تيانشان تورى \ شينجياڭ گازەتىنىڭ ٴتىلشىسى يۇي جياڭيان
”وسى رەتكى شينجياڭعا ساپارىم مەنىڭ تانىمىمدى بۇكىلدەي جاڭالادى“. 5 ـ ايدىڭ 25 ـ كۇنى ”جوعارى ساپالى دامۋ جۇڭگو ساپارى · شينجياڭ تاراۋى“ ارناۋلى تاقىرىپتىق قيمىلى اياقتاعان كۇنى پريزما talkتىڭ رەداكتورى حى شۋانيۇي تەرەڭ اسەرمەن وسىنى ايتتى.
حى شۋانيۇيدىڭ بۇرىنعى اسەرىندە، شينجياڭ دالاسى دارقان، ىرىسى تاسىعان، بايلىعى مول جەر، كورىكتى ساياحات ورنى بولاتىن. ال وسى جولعى ساپارىندا كورگەن شينجياڭنىڭ وسىزاماندانعان ونەركاسىبىنىڭ دامۋى ونى قاباعات تاڭ قالدىردى: جاي كريستالدى كرەمني تاياقشاسىن ٴوندىرۋدىڭ تۇتاس بارىسىن كومپيۋتەرمەن مەڭگەرۋ، كومىر حيميا ونەركاسىبىنەن شىعارىلعان كومىر قىشقىل گازىنان پايدالانىپ وڭتۇستىكتە وسەتىن جەمىس ـ جيدەك ٴوسىرۋ، قارا كومىردى كومىر حيميا ونەركاسىبى ارقىلى سۋلياۋ قوراپقا اينالدىرۋ...
5 ـ ايدىڭ 24 ـ كۇنى ” جوعارى ساپالى دامۋ جۇڭگو ساپارى · شينجياڭ تاراۋى“ ارناۋلى تاقىرىپتىق قيمىلىنا قاتىناسقان ارالاپ، احۋال ۇعىسۋشىلار شينجياڭ ورتا بولىك حىشىڭ كرەمني كاسىبى شەكتى سەرىكتەستىگىنىڭ جاي كريستالدى كرەمني تاياقشاسىن ٴوندىرۋ سەحىن ەكسكۋرسيالادى. سۋرەتتى ءتىلشى يۇي جياڭيان تۇسىرگەن
”جوعارى ساپالى دامۋ ساپارى · شينجياڭ تاراۋى“ ارناۋلى تاقىرىپتىق قيمىلىن ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسى ينتەرنەت قوعامدىق قىزمەت مەكەمەسى، جۇڭگو ينتەرنەتتى دامىتۋ قور قوعامى، شينجياڭ ۇيعۇر اۆتونوميالى رايوندىق پارتكوم ينتەرنەت حاۋىپسىزدىگى جانە ينفورماتسيالاندىرۋ كەڭسەسى بىرلەسىپ وتكىزدى، بۇكىل ەلدىڭ جەر ـ جەرىنەن كەلگەن ينتەرنەت وركەنيەتى سەرىكتەرى، ينتەرنەتتە تانىمال وڭ ەنەرگيالى ادامدار، سايت تەكشەسى ۋاكىلدەرى، سونداي - اق مەديا تىلشىلەرى سياقتىلاردان ۇيىمداسقان ارالاپ احۋال ۇعىسۋ ۇجىمى 5 ـ ايدىڭ 19 ـ كۇنىنەن 25 ـ كۇنىنە دەيىن قاشقار ايماعىنا، ىلە قازاق اۆتونوميالى وبلىسىنا، ٴۇرىمجى قالاسىنا بارىپ، شينجياڭ ونەركاسىبىنىڭ جوعارى ساپالى دامۋىنا كۋا بولدى.
”شينجياڭ ونەركاسىبىنىڭ دامۋ قوزعالىس قۋاتى تاسقىندادى!“ ـ دەدى حى شۋانيۇي.ٴبىر اپتالىق شينجياڭعا ساپارىندا حى شۋانيۇي قىسقا بەينەجازبا ارقىلى شينجياڭ ونەركاسىبىنىڭ جوعارى ساپالى دامۋىن ايگىلەۋدى جوسپارلادى.
