”جاڭا داۋىردەگى شينجياڭ كادرلارى ۇلكەن ساباقحاناسى“ ارناۋلى تاقىرىپتىق لەكسيا وتكىزدى
ساندى مالىمەت فاكتور قۇنىن جارىققا شىعارىپ، شينجياڭنىڭ جوعارى ساپالى دامۋىنا قۋات ۇستەۋ كەرەك
ەركىن تۇنياز باسقاردى، نۇرلان ٴابىلماجىن، حى جۇڭيوۋ، جاڭ جۋ قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 7 ـ ايدىڭ 11 ـ كۇنى ۇرىمجىدەن حابارلايدى. 7 ـ ايدىڭ 11 ـ كۇنى تۇستەن كەيىن اۆتونوميالى رايون ”جاڭا داۋىردەگى شينجياڭ كادرلارى ۇلكەن ساباقحاناسىن“ وتكىزىپ، مەملەكەتتىك دامۋ ـ رەفورما كوميتەتى پارتيا باسشىلىق گرۋپپاسىنىڭ مۇشەسى، مەملەكەتتىك ساندى مالىمەت مەكەمەسىنىڭ باستىعى ليۋ ليەحۇڭدى ”ساندى مالىمەتتىڭ فاكتور قۇنىن اشۋ“ توڭىرەگىندە ارناۋلى تاقىرىپتىق لەكسيا جاساۋعا ۇسىنىس ەتتى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز باسقاردى. اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن، اۆتونوميالى رايوندىق پارتكومنىڭ ورىنباسار شۋجيلەرى حى جۇڭيوۋ، جاڭ جۋ قاتىناستى.
ليۋ ليەحۇڭ لەكسياسىندا باس شۋجي شي جينپيڭنىڭ ساندى مالىمەت جاعىنداعى دامۋ مەن حاۋىپسىزدىك جونىندەگى ماڭىزدى بايىمداۋلارىن ىشكەرىلەي ۇيرەنۋدى، دايەكتىلەندىرۋدى ارقاۋ ەتە وتىرىپ، ”ساندى مالىمەت فاكتورىنىڭ رولىن، زاڭدىلىعىن ىشكەرىلەي ٴتۇسىنىپ جانە يگەرىپ، جاڭاشا وندىرگىش كۇشتى جەدەل جەتىلدىرۋ جانە دامىتۋ“، ”ساندى مالىمەت فاكتورىن بازارلاندىرىپ ورنالاستىرۋ رەفورماسىن نەگىزگى جەلى ەتىپ، ساندى مالىمەت ىستەرىنىڭ جوعارى ساپالى دامۋىن ىلگەرىلەتۋ“ سياقتى ٴتۇيىندى ماسەلەلەر جونىندە تۇسىنىك جاسادى، سونداي ـ اق شينجياڭنىڭ دامۋ ٴىس جۇزىندىگىمەن ۇشتاستىرىپ، شينجياڭنىڭ ەسەپتەۋ قۋاتى مەن جاسىل ەلەكتردى سايكەستىرۋ قۇرىلىسىن ىلگەرىلەتۋ، ساندى مالىمەت فاكتورىنىڭ ەكونوميكالىق، قوعامدىق دامۋعا قۋات ۇستەۋىن جەبەۋ، ساندى مالىمەت سالاسىن جوعارى دەڭگەيدە اشىق ۇستاۋدى ٴۇرتىس تەرەڭدەتۋ سياقتى مازمۇندار جونىندە ىشكەرىلەي تالداۋ جاساپ، قىزمەت ۇسىنىسىن ورتاعا قويدى.
