تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ شاڭحاي سەلبەستىك ۇيىمىنا مۇشە ەلدەر جاسىل دامۋ تالقى مىنبەرىنە قۇتتىقتاۋ حاتىن جولدادى

   شينحۋا اگەنتتىگىنىڭ 7 ـ ايدىڭ 8 ـ كۇنى بەيجيڭنەن بەرگەن حابارى. 7 ـ ايدىڭ 8 ـ كۇنى مەملەكەت ٴتوراعاسى شي جينپيڭ شاڭحاي سەلبەستىك ۇيىمىنا مۇشە ەلدەر جاسىل دامۋ تالقى مىنبەرىنە قۇتتىقتاۋ حاتىن جولدادى.

  شي جينپيڭ بىلاي دەپ اتاپ كورسەتتى: ەكولوگيالىق ورتانى قورعاۋ، جاسىل دامۋدى ىلگەرىلەتۋ _ شاڭحاي سەلبەستىك ۇيىمىنداعى مەملەكەتتەردىڭ ورتاق تانىمى. تاياۋ جىلداردان بەرى جۇڭگو تۇنىق سۋ، جاسىل تاۋ _ باعالى بايلىق ۇستانىمىنا تاباندى بولىپ، ٴوندىرىسى دامىعان، تۇرمىسى باي، ەكولوگياسى تاماشا وركەنيەتتى دامۋ جولىمەن بۇلجىماي ٴجۇرىپ، كورىكتى جۇڭگو قۇرىلىسىندا دۇنيەنى جالت قاراتقان وراسان زور تابىستارعا قول جەتكىزدى. جۇڭگو جاق وسى رەتكى تالقى مىنبەرى ارقىلى ٴار جاقپەن جاسىل دامۋ سالاسىنداعى اۋىس ـ كۇيىستى، سەلبەستىكتى كۇشەيتىپ، ٴار ەلدىڭ ەكونوميكاسىنىڭ، قوعامىنىڭ باياندى دامۋىنا كۇش ۇستەپ، ادام مەن تابيعاتتىڭ جاراسىمدى بىرگە ٴومىر ٴسۇرۋىن جەبەۋدى ٴۇمىت ەتەدى.

  شي جينپيڭ بىلاي دەپ باسا دارىپتەدى: شاڭحاي سەلبەستىك ۇيىمى _ جاڭاشا حالىقارالىق قارىم ـ قاتىناس پەن وڭىرلىك سەلبەستىكتىڭ ۇلگىسى. تاياۋدا جۇڭگو شاڭحاي سەلبەستىك ۇيىمىنىڭ كەزەكتى ٴتوراعا ەلى مىندەتىن ارقالادى. جۇڭگو جاق ٴارقايسى جاقپەن بىرگە ”شاڭحاي رۋحىن“ اسقاقتاتىپ، ىنتىماقتى، ىستەستىكتى كۇشەيتىپ، جاسىل دامۋدى ىلگەرىلەتىپ، ورتاق دامۋدىڭ جاڭا تاراۋىن جازىپ، اناعۇرلىم تىعىز شاڭحاي سەلبەستىك ۇيىمى تاعدىرلاس ورتاق تۇلعاسىن قول ۇستاسا قۇرۋدى قالايدى.

  شاڭحاي سەلبەستىك ۇيىمىنا مۇشە ەلدەر جاسىل دامۋ تالقى مىنبەرى سول كۇنى شاندۇڭ ولكەسىنىڭ چيڭداۋ قالاسىندا اشىلدى، نەگىزگى تاقىرىبى ”قول ۇستاسا جاسىل دامۋ، ادام مەن تابيعاتتىڭ جاراسىمدى قاتار ٴومىر ٴسۇرۋىن ىلگەرىلەتۋ“، قيمىلدى شاڭحاي سەلبەستىك ۇيىمىنىڭ تاتۋ كورشىلىك دوستىق سەلبەستىك كوميتەتى، ەكولوگيالىق ورتا مينيسترلىگى، شاندۇڭ ولكەلىك حالىق ۇكىمەتى، شاڭحاي سەلبەستىك ۇيىمىنىڭ حاتشىلار باسقارماسى بىرگە وتكىزدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.