حالىق گازەتى رىن جۇڭپيڭنىڭ ماقالاسىن جاريالادى
«شەشۋشى مەزگىلدى تياناق ەتىپ، ماڭىزدى اسىلدان ويداعىداي پايدالانايىق»
شينحۋا اگەنتتىگىنىڭ 7 ـ ايدىڭ 14 ـ كۇنى بەيجيڭنەن بەرگەن حابارى نەگىزىندە. 7 ـ ايدىڭ 15 ـ كۇنى حالىق گازەتى رىن جۇڭپيڭنىڭ «شەشۋشى مەزگىلدى تياناق ەتىپ، ماڭىزدى اسىلدان ويداعىداي پايدالانايىق» اتتى ماقالاسىن جاريالايدى.
ماقالادا بىلاي دەلىندى: ۇلى ىستەردە ۇزبەي كۇرەس جۇرگىزۋ بارىسىندا جاڭا پاراق اشىلدى.
7 ـ ايدىڭ 15 ـ كۇنى جۇڭگو كوممۋنيستىك پارتياسى 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى بەيجيڭدە باستاپ وتكىزىلىپ، جۇڭگو ۇلگىسىندەگى وسىزامانداندىرۋدى ارقاۋ ەتىپ رەفورمانى اناعۇرلىم جاپپاي تەرەڭدەتۋدىڭ جالپى تۇلعالىق ورنالاستىرۋىن عىلمي جوسپارلايدى. بۇل پارتيا 18 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىنەن بەرى، رەفورمانى جاپپاي تەرەڭدەتۋ امالياتىنىڭ جالعاستىرىلۋى ٴارى جاڭا جورىقتا جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ٴداۋىر جاڭا پاراعى.
”كەزەكتەگى جانە بۇدان بىلايعى ٴبىر مەزگىل _ جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتەتىن شەشۋشى مەزگىل. قىم ـ قۋىت تا كۇردەلى حالىقارا، ەل ٴىشى جاعدايى الدىندا، جاڭا ٴبىر رەتكى عىلىم ـ تەحنيكا توڭكەرىسى مەن كاسىپ سالاسى وزگەرىسى الدىندا، حالىق بۇقاراسىنىڭ جاڭا تىلەگى الدىندا، ٴسوز جوق، رەفورمانى ۇزدىكسىز العا ىلگەرىلەتۋ كەرەك“.
شەشۋشى مەزگىلدى تياناق ەتىپ، ماڭىزدى اسىلدان ويداعىداي پايدالانىپ، شي جينپيڭ جولداستى ۇيتقى ەتكەن پارتيا ورتالىق كوميتەتى تاريحي سەنىمدى بەكەمدەپ، تاريحي ىرىقتىلىقتى يگەرىپ، بۇكىل پارتيانى ”ٴسوزسىز، سانالىلىقپەن رەفورمانى ٴتىپتى دە كورنەكتى ورىنعا قويۋعا“ ۇندەپ، رەفورمانى اناعۇرلىم جاپپاي تەرەڭدەتۋ ارقىلى جۇڭگو ۇلگىسىندەگى وسىزامانداندىرۋدىڭ كەڭ بولاشاعىن اشۋداعى قۋاتتى سەنىمىن ايگىلەدى.
اماليات مىنانى تولىق دالەلدەدى: پارتيا 11 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى مەن پارتيا 18 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى ەكەۋى دە ٴداۋىر بولگىش. رەفورما جاساۋ، ەسىك اشۋ زامانىمىزداعى جۇڭگونىڭ تاعدىرىن بەلگىلەيدى، جۇڭگو ۇلگىسىندەگى وسىزامانداندىرۋدىڭ جەڭىس ـ جەڭىلىسىن بەلگىلەيدى، ول _ پارتيا مەن حالىق ىستەرىنىڭ ارشىندى قاداممەن ٴداۋىردى قۋىپ جەتۋىندەگى ماڭىزدى اسىل، جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ٴسوزسىز، باسىپ وتۋگە ٴتيىستى جول.
ماقالادا بىلاي دەلىندى: جاڭا جۇڭگو قۇرىلعان 75 جىلدان بەرى، جۇڭگو بىرىنشىدەن اق، ەكىنشىدەن كەدەي بولۋدان دامىپ دۇنيە جۇزىندەگى 2 ـ ۇلكەن ەكونوميكالىق تۇلعاعا اينالىپ، ادامزاتتىڭ دامۋ تاريحىنداعى ۇلى تابىستار جاراتتى.
وسى تاريحي بارىستا، جاڭا داۋىردەن بەرى وسى جىلدار ەرەكشە وزگەشە، ەرەكشە عالامات بولدى، ٴدوپ كەلگەن ەلەۋلى حاۋىپ ـ قاتەرلەر، سىن ـ سايىستار دۇنيە جۇزىندە، تاريحتا سيرەك كەزدەسەدى، شي جينپيڭ جولداستى ۇيتقى ەتكەن پارتيا ورتالىق كوميتەتى ميلليارد حالىقتى ىنتىماقتاستىرىپ، باستاپ، ”ەكى ٴىرى كەرەمەتتىڭ“ جاڭا تاراۋىن جازدى.
بۇگىنگى جۇڭگونىڭ جالپىلىق مەملەكەت قۋاتى ۇزدىكسىز قارىشتاپ جوعارىلادى. 2023 ـ جىلى ىشكى ٴوندىرىس جالپى ٴونىم قۇنى 126 تريلليون يۋاننان اسىپ، دۇنيە جۇزىندەگى ٴبىرىنشى ۇلكەن استىق وندىرەتىن ەل، ٴبىرىنشى ۇلكەن ونەركاسىپ ەلى، ٴبىرىنشى ۇلكەن تاۋار ساۋداسى ەلى بولدى، 140تان استام مەملەكەت جانە ٴوڭىردىڭ باستى ساۋدا سەرىگى بولىپ، جاڭاشا وندىرگىش كۇش ارقىلى جوعارى ساپالى دامۋدى پارمەندى ىلگەرىلەتۋدە.
بۇگىنگى جۇڭگونىڭ ىشكى قوزعاۋشى كۇشى ٴتىپتى دە قۋاتتى بولدى. ”جۇڭگو ٴتۇزىمى“ ارقىلى ”جۇڭگو باسقارۋدى“ ىلگەرىلەتىپ، زاڭمەن باسقارۋ ارناسىندا رەفورمانى تەرەڭدەتىپ، جۇڭگو ۇلگىسىندەگى وسىزامانداندىرۋدى ىلگەرىلەتىپ، تاماشا زاڭ ارقىلى شەبەرلىكپەن باسقارۋدى قامتاماسىزداندىرىپ، تۇزىمدىك باسىمدىق ۇزدىكسىز باسقارۋ ونىمدىلىگىنە اينالۋدا.
بۇگىنگى جۇڭگونىڭ دامۋ ومىرشەڭدىك كۇشى ٴتىپتى دە تولىق بولدى. وقۋ ـ اعارتۋدا قۋاتتى ەل، عىلىم ـ تەحنيكادا قۋاتتى ەل، دارىندىلاردا قۋاتتى ەل قۇرىلىسىن ىلگەرىلەتىپ، بۇكىل قوعامنىڭ جاڭالىق اشۋ، جاسامپازدىق جالىندى كۇشى جارىسا جارىققا شىعىپ، اقىل ـ پاراسات تولىق تاسقىندادى.
”ٴبىز ىلگەرىلەتكەن رەفورما جان ـ جاقتى، تەرەڭ قاتپارلى، ٴتۇبىرلى سيپاتتى بولدى، قول جەتكىزگەن تابىستار تاريحي سيپاتتى، توڭكەرىستىك سيپاتتى، جاسامپازدىق سيپاتتى بولدى“. جاڭا داۋىرگە اياق باسقاننان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى وراسان زور ساياسي باتىلدىقپەن جانە اقىل ـ پاراساتپەن رەفورمانى جاپپاي تەرەڭدەتۋدى ىلگەرىلەتىپ، جاڭا داۋىردە نە ٴۇشىن رەفورمانى جاپپاي تەرەڭدەتەمىز، قايتكەندە رەفورمانى جاپپاي تەرەڭدەتۋگە بولادى سياقتى ٴبىر قىدىرۋ كەلەلى ماسەلەلەرگە عىلمي جاۋاپ قايتاردى. اماليات ”ەكىنى تۇراقتاندىرۋدىڭ“ پارتيا مەن حالىقتىڭ بارلىق ايقىنسىزدىققا توتەپ بەرۋىندەگى ەڭ ۇلكەن ايقىندىلىق، ەڭ ۇلكەن سەنىم، ەڭ ۇلكەن كەپىلدىك ەكەندىگىن، بۇل ٴبىزدىڭ ٴتۇرلى حاۋىپ ـ قاتەرلەر مەن سىن ـ سايىستارعا توتەپ بەرۋىمىز، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋىمىز جونىنەن شەشۋشى ٴمان الاتىندىعىن تولىق دالەلدەدى.
ماقالادا بىلاي دەلىندى: حالىقتى وزەك ەتىپ رەفورمانى ىلگەرىلەتىپ، حالىقتىڭ تاماشا تۇرمىسىن جاراتتى، رەفورما جاساۋ، ەسىك اشۋ جۇڭگو حالقىنىڭ بەت ـ بەينەسىن تەرەڭ وزگەرتتى. سومداعان ۇلى رەفورما جاساۋ، ەسىك اشۋ رۋحى زامانىمىزداعى جۇڭگو حالقىنىڭ ەڭ ايقىن رۋحاني بەلگىسىنە اينالدى.
دامۋ ارقىلى سەنىمدى ارتتىرعان بۇگىنگى جۇڭگو حالقى اناعۇرلىم وزىنە سەنەتىن بولدى.
باس شۋجي شي جينپيڭ بىلاي دەپ اتاپ كورسەتتى: ”قازىرگى تاڭداعى دۇنيە جۇزىندە قايسى ساياسي پارتيا، قايسى مەملەكەت، قايسى ۇلت وزىنە سەنىم ارتا الادى دەسەك، وندا جۇڭگو كوممۋنيستىك پارتياسى، جۇڭحۋا حالىق رەسپۋبليكاسى، جۇڭحۋا ۇلتى وزىنە سەنىم ارتۋعا ەڭ قاقىلى“. بۇگىن جۇڭگونىڭ جولى بارعان سايىن كەڭەيىپ، جۇڭگو نازارياسى بارعان سايىن ايگىلەنىپ، جۇڭگو ٴتۇزىمى بارعان سايىن تولىسىپ، جۇڭگو رۋحى بارعان سايىن مىعىم بولىپ، جۇڭگو حالقى پارتيانىڭ باسشىلىعىندا ەسەلەنگەن سەنىممەن جاڭا داۋىردەگى جۇڭگو دامۋىنىڭ ۇلى تاريحىن جازۋدا.
ەكپىندەي العا ىلگەرىلەۋ جىگەرى ارقىلى بۇگىنگى جۇڭگو حالقى اناعۇرلىم وزىنە سۇيەنەتىن بولدى.
”حالىق بۇقاراسى مول كۇش ـ قۋاتتىڭ تەڭىزى ٴارى مول اقىل ـ پاراساتتىڭ تەڭىزى“. جاڭا داۋىردەگى ”فىڭچياۋ تاجىريبەسىنە“ تاباندى بولۋ جانە ونى دامىتۋدان عىلىم ـ تەحنيكادا جاڭالىق اشۋ ارقىلى ”قابىلەتتىلەر باستاماشى بولىپ ىستەۋدى“ اتقارۋعا دەيىن، ورمان باستىعى ٴتۇزىمىن، وزەن باستىعى ٴتۇزىمىن جالپىلاستىرۋدان ازاماتتىق زاڭنامانىڭ العاشقى جوباسىن جازۋ بارىسىندا ىلگەرىندى ـ كەيىندى 10 رەت اشىق پىكىر جيۋعا دەيىن... جالپى بارىستىق حالىق دەموكراتياسىن دامىتۋ، حالىقتىڭ ٴوز ـ وزىنە قوجايىن بولۋى ەڭ جوعارى شەكتە قامتاماسىز ەتىلدى، حالىقتىڭ تۇلعالىق ورنى مەن ٴتول جاسامپازدىق رۋحى تولىق قۇرمەت ەتىلدى.
كۇرەس ارقىلى جىگەردى تاسقىنداتقان بۇگىنگى جۇڭگو حالقى ٴوزىن اناعۇرلىم الۋەتتەندىردى.
جۇڭحۋانىڭ بايتاق دالاسىندا ٴزاۋلىم عيماراتتار عانا ەمەس، جۇڭحۋا ۇلتى رۋحىنىڭ عيماراتى دا اسپانمەن بوي تالاسىپ ۇلگەردى. ەڭ جوعارى شەكتەگى قىسىمعا توتەپ بەردى، ىندەتتىڭ ۇلكەن سىناعىنان ٴوتتى، تاسقىننان ساقتانىپ، جەر سىلكىنىسىنە قارسى اتتانىپ، اپاتتان قۇتقاردى، شاڭ ـ توزاڭدى جويىپ، لاس زاتتاردىڭ شىعارىلۋىن ازايتىپ، كومىر قىشقىل گازىنىڭ شىعارىلۋىن تومەندەتتى... ۇلكەن حاۋىپ ـ قاتەر، سىن ـ سايىستار الدىندا، ٴبىر ميلليارد 400 ميلليوننان استام جۇڭگو حالقى پارتيا تۋى استىندا ىنتىماقتاسىپ، ىرىقتىلىقپەن اتويلاپ العا شىعىپ، بەلسەنە توتەپ بەرىپ، ”بۇرىستىققا يلانبايتىن، قىسىمنان جاسقانبايتىن، قيىنشىلىقتان تايسالمايتىن“ رۋحىن، جىگەرىن تولىق ايگىلەدى.
ماقالادا بىلاي دەلىندى: ”دۇنيە جۇزىنە كوز جىبەرەتىن بولساق، وسىنداي ساياسي ارىن مەن تاريحي جاۋاپكەرشىلىكتە بولىپ، باتىلدىقپەن كەڭ كوسىلگەن، پىشاق ٴدۇزىن ىشكە قاراتقان، وزىنە توڭكەرىس جاساعان مەملەكەت پەن ساياسي پارتيا بولعان ەمەس، وسىنشاما قىسقا ۋاقىت ىشىندە وسىنشاما زور اۋماقتى، وسىنشاما زور كولەمدى، وسىنشاما زور تەبىندى رەفورمانى ىلگەرىلەتكەن مەملەكەت پەن ساياسي پارتيا بولعان ەمەس، بۇل جۇڭگوشا سوتسياليستىك ٴتۇزىمنىڭ ايقىن ەرەكشەلىگى جانە كورنەكتى ارتىقشىلىعى“. بۇل پارتيا 18 ـ قۇرىلتايىنان بەرگى رەفورمانى جاپپاي تەرەڭدەتۋدىڭ تاريحي بارىسىنىڭ تەرەڭ قورىتىندىسى سانالادى.
نازاريادا جاڭالىق اشۋ ارقىلى امالياتتا جاڭالىق اشۋعا جەتەكشىلىك ەتىپ، بۇگىنگى جۇڭگو كوممۋنيستىك پارتياسى ٴداۋىر جاڭا تاقىرىبىنا دەر كەزىندە عىلمي جاۋاپ قايتارىپ، باستان ـ اياق ٴداۋىردىڭ الدىڭعى لەگىندە ٴجۇردى.
”مەن جىجياڭدا قىزمەت تەكسەرگەندە ىندەتتىڭ سوققىسىندا الەمدىك كاسىپ سالاسى تىزبەگى مەن قامداۋ تىزبەگىندە ٴىشىنارالىق ٴۇزىلىس تۋىلىپ، ەلىمىزدىڭ ەل ٴىشى ەكونوميكالىق اينالىمىنا تىكەلەي ىقپال جەتكىزگەندىگىن بايقادىم“. باس شۋجي شي جينپيڭ جاڭا دامۋ ارناسىن قالىپتاستىرۋ سىندى وسى كەلەلى ستراتەگيالىق مىندەتتى ورتاعا قويۋ بارىسىن ەسكە الىپ بىلاي دەدى: ”مەنىڭشە، قازىرگى جاعداي مۇلدە باسقاشا، مولىنان كىرگىزىپ، مولىنان شىعاراتىن ورتا شارت ـ جاعدايى وزگەردى، ٴسوز جوق، جاڭا جاعدايعا نەگىزدەلىپ دامۋعا جەتەكشىلىك ەتەتىن جاڭا وي جەلىسىن ورتاعا قويۋ كەرەك“. ـ جىلى 4 ـ ايدا ورتالىق قازىنا ـ ەكونوميكا كوميتەتى ماجىلىسىندە جاڭا دامۋ ارناسىن قالىپتاستىرۋ كەلەلى تۇجىرىمى تۇڭعىش رەت ورتاعا قويىلىپ، دامۋدىڭ ىرىقتىلىق ۇقىعىن يگەرۋدىڭ العاشقى قادامىنا اينالدى. 2022 ـ جىلى 10 ـ ايدا ”جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى جەدەل ىلگەرىلەتۋ“ پارتيا 20 ـ قۇرىلتايى بايانداماسىنا جازىلدى.
”ەكىنشى ۇشتاستىرۋ“ تاعى ٴبىر رەتكى يدەيانى ازات ەتۋ بولىپ، نازاريا جانە تۇزىمدە جاڭالىق اشۋدىڭ تىڭ ٴورىسىن اشتى. ”ەكىنى ۇشتاستىرۋ“ ارقىلى ”ەرتەدەگى مەن قازىرگىنىڭ جانە جۇڭگو مەن باتىستىڭ داۋ ـ شارىن“ شەشىپ، ٴتۇزىمنىڭ جۇڭحۋا مادەنيەت نەگىزىن بەكەمدەپ، كوپتەگەن وتكەن مەن بۇگىندە شىڭدالعان شىت جاڭا ٴتۇزىم جەتىستىگىن قالىپتاستىردى. اقيقات رۋحىمەن اقيقاتقا تالپىنىپ، پارتيامىز نازاريادا جاڭالىق اشۋدى ىلگەرىلەتۋگە تاباندى بولىپ، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا تاراۋىن ۇزدىكسىز جازۋدا.
ماقالادا بىلاي دەلىندى: رەفورما جاساۋ، ەسىك اشۋ _ جۇڭگو مەن دۇنيە ٴجۇزىنىڭ بىرگە دامۋىنىڭ، العا باسۋىنىڭ ۇلى بارىسى. باس شۋجي شي جينپيڭ بىلاي دەپ اتاپ كورسەتتى: ”جۇڭگو سىرتقا ەسىك اشۋدى ۇزدىكسىز كەڭەيتىپ، ٴوزىن دامىتىپ قانا قويماي، دۇنيە ٴجۇزىن دە باقىتقا كەنەلتتى“.
بۇگىنگى دۇنيە جۇزىندە وزگەرىس، جاڭالىق اشۋ اعىمى جوڭكىلە ىلگەرىلەۋدە. باس شۋجي شي جينپيڭ بىلاي دەپ باسا دارىپتەدى: ”جۇڭگونىڭ رەفورما جاساۋى، ەسىك اشۋى جۇڭگو حالقىنىڭ دامۋ، جاڭالىق اشۋ، تاماشا تۇرمىسقا جەتۋ تاريحي تالابىنا ۇيلەسەدى، دۇنيە جۇزىندەگى ٴار ەل حالقىنىڭ دامۋ، سەلبەستىك جاساۋ، بەيبىت تۇرمىس كەشىرۋ سىندى ٴداۋىر اعىمىنا ۇيلەسەدى“.
”ٴبىر بەلدەۋ، ٴبىر جولدى“ بىرگە قۇرۋ باستاماسىنان الەمدىك دامۋ باستاماسىنا، الەمدىك حاۋىپسىزدىك باستاماسىنا، الەمدىك وركەنيەت باستاماسىنا دەيىن... ادامزاتتىڭ تاعدىرلاس ورتاق تۇلعاسىن قۇرۋ ٴداۋىردىڭ العا باسۋىنا جەتەكشىلىك ەتەتىن شۇعىلالى تۋعا اينالىپ، دۇنيە ٴجۇزىنىڭ بەيبىت، حاۋىپسىز، گۇلدەنىپ ـ كوركەيگەن، العا باسقان جارقىن بولاشاققا بەت الۋىن پارمەندى ىلگەرىلەتتى.
ماقالادا بىلاي دەلىندى: رەفورما _ مەملەكەتتىڭ دامۋىن ىلگەرىلەتەتىن ٴتۇبىرلى قوزعاۋشى كۇش. باس شۋجي شي جينپيڭ بىلاي دەپ باسا دارىپتەدى: ”رەفورمانى ونان ارى جاپپاي تەرەڭدەتۋدىڭ كەلەلى شارالارىن جوسپارلاپ، جوعارى ساپالى دامۋدى ىلگەرىلەتۋگە، جۇڭگو ۇلگىسىندەگى وسىزامانداندىرۋدى جەبەۋگە ٴۇرتىس قۋاتتى قوزعاۋشى كۇش ۇستەۋ كەرەك“.
”رەفورمانى ونان ارى جاپپاي تەرەڭدەتۋدىڭ باس نىساناسى _ جۇڭگوشا سوتسياليستىك ٴتۇزىمدى ۇزدىكسىز كەمەلدەندىرىپ جانە دامىتىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ“، ”يدەيانى ونان ارى ازات ەتۋ، قوعامدىق وندىرگىش كۇشتەردى ازات ەتۋ جانە دامىتۋ، قوعامنىڭ ومىرشەڭدىك كۇشىن ازات ەتۋ جانە كۇشەيتۋ“، پارتيا 18 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىنەن پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىنە دەيىن باس نىسانا باستان ـ اياق ساباقتاستى، امالياتتىق تالاپ تامىرلاس بولدى.
”ەڭ قيىن ىستەردى ىستەگەندە عانا، ەڭ بيىك مۇراتقا تالپىنۋعا بولادى“، باس شۋجي شي جينپيڭ وسى ٴسوزدى ناقىل ەتۋ ارقىلى جاڭا داۋىردەگى رەفورماشىلاردىڭ تاباندىلىعىن جەتكىزدى: ”ەڭ قيىن تۇستان قامال الىپ، ەڭ اسقاق نىساناعا ۇمتىلۋ“.
رەفورما تەرەڭ سۋ ايدىنىنا ەندى، ”قالعاندارى تۇگەلدەي ەڭ قيىن تۇيىندەر“. رەفورمانى سوڭىنا دەيىن جۇرگىزۋ باتىل بەكىمىمەن شىنداپ كىرىسىپ، قيىن تۇيىندەرگە سايىس جاريالاۋ، دالمە ـ ٴدال كۇش سالۋ، سايكەستى كۇش سالۋ، ٴۇرتىس كۇش سالۋ اسا قاجەتتى. تۋراشىلدىقتان اينىماي جاڭالىق اشۋعا تاباندى بولىپ، ”تاۋدا جولبارىس بار ەكەندىگىن بىلە تۇرا تاۋعا قاراي ۇمتىلاتىن“ جىگەر ـ قايراتپەن كوز جەتكەن سوڭ بۇلجىماي يگەرىپ، جاڭا داۋىردەگى رەفورما جاساۋدىڭ، ەسىك اشۋدىڭ جاڭا تاراۋىن قۇلشىنا جازۋ كەرەك.
قات ـ قابات قيىنشىلىقتى ەڭسەرىپ، تولقىن جارىپ العا ۇمتىلدى. جۋىقتا شىنجىن _ جۇڭشان جولى سالىنىپ ٴبىتىپ ىسكە قوسىلدى. 7 جىل ۋاقىتپەن قۇرىلىس جۇرىلگەن وسى ەرەن كولەمدى قاتىناس ينجەنەرياسى كوپتەگەن تۇردە دۇنيە جۇزىلىك دەڭگەيدەگى تەحنيكالىق قيىن ماسەلەنى شەشىپ، كوپتەگەن دۇنيە جۇزىلىك رەكوردتى جاڭالاپ، دۇنيە ٴجۇزىنىڭ كوپىر تۋنەل قۇرىلىسى تاريحىنداعى جاڭا كەرەمەتتەردى جازدى.
”بۇل جۇڭگو ۇلگىسىندەگى وسىزامانداندىرۋ ىستەۋمەن كەلگەندىگىن، ۇلى ىستەردىڭ ٴبارىنىڭ ناقتى ىستەۋ ارقىلى كەلەتىندىگىن تولىق تۇسىندىرەدى“! باس شۋجي شي جينپيڭنىڭ ٴسوزى جۇرت جۇرەگىن جەلپىندىرىپ، سان ميلليونداعان حالىقتى كۇش ـ قۋاتتى ۇيىستىرىپ ەكپىندەي ىلگەرىلەۋگە ىنتالاندىردى.
ماقالادا مىنالار اتاپ كورسەتىلدى: تاۋ اسىپ، تاس باسىپ، ارىنداي العا تارتقاندا، تاۋ بيىك، جول ۇزاق بولسا دا، شەكسىز اسەم كورىنىستەردى كورۋگە بولادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، ”اتويلاۋ“ رۋحىن، ”جاسامپازدىق“ ارىندى، ”ىسكەرلىك“ ستيلدى ماڭگى ساقتاپ، رەفورمانى ونان ارى جاپپاي تەرەڭدەتۋدىڭ پارمەندى جەبەۋشىسى، ىسكەرى بولىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جاڭا جورىعىندا جاڭا شۇعىلا جاراتايىق.
تاريح باس شۋجي شي جينپيڭنىڭ ”جۇڭگوشا سوتسياليزم رەفورما جاساۋ، ەسىك اشۋ بارىسىندا جارىققا شىققان، ونىڭ رەفورما جاساۋ، ەسىك اشۋ بارىسىندا دامىپ، زوراياتىندىعى داۋسىز“ دەگەن كورەگەن كەلەلى تۇجىرىمىن الدەقاشان دالەلدەدى ٴارى ۇزدىكسىز دالەلدەي بەرمەك.