جاڭالىق اشۋ گەنى تولىسىپ جايقالدى
زات اينالىمىنىڭ وزىندىك قۇنى ازىق ـ تۇلىك ونەركاسىپ كاسىپورىندارىنىڭ وزەكتى باسەكەلىك فاكتورلارىنىڭ ٴبىرى.
قاشقار ايماعى كونەشار اۋدانىنداعى قاشقار جياڭگوگو اۋىل شارۋاشىلىعى عىلىم ـ تەحنيكا شەكتى سەرىكتەستىگى، ىلە قازاق اۆتونوميالى وبلىسى قورعاس ەكونوميكالىق ـ تەحنيكالىق اشۋ رايونى قۇلجا باقشا رايونىنداعى ىلە يمۋشين ٴسۇت شارۋاشىلىعى شەكتى سەرىكتەستىگى جەكە ـ جەكە وڭتۇستىك، سولتۇستىك شينجياڭعا ورنالاسقان ەكى كاسىپورىن، ونىمدەرى بۇكىل ەلدىڭ جەر ـ جەرىنە ساتىلادى.
نەگە سۇيەندى؟
”ٴونىم تۇرلەرىندە جاڭالىق اشىپ، پارىقتى باسەكەنى قاراستىردى“.
قاشقار جياڭگوگو اۋىل شارۋاشىلىعى عىلىم ـ تەحنيكا شەكتى سەرىكتەستىگىنىڭ القا باستىعى چىن ۋىنجۇن مىنالاردى ٴبىلدىردى: زات اينالىمى تاسىمال ارالىعى الىس بولۋ سىندى تيىمسىزدىكتى جەڭىپ، سەرىكتەستىك كەڭسەدەگى اق جاعالىلار تۇتىناتىن ”قالتاداعى ازىق ـ تۇلىكتى“ جاساپ، شينجياڭنان ساتىپ الىپ، بۇكىل ەلگە ساتۋدى جۇزەگە اسىردى.
5 - ايدىڭ 21 - كۇنى قاشقار جياڭگوگو اۋىل شارۋاشىلىعى عىلىم ـ تەحنيكا شەكتى سەرىكتەستىگىنىڭ قىزمەتكەرلەرى ”قالتاداعى ازىق ـ تۇلىكتى“ مانەرلەۋدە. سۋرەتتى ءتىلشى يۇي جياڭيان تۇسىرگەن
قياق كۇرىش مەرەكەسى قارساڭىندا، اتالعان كاسىپورىننىڭ شاڭ ـ توزاڭسىز ٴوندىرىس سەحىندا ۇستىنە اق ٴتۇستى جۇمىس كيىمىن، باسىنا كوك ٴتۇستى تور مالاقاي كيگەن جۇمىسشىلار قاربالاستىققا ٴتۇستى. بۇل ارادا شىلان جاپىراقتاپ تۋرالدى، قىشى ۇنتاعىنىڭ ٴدامى بار جاڭعاق جاسالدى، كىلەگەي مايلى مەيىز جاسالدى، ٴتۇرلى كەپتىرىلگەن جەمىستەر ۇساق ـ تۇيەك ازىق ـ تۇلىك ەتىپ وڭدەلگەننەن كەيىن، تۇتىنۋشىلار ۇناتىپ جەيتىن كۇندەلىك قۇرعاق جەمىستەرگە اينالىپ، شينجياڭنىڭ ساپالى كەپتىرىلگەن جەمىستەرىنىڭ قوسىمشا قۇنىن ٴتىپتى دە جوعارىلاتتى.
