ورتالىق اسكەري ىستەر كوميتەتىنىڭ ٴتوراعاسى شي جينپيڭ بۇيرىققا قول قويدى
قۇرلىق ارمياسى بەلگىلى لۇيـى 1 ـ يىڭى 2 ـ ليانىنا داڭق اتاعى بەرىلدى
شينحۋا اگەنتتىگىنىڭ 7 ـ ايدىڭ 9 ـ كۇنى بەيجيڭنەن بەرگەن حابارى. ورتالىق اسكەري ىستەر كوميتەتىنىڭ ٴتوراعاسى شي جينپيڭ تاياۋدا بۇيرىققا قول قويىپ، قۇرلىق ارمياسى بەلگىلى لۇيى 1 ـ يىڭى 2 ـ ليانىنا ”ۇلگىلى راكەتا، زەڭبىرەكشىلەر ليانى“ داڭق اتاعىن بەردى.
بۇل ليان 1937 ـ جىلى قۇرىلىپ، تاشان توسقاۋىل شايقاسى، جينچىڭ شايقاسى، جينمىندى زەڭبىرەكپەن اتقىلاۋ سياقتى شايقاستارعا، سوعىستارعا قاتىناسقان. سوڭعى جىلدارى بۇل ليان شي جينپيڭ ارميانى قۇدىرەتتەندىرۋ يدەياسىمەن ليان قۇرۋعا، ادام تاربيەلەۋگە تاباندى بولىپ، تاڭداۋلى ٴداستۇردى جالعاستىرىپ، كۇش ـ قۋاتتى سوعىسقا دايىندالۋعا، سوعىس جۇرگىزۋگە شوعىرلاندىرىپ، ”تورتتە قۇرىشتاي بەرىك“ ىسىلعان ليان ـ دۇيدى شىڭداپ، كوپ ٴتۇرلى كەلەلى مىندەتتى تابىسپەن ورىندادى.
بۇيرىقتا مىنالار تالاپ ەتىلدى: بۇكىل ارمياداعى اسكەري بولىمدەر ولاردان ۇيرەنىپ، پارتيانىڭ جاسامپاز نازارياسىمەن قارۋلانۋدى ۇزدىكسىز تەرەڭدەتىپ، مۇرات ـ سەنىمدى بەكەمدەپ، ساياسي ادالدىقتى بەرىك ورناتىپ، پارتيانىڭ سوزىنە قۇلاق اسۋ، پارتياعا ىلەسۋ يدەيالىق نەگىزىن بەكەمدەۋى؛ اسكەر جاتتىقتىرۋدى، سوعىسقا دايىندالۋدى مىقتاپ يگەرىپ، ناقتى شايقاستىق باعىتتامالى جاتتىعۋدى كۇشەيتىپ، جەڭىسكە جەتۋ قابىلەتىن جەدەل جوعارىلاتۋى، سوعىس جۇرگىزە الاتىن، جەڭىستى سوعىس جۇرگىزە الاتىن سايلاۋىت قوسىندى شىڭداۋى؛ ىسىلعان ستيلدى شىڭداپ، بىرىنشىدەن، جاپا ـ ماشاقاتتان قورىقپايتىن، ەكىنشىدەن، ولىمنەن قورىقپايتىن جاۋىنگەرلىك رۋحتى ساۋلەلەندىرىپ، باتىلدىقپەن كۇرەس جۇرگىزەتىن، باتىلدىقپەن سايىسقا شىعاتىن ەرىك ـ جىگەردى سومداپ، جاڭا داۋىردەگى توڭكەرىستىك اسكەريلەردىڭ قايسار جىگەرىن تاسقىنداتۋى كەرەك.
ورتالىق اسكەري ىستەر كوميتەتى مىناعان ۇندەدى: بۇكىل ارمياداعى اسكەري بولىمدەر مەن قالىڭ وفيتسەر ـ اسكەرلەر شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، اسكەري ىستەر كوميتەتىنىڭ ٴتوراعاسى جاۋاپتى بولۋ ٴتۇزىمىن دايەكتىلەندىرىپ، ارميانى ساياسي جاقتا قۇرۋعا، ارميانى رەفورما ارقىلى قۇدىرەتتەندىرۋگە، ارميانى عىلىم ـ تەحنيكا ارقىلى قۇدىرەتتەندىرۋگە، ارميانى دارىندىلار ارقىلى قۇدىرەتتەندىرۋگە، ارميانى زاڭ بويىنشا باسقارۋعا تاباندى بولىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ ستراتەگيالىق قابىلەتىن جوعارىلاتىپ، ارميا قۇرىلعاندىعىنىڭ 100 جىلدىق كۇرەس نىساناسىن ۋاعىندا جۇزەگە اسىرۋ، حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعۋدى جەدەلدەتۋ ٴۇشىن قاجىماي ـ تالماي كۇرەس جۇرگىزۋ كەرەك.
