شينحۋا اگەنتتىگىنىڭ 7 ـ ايدىڭ 16 ـ كۇنى بەيجيڭنەن بەرگەن حابارى نەگىزىندە. شينحۋا اگەنتتىگى 7 ـ ايدىڭ 16 ـ كۇنى «”رەفورما ارقىلى حالىق بۇقاراسىنا اناعۇرلىم كوپ تابىس سەزىمىن سيلايىق“ _ جاڭا داۋىردەگى حالىق تۇرمىسى سالاسىنداعى رەفورما حيكاياسى» اتتى ادەبي حابار تاراتتى.
ماقالادا بىلاي دەپ اتاپ كورسەتىلدى: سانسىز ٴىستىڭ ىشىندە حالىق تۇرمىسى بارىنەن ماڭىزدى.
ەمدەۋ، وقۋ ـ اعارتۋ، قورشاعان ورتا، زەينەتكەرلىك، بالانى اماناتتاپ باعۋ، قوعامدىق قامتاماسىزداندىرۋ، نەگىزگى ساتىنى باسقارۋ... ٴارى بۇقارا ٴجىتى قاداعالاپ وتىرعان ٴتۇيىن، ٴارى ۇزاق ۋاقىتتان بەرگى حالىق تۇرمىسى سالاسىنداعى تالماۋ ٴتۇيىن، قيىن ٴتۇيىن.
”قايشىلىق قانشا ۇلكەن، ماسەلە قانشا كوپ بولعان سايىن، سولعۇرلىم قامال الىپ، قيىنشىلىقتاردى جەڭىپ، ەرلىكپەن العا باسۋ كەرەك“.
پارتيا 18 ـ قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتى وزەك ەتكەن قۇن بەتالىسىن مىقتاپ يگەرىپ، حالىق ەڭ كوڭىل ٴبولىپ وتىرعان، ەڭ تىكە، ەڭ رەال مۇددە ماسەلەلەرىن مىقتى يگەرىپ، ٴتۇيىندى سالالارداعى رەفورمانى ىلگەرىلەتتى.
ٴىشىنارالىق ىزدەنىس جاساۋدان، مۇز جارىپ، قورشاۋ بۇزۋدان جۇيەلى جيناقتاۋعا، جاپپاي تەرەڭدەتۋگە دەيىنگى حالىق تۇرمىسى سالاسىنداعى ٴاربىر رەفورما حالىقتى وزەك ەتىپ، رەفورمانى ىلگەرىلەتۋ بەكىمىن، تەبىنىن جانە ونىمدىلىگىن ايگىلەپ، حالىق بۇقاراسىن اناعۇرلىم كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە يە ەتتى.
ماقالا ٴتورت بولىكتەن تۇرادى: اۋىرعاندا ەمدەلە الاتىن ورنى بولۋدان وقيتىن مەكتەبى بولۋعا دەيىن: بۇقارانىڭ شۇعىل، قيىن، ۋايىمداعان، ٴزارۋ ىستەرىنەن رەفورمانىڭ كۇش سالۋ ٴتۇيىنى مەن قامال الۋ ٴتۇيىنىن ٴداپ باسىپ تابۋ؛ نوپوس رەفورماسىنان نەگىزگى ساتىنى باسقارۋعا دەيىن: بۇقارا نەگە كوڭىل بولسە، نەنى كوكسەسە، رەفورمادا سونى يگەرىپ، سونى ىلگەرىلەتۋ؛ ەكولوگيانى قورعاۋدان تۋىتتى قولداۋعا دەيىن: حالىق بۇقاراسىنىڭ اناعۇرلىم جاقسى تۇرمىسقا تالپىنۋىنا مۇمكىندىك جاساۋ؛ زەينەتكەرلىك قامتاماسىزداندىرۋىنان باسقا جەردە ەمدەلۋگە دەيىن: رەفورما، دامۋ جەتىستىكتەرىنەن جالپى حالىقتى اناعۇرلىم كوپ، اناعۇرلىم ٴادىل يگىلىكتەندىرۋ.
ماقالادا بىلاي دەلىندى: ولقىلىقتاردى تولىقتاۋ، ادىلدىكتى جەبەۋ، تومەنگى شەكتەن تۇسىرمەۋ، توردى ٴجيى توقۋ... حالىق تۇرمىسى رەفورمالارى حالىقتىڭ رەفورما، دامۋ اياق الىسىنا ات سالىسۋىن، رەفورما، دامۋ جەتىستىكتەرىنەن بىرگە يگىلىكتەنۋىن پارمەندى قامتاماسىز ەتتى.
حالىقتى وزەك ەتۋگە تاباندى بولىپ، حالىقتىڭ نەگىزگى تۇلعالىق ورنىنا جانە ٴتول جاسامپازدىق رۋحىنا قۇرمەت ەتىپ، حالىقتىڭ تىلەگىنە رەفورمامەن جاۋاپ قايتارۋعا تاباندى بولىپ، رەفورمانى حالىق ٴۇشىن جۇرگىزۋدى، رەفورما جاساۋدا حالىققا سۇيەنۋدى، رەفورما جەتىستىكتەرىنەن حالىق تەڭ يگىلىكتەنۋدى ورىنداۋ كەرەك.
قازىر اشىلىپ جاتقان پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى رەفورمانى ونان ارى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندە ستراتەگيالىق ورنالاستىرۋ جاسادى، ٴسوز جوق، جوعارى ساپالى دامۋ بارىسىندا حالىقتىڭ قۇت ـ ىرىسىن ۇزدىكسىز ارتتىرىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ٴادىل يگىلىكتەندىرەدى.