اۆتونوميالى رايوندىق پارتكوم تۇراقتى كوميتەتى ٴماجىلىس اشتى
باس شۋجي شي جينپيڭنىڭ ماڭىزدى ٴسوزىنىڭ، ماڭىزدى نۇسقاۋىنىڭ رۋحىن جەتكىزدى، ۇيرەندى، دايەكتىلەندىردى
تاسقىننان ساقتانۋ، اپات زيانىن ازايتۋ جانە نەگىزگى تاقىرىپتىق تاربيە جەتىستىگىن بەكەمدەۋ، كەڭەيتۋ قىزمەتىن اقىلداستى، ورنالاستىردى
ما شيڭرۇي ٴماجىلىستى باسقاردى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 7 ـ ايدىڭ 12 ـ كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 7 ـ ايدىڭ 12 ـ كۇنى تۇستەن بۇرىن ٴماجىلىس اشىپ، باس شۋجي شي جينپيڭنىڭ حۋنان ولكەسى يۋەياڭ قالاسى حۋارۇڭ اۋدانى تۋانجوۋيۋان دۇڭتيڭحۋ كولى ٴبىرىنشى شەپ توسپاسىنىڭ جىرىلىپ كەتكەندىگى جونىندە بەرگەن ماڭىزدى نۇسقاۋىنىڭ رۋحىن جانە شاڭحاي سەلبەستىك ۇيىمى استانا باسشىلار ماجىلىسىنە قاتىناسقاندا ٴارى قازاقستاندا، تاجىكستاندا مەملەكەتتىك ساپاردا بولعان كەزىندە سويلەگەن ماڭىزدى سوزدەرىنىڭ رۋحىن جەتكىزدى، ۇيرەندى، دايەكتىلەندىردى، رايونىمىزدىڭ نەگىزگى تاقىرىپتىق تاربيە جەتىستىگىن بەكەمدەۋ، كەڭەيتۋ قىزمەتىن اقىلداستى، ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ٴماجىلىستى باسقاردى.
ٴماجىلىس مىنالاردى باسا دارىپتەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، حالىقتى بارىنەن جوعارى قويۋعا، ٴومىردى بارىنەن جوعارى قويۋعا تاباندى بولىپ، تاۋقىمەت تانىمىن شىنايى كۇشەيتىپ، تومەنگى شەك ويىن بەرىك ورناتىپ، تاسقىننان ساقتانۋ، قۋاڭشىلىققا قارسى اتتانۋ، ٴوندىرىس حاۋىپسىزدىگى قىزمەتتەرىن بار كۇشپەن ويداعىداي ىستەپ، ٴار ۇلت بۇقاراسىنىڭ ٴومىرى مەن مال ـ مۇلىك حاۋىپسىزدىگىن باتىل قورعاۋ كەرەك. ٴتۇيىندى وڭىرلەردىڭ اۋا رايى وزگەرىسىن ٴجىتى قاداعالاپ، نوسەردەن تۋىلاتىن سەل، لاي ـ شاعىل كوشكىنى سياقتى اپاتتارعا ايرىقشا ٴمان بەرىپ، دالمە ـ ٴدال باقىلاۋ ـ ولشەۋ مەن ساقتاندىرۋدى، الدىن الا مالىمەت بەرۋدى كۇشەيتىپ، كومەسكى حاۋىپتەردى ٴبىر ـ بىردەن تەكسەرىپ جانە توتەپ بەرۋ دايىندىعىن جان ـ جاقتى ويداعىداي ىستەپ، ٴولىم ـ ٴجىتىم تۋىلۋىنان قاتاڭ ساقتانۋ كەرەك. ساقتانۋ مەن پايدالانۋدى ۇشتاستىرۋعا، قاتەردى تيىمدىلىككە اينالدىرۋعا تاباندى بولىپ، ماۋسىمدىق تاسقىن بايلىعىنان عىلمي، ويداعىداي پايدالانىپ، قۋاڭشىلىق جاعدايىن باقىلاۋ ـ تەكسەرۋدى جانە اۋىل شارۋاشىلىعىنا پايدالاناتىن سۋدى ورنالاستىرۋدى قامتاماسىز ەتۋ قىزمەتىن ٴبىر تۇتاس جوسپارلاپ ويداعىداي ىستەۋ كەرەك. ٴوندىرىس حاۋىپسىزدىگى قىزىل سىزىق تانىمىن بەرىك ورناتىپ، كومىر الابى، كەن، جول ـ قاتىناس، جازعى دەمالىستا وقۋشىلاردى باسقارۋ، ساياحات سياقتى سالالارداعى حاۋىپ ـ قاتەرلەردەن ساقتانۋدى ويداعىداي يگەرۋدى كورنەكتىلەندىرىپ، تۇتاس رايوننىڭ ٴوندىرىس حاۋىپسىزدىگىنىڭ ورنىقتى، ٴتارتىپتى بولۋىنا شىنايى كەپىلدىك ەتۋ كەرەك. ٴار دارەجەلى پارتكوم مەن ۇكىمەت قاراستى جەردى باسقارۋ جاۋاپكەرشىلىگى مەن نەگىزگى جاۋاپتى جولداستاردىڭ ٴبىرىنشى جاۋاپتى ادام جاۋاپكەرشىلىگىن قاتاڭ تياناقتاندىرىپ، الدا ٴجۇرىپ قولباسشىلىق ەتىپ، جاۋاپكەرشىلىك ارقالاپ، ىسكەرلىك كورسەتىپ، تاسقىننان ساقتانۋ، اپات شىعىنىن ازايتۋ جانە ٴوندىرىس حاۋىپسىزدىگى قىزمەتىن تىڭعىلىقتى ويداعىداي ىستەۋى كەرەك. قاتىستى تاراۋلار باقىلاۋ ـ باسقارۋ جاۋاپكەرشىلىگىن شىنايى اتقارىپ، ولقىلىقتاردى تولىقتاۋ، ساڭلاۋدى بىتەۋ شارالارىن كۇشەيتۋى كەرەك. ٴوندىرىس، شارۋاشىلىق ورىندارى تۇلعالىق جاۋاپكەرشىلىكتى مىقتاپ ارقالاپ، دەر كەزىندە حاۋىپ ـ قاتەرلەردى الاستاپ، شارالاردى تياناقتاندىرىپ، ماسەلەلەردى شەشىپ، ٴوندىرىس حاۋىپسىزدىگىنىڭ ٴبىرىنشى وتكەلىن باتىل مىقتى يگەرۋى كەرەك.
ٴماجىلىس مىنالاردى باسا دارىپتەدى: باس شۋجي شي جينپيڭنىڭ ورتا ازياداعى ساپارى شاڭحاي سەلبەستىك ۇيىمىنىڭ دامۋ بەتالىسىنا جەتەكشىلىك ەتۋ، جۇڭگونىڭ وڭىردەگى ەلدەرمەن تاتۋ كورشىلىگىن، دوستىعىن تەرەڭدەتۋ، توڭىرەكتىك تاعدىرلاس ورتاق تۇلعا قۇرىلىسىنىڭ تەرەڭدەۋىن، ناقتىلانۋىن ىلگەرىلەتۋ جونىنەن ماڭىزدى مانگە يە، اسىرەسە، شينجياڭنىڭ سىرتقا ەسىك اشۋدى ونان ارى كەڭەيتۋىنە، ورتا ازيا ەلدەرىمەن ناقتى ىستەر سەلبەستىگىن ورىستەتۋىنە كەلەلى وراي جانە كەڭ ٴورىس جاراتتى. باس شۋجيدىڭ ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”مەملەكەتتىڭ زور ٴىسىن“ مىقتاپ يگەرىپ، نازاردى مەملەكەتتىڭ جالپى جاعدايىنداعى شينجياڭنىڭ ستراتەگيالىق ورنىنا شوعىرلاندىرىپ، ورتا ازيا ٴوڭىرىن ٴتۇيىن ەتكەن، ”ٴبىر بەلدەۋ، ٴبىر جولدى“ بىرگە قۇراتىن ەلدەردى قامتيتىن جان ـ جاقتى سىرتقا ەسىك اشۋدى ٴۇرتىس ىلگەرىلەتىپ، ەنەرگيا، كەن، ەكونوميكا ـ ساۋدا، اۋىل شارۋاشىلىعى، حاۋىپسىزدىك، ورنىقتىلىق سياقتى سالالارداعى سەلبەستىكتى ٴۇرتىس بەكەمدەپ، جوعارىلاتىپ، تازا ەنەرگيا، سيفرلى ەكونوميكا، شەكارا اتتاعان ەلەكتروندى ساۋدا سياقتى سالالارداعى سەلبەستىك كومەسكى كۇشىن بەلسەنە اشىپ، مادەنيەت، ساياحات اۋىس ـ كۇيىسىنىڭ تەرەڭدىگى مەن كەڭدىگىن ۇلعايتىپ، ٴىس جۇزىندىك ارەكەتپەن ”شاڭحاي رۋحىن“ اسقاقتاتۋعا، توڭىرەكتىك تاعدىرلاس ورتاق تۇلعا قۇرىلىسىن ىلگەرىلەتۋگە كۇش قوسۋ كەرەك.
ٴماجىلىس اۆتونوميالى رايوننىڭ شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىنىڭ جەتىستىگىن بەكەمدەۋ، كەڭەيتۋ جونىندەگى قاتىستى پىكىرىن اقىلداستى، تالقىلادى. ٴماجىلىس مىنالاردى باسا دارىپتەدى: شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ _ ماڭگى توقتامايتىن بارىس، نەگىزگى تاقىرىپتىق تاربيە جەتىستىگىن بەكەمدەۋ، كەڭەيتۋ _ ۇزاق ۋاقىتتىق مىندەت. جەر ـ جەر، تاراۋلار باس شۋجي شي جينپيڭنىڭ جانە پارتيا ورتالىق كوميتەتىنىڭ ورنالاستىرۋلارى، تالاپتارى بويىنشا ”يدەيانى ۇيرەنۋدى“ ماڭداي الدى ماڭىزدى مىندەت ەتۋگە تاباندى بولىپ، قالىڭ پارتيا مۇشەلەرىن، كادرلاردى ساياسي ادالدىقتى بەكەمدەپ، ٴتۇبىردى بەكەمدەپ، ارقاۋدى جەتىلدىرىپ، زەيىن ـ زەردەنى ۇيىستىرىپ، رۋحتى سومداپ، ”ەكىنى تۇراقتاندىرۋدى“ تاباندىلىقپەن قولداۋعا، ”ەكىنى قورعاۋدى“ باتىل ورىنداۋعا تاربيەلەۋى، جەتەكتەۋى كەرەك. پارتيانىڭ عىلمي نازارياسى ارقىلى زاڭدىلىقتى تۇسىنۋگە، بەتالىستى ايقىنداۋعا، ٴادىستى ۇيرەنۋگە، پاراساتتى ارتتىرۋعا تاباندى بولىپ، جوعارى ساپالى دامۋدى ىلگەرىلەتۋ، بۇقاراعا قىزمەت وتەۋ، حاۋىپ ـ قاتەردەن ساقتانۋ جانە ونى جويۋ قابىلەتىن، ونەرىن ۇزدىكسىز جوعارىلاتۋ كەرەك. تانىم مەن ارەكەتتىڭ بىرلىگىنە، تانىم ارقىلى ارەكەتتى جەبەۋگە تاباندى بولىپ، دامۋ مەن حاۋىپسىزدىكتى، ەسىك اشۋ مەن ورنىقتىلىقتى اناعۇرلىم ويداعىداي ٴبىر تۇتاس جوسپارلاپ، باياندى تىنىشتىققا ساياساتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق قىزمەتتەردى شىن مانىندە ىشكەرىلەي، ەگجەي ـ تەگجەيلى جوسپارلاپ، مىقتى، شىنايى يگەرىپ، تىڭعىلىقتى ىستەۋ ستيلىن شىڭداپ، قاتە ناتيجە كوزقاراسىن ادا ـ كۇدە تيىپ، نەگىزگى تاقىرىپتىق تاربيە جەتىستىگىن جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدىڭ جاڭا ىسكەرلىگىنە، جاڭا ونىمدىلىگىنە شىن مانىندە اينالدىرۋ كەرەك.
