تيانشان تورى
تيانشان تورى   ›   جاڭالىقتار   ›   شينجياڭ حابارلارى

بيڭتۋاننىڭ باسىمدىعىن، كومەسكى كۇشىن ساۋلەلەندىرىپ، بيڭتۋان مەن جەرگىلىكتى ورىننىڭ توعىسپالى دامۋىن تەرەڭدەتىپ، شينجياڭنىڭ جوعارى ساپالى دامۋ جالپى جاعدايىنا ۇزدىكسىز تىڭ ۇلەس قوسۋ كەرەك

  ما شيڭرۇي شىحىزى قالاسىندا كاسىپ سالالارىنىڭ دامۋىنا جانە بيڭتۋان مەن جەرگىلىكتى ورىننىڭ توعىسۋ قىزمەتىنە تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى

  بيڭتۋاننىڭ باسىمدىعىن، كومەسكى كۇشىن ساۋلەلەندىرىپ، بيڭتۋان مەن جەرگىلىكتى ورىننىڭ توعىسپالى دامۋىن تەرەڭدەتىپ، شينجياڭنىڭ جوعارى ساپالى دامۋ جالپى جاعدايىنا ۇزدىكسىز تىڭ ۇلەس قوسۋ كەرەك

  7 ـ ايدىڭ 2 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي شىحىزى قالاسىنا بارىپ تەكسەرۋ ـ زەرتتەۋ جۇرگىزدى. سۋرەتتە: ما شيڭرۇي شىحىزى حۋايۋان اۋەجايىندا تيانيۇي حاڭتۇڭ عىلىم ـ تەحنيكا شەكتى سەرىكتەستىگىنىڭ ٴىرى تۇرپاتتى ۇشقىشسىز تاسىمال ۇشاعىنىڭ رولىن، قولدانىلۋ سالاسىن، بازار بولاشاعىن ەگجەي ـ تەگجەيلى ۇعىسۋدا.

□ سۋرەتتى انار بۇلت\شينجياڭ گازەتىنىڭ ٴتىلشىسى سۇي جىجيان تۇسىرگەن

  انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 7 ـ ايدىڭ 2 ـ كۇنى شىحىزىدان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 7 ـ ايدىڭ 2 ـ كۇنى شىحىزى قالاسىنا كەلىپ، جالپىلىق اۆياتسيا، توقىماشىلىق، ەنەرگيا بايلىعى سياقتى ٴتۇيىندى كاسىپ سالالارىنا جانە بيڭتۋان مەن جەرگىلىكتى ورىننىڭ توعىسپالى دامۋ قىزمەتىنە ىشكەرىلەي تەكسەرۋ ـ زەرتتەۋ جۇرگىزدى. ول بىلاي دەپ باسا دارىپتەدى: جوعارى ساپالى دامۋ سىندى ماڭداي الدى مىندەتتى مىقتاپ يگەرىپ، بيڭتۋاننىڭ ٴار جاقتاعى باسىمدىعىن، كومەسكى كۇشىن ۇزدىكسىز ساۋلەلەندىرىپ، ٴداستۇرلى كاسىپ سالالارىنىڭ ساپاسىن جوعارىلاتىپ، دارەجەسىن ٴوسىرۋدى كۇش سالا ىلگەرىلەتىپ، جاڭا قوزعالىس قۋاتتى، جاڭا باسىمدىقتى بەلسەنە جەتىلدىرىپ، دامىتىپ، وسىزاماندانعان كاسىپ سالاسى جۇيەسىن جەدەل ورناتىپ، بيڭتۋان مەن جەرگىلىكتى ورىننىڭ ىشكەرىلەي توعىسا دامۋدا تىڭ قادام تاستاۋىن ونان ارى ىلگەرىلەتىپ، شينجياڭنىڭ جوعارى ساپالى دامۋ جالپى جاعدايىنا ۇزدىكسىز تىڭ ۇلەس قوسۋ كەرەك.

  تيانيۇي حاڭتۇڭ عىلىم ـ تەحنيكا شەكتى سەرىكتەستىگى شىحىزى قالاسىندا ٴىرى تۇرپاتتى ۇشقىشسىز تاسىمال ۇشاق ٴوندىرىس بازاسىن قۇرۋدى جەدەلدەتۋدە، بيىل وتكىزىپ بەرىلىپ، وندىرىسكە قوسىلادى. ما شيڭرۇي جۇمىس باسىنا كەلىپ، بازا قۇرىلىسىنىڭ اياق الىسىن تەكسەرىپ كورىپ، قاتىستى جاۋاپتىلاردان ۇشقىشسىز ۇشاقتىڭ رولى، قولدانىلۋ سالاسى، بازار بولاشاعى سياقتىلاردى ەگجەي ـ تەگجەيلى ۇعىسىپ، ولاردى نىسان قۇرىلىسىن بەلسەنە ىلگەرىلەتىپ، ٴوندىرۋ، زەرتتەۋ ـ اشۋ قابىلەتىن ۇزدىكسىز جوعارىلاتىپ، شينجياڭنىڭ امبەباپ اۆياتسيا كاسىپ سالاسىن دامىتۋعا، تومەن كەڭىستىك ەكونوميكاسىنىڭ جاڭا اۋە جولىن اشۋعا؛ ٴىرى تۇرپاتتى ۇشقىشسىز ۇشاق باسىمدىعىن شينجياڭنىڭ ٴىس جۇزىندىك قاجەتىمەن ٴونىمدى ۇشتاستىرۋدى ىلگەرىلەتىپ، اۋىل شارۋاشىلىعى ٴوندىرىسى، ورمان ٴورت ٴسوندىرۋ، ورتتەن ساقتانۋ جانە جايلىمدى باسقارۋ، قورعاۋ، زات اينالىمى تاسىمالى سياقتى سالالاردا اناعۇرلىم زور رول اتقارۋعا شابىتتاندىردى.

