انار بۇلت \ شينجياڭ گازەتىنىڭ ٴتىلشىسى ابيبا
ۇيشە اۆتوكولىكتەردى تەكسەرىپ، ساياحات تۇرلەرىن ورنالاستىرىپ، كورىنىس وڭىرلەرىنىڭ قابىلداۋىمەن الدىن الا بايلانىس جاسادى... 6 ـ ايدىڭ 13 ـ كۇنى ۇيشە اۆتوكولىك ساياحاتىن باسقارۋشى، كولىكتى ءوزى ايداپ ساياحاتتاۋدىڭ مايتالمانى ٴانۋار ٴيۇسۇپ دايىندىق جۇمىستارىن ىستەپ بولعاننان كەيىن، ٴۇرىمجى قالاسىندا شينجياڭعا ۇيشە اۆتوكولىكتى ٴوزى ايداپ ساياحاتتاۋعا كەلگەندەردى قارسى الدى. باستاۋشى رەتىندە، ول كوپشىلىكتى باستاپ تاكلاماكان ٴشولىنىڭ ۇلكەن اينالما جەلىسىندەگى ساپاردى باستاماقشى.
ۇيشە كولىكپەن ءشول دالانى شارلادى. سۋرەتتى كولىك اۋەسكەرى گىگىلاۋبەيفاڭ تۇسىرگەن
”قۇبا شولدە بۋداقتاعان جالعىز ٴتۇتىن، ۇلى وزەننەن ارى ەڭكەيگەن التىن كۇن“.” ٴشول دالا حيكىمەتى · تاكلاماكان ۇلكەن اينالما جەلىسى“ ٴوزىنىڭ ايبىندى كورىنىسىمەن، وزگەشە گۋمانيتارلىعىمەن 2020 ـ جىلعى ”جۇڭگو جولى“ اتىنداعى بۇكىل ەل بويىنشا كولىكتى ٴوزى ايداپ ساياحاتتاۋ 10 ٴىرى سارا جەلىسىنە ەنگىزىلدى. بۇل اينالما جەلى كورلا قالاسىنان باستالىپ، رەتىمەن كۇشار قالاسى، اقسۋ قالاسى، قاشقار قالاسى، حوتان قالاسى، نيە اۋدانى، چەرشەن اۋدانى، چارقىلىق اۋدانى، لوپنۇر اۋدانى سياقتى جەرلەردى باسىپ ٴوتىپ، بايىنعولين موڭعۇل اۆتونوميالى وبلىسى، اقسۋ ايماعى، قاشقار ايماعى، حوتان ايماعى سىندى 4 ايماق، وبلىستى ارالاپ شىعادى.
ساياحات مايتالمانى جاڭ يوۋچۇيدىڭ اينالما جەلىمەن جۇرگەندە تۇسىرگەن ءوز سۋرەتى. سۋرەتتى جاڭ يوۋچۇي تۇسىرگەن
2019 ـ جىلدان باستاپ ٴانۋار ٴار جىلى شينجياڭنىڭ ٴىشى ـ سىرتىنان كولىكتى ٴوزى ايداپ ساياحاتتاۋعا كەلگەن ساياحاتشىلاردى باستاپ وسى جەلىمەن جۇرەدى. ونىڭ نازارىندا بۇل جەلى ايبىندى، عاجايىپ، ٴار كۇنگى كورىنىستەر دە ۇقسامايدى. ”ۇلكەن اينالما جەلىنىڭ بويىندا قالا كوپ، جول ۇزاق، كوپ ۋاقىت كەتەدى، ساياحاتشىلاردىڭ كوبى جاز، كۇز ەكى ماۋسىمعا ٴبولىپ نەمەسە 2 جىلدا ساياحاتتايدى. بىلتىر قاشقار، حوتان بولىكتەرىن باسىپ بولعان 2 ۇيىرمە بيىل 8 ـ ايدا قالعان جەلىمەن جۇرمەكشى، ـ دەدى ٴانۋار.
شيەچىڭ ساياحات سايتى، چۇيناىر سايتى، شياۋحۇڭشۋ سياقتى تۇعىرلاردىڭ ساندى مالىمەتتەرىندە كورسەتىلۋىنشە، تاكلاماكان ۇلكەن اينالما جەلىسىندە كولىكتى ٴوزى ايداپ ساياحاتتاۋ شاراسى، سونداي ـ اق كورىنىس تانىستىرعان ماقالا 10 مىڭنان اسقان، وندا كولىكتى ٴوزى ايداپ قالاي ساياحاتتاۋ، ساياحاتتاي ٴجۇرىپ قالاي سۋرەتكە ٴتۇسۋ، قالاي زەرتتەۋ ـ ۇيرەنۋ، قالاي كەسكىنگە ٴتۇسىرۋ سياقتى مازمۇندار قامتىلادى. ”كورىنىسى جاقسى، جول جاعدايى جاقسى، جول بويىنداعى ساياحاتتاۋ كورىنىس وڭىرلەرى، كورىنىس تۇيىندەرى كوپ، ۇشقىش اپپاراتتى ۇشىرۋعا بولادى، جول كەپتەلمەيدى“، ت. ب وسى جەلىنى تانىستىرۋدىڭ تۇيىنىنە اينالدى.
جۋىقتا وتكىزىلگەن 2024 - جىلعى چارقىلىق اۋدانىنىڭ تۇڭعىش كەزەكتى تاكلاماكان ءشولى N40 دالالىق سايىس جارىسىندا ونەرلەرىن كورسەتۋگە شينجياڭنىڭ جەر - جەرىنەن 60 جارىس كولىگى جينالدى. كولىك جۇرگىزۋ ونەرىن شىڭاۋمەن قاتار كوپشىلىك شينجياڭنىڭ قۇمدى ءشولىنىڭ كەرەمەتىنە كۋا بولىپ، شينجياڭدا كولىكتى ءوزى ايداپ ساياحاتتاۋدىڭ قىزىعىن سەزىندى. بۇدان تىس كۇشار قالاسىنا بارىپ، جارتاستاردا جانە ۇڭگىرلەردە ساقتالعان تاس ۇڭگىر قابىرعا سۋرەتتەرىنەن ٴلاززات الىپ، ويناقى كۇسان ٴبيىن تاماشالاپ، مىڭ جىلدىڭ الدىنداعى كەزگە قايتقانداي بولادى؛ اۋات اۋدانىنداعى دولان تايپاسى كورىنىس وڭىرىنە بارىپ، بايىرعى توراڭعى ورمانىن تاماشالاپ، دولان سالت ـ سانا مادەنيەتىن سەزىنۋگە بولادى؛ لوپنۇرلىقتار قىستاعى كورىنىس وڭىرىنە بارىپ، قانداي جەر بولسا دا جۇرە بەرەتىن قۇمدىق دالا اۆتوموبيلىن ايداۋعا، ٴشول تۇيەسىنە مىنۋگە، ديناميكالىق ٴۇشبۇرىش قاناتقا وتىرۋعا بولادى؛ حوتان قالاسىنا بارىپ، قىزىقتى قۇمدى ٴشول ەرەكشە ساياحات ساپارىن سىناپ كورۋگە بولادى... كوپ ٴتۇرلى كاسىپ كۇيى ۇلكەن اينالما جەلىدە كولىكتى ٴوزى ايداپ ساياحاتتاۋدىڭ مازمۇنىن بايىتتى.
تاكلاماكان ءشولىنىڭ كىندىگىنە ورنالاسقان كەريا اۋدانى ءداريابويى اۋىلى ءداريابويى قىستاعى ”سۇلۋ دۇنيە“ اتالىپ كەتكەن. سۋرەتتى جىن شىشين تۇسىرگەن
شينجياڭ كولىكتى ٴوزى ايداپ ساياحاتتاۋ قوعامىنىڭ باستىعى لي جيانحۋا بىلاي دەپ تانىستىردى: تاياۋ جىلداردان بەرى شينجياڭنىڭ كولىكتى ٴوزى ايداپ ساياحاتتاۋ قوسىنى جىل سايىن زورايدى، مۇنىڭ ىشىندە سىرلى دا ايبىندى قۇمدى شولدە كولىكتى ٴوزى ايداپ ساياحاتتايتىندار كوپ، ”تاكلاماكان ٴشولىنىڭ توڭىرەگىندەگى قالالار كولىكتى ٴوزى ايداپ ساياحاتتاۋعا قىزمەت وتەۋ جۇيەسىن ۇزدىكسىز كەمەلدەندىردى، جەر ـ جەر كولىكتى ٴوزى ايداپ ساياحاتتاۋ جيناۋ ـ جونەلتۋ ورتالىعىن جانە كولىكتى ٴوزى ايداپ ساياحاتتاۋ لاگەرىن قۇرۋدا جانە دارەجەسىن جوعارىلاتۋدا، مادەنيەت، ساياحات قاتىستى تاراۋلارى شينجياڭنىڭ سىرتىندا ۇزدىكسىز تانىستىرىپ، اناعۇرلىم كوپ ادامنىڭ قۇمدى شولدە كولىكتى ٴوزى ايداپ ساياحاتتاۋعا قىزىعۋىنا مۇمكىندىك جاسادى“.
شينجياڭ ساياحات قوعامىنىڭ ٴوزى ايداعان كولىكپەن جانە ۇيشە اۆتوكولىكپەن تۇزدە تۇنەۋ بولىمشە قوعامىنىڭ باستىعى جاي چۇنفىڭ مىنانى ٴبىلدىردى: قوعام جىل سايىن ”ۇيشە اۆتوكولىكپەن شينجياڭدى ساياحاتتاۋ“ قيمىلىن ۇيىمداستىرادى. مۇنىڭ ىشىندە كوپتەگەن ساياحاتشى تاكلاماكان شولىنە بارىپ بىرنەشە كۇن ”قونۋدى“ جاقسى كورەدى. قۇمدى ٴشولدىڭ ۇشى ـ قيىرسىز، سىرلى بولۋى كولىكتى ٴوزى ايداپ ساياحاتتاۋ اۋەسكەرلەرىن ەڭ باۋرايتىن جەر. ول مىنانى ٴبىلدىردى: ۇيشە اۆتوكولىكتەردى ٴوزى ايداپ ساياحاتتايتىنداردىڭ كوبى ”اسىقپاي“ ساياحاتتاۋدى ۇناتادى، تاكلاماكان ۇلكەن اينالما جەلىسىندە ٴجۇرىپ، قۇمدى ٴشولدىڭ كوركەم كورىنىسىن ايالداپ تاماشالاۋدان سىرت، جول بويىنداعى قالالارعا بارىپ ۇلكەن اڭعار، توراڭعى سياقتى كورىنىستەردى جانە حالىقتىق سالت ـ سانانى تاماشالاۋعا بولادى. ”جول بويىنداعى اۋدان، قالالار دا ساياحاتقا قاتىستى سايكەستى قۇرىلعىلاردى ۇزدىكسىز كەمەلدەندىرىپ، تۇرلىشە ساياحات كاسىپ كۇيىن ۇسىنىپ، ساياحاتشىلاردى قۇمدى شولدەگى تاس جولدا كولىكتى ٴوزى ايداپ ساياحاتتاعاندا كوبىرەك ايالداۋعا باۋرادى“.
ءشول دالا تاس جولى. سۋرەتتى جاڭ يوۋچۇي تۇسىرگەن
شينجياڭ يۇنتۇڭشيڭ حالىقارالىق ساياحات بويىنشا قىزمەت وتەۋ شەكتى سەرىكتەستىگىنىڭ باس ديرەكتورى جيا يانچياڭ بىلاي دەپ تانىستىردى: سوڭعى جىلدارى ۇيشە اۆتوكولىكتەردى جالعا الۋ ساياحاتتىڭ قاۋىرت مەزگىلىندە ”قاجەتتى قاناعاتتاندىرا الماي قالادى“، كوپتەگەن ساياحاتشىلار ٴشول ـ ٴجازيرادا اۆتوكولىكتى ٴوزى ايداپ جۇرۋگە ۇيلەسەتىن ٴتۇرلى ۇيشە اۆتوكولىكتەر مەن دالالىق اۆتوكولىكتەردى كۇنى بۇرىن باعىتتامالى جالعا الادى، ”قازىر سەرىكتەستىگىمىز قۇمدى ٴشول تاس جول بويىنان اۆتوكولىكتى باسقا جەردەن الۋ، اۆتوكولىك اۋىستىرۋ كاسىپتەرىن ۇزدىكسىز كەمەلدەندىرىپ، قۇمدى ٴشول ساياحاتىنا مەڭزەس، ۇيشە اۆتوكولىكتەردى باسقارۋ، كولىكتى ٴوزى ايداپ ساياحاتتاۋ جەلىلەرىن جەكەلەرگە قاراي بەلگىلەۋ سياقتى قىزمەت وتەۋمەن قامدادى“.
حوتان ايماقتىق مادەنيەت، دەنە تاربيە، راديو ـ تەلەۆيزيا جانە ساياحات مەكەمەسى مادەنيەت بازارى جالپىلىق زاڭ اتقارۋ اترەتى 3 ـ ۇلكەن اترەتىنىڭ باستىعى اسقار ابەيدوللا بىلاي دەپ تانىستىردى: سوڭعى جىلدارى حوتان ايماعى قۇمدى ٴشول تاس جولىنىڭ قاتىستى جول بولىكتەرىندە قۇمدى ٴشول تاس جولى ٴتۇستى عيماراتىن جانە ەسكەرتكىش سالىپ ساياحات بەلگىسى ەتتى، سونداي ـ اق اۆتوكولىكپەن تۇزدە ٴجۇرۋ، ەكولوگيالىق عىلىم جالپىلاستىرۋ، دالا ەكسپەدەتسياسى سياقتى قۇمدى ٴشول ساياحاتىنىڭ جاڭا كاسىپ كۇيىن اشتى. حوتان ٴشول دالا توراڭعى ەكولوگيالىق ساياحات كورىنىس ٴوڭىرى ”كورىكتى وڭتۇستىك شينجياڭداعى ٴبىرىنشى بەكەت“ كولىكتى ٴوزى ايداپ ساياحاتتاۋ لاگەرى بولىپ قۇرىلدى. ”بيىل حوتان ايماعىنىڭ مادەنيەت، ساياحات قاتىستى تاراۋلارى ارال _ حوتان تاس جولى، G315 جەلىسى سياقتى قۇمدى ٴشول ساياحات جەلىلەرىنىڭ جول بويىنداعى جىلجىمالى دارەتحانالاردى ونان ارى كەمەلدەندىرىپ، ساياحات نەگىزدىك قۇرىلعىلارى مەن ساياحات الەۋمەتتىك قىزمەت وتەۋ قۇرىلعىلارىنىڭ دەڭگەيىن جوعارىلاتىپ، ساياحاتشىلارعا اناعۇرلىم قولايلى قىزمەت وتەدى“، ـ دەدى اسقار.
