال قالاشىعىنىڭ قىستاقتارى پارتياعا كىرۋ سەرتىن قايتا پىسىقتاپ، پارتيا تاريحى ٴبىلىمى سۇراۋ ـ جاۋابى، لين جيلۋ ەسكەرتكىش سارايىن ەكسكۋرسيالاۋ سياقتى ٴتۇرلى فورماداعى نەگىزگى تاقىرىپتىق پارتيا كۇنى قيمىلى ارقىلى جۇڭگو كوممۋنيستىك پارتياسى قۇرىلعاندىعىنىڭ 103 جىلدىعىن قۇتتىقتادى. نەگىزگى تاقىرىپتىق پارتيا كۇنى قيمىلى ارقىلى پارتيا مۇشەلەرى رۋحاني جاقتان سىننان ٴوتىپ، ەكپىندەي ىلگەرىلەۋ كۇش ـ قۋاتىن قايتا ۇيىستىردى. كوپشىلىك جابال مىنالاردى ٴبىلدىردى: اعا بۋىن كوممۋنيستەردىڭ تاڭداۋلى ٴداستۇرى مەن ستيلىن جالعاستىرىپ، پارىقتاردى تاۋىپ، ولقىلىقتاردى تولىقتاپ، يدەيا مەن قابىلەتتى جوعارىلاتىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا، اۋىل ـ قىستاقتى جاپپاي گۇلدەندىرۋگە ۇلەس قوسامىز.