ەركىن تۇنياز بىلاي دەپ اتاپ كورسەتتى: باس شۋجي شي جينپيڭنىڭ سيفرلى جۇڭگو قۇرىلىسى، ساندى مالىمەت جاعىنداعى دامۋ مەن حاۋىپسىزدىك جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، ساندى مالىمەتتىڭ جاڭاشا وندىرگىش كۇشتى جەتىلدىرۋ جانە دامىتۋ، جوعارى ساپالى دامۋدى جۇزەگە اسىرۋداعى قۋاتتى تىرەكتىك رولىن ىشكەرىلەي ٴتۇسىنىپ، اۆتونوميالى رايوندىق پارتكومنىڭ ورنالاستىرۋلارىن، تالاپتارىن مۇقيات دايەكتىلەندىرىپ، تياناقتاندىرىپ، شينجياڭدى سيفرلاندىرا دامىتۋ قىزمەتىندە ورىن تەپكەن ماسەلەلەر مەن ولقىلىقتاردى سەرگەكتىكپەن تانۋ، سيفرلى شينجياڭ قۇرىلىسىن ىلگەرىلەتۋدەگى جاۋاپكەرشىلىك سەزىمدى، بورىشتىلىق سەزىمدى جانە كوكەي تەستىلىك سەزىمدى شىن مانىندە كۇشەيتۋ كەرەك. سيفرلاندىرا دامىتۋدىڭ جاڭا جاعدايىنا بەلسەنە ۇيلەسىپ، سيفرلانعان وزگەرىستىڭ جاڭا ورايىن يگەرىپ، سيفرلى بايلىق فاكتورى كومەسكى قۋاتىن تولىق اشىپ، سيفرلاندىرۋ ارقىلى شينجياڭنىڭ جوعارى ساپالى دامۋىنا قۋات ۇستەۋدى جەدەلدەتۋ كەرەك. سيفرلى ەكونوميكانى جەدەل دامىتىپ، جەرگىلىكتى جاعدايعا قاراي سيفرلى تەحنيكا مەن ”سەگىز ٴىرى كاسىپ سالاسى شوعىرىنىڭ“ توعىسپالى دامۋىن جەدەلدەتىپ، سيفرلى كاسىپ سالالانۋ مەن كاسىپ سالاسىنىڭ سيفرلانۋىن ىلگەرىلەتۋ كەرەك. شينجياڭنىڭ جاڭا ەنەرگيا باسىمدىعىنان تولىق پايدالانىپ، ەسەپتەۋ قۋاتى ەكونوميكاسىن بار كۇشپەن دامىتىپ، مەملەكەتتىڭ ”شىعىستىڭ ساندى مالىمەتتەرىن باتىستا ەسەپتەۋ“ ينجەنەرياسىمەن بەلسەنە توعىستىرۋ كەرەك. سيفرلى ۇكىمەت قۇرىلىسىن جەدەلدەتىپ، ۇكىمەتتىك قىزمەت وتەۋدە ”ٴبىر جەلىدە ٴبىر تۇتاس ٴبىتىرۋدى“، ۇكىمەت جۇمىسىندا ”ٴبىر جەلىدە سايكەستىرۋدى“، ەكونوميكانى، قوعامدى باسقارۋدا ”ٴبىر جەلىدە ٴبىر تۇتاس باسقارۋدى“ جاپپاي ىلگەرىلەتىپ، باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ كەرەك. سيفرلى قوعام قۇرىلىسىن جەدەلدەتىپ، سيفرلانعان الەۋمەتتىك قىزمەت وتەۋدىڭ قابىلەت دەڭگەيىن جوعارىلاتۋ كەرەك.
ياڭ چىڭ، تيان شياڭلي، چىن ۋيجۇن، چىن ميڭگو، ۋاڭ جيانشين، ٴيۇسۇپجان مامەت، ەلزات احمەتجان، قادەن كابەن، ۋاڭ لين، اۆتونوميالى رايوندىق حالىق قۇرىلتايى تۇراقتى كوميتەتىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ قاتىستى باسشىلارى، اۆتونوميالى رايوندىق سوت مەكەمەسىندەگى، پروكۋراتۋراداعى نەگىزگى جاۋاپتى جولداستار، اۆتونوميالى رايونعا (ورتالىققا) توتە قاراستى ورىندار مەن تاراۋلارداعى جاۋاپتى جولداستار لەكسياعا قاتىناستى. ايماق، وبلىس، قالالاردا، اۋدان، قالا، رايونداردا، بيڭتۋان ورگانىندا جانە شى، قالالارىندا، تۋان ـ الاڭدارىندا بولىمشە ٴماجىلىس ورنى ورنالاستىرىلدى.