  ما شيڭرۇي جۇڭشينجيان ەلەكتر قۋاتى توبىنا بارىپ، جالپىلىق ەنەرگيا ورنالاستىرۋ ورتالىعىن ارالاپ، كاسىپورىننىڭ قايتا ۇيىمداسقاننان كەيىنگى شارۋاشىلىقتى باسقارۋ ونىمدىلىگى جانە كەلەلى نىسان قۇرىلىستارى، جاڭا ەنەرگيانىڭ دامۋى سياقتى جاعدايلاردى تەكسەرىپ، بىلاي دەپ باسا دارىپتەدى: بيڭتۋاننىڭ ەڭ ۇلكەن ەلەكتر قۋاتى ەنەرگيا كاسىپورنىنىڭ باسىمدىققا يە رولىن شىنايى، ويداعىداي ساۋلەلەندىرىپ، كولەمىن ۇزدىكسىز زورايتىپ، جالپى تۇلعالىق ناقتى قۋاتى مەن جالپىلىق باسەكەلىك قۋاتىن جوعارىلاتىپ، وسىزاماندانعان شارۋاشىلىق باسقارۋ دەڭگەيىن جوعارىلاتىپ، شينجياڭنىڭ جاڭا ەنەرگيانى نەگىزگى تۇلعا ەتكەن جاڭاشا ەلەكتر قۋاتى جۇيەسىن قۇرۋىنا اناعۇرلىم ويداعىداي دەم بەرۋ كەرەك.

  شينجياڭ توقىماشىلىق كاسىپ سالاسى ينتەرنەت اينالىم تۇعىرى جانە زەردەلى قامبادا ساقتاۋ، زات اينالىمى نىسانى بىلتىر 9 ـ ايدا شىحىزى قالاسىندا ينتەرنەت جەلىسىنە قوسىلىپ جۇمىس جۇرگىزدى. ما شيڭرۇي نىسان قۇرىلىسى مەن اينالىم جاعدايى جونىندەگى تانىستىرۋدى تىڭداپ، ماقتا ٴجىپ سياقتى ونىمدەردىڭ ەلەكتروندى ساۋدا تۇعىرى جەلىسىندەگى ساۋدا بارىسىن تەكسەرىپ كورىپ، تۇعىردىڭ رولىن ساۋلەلەندىرۋ جاعدايىن ەگجەي ـ تەگجەيلى ۇعىستى. ول بىلاي دەپ باسا دارىپتەدى: سيفرلاندىرۋ، ينفورماتسيالاندىرۋ ارقىلى قۋات ۇستەپ، توقىماشىلىق كاسىپ سالاسىنىڭ قامداۋ تىزبەگىنىڭ دەڭگەيىن جانە كاسىپورىنداردىڭ بازارداعى باسەكەلىك قۋاتىن ۇزدىكسىز جوعارىلاتىپ، تۇعىردىڭ تيجارات تۇلعالارىنا قىزمەت وتەۋىنىڭ ساپاسىن، ونىمدىلىگىن ۇزدىكسىز كۇشەيتىپ، كاسىپ سالاسى تىزبەگىنىڭ تومەنگى بۋىنعا قاراي ۇزدىكسىز ۇزارۋىنا جەتەكشىلىك ەتىپ، شينجياڭنىڭ توقىماشىلىق كاسىپ سالاسىنىڭ جوعارى ساپالى دامۋىنا اناعۇرلىم ويداعىداي قىزمەت وتەۋ كەرەك.

  ما شيڭرۇي ىلگەرىندى ـ كەيىندى تيانشان اليۋمين شارۋشىلىعى مەن داچۋان ەنەرگيا سەرىكتەستىگىنە بارىپ، ٴوندىرىس سەحى، مەڭگەرۋ ورتالىعى سياقتى جەرلەردى ارالاپ، شارۋاشىلىق ٴوندىرىسى مەن كاسىپ سالاسىنىڭ دامۋ جاعدايىن ىشكەرىلەي تەكسەرىپ، كاسىپورىنداردى شينجياڭنىڭ ستراتەگيالىق جاڭادان گۇلدەنگەن كاسىپ سالاسى شوعىرىنىڭ ورنالاسۋىمەن بەلسەنە توعىسىپ، بازاردىڭ دامۋ بەتالىسىن دالمە ـ ٴدال يگەرىپ، شارۋاشىلىقتىڭ دامۋ ونىمدىلىگىن جوعارىلاتىپ، باتىسقا قاراي ورتا ازيا سياقتى توڭىرەكتەگى ەلدەردىڭ بازارىنا ٴورىس اشۋعا ٴمان بەرىپ، جوعارى ساپالى دامۋدى ۇزدىكسىز جۇزەگە اسىرۋعا شابىتتاندىردى. ٴوندىرىس حاۋىپسىزدىگى تومەنگى شەگىن مىقتاپ ساقتاپ، دامۋ مەن حاۋىپسىزدىكتى شىن مانىندە ٴبىر تۇتاس ويداعىداي جوسپارلاۋدى تالاپ ەتتى.

  ما شيڭرۇي تەكسەرۋ ـ زەرتتەۋ بارىسىندا بىلاي دەپ باسا دارىپتەدى: جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شينجياڭنىڭ جوعارى ساپالى دامۋ جالپى جاعدايىندا بيڭتۋاننىڭ شى، قالالارىنىڭ دامۋىن ىلگەرىلەتۋگە تاباندى بولىپ، ٴوزىنىڭ فۋنكتسيالىق ورنىن كوزدەپ، باسىمدىقتاردى ۇزدىكسىز بەكەمدەپ، ولقىلىقتاردى تولىقتاۋعا، ارتىقشىلىقتاردى اسىرۋعا كۇش سالىپ، بيڭتۋاننىڭ جالپىلىق ناقتى قۋاتىن ۇزدىكسىز زورايتۋ كەرەك. ەرەكشەلىككە، باسىمدىققا يە كاسىپ سالالارىن دامىتۋدى نەگىزگى قامال الۋ بەتالىسى ەتۋگە تاباندى بولىپ، بايلىق باسىمدىعى مەن كاسىپ سالاسى نەگىزى سياقتىلاردى تياناق ەتىپ، اۆتونوميالى رايوننىڭ ”سەگىز ٴىرى كاسىپ سالاسى شوعىرى“ قۇرىلىسىمەن ىرىقتى تۇردە توعىسىپ، تىرەكتى كاسىپ سالالارىن، جەتەكشى كاسىپ سالالارىن كۇش سالا جەتىلدىرىپ، زورايتىپ، تىزبەكتى ۇزارتۋدى، تىزبەكتى تولىقتاۋدى، تىزبەكتى كۇشەيتۋدى ۇزدىكسىز كۇشەيتىپ، بيڭتۋان ەرەكشەلىگىنە جانە باسىمدىعىنا يە وسىزاماندانعان كاسىپ سالاسى جۇيەسىن جەدەل ورناتۋ كەرەك. دامۋدىڭ جاڭا قوزعالىس قۋاتىن، جاڭا باسىمدىعىن ۇزدىكسىز جەتىلدىرىپ جانە سومداپ، عىلىم ـ تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن كۇشەيتىپ، جاڭا كاسىپ سالالارىنىڭ، جاڭا ۇلگىدەگى دامۋدى جەرگىلىكتى جاعدايعا قاراي ىلگەرىلەتىپ، جاڭا ٴورىستى ۇزدىكسىز كەڭەيتىپ، جاڭا ارتۋ تۇيىندەرىن جەتىلدىرىپ، شينجياڭ ەكونوميكاسىنىڭ ساننىڭ ۇيلەسىمدى ارتۋى مەن ساپاسىنىڭ ورنىقتى جوعارىلاۋىنا اناعۇرلىم كوپ كۇش قوسۋ كەرەك.

  ما شيڭرۇي بىلاي دەپ باسا دارىپتەدى: بيڭتۋان مەن جەرگىلىكتى ورىن ەكى جاق ”بيڭتۋان مەن جەرگىلىكتى ورىن ٴبىر تۇتاس جۇيە“ ۇستانىمىن ونان ارى كۇشەيتىپ، توعىسپالى دامۋدى ىلگەرىلەتۋدەگى جاۋاپكەرشىلىك سەزىمى مەن بورىشتىلىق سەزىمىن، بەلسەندىلىگى مەن ىرىقتىلىعىن ۇزدىكسىز كۇشەيتىپ، ٴار ساتى ـ دارەجەدەگى توعىسپالى دامۋ ٴتۇزىلىس ـ مەحانيزمىن جەدەل كەمەلدەندىرىپ، قۇرىلعىلاردى بىرگە قۇرۋدى، بايلىقتان بىرگە يگىلىكتەنۋدى، ىشكەرىلەي كىرىگۋدى، باسىمدىقتار ارقىلى ٴوزارا تولىقتاۋدى جۇزەگە اسىرىپ، بيڭتۋان مەن جەرگىلىكتى ورىننىڭ ەكونوميكا، قوعام سياقتى ٴار سالادا جان ـ جاقتى ىشكەرىلەي توعىسپالى دامۋىن ىلگەرىلەتۋدە تىڭ قادام تاستاۋ كەرەك.

  قادەن كابەن، حا زىڭيوۋ تەكسەرۋ ـ زەرتتەۋگە قاتىناستى.

جاۋاپتى رەداكتور : ريزا حاميت قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.