شينجياڭدا تىركەۋگە الىنعان شارۋاشىلىق تۇلعالارى 2 ميلليون 515 مىڭ 100گە جەتتى
سايكەس مەزگىلدەگىدەن %6.67 ارتتى
انار بۇلت \ شينجياڭ گازەتىنىڭ ٴتىلشىسى سو رۇڭجى 7 ـ ايدىڭ 7 ـ كۇنى ۇرىمجىدەن حابارلايدى. اۆتونوميالى رايوندىق بازار باقىلاۋ ـ باسقارۋ مەكەمەسىنەن ۇعىسۋىمىزشا، 6 ـ ايدىڭ سوڭىنا دەيىن شينجياڭدا تىركەۋگە الىنعان ٴتۇرلى شارۋاشىلىق تۇلعالارى 2 ميلليون 515 مىڭ 100گە (بيڭتۋانداعى 273 مىڭ تۇلعانى قامتيدى) جەتىپ، سايكەس مەزگىلدەگىدەن %6.67 ارتقان.
مۇنىڭ ىشىندە كاسىپورىن 561 مىڭ بولىپ، سايكەس مەزگىلدەگىدەن %9.83 ارتقان؛ جەكە ساۋدا ـ ونەركاسىپشىلەر ٴبىر ميلليون 908 مىڭ 600 بولىپ، سايكەس مەزگىلدەگىدەن %5.98 ارتقان؛ شەتەل ساۋداگەرلەرى قارجى قوسقان كاسىپورىن 2255 بولىپ، سايكەس مەزگىلدەگىدەن %10.81 ارتقان.
بيىل جىل باسىنان بەرى شينجياڭ شارۋاشىلىق ـ ساۋدا ورتاسىن ۇزدىكسىز ساپالىلاندىرىپ، شارۋاشىلىق تۇلعالارىنىڭ ٴىس بىتىرۋىنە قولايلىلىق جاساۋ دەڭگەيىن ۇزدىكسىز جوعارىلاتتى. ”ٴبىر جەلىدە ٴبىر تۇتاس ٴبىتىرۋ“، ”ٴبىر جولدا ٴبىتىرۋ“ سياقتى حالىققا قولايلى، كاسىپورىندارعا ٴتيىمدى قىزمەت وتەۋگە كۇش سالدى؛ شينجياڭ ەركىن ساۋدا سىناق رايونىندا ازىق ـ تۇلىك شارۋاشىلىعىمەن شۇعىلدانۋعا رۇقسات ەتۋ بويىنشا ”رۇقسات كۋالىگى مەن شارۋاشىلىق جۇرگىزۋ كۋالىگىن بىرگە بىتىرۋدە“ سيفرلانعان قىزمەت وتەۋدىڭ جاڭا ۇلگىسىن ورىستەۋ جونىندە ىزدەنىس جاسادى، سونىمەن بىرگە اۆتونوميالى رايوندىق، ”شينجياڭ كاسىپورىن ىستەرىن توردا ٴبىتىرۋ زالى“، ”شينجياڭ ۇكىمەتتىك قىزمەت وتەۋ بويىنشا توردا جۇمىس ٴبىتىرۋ زالى“ جىلجىمالى كليەنتىنە سۇيەنە وتىرىپ، 30دان استام اكىمشىلىك قىزمەت وتەۋ ىستەرىن جەلىگە شىعارىپ، اكىمشىلىك قىزمەت وتەۋ ونىمدىلىگىن جالپى بەتتىك جوعارىلاتتى.
كاسىپورىنداردىڭ اۋىرتپالىعىن جەڭىلدەتىپ، ونىڭ جەڭىلدىكپەن العا باسۋىنا مۇمكىندىك جاساۋ ٴۇشىن، بيىل 2 ـ ايدا شينجياڭ بازار باقىلاۋ ـ باسقارۋ سالاسىندا جاۋاپكەرشىلىكتى جەڭىلدەتۋ، كەشىرىم ەتۋ بويىنشا ”ٴۇش ٴتۇرلى تىزىمدىكتى“ شىعاردى، بۇل اكىمشىلىك جازا جەڭىل ىستەر ٴتىزىمىن، اكىمشىلىك جازا جەڭىلدەتىلەتىن ىستەر ٴتىزىمىن، اكىمشىلىك زورلىقتى شارالارىن كەشىرىم ەتۋ ٴتىزىمىن قامتيدى. بازار باقىلاۋ ـ باسقارۋ سالاسىنداعى 80نەن استام زاڭعا قايشى ارەكەتكە جەڭىل، جەڭىلدەتىپ اكىمشىلىك جازا بەرۋ جانە اكىمشىلىك زورلىقتى شارالارىن كەشىرىم ەتۋ جونىندە ناقتى بەلگىلەمە جاسالدى.
كەزەكتە شينجياڭداعى حالىقتىق شارۋاشىلىق تۇلعالارىنىڭ دامۋىندا ٴدوپ كەلگەن بوگەتتىك، قيىن ٴتۇيىندى ماسەلەلەرگە باعىتتاي وتىرىپ، 3 ـ ايدىڭ اياق شەنىندە اۆتونوميالى رايوندىق بازار باقىلاۋ ـ باسقارۋ مەكەمەسى حالىقتىق شارۋاشىلىقتىڭ دامۋىن جەبەۋ جونىندە 19 تارماقتى شارا شىعاردى، بۇل حالىقتىق شارۋاشىلىقتىڭ دامۋ ورتاسىن ۇزدىكسىز ساپالىلاندىرۋ، ساياساتتىق قولداۋ تەبىنىن ارتتىرۋ، زاڭمەن باسقارۋدى قامتاماسىز ەتۋدى كۇشەيتۋ سياقتى 5 جاقتى قامتيدى.
شاعىن اس ـ سۋ _ ازىق ـ تۇلىك شارۋاشىلىعىنىڭ ماڭىزدى قۇرامداس بولىگى، سونداي ـ اق جاڭالىق اشۋ قۋاتىنا يە شارۋاشىلىق شوعىرى. 4 ـ ايدا «شينجياڭ ۇيعۇر اۆتونوميالى رايونىنىڭ شاعىن اس ـ سۋ دۇكەندەرىن، شاعىن تاعامدار دۇكەندەرىن تىركەۋگە الىپ باسقارۋ ٴادىسى» شىعارىلىپ، شاعىن اس ـ سۋ دۇكەندەرىن شارۋاشىلىق جۇرگىزۋ رۇقسات كۋالىگى مەن ازىق ـ تۇلىك شارۋاشىلىعىمەن شۇعىلدانۋ رۇقسات كۋالىگىن ٴبىتىرۋىن راسمياتى ەڭ قاراپايىم، بۋىنى ەڭ از، وزىندىك قۇنى ەڭ تومەن، ونىمدىلىگى ەڭ جوعارى قىزمەت وتەۋمەن قامدادى.
اۆتونوميالى رايوندىق بازار باقىلاۋ ـ باسقارۋ مەكەمەسى تىزىمگە الۋ، تىركەۋ باسقارماسىنىڭ قاتىستى جاۋاپتىسى مىنالاردى ٴبىلدىردى: بازار باقىلاۋ ـ باسقارۋ تاراۋلارى بازارعا كىرۋگە رۇقسات ەتۋدىڭ، شارۋاشىلىق جۇرگىزۋگە رۇقسات ەتۋدىڭ، تىزىمنەن شىعارۋدىڭ ولشەمدەنۋ، جۇيەلىلەنۋ، قولايلىلانۋ دەڭگەيىن اناعۇرلىم جوعارىلاتىپ، ”ٴبىر ٴىستى جوعارى ونىمدىلىكپەن ٴبىتىرۋدى“ بەلسەنە ىلگەرىلەتىپ، ەلەكتروندى تيجارات كۋالىگىن، ەلەكتروندى تاڭبالاردى ٴوزارا اۋىستىرىپ، بىرگە پايدالانۋدى ورىستەتتى. ٴادىل باسەكەنى تەكسەرۋ ٴتۇزىمىن جاپپاي تياناقتاندىرىپ، اكىمشىلىك ۇقىقتان الباتى پايدالانىپ، باسەكەنى قاقپايلاۋعا، شەك قويۋعا زاڭ اتقارۋدى كۇشەيتىپ، كاسىپورىندارعا ساياتىن اقى الۋدى باياندى باقىلاۋ ـ باسقارۋ مەحانيزمىن اقاۋسىزداندىرىپ، الباتى اقى الۋ ارەكەتتەرى سياقتىلاردى قاتاڭ تەكسەرىپ ٴبىر جاقتى ەتەدى.