شينجياڭ ەركىن ساۋدا سىناق رايونى قۇرىلىسى قىزمەتىن ورنالاستىرۋ ٴماجىلىسى مىنالاردى باسا دارىپتەدى
رەفورمانى تۇيىندە سىناق ەتۋ مىندەتىن جوعارى ولشەممەن، جوعارى ساپامەن ورىنداۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 7 ـ ايدىڭ 11 ـ كۇنى ۇرىمجىدەن حابارلايدى. تاياۋدا اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز شينجياڭ ەركىن ساۋدا سىناق رايونى قۇرىلىسى قىزمەتىن ورنالاستىرۋ ٴماجىلىسىن باسقارىپ اشتى. ول بىلاي دەپ باسا دارىپتەدى: باس شۋجي شي جينپيڭنىڭ ەركىن ساۋدا سىناق رايونى قۇرىلىسىن ىشكەرىلەي ىلگەرىلەتۋ جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا، يدەيالىق جاقتان تاعى دا باسا ٴمان بەرىپ، شارا جاعىنان تاعى دا بەكەمدەپ، سەرپىندى تاعى دا ارتتىرىپ، بيىلعى رەفورمانى تۇيىندە سىناق ەتۋ مىندەتىن جوعارى ولشەممەن، جوعارى ساپامەن ورىنداۋعا شىنايى كەپىلدىك ەتۋ كەرەك.
شينجياڭ ەركىن ساۋدا سىناق رايونى جالپى تۇلعالىق قىزمەتىنىڭ ىلگەرىلەتىلۋ جاعدايى جانە 3 اۋماق قۇرىلىسىنىڭ جاعدايى جونىندەگى مالىمەتتى تىڭداعاننان كەيىن، ەركىن تۇنياز بىلاي دەپ اتاپ كورسەتتى: شينجياڭ ەركىن ساۋدا سىناق رايونى بەكىتۋدەن ٴوتىپ قۇرىلعاننان بەرى، اۋماقتار، ورىندار نىسانا بەلگىلەپ، تىڭعىلىقتى ىلگەرىلەتىپ، ٴتۇرلى قىزمەتتەردە بەلسەندى ونىمدىلىككە قول جەتكىزدى. الايدا مىنانى دا كورە ٴبىلۋىمىز كەرەك: قازىر پارىقتى رەفورما ىزدەنىسى جەتكىلىكسىز بولۋ، كاسىپ سالاسىنىڭ شوعىرلانۋى ايتارلىقتاي بولماۋ، شارۋاشىلىق ـ ساۋدا ورتاسى ساپالى بولماۋ، وڭىرلەردىڭ سايكەسۋى جوعارى ٴونىمدى بولماۋ، دارىندىلار تىرەگى مىعىم بولماۋ سياقتى ماسەلەلەر ٴالى دە ورىن تەۋىپ وتىر. كەلەسى قادامدا قىسىمدى ارتتىرىپ، ەكپىندەي ىلگەرىلەپ، ولقىلىقتاردى، ٴالسىز تۇستاردى كۇش سالا تولىقتاپ، شينجياڭ ەركىن ساۋدا سىناق رايونى قۇرىلىسىنىڭ اناعۇرلىم زور سەرپىلىس جاساۋىن ىلگەرىلەتۋ كەرەك.
ەركىن تۇنياز بىلاي دەپ باسا دارىپتەدى: ساياسي دەڭگەيدى جوعارىلاتىپ، شينجياڭ ەركىن ساۋدا سىناق رايونىن قۇرۋدىڭ كەلەلى ٴمانىن جەتە تانىپ، كۇشتى جاۋاپكەرشىلىك سەزىممەن جانە بورىشتىلىق سەزىممەن شينجياڭ ەركىن ساۋدا سىناق رايونىن باتىس بولىك وڭىرلەردىڭ جوعارى ساپالى دامۋىن جەبەۋدەگى ۇلگى قالىبى ەتىپ قۇرىپ شىعۋعا قۇلشىنۋ كەرەك. كاسىپ سالاسىن شوعىرلاندىرۋدى كۇشەيتىپ، اۆتونوميالى رايوننىڭ ”سەگىز ٴىرى كاسىپ سالاسى شوعىرى“ قۇرىلىسىن ارقاۋ ەتىپ، ستراتەگيالىق سيپاتقا، جەتەكشىلىك سيپاتقا يە ٴبىر توپ كەلەلى نىسانداردى جوسپارلاپ، اتقارىپ، ەرەكشەلىگى كورنەكتى، باسىمدىعى ايقىن، ىقپالى كۇشتى ٴبىر توپ ٴتۇيىندى تۇعىرلاردىڭ تياناقتانۋىن ىلگەرىلەتىپ، سيفرلى ساۋدا، بازار ارقىلى ساتىپ الۋ ساۋداسى، شەكارا اتتاعان ەلەكتروندى ساۋدا سياقتى جاڭا كاسىپ كۇيلەرىن، جاڭا ۇلگىلەردى جەدەل جەتىلدىرىپ، شينجياڭ ەركىن ساۋدا سىناق رايونى كاسىپ سالاسىنىڭ تىرەكتىك قابىلەتىن جانە شارپۋ، جەتەكتەۋ رولىن ۇزدىكسىز جوعارىلاتۋ كەرەك. اشىق، ەرەكشە كاسىپ جۇيەسىن قۇرۋ، ورتا ازيا ەلدەرى سياقتى توڭىرەكتەگى ەلدەردىڭ باستاپقى ونىمدەرىن بىرىكتىرۋ، شوعىرلاندىرۋ ورتالىعىن قۇرۋ، ەۆروپا مەن ازيانى تۇتاستىراتىن جالپىلىق زات اينالىمى تورابىن قۇرۋ، شەكارا اتتاعان ۇلكەن ارنا قۇرىلىسى اياق الىسىن جەدەلدەتۋ، باتىسقا ەسىك اشاتىن كوپ سالاداعى اۋىس ـ كۇيىس پەن سەلبەستىكتى تەرەڭدەتۋ سياقتىلاردى تىعىز ارقاۋ ەتىپ، حالىقارالىق جوعارى ولشەمدى ەكونوميكا ـ ساۋدا ەرەجەسىن ٴتۇيىلىستىرۋدى كۇشەيتىپ، باسقا ولكە، اۆتونوميالى رايون، توتە قاراستى قالالاردىڭ ەركىن ساۋدا سىناق رايونى قۇرىلىسىنىڭ جاڭالىق اشۋ تاجىريبەلەرىن بەلسەنە ۇيرەنىپ جانە ودان ۇلگى الىپ، ٴتۇيىندى رەفورمانى تۇيىندە سىناق ەتۋ مىندەتىنىڭ تياناقتانىپ ٴونىم بەرۋىنە شىنايى كەپىلدىك ەتۋ كەرەك. شارۋاشىلىق ـ ساۋدا ورتاسىن ۇزدىكسىز ساپالىلاندىرىپ، زاڭداردى، زاڭ ەرەجەلەردى جانە ساياسات جۇيەسىن اقاۋسىزداندىرىپ، كەمەلدەندىرىپ، اناعۇرلىم كوپ اكىمشىلىك ۇقىق شەگىن تومەنگە ٴتۇسىرۋدى بەلسەنە ىلگەرىلەتىپ، مەملەكەتتىڭ جانە اۆتونوميالى رايوننىڭ حالىقتىق شارۋاشىلىقتى قولداۋداعى ٴتۇرلى ساياسات ـ شارالارىن ويداعىداي تياناقتاندىرىپ، كاسىپورىنداردىڭ جاڭالىق اشا دامۋداعى ومىرشەڭدىك كۇشىن تولىق قاۋلاتۋ كەرەك.
ەركىن تۇنياز بىلاي دەپ باسا دارىپتەدى: شينجياڭ ەركىن ساۋدا سىناق رايونى قۇرىلىسىن بيڭتۋان مەن جەرگىلىكتى ورىن، اۋماقتار، تاراۋلار، ورىندار بىرگە ورىندايدى، ”ٴبىر تۇتاس جۇيە“ يدەياسىن بەرىك ورناتىپ، ٴبىر تۇتاس سايكەستىرۋدى كۇشەيتىپ، تىعىز سەلبەسىپ، سايكەسىپ، قىزمەتتىڭ پارمەندى بىرىككەن كۇشىن قالىپتاستىرۋىمىز كەرەك.
سۇن حۇڭمەي، لي يۇڭحۇڭ ماجىلىسكە قاتىناستى.
