اۆتونوميالى رايوندىق ۇكىمەت ۇنەمىلىك ىستەر ٴماجىلىسىن اشتى
تاسقىننان ساقتانۋ، اپات زيانىن ازايتۋ جانە ٴوندىرىس حاۋىپسىزدىگى سياقتى قىزمەتتەردى اقىلداستى
انار بۇلت \ شينجياڭ گازەتىنىڭ ٴتىلشىسى لي ياڭ 7 ـ ايدىڭ 12 ـ كۇنى ۇرىمجىدەن حابارلايدى. 7 ـ ايدىڭ 12 ـ كۇنى تۇستەن كەيىن اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق ۇكىمەتتىڭ ۇنەمىلىك ىستەر ٴماجىلىسىن باسقارىپ اشىپ، باس شۋجي شي جينپيڭنىڭ تاياۋ مەزگىلدەگى ماڭىزدى ٴسوزىنىڭ، ماڭىزدى نۇسقاۋىنىڭ رۋحىن جەتكىزدى، ۇيرەندى، اۆتونوميالى رايوندىق پارتكومنىڭ قىزمەت ورنالاستىرۋى بويىنشا، زەينەتكەرلەردىڭ نەگىزگى زەينەتاقىسىن رەتتەۋ، جاڭا كەزەكتى جۇمىسسىزدىق قامسىزداندىرۋى بويىنشا كاسىپورىنداردىڭ جۇمىس ورنىن ورنىقتىرۋىنا كومەكتەسۋ ساياساتىن دايەكتىلەندىرۋ، تياناقتاندىرۋ، ٴتۇيىندى جوعارى مەكتەپتەرمەن سەلبەستىكتى، اۋىس ـ كۇيىستى تەرەڭدەتۋ، تاسقىننان ساقتانۋ، اپات زيانىن ازايتۋ جانە ٴوندىرىس حاۋىپسىزدىگى سياقتى قىزمەتتەردى اقىلداستى.
ٴماجىلىس مىنالاردى اتاپ كورسەتتى: جەر ـ جەر، قاتىستى تاراۋلار زەينەتاقىنىڭ ۋاعىندا، تولىق تاراتىلۋىنا شىنايى كەپىلدىك ەتۋدى باستان ـ اياق ساياسي مىندەت رەتىندە يگەرىپ، ساياسات بەلگىلەۋ، ٴىس ٴبىتىرۋ ـ قىزمەت وتەۋ، جۇيەلى رەتتەۋ، يگىلىك اقشاسىن بەرۋ سياقتى بۋىندارداعى قىزمەتتەردى ويداعىداي يگەرىپ، دالمە ـ ٴدال، دەر كەزىندە، تولىق تاراتىلۋىنا شىنايى كەپىلدىك ەتۋى كەرەك. جۇمىسسىزدىق قامسىزداندىرۋى ارقىلى كاسىپورىنداردىڭ جۇمىس ورنىن ورنىقتىرۋىنا كومەكتەسۋ قىزمەتىن ۇزدىكسىز ويداعىداي ىستەپ، رايونىمىزدىڭ ٴىس جۇزىندىك جاعدايىمەن ۇشتاستىرىپ، مەملەكەتتىڭ قاتىستى ساياساتتارىن قاتاڭ اتقارىپ، جۇمىسسىزدىق قامسىزداندىرۋ قورىنىڭ حاۋىپسىزدىگىن ويداعىداي قورعاۋ كەرەك. ساياساتتى ۇگىتتەۋدى، ٴتۇسىندىرۋدى بەلسەنە ورىستەتىپ، كاسىپورىندار مەن ەڭبەكشىلەردىڭ ساياساتتى ٴبىلۋ دەڭگەيىن ۇزدىكسىز جوعارىلاتىپ، ساياساتتى تياناقتاندىرۋدىڭ ”ەڭ سوڭعى ٴبىر كيلومەترىن“ كۇش سالا ىركىلىسسىزدەندىرىپ، ساياساتتان يگىلىكتەنۋدى، قىزمەت وتەۋدى سەزىنۋدى، بۇقارانى يگىلىككە كەنەلتۋدى جۇزەگە اسىرۋ كەرەك.
ٴماجىلىس مىنالاردى باسا دارىپتەدى: جەر ـ جەر، تاراۋلار جوعارى دەڭگەيدەگى جوعارى مەكتەپتەردىڭ جاڭالىق اشۋ بايلىعى مەن دارىندىلار بايلىعىنان تولىق پايدالانىپ، اكىمشىلىك، ٴوندىرىس، وقىتۋ، زەرتتەۋ، قولدانۋدىڭ ىشكەرىلەي توعىسۋىن، سەلبەسىپ جاڭالىق اشۋىن تەرەڭدەتىپ، نازاردى رايونىمىزدىڭ ەرەكشەلىككە، باسىمدىققا يە كاسىپ سالاسىن دامىتۋداعى تەحنيكالىق قيىن ماسەلەلەرگە شوعىرلاندىرىپ، شەشۋشى، وزەكتى تەحنيكالاردان قامال الۋدى جەدەلدەتىپ، كاسىپ سالاسى تىزبەگىن تولىقتاۋدى، كۇشەيتۋدى ىلگەرىلەتىپ، جالپىلىق سيپاتتى جاڭالىق اشۋ تۇعىرىن جانە زەرتتەۋ ـ اشۋ، قولدانۋ بازاسىن جەدەل قۇرۋ كەرەك. وڭىرلىك ەكونوميكانى دامىتۋ، زەردەلى قالا، ەكولوگيالىق ورتانى قورعاۋ، مادەنيەت پەن ساياحاتتى دامىتۋ سياقتى ٴتۇيىندى سالالار توڭىرەگىندە اقىل ـ پاراسات قويماسى قۇرىلىسى سەلبەستىگىن كۇشەيتىپ، شەشىم جاساۋعا اقىل ـ كەڭەس سۇراۋدى بەلسەنە ورىستەتىپ، وقۋ ـ اعارتۋ سەلبەستىگى مەن دارىندىلاردى باۋلۋ سەرپىنىن ارتتىرىپ، ٴتىپتى دە كوپ ساپالى وقۋ ـ اعارتۋ بايلىعىن شينجياڭنىڭ جوعارى ساپالى دامۋىنا قىزمەت وتەۋگە باۋراۋ كەرەك.
