تيانشان تورى \ شينجياڭ گازەتىنىڭ حابارى (ٴتىلشى حي حۇڭۋي حابارلايدى). ءتىلشىنىڭ اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىنشا، 3 ـ جاقتىڭ ساناق ساندى مالىمەتىنەن قاراعاندا، 1 ـ ايدان 5 ـ ايعا دەيىن شينجياڭنىڭ ينتەرنەت جەلىسى ساۋداسىندا ارىندى ارتۋ تەبىنى جارىققا شىققان، مۇنىڭ ىشىندە ينتەرنەت جەلىسىندەگى بولشەك ساتۋ سوماسى سايكەس مەزگىلدەگىدەن %15.9 ارتىپ، ەكونوميكانىڭ دامۋىن ىلگەرىلەتۋدەگى جاڭا قوزعاۋشى كۇشكە اينالعان.
ينتەرنەت جەلىسىندەگى بولشەك ساتۋ سوماسىنىڭ ىشىندە ناقتى زات تۇرىندەگىلەردىڭ ينتەرنەت جەلىسىندەگى بولشەك ساتۋ سوماسى سايكەس مەزگىلدەگىدەن %12.4 ارتقان، ال قىزمەت وتەۋ تۇرىندەگىلەردىڭ ينتەرنەت جەلىسىندەگى بولشەك ساتۋ سوماسى %23.2تىك ارتۋ قارقىنىمەن كوش باستاپ، تۇتىنۋشىلاردىڭ قىزمەت وتەۋ تۇرىندەگى تاۋارلار جونىندەگى سۇرانىسىنىڭ ۇزدىكسىز ارتىپ كەلە جاتقاندىعىن اڭعارتتى.
جۇڭگو پوچتا توبى شەكتى سەرىكتەستىگى ءۇرىمجى قالاسى بولىمشە سەرىكتەستىگىنىڭ جولداما جەتكىزۋشىسى زاتتارىن تيەۋدە. سۋرەتتى جۋ رۋيشيۋ تۇسىرگەن
اۋىل ـ قىستاق ينتەرنەت جەلىسى نەگىزدىك قۇرىلعىلارىنىڭ ۇزدىكسىز كەمەلدەنۋىنە ىلەسە، شارۋالاردىڭ ەلەكتروندى ساۋدا جونىندەگى تانىمى مەن ونى قابىلداۋ دارەجەسى ۇزدىكسىز جوعارىلاپ، اۋىل ـ قىستاق ەلەكتروندى ساۋدا بازارى بۇرىن بولماعان دامۋ ورايىن كۇتىپ الدى. 1 ـ ايدان 5 ـ ايعا دەيىن شينجياڭ اۋىل ـ قىستاقتارىنىڭ ينتەرنەت جەلىسىندەگى بولشەك ساتۋ سوماسى سايكەس مەزگىلدەگىدەن %21، اۋىل شارۋاشىلىق ونىمدەرىنىڭ ينتەرنەت جەلىسىندەگى بولشەك ساتۋ سوماسى سايكەس مەزگىلدەگىدەن %15.1 ارتقان، ينتەرنەت تۇعىرىنىڭ ارقاسىندا، شينجياڭداعى شارۋالار اسا قولايلىلىقپەن وزدەرىنىڭ اۋىل شارۋاشىلىق ونىمدەرىن بۇكىل ەلدىڭ جەر ـ جەرىنە ساتىپ، اۋىل شارۋاشىلىق ونىمدەرىن ”ينتەرنەت جەلىسىندە ساتۋدى“ ورىنداپ، اۋىل ـ قىستاق ەكونوميكاسىنىڭ دامۋىنا جەبەۋشىلىك ىستەدى.
ينتەرنەت جەلىسىندەگى قىرۋار بولشەك ساتۋ ارناسىنىڭ ىشىندە تىكە تاراتۋ ەلەكتروندى ساۋداسى شينجياڭ وڭىرىندەگى ەڭ ٴبىر جارقىن تۇيىنگە اينالدى، ساناق بويىنشا، 1 ـ ايدان 5 ـ ايعا دەيىن شينجياڭ تىكە تاراتۋىنىڭ ينتەرنەت جەلىسىندەگى بولشەك ساتۋ سوماسى 2 ميلليارد 410 ميلليون يۋانعا جەتىپ، تىكە تاراتۋدىڭ ينتەرنەت جەلىسىندەگى بولشەك ساتىلۋ مولشەرى 55 ميلليون 966 مىڭ دانادان ارتقان، تىكە تاراتۋى 30 مىڭ رەتتەن اسىپ، 340 ميلليون ادامدى كورۋگە باۋراعان. تىكە تاراتۋ ساتىلىمىنداعى تاۋارلاردىڭ اراسىندا ازىق ـ تۇلىك، دەنساۋلىق ساقتاۋ، ٴىنجۋ ـ مارجان، اشەكەي بۇيىمدارى، اجارلاندىرۋ، كۇتىمدەلۋ سياقتىلار الدىڭعى 3 ورىندى يەلەپ وتىر، بۇل دا تۇتىنۋشىلاردىڭ تىكە تاراتۋدان زات ساتىپ الۋدى ۇناتاتىندىعىن اڭعارتادى.