تەحنيكادا جاڭالىق اشۋ ارقىلى كاسىپورىنداردىڭ دامۋىنا باستاماشى بولدى، قاشقار جياڭگوگو اۋىل شارۋاشىلىعى عىلىم ـ تەحنيكا شەكتى سەرىكتەستىگى ٴار جىلى تيجارات كىرىسىنىڭ %6ىن زەرتتەۋ ـ اشۋ قاراجاتى ەتىپ، ولكە دارەجەلى پوسدوكتورلاردىڭ جاڭالىق اشۋ، زەرتتەۋ ـ اشۋ بازاسىن قۇرىپ، بولاشاقتا شينجياڭنىڭ كەپتىرىلگەن، جاس جەمىس ـ جيدەكتەرىن دەنساۋلىق ساقتاۋ ازىق ـ تۇلىگى، بيولوگيالىق ٴدارى ـ دارمەك ەتىپ جاساۋدى جوسپارلاۋدا.
ىلە يمۋشين ٴسۇت شارۋاشىلىعى شەكتى سەرىكتەستىگى 2019 ـ جىلى تىركەۋگە الىنىپ قۇرىلدى، 2022 ـ جىلى 3 ـ ايدا وندىرىسكە قوسىلدى، قازىر بۇكىل ەلدەگى 18 ولكە، اۆتونوميالى رايون، قالادا 238 ساۋداگەرلەر ۇجىمىن قۇرىپ، ينتەرنەت جەلىسىنەن تىسقارى 30 مىڭنان استام ساتۋ دۇكەنىن ورنالاستىردى.
”كۇنىنە جاڭا ساۋىلعان 60 توننا ٴسۇت ٴبىر جاقتى ەتىلەدى، شامامەن 40 توننا ٴسۇت شينجياڭنىڭ سىرتىنا ساتىلادى، 20 توننا ٴسۇت شينجياڭنىڭ جەرگىلىكتى ورىندارىنا ساتىلادى“. ىلە يمۋشين ٴسۇت شارۋاشىلىعى شەكتى سەرىكتەستىگىنىڭ ورىنباسار باس ديرەكتورى شۇي جيڭ بىلاي دەدى: كاسىپورىن وندىرىسكە قوسىلعاننان بەرى، ٴسۇت ونىمدەرىنىڭ ساتىلۋ سوماسى 134 ميلليون يۋانعا جەتتى. مۇنىڭ ىشىندە 2023 ـ جىلعى ساتىلۋ سوماسى 66 ميلليون 50 مىڭ يۋانعا جەتتى؛ بيىل 1 ـ ايدان 4 ـ ايعا دەيىنگى ساتىلۋ سوماسى 31 ميلليون 490 مىڭ يۋانعا جەتىپ، سايكەس مەزگىلدەگىدەن %151 ارتتى.
كاسىپورىندار ساتىلۋ سوماسىن جوعارى قارقىنمەن ارتتىرۋدا جاڭالىق اشۋ وي جەلىسىنە سۇيەندى.
ٴسۇت ونىمدەرى كاسىپورىندارىنىڭ بارلىعى حولستەين ساۋىن سيىرىنىڭ دۇنيە جۇزىندە ٴسۇت ٴونىم مولشەرى ەڭ كوپ ساۋىن سيىر تۇقىمىنىڭ ٴبىرى ەكەنىن بىلەدى. سوڭعى جىلدارى كوپتەگەن ٴسۇت ونىمدەرى كاسىپورىندارى حولستەين ساۋىن سيىرىن يمپورت ەتىپ باقتى، ال ىلە يمۋشين ٴسۇت شارۋاشىلىعى شينجياڭنىڭ ٴوز جەرىندە جەتىلدىرىلگەن تۇقىم — شينجياڭ قوڭىر سيىرىنا نازار اۋداردى. قوڭىر سيىر ٴسۇتتى، ەتتى سيىر تۇقىمى، ٴسۇت بەرۋ مولشەرى تومەن، ٴبىراق ٴسۇت مايى مەن بەلوك قۇرامى جوعارى، پارىقتى باسەكە جولىمەن جۇرگەن ىلە يمۋشين ٴسۇت شارۋاشىلىعى تەز ارادا بۇكىل ەل بازارىن اشىپ، ٴسۇت ونىمدەرى كاسىبىنىڭ جاڭا ونەگەسىنە اينالدى.
