شينحۋا اگەنتتىگىنىڭ 7 ـ ايدىڭ 17 ـ كۇنى شياڭگاڭنان بەرگەن حابارى. «شي جينپيڭ شىعارمالارىنان تاڭدامالىلاردىڭ» 1 ـ تومىنىڭ، 2 ـ تومىنىڭ فانتي نۇسقاسى جانە «شي جينپيڭنىڭ جۇڭگو ۇلگىسىندەگى وسىزامانداندىرۋ جونىندەگى بايىمداۋلارىنان ۇزىندىلەردىڭ» فانتي نۇسقاسى جۋىقتا بىرىككەن باسپا توبى جاعىنان باسپادان شىعىپ تاراتىلدى. 7 ـ ايدىڭ 17 ـ كۇنى شياڭگاڭ كىتاپ كورمەسى اشىلعان تۇڭعىش كۇنى جاڭا كىتاپتاردى جاريالاۋ ٴماجىلىسى جانە باسپا ٴسوز اڭگىمە ٴماجىلىسى وتكىزىلدى.
«شي جينپيڭ شىعارمالارىنان تاڭدامالىلار» شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ حالىققا باسشىلىق ەتىپ، جۇڭگوشا سوتسياليزمنىڭ جاڭا ٴداۋىرىن اشقان ٴارى ۇزدىكسىز تىڭ جەڭىستەرگە قول جەتكىزگەن ۇلى تاريحي