تيانشان تورى
تيانشان تورى   ›   جاڭالىقتار   ›   شينجياڭ حابارلارى

8 ـ كەزەكتى جۇڭگو _ ازيا _ ەۆروپا كورمەسىندە كورمەگە، ماجىلىسكە قاتىناسقان كاسىپورىن 3200دەن استى

  كورمەگە كەلگەندەردىڭ جالپى سانى 248 مىڭ 800 ادامعا (رەت) جەتتى

  انار بۇلت \ شينجياڭ گازەتىنىڭ ٴتىلشىسى حي حۇڭۋي 7 ـ ايدىڭ 2 ـ كۇنى ۇرىمجىدەن حابارلايدى. 8 ـ كەزەكتى جۇڭگو _ ازيا _ ەۆروپا كورمەسىنىڭ اقپار جاريالاۋ ماجىلىسىنەن ۇعىسۋىمىزشا، 8 ـ كەزەكتى جۇڭگو _ ازيا _ ەۆروپا كورمەسى وتكىزىلگەن كەزدە قول قويىسقان كەلىسىمنىڭ جالپى سوماسى 615 ميلليارد 552 ميلليون يۋانعا، كورمەگە كەلگەندەردىڭ جالپى سانى 248 مىڭ 800 ادامعا (رەت) جەتكەن.

  ”وسى كەزەكتى كورمە _ قاتىناسقان ساياسي قايراتكەرلەردىڭ، سيلى قوناقتاردىڭ دارەجەسى ەڭ جوعارى، كورمەگە، ماجىلىسكە قاتىناسقان كاسىپورىندار، ساۋداگەرلەر ەڭ كوپ، كورمە، ٴماجىلىس جەتىستىكتەرى ەڭ مول، سوڭعى جىلداردان بەرى قوعامدىق ىقپالى ەڭ زور كورمە بولدى“، ـ دەپ تانىستىردى اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ شۋجيى، 8 ـ كەزەكتى جۇڭگو _ ازيا _ ەۆروپا كورمەسى اتقارۋ كوميتەتىنىڭ باس حاتشىسى لي شۋان.

  وسى كەزەكتى كورمەگە جالپى 50 مەملەكەت، ٴوڭىر جانە حالىقارالىق ۇيىم، ەل ىشىنەن 30 ولكە، اۆتونوميالى رايون، توتە قاراستى قالا، شينجياڭ ٴوندىرىس ـ قۇرىلىس بيڭتۋانى جانە اۆتونوميالى رايوننىڭ 14 ايماق، وبلىس، قالاسى قاتىناستى، كورمەگە، ماجىلىسكە قاتىناسقان كاسىپورىن 3200دەن استى.

  قازاقستان، قىرعىزستان سياقتى نەگىزگى قوناق ەلدەر، 22 مەملەكەت، 3 ٴوڭىر جانە ٴبىر حالىقارالىق ۇيىم وبراز سارايىن قۇردى. بانگلادەش، ۋرۋگۋاي سياقتى 5 مەملەكەت پەن ٴوڭىر تۇڭعىش رەت كورمەگە قاتىناستى. 37 شەكارا سىرتىنداعى ساۋداگەرلەر قوعامى، جۇڭگودا تۇراتىن ەلشىلىكتەردىڭ ساۋدا باسقارماسى كورمەگە، ماجىلىسكە قاتىناستى، امەريكا _ جۇڭگو ەلەكتروندى ساۋدا قوعامى، كورەيا جيجوۋ ساۋدا ـ ونەركاسىپشىلەر كەڭەسى سياقتى قۇرىلىمدار تۇڭعىش رەت ۇيىرمە ۇيىمداستىرىپ كورمەگە قاتىناستى. مەملەكەت جانە ٴوڭىردىڭ وبراز سارايىنان باسقا، حالىقارالىق ەرەكشەلىككە يە تاۋار كورمە اۋماعىندا 30 مەملەكەتتەن 120 كاسىپورىن كورمەگە قاتىناستى.

  كورمەنىڭ كورمەلەۋ اۋماعى 140 مىڭ شارشى مەتر بولىپ، %100 جاسىل ەلەكترمەن قامداۋدى جۇزەگە اسىردى، ەرەكشە كورمەلەۋ ورنى بۇكىل سارايدىڭ %77تەن استامىن يەلەدى، ورتالىق كاسىپورىندارى سارايى، ارنايىلانعان، كەمەلدەنگەن، ەرەكشەلەنگەن، جاڭاشالانعان كاسىپورىندار سارايى، گۋاڭدۇڭ _ شياڭگاڭ _ اۋمىن ٴوڭىرى كاسىپورىندار سارايى، شينجياڭ ”سەگىز ٴىرى كاسىپ سالاسى شوعىرى“ كاسىپ سالاسى تىزبەگى تىزبەك باسى كاسىپورىندار سارايى، ت . ب تۇڭعىش رەت ورنالاستىرىلدى. كورمە ونىمدەرى 11 سالانى، 20 نەشە ۇلكەن ٴتۇردى، 6000نان استام ٴونىمدى قامتيدى، ٴبىرسىپىرا جوعارى، جاڭا تەحنيكالىق جابدىقتار، جوعارى، جاڭا عىلىم ـ تەحنيكالىق ونىمدەر كورمەدە بوي كورسەتتى. كورمە ـ ٴماجىلىس كەزىندە 8 رەت تالقى مىنبەرى قيمىلى، 46 رەت قارجى قوسۋدى، ساۋدانى جەبەۋ قيمىلى وتكىزىلدى. كورمە دۇنيە جۇزىندەگى 500 ەگەي كاسىپورىننان جانە جۇڭگوداعى 500 ەگەي كاسىپورىننان 37 كاسىپورىندى باۋراپ، ”كورمە ورنىن الۋ قيىنعا سوعۋ“ جاعدايى جارىققا شىقتى.

  لي شۋان مىنالاردى ٴبىلدىردى: تاجىريبەلەردى مۇقيات قورىتىندىلاپ، جۇڭگو _ ازيا _ ەۆروپا كورمەسىن ۇزدىكسىز جوعارى ساپادا ويداعىداي وتكىزىپ، ٴتىپتى دە كوپ ەل ٴىشى ـ سىرتىنداعى سيلى قوناقتاردى جانە كاسىپورىن سالاسىنداعى دوستاردى كورمەگە، ماجىلىسكە قاتىناسۋعا باۋراپ، جۇڭگو _ ازيا _ ەۆروپا كورمەسى سىندى وسى ماڭىزدى تەرەزە جانە تۇعىر ارقىلى شينجياڭنىڭ ٴتىپتى دە ۇلكەن كولەمدە، ٴتىپتى دە كەڭ سالادا، ٴتىپتى دە تەرەڭ ساتىدا ىشكە ـ سىرتقا ەسىك اشۋىن ىلگەرىلەتىپ، ازيا _ ەۆروپا وڭىرىندەگى ەلدەرىمەن ناقتى ىستەر سەلبەستىگىن تەرەڭدەتىپ، جۇڭگو مەن ازيا _ ەۆروپا وڭىرىندەگى ەلدەردىڭ بىرگە دامۋىنا شينجياڭ ۇلەسىن قوسامىز.

جاۋاپتى رەداكتور : ريزا حاميت قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.