عىلىم ـ تەحنيكا ارقىلى ونەركاسىپ وندىرىسىنە قۋات ۇستەدى
ىلە وبلىسىنداعى شينجياڭ چيڭحۋا ەنەرگيا توبى شەكتى سەرىكتەستىگىندە، ٴۇرىمجى قالاسىنداعى شينجياڭ ورتا بولىك حىشىڭ كرەمني كاسىبى شەكتى سەرىكتەستىگىندە جانە مەملەكەت ەنەرگيا توبى شينجياڭ حيميا ونەركاسىبى شەكتى سەرىكتەستىگىندە ەكسكۋرسيا ـ ساپار ۇيىرمەسىنىڭ مۇشەلەرى ونەركاسىپ ٴوندىرىسى بارىسىندا ”قايشالىسقان ادام“ جۇرەتىن كۇي الدەقاشان وزگەرگەندىگىن، جۇمىس باسىنىڭ عىلمي فانتاستيكالىق ٴىرى فيلمگە كوبىرەك ۇقسايتىندىعىن كوردى.
”شينجياڭ كومىردى ’جۇلدىزدى الەمگە‘ يە ەتتى“. ينتەرنەت تۇعىرى ۋاكىلى V”شانشان“ مەملەكەت ەنەرگيا توبى شينجياڭ حيميا ونەركاسىپ شەكتى سەرىكتەستىگىنىڭ كومىردەن ولەفين الۋ سەحىن ەكسكۋرسيالاعاننان كەيىن ميكروبلوگتا بىلاي دەدى: كومىردەن ولەفين الۋ تەحنيكاسىنىڭ جارىققا شىعۋى سەبەپتى ولەفين ٴوندىرىسى مۇنايعا ەندىگارى يەك سۇيەمەيتىن بولدى، بۇل مەملەكەتتىڭ ەنەرگيا حاۋىپسىزدىگىن قامتاماسىز ەتۋدە ماڭىزدى مانگە يە.
مەملەكەت ەنەرگيا شينجياڭ حيميا ونەركاسىبى شەكتى سەرىكتەستىگى كومىردى شيكىزات ەتىپ، اق ٴتۇستى كۇرىش ٴدانى سياقتى پولي پروپيلەن ٴوندىردى. سۋرەتتى ٴتىلشى يۇي جياڭيان تۇسىرگەن
قارا كومىردى شيكىزات ەتكەن مەملەكەت ەنەرگيا توبى شينجياڭ حيميا ونەركاسىپ شەكتى سەرىكتەستىگى اق ٴتۇستى كۇرىش ٴدانى سياقتى پولي پروپيلەن ٴوندىردى. وسى پولي پروپيلەن تومەنگى بۋىنعا ساتىلعاننان كەيىن، ودان اۋىل شارۋاشىلىعىنا پايدالانىلاتىن جۇقا جارعاق، جەمىس ـ جيدەكتى قاپتايتىن جۇمساق تور قاپ، زات ساتىپ الۋ قالتاسى، اۆتوكولىكتىڭ ٴىشى ـ سىرتىنداعى اشەكەي بۇيىمدار سياقتى نەشە ٴجۇز ٴتۇرلى ٴونىم وندىرۋگە بولادى. ”وسى زامانعى كومىر حيميا ونەركاسىبىنەن وسىنشاما كوپ كۇندەلىكتى تۇتىنۋ بۇيىمدارىنىڭ تۋىندايتىنىن ويلاماعان ەكەنمىن“، ـ دەدى وڭ ەنەرگيا ينتەرنەت ايگىلى ادامى ”ستۋكا 98“.