ٴماجىلىس مىنالاردى باسا دارىپتەدى: حالىقتى بارىنەن جوعارى قويۋعا، ٴومىردى بارىنەن جوعارى قويۋعا تاباندى بولىپ، ٴاردايىم قام جەپ تۇراتىن، بارلىق ىستە كوڭىلدە سان بولاتىن جاۋاپكەرشىلىك سەزىمىن كۇشەيتىپ، تاسقىننان ساقتانۋ، قۋاڭشىلىققا قارسى اتتانۋ، ناشار اۋا رايى، قۋاڭشىلىق پەن سۋ باسۋدىڭ شۇعىل اۋىسۋى سياقتىلارداعى توتەپ بەرۋ قىزمەتتەرىن ٴبىر تۇتاس جوسپارلاپ ويداعىداي ىستەپ، اۋىل شارۋاشىلىعى ٴوندىرىسىنىڭ ٴتارتىپتى ىلگەرىلەۋىنە، حالىق بۇقاراسىنىڭ ٴومىرى مەن مال ـ مۇلكىنىڭ حاۋىپسىزدىگىنە شىنايى كەپىلدىك ەتۋ كەرەك. تاسقىننان ساقتانىپ توتەپ بەرۋدى بار كۇشپەن ويداعىداي ىستەپ، ٴار دارەجەلى تاسقىننان ساقتانۋ جاۋاپكەرشىلىگىن بەكەمدەپ، عىلمي، دالمە ـ ٴدال باقىلاۋ ـ ولشەۋ، الدىن الا مالىمەت بەرۋ، ساقتاندىرۋ، سۋ قويماسى، قالانىڭ سۋ ىعىستىرۋى، قاتىناس تورابى، ەلەكتر، حابار ـ بايلانىس تورى قۇرىلعىلارى، ساياحات كورىنىس ٴوڭىرى، سالىنىپ جاتقان قۇرىلىس ورنى، تاۋلى وڭىردەگى حالىقتىق تۇسەلحانا سياقتى ٴتۇيىندى ورىنداردى قاداعالاپ، حاۋىپ ـ قاتەردى، كومەسكى كىناراتتاردى ٴبىر ـ بىردەن تەكسەرۋدى، رەتتەۋ ـ وڭاۋدى ىشكەرىلەي ورىستەتۋ كەرەك. ساقتاندىرۋ ينفورماتسياسى مەن حاۋىپ ـ قاتەر ەسكەرتۋىن دەر كەزىندە جاريالاپ، جول ـ قاتىناس حاۋىپسىزدىگىن قاداعالاپ، كۇندەلىكتى شارلاۋ ـ تەكسەرۋ مەن اينالىمدى باسقارۋدى، قورعاۋدى كۇشەيتىپ، وقۋشىلاردىڭ جازعى دەمالىس كەزىندەگى باس اماندىعى سياقتىلارمەن ۇشتاستىرىپ، ۇگىت تاربيەنى كۇشەيتىپ، سۋعا تۇنشىعۋ شىرعالاڭىنىڭ تۋىلۋىنان قاتاڭ ساقتانۋ كەرەك. ٴوندىرىس حاۋىپسىزدىگى قىزمەتتەرىن قاتاڭ، مىقتى، شىنايى ويداعىداي يگەرىپ، ٴتۇيىندى سالالاردى ارناۋلى رەتتەۋ ـ وڭاۋدى ۇزدىكسىز ورىستەتىپ، كاسىپ تاراۋلارى مەن قاراستى جەردى باقىلاۋ ـ باسقارۋ جاۋاپكەرشىلىگىن قاتايتىپ، ناقتىلاندىرىپ، كاسىپورىنداردىڭ مەكەمە ـ ورىندارىنىڭ تۇلعالىق جاۋاپكەرشىلىگىن تياناقتاندىرۋىن قۋزاۋ كەرەك. ٴتۇيىندى ورىنداردىڭ ٴورت ٴسوندىرۋ، ورتتەن ساقتانۋ حاۋىپسىزدىگى جونىنەن رەتتەۋ ـ وڭاۋدى تەرەڭدەتىپ، مەملەكەتتىك كەڭەس ٴوندىرىس حاۋىپسىزدىگى كوميتەتىنىڭ اشىق ٴارى جاسىرىن تەكسەرۋ ارقىلى اڭىس ەتكەن ماسەلەلەرىن رەتتەۋ ـ تۇزەتۋدى ويداعىداي يگەرىپ، جوعارى دەڭگەيدەگى حاۋىپسىزدىك ارقىلى جوعارى ساپالى دامۋدى قامتاماسىز ەتۋ كەرەك.
ٴماجىلىس باسقا دا ىستەردى اقىلداستى.