شينجياڭ ورتا بولىك حىشىڭ كرەمني كاسىبى شەكتى سەرىكتەستىگى كۋارتستى شيكىزات ەتىپ، ونەركاسىپتىك كرەمني، كوپ كريستالدى كرەمني، جاي كريستالدى كرەمني تاياقشاسى، جاي كريستالدى كرەمني جاپىراقشاسى، باتارەيا جاپىراقشاسى، فوتوۆولتتىق اينەك، فوتوۆولتتىق بولشەك سياقتىلاردى وندىرەدى. قازىر بۇل سەرىكتەستىك كرەمني فوتوۆولتتىق تۇتاس كاسىپ سالاسى تىزبەگىن اشىپ، ٴبىر كۋارتستان ٴبىر فوتوۆولتتىق تاقتايشاعا دەيىنگى ادەمى بۇرىلىس جاساۋدى جۇزەگە اسىردى.
اتالعان كاسىپورىننىڭ جاي كريستالدى كرەمني سۋىرۋ تاياقشاسى سەحىنا كىرسەڭىز، قازديعان جاي كريستالدى كرەمني تاياقشاسى پەشىنىڭ قاز ـ قاتار تىزىلگەندىگىن كورەسىز. ”سۋىرىلىپ شىعارىلعان ٴبىر تال جاي كريستالدى كرەمي تاياقشاسىنىڭ ۇزىندىعى 4.5 مەتر، اۋىرلىعى 500 - 600 كيلوگرام كەلەدى“. شينجياڭ ورتا بولىك حىشىڭ كرەمني كاسىبى شەكتى سەرىكتەستىگىنىڭ ورىنباسار باس ديرەكتورى شۇي دۇڭشۋە: كرەمني ماتەريالدارىن تولتىرا سالعاننان كەيىن، ٴبىر پەشتەن 7 تال جاي كريستالدى كرەمني تاياقشاسىن سۋىرىپ شىعارۋعا بولادى، ٴار 50 ساعاتتا ٴبىر تال تاياقشانى سۋىرىپ الىپ شىعۋعا بولادى.
جاي كريستالدى كرەمني تاياقشاسى پەشىنىڭ تەمپەراتۋراسى 1500 سەلتسي گرادۋستان اسادى، كومپيۋتەر ارقىلى پەشتىڭ تەمپەراتۋراسى، قىسىمى ناق ۋاقىتىندا باقىلانىپ ـ ولشەنەدى. اباجاداي جاي كريستالدى كرەمني سۋىرۋ تاياقشاسى سەحىندا ٴوندىرىس جاعدايىن بىرنەشە جۇمىسشى عانا تەكسەرەدى ەكەن.
”فوتوۆولتتىق كاسىپ سالاسىنا 20 جىل بويى نازار اۋدارىپ كەلەمىن، بۇل رەت شينجياڭعا كەلگەندە جاي كريستالدى كرەمني تاياقشاسىن قالاي سۋىراتىندىعىن تۇڭعىش رەت كورىپ، ەرەكشە تاڭ قالدىم“. وڭ ەنەرگيا ينتەرنەتى ايگىلى ادامى گۋان جىتان بىلاي دەدى: 20 جىلدىڭ الدىندا جۇڭگونىڭ جاي كريستالدى كرەمني تاياقشاسى شەتەلدەن يمپورت ەتىلەتىن، ال قازىر جۇڭگو دۇنيە ٴجۇزى فوتوۆولت سالاسىنىڭ جەتەكشىسىنە اينالىپ، تۇتاس كاسىپ سالاسى تىزبەگىن قالىپتاستىردى.
شينجياڭ ورتا بولىك حىشىڭ كرەمني كاسىبى شەكتى سەرىكتەستىگى ماشينا قولدارمەن فوتوۆولتتىق اينەك تاسيدى. سۋرەتتى ٴتىلشى يۇي جياڭيان تۇسىرگەن
ادام كۇشىمەن ىستەلەتىن ەڭبەكتىڭ ورنىن قولدانىلمالى قۇلتەمىر باستى، شينجياڭ ورتا بولىك حىشىڭ كرەمني كاسىبى شەكتى سەرىكتەستىگىنىڭ اينەك ٴوندىرۋ سەحىندا قىزىل ٴتۇستى ماشينا قولدار قوزعالىپ، ٴوندىرىس جەلىسىنەن اينەكتەردى كوتەرىپ، ورنىقتى تۇردە ٴبىر جەرگە قويۋدا. عىلىم ـ تەحنيكانىڭ وندىرىسكە قۋات ۇستەۋىندە، شينجياڭ ورتا بولىك حىشىڭ كرەمني كاسىبى شەكتى سەرىكتەستىگىندە قۇلتەمىرلەر ەڭ ەڭبەكشىل جۇك تاسۋشىلارعا اينالدى.
شينجياڭ ”زەردەلى جاساۋى“ جاسىلعا ويىستى
كومىر قىشىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشىل گازىن بەيتاراپتاندىرۋ نىساناسىن تياناقتاندىرعان شينجياڭ چيڭحۋا ەنەرگيا توبى شەكتى سەرىكتەستىگىنىڭ پارنيك گازىندا كومىر قىشقىل گازىنىڭ شىعارىلۋىن ازايتۋ تاجىريبەحاناسى كومىردەن گاز الۋ ٴوندىرىسى بارىسىندا شىعارىلعان كومىر قىشقىل گازىن جاراقسىزدان اسىلعا اينالدىردى. كومىر قىشقىل گازى گاز تىڭايتقىش رەتىندە جۇمساق تۇتىك ارقىلى كۇن نۇرى جىلىجايىنا باياۋ جىبەرىلىپ، ىستىق بەلدەۋ وسىمدىكتەرىنىڭ ٴوسۋىن تەزدەتەدى، وسىنىڭ ارقاسىندا جىلىجايدا ليانۋ، بانان، حولۇڭگو سياقتى ىستىق بەلدەۋ جەمىستەرى ٴوسىرىلدى.
شينجياڭ چيڭحۋا ەنەرگيا توبى شەكتى سەرىكتەستىگى كومىرتەگى قوس توتىعىن گاز تىڭايتقىش ەتىپ، وڭتۇستىكتىڭ جەمىس ـ جيدەكتەرىن ەكتى. سۋرەتتىٴتىلشى يۇي جياڭيان تۇسىرگەن
بۇل تاجىريبەحانا تاعى كومىر قىشقىل گازىنان پايدالانىپ ميكرو بالدىر جەتىلدىرۋدى سىناق ەتتى. جۇڭگو عىلىم اكادەمياسى چيڭداۋ ورگانيزمدەر بايلىعىن جانە بارىستى زەرتتەۋ ورنىمەن، جۇڭگو اۋىل شارۋاشىلىعى عىلىم اكادەمياسى اۋىل شارۋاشىلىعى قورشاعان ورتا جانە باياندى دامۋدى زەرتتەۋ ورنىمەن، شينجياڭ شىفان داشۋەسىمەن سەلبەسكەن اتالعان تاجىريبەحانا ٴۇش ٴتۇرلى ميكرو بالدىردى — بۇراندا بالدىرىن، ٴشول جازيرا بالدىرىن جانە شارباق بالدىرىن جەتىلدىرىپ شىقتى.
مۇنىڭ ىشىندە بۇراندا بالدىرى جەۋگە بولاتىن دەنساۋلىق ساقتاۋ ٴونىمى، ٴشول جازيرا بالدىرى قۇمدى بوگەۋ جانە توپىراقتى قۇنارلاندىرۋ رولىنا يە، شارباق بالدىرىنان ورگانيزم ديزەل مايىن الۋعا بولادى. شارباق بالدىرىنان اۆياتسيالىق كارەسىن، بەنزين، ديزەل الۋعا بولادى“، ـ دەدى شينجياڭ چيڭحۋا ەنەرگيا توبى شەكتى سەرىكتەستىگى كومىردەن گاز الۋ ىستەرى ٴبولىمىنىڭ ورىنباسار ديرەكتورى يىن ۋىنيۋە.
تاجىريبەحانادا بۇكىل ەلدەن كەلگەن وڭ ەنەرگيا ينتەرنەت ايگىلى ادامدارى ميكرو بالدىر جەتىلدىرۋ تۇتىگىنىڭ بەينە جاسىل قان اعىپ تۇرعان ارتەريا سياقتى كومىر قىشقىل گازىن ۇزدىكسىز ”ٴسىمىرىپ“، ٴتىپتى دە كوپ جاسىل ميكرو بالدىر ٴوسىپ شىققاندىعىن كوردى. كوزبەن كورگەنگە نە جەتسىن، V” شانشان“ سياقتى وڭ ەنەرگيا ينتەرنەت ايگىلى ادامدارى جابال عىلىم ـ تەحنيكا كەرەمەتىن ايتىپ تاڭداي قاعىستى.
تەمىر جول قۇرىلىسى اۋىر ونەركاسىبى شينجياڭ شەكتى سەرىكتەستىگى 2015 ـ جىلى ۇرىمجىدە ىرگە تەپكەن، 2018 ـ جىلى جوعارى دەڭگەيلى ماقتا جيناۋ ماشيناسىن ٴوندىرىپ شىعىپ، جوعارى ٴونىمدى جيناۋ تەحنيكاسى، تازا جيناۋ مولشەرىن جەلىدە پارىقتاۋ تەحنيكاسى، قوراپتاۋ، جارعاق جابۋ تەحنيكاسى، زەردەلى جۇرگىزۋ كومەكشى تەحنيكاسى سياقتى وزەكتى تەحنيكالاردان قامال الدى. كەزەكتە ەكى قاتار، ٴۇش قاتار، ٴتورت قاتار، التى قاتار زەردەلى ماقتا جيناۋ جەلىلەس ماشينالارى قالىپتاستى.
5 ـ ايدىڭ 25 ـ كۇنى ماقتا جيناۋ ماشيناسىن ٴوندىرۋ سەحىندا ماقتا جيناۋ ماشيناسىنىڭ باسى قۇراستىرىلىپ جاتقان ـ دى. التى قاتار ماقتا جيناۋ ماشيناسىن مىسالعا الساق، ول 100 مىڭ ۇساق بولشەكتەن قۇرالادى، ٴار كۇنى 500 مۋ جەردەگى ماقتانى جيناي الادى، بۇل 200 ماقتا تەرۋشىنىڭ قىزمەت مولشەرىمەن قارايلاس، باعاسى شەتەلدەگى ۇقساس تۇردەگى ماشينادان %30تىڭ ۇستىندە ارزان. ”شينجياڭنىڭ وزىق جاساۋىنىڭ وسىنشاما كەرەمەت ەكەندىگىن ويلاماپپىن“ ! ـ دەدى حۇنجى سەرىكتەستىگىنىڭ تيجارات ۋاكىلى لي شينيۇي سۇيىنە.
ماقتا جيناۋ ماشيناسىنىڭ ۇساق بولشەكتەرى كوپ بولاتىندىقتان، اتالعان سەرىكتەستىك زەردەلى ساقتاۋ جۇيەسىن وزدەرى ورناتىپ، ۇقساماعان ۇساق بولشەكتەرگە ٴنومىر بويىنشا شارتتى سيفر جانە ساقتاۋ بولشەگىن بەلگىلەدى، بەلگىلى ٴبىر ۇساق بولشەكتى ايىرىم العان كەزدە قۇلتەمىرگە شارتتى سيفر كىرگىزسە، 20 نەشە مەتر بيىكتىكتەگى سارى قۇلتەمىر تۇراقتى رەليستى بويلاي سايكەستى ساقتاۋ بولشەگىنە ”ٴجۇرىپ بارىپ“ ۇساق بولشەكتى الادى.
بايتاق دا كورىكتى شينجياڭنىڭ ونەركاسىبى كوركەم، كوركەمدىكتەن عىلىم ـ تەحنيكا ۇلگىسى، كوركەمدىكتەن جاڭا بيىكتىك تۇلعالانادى!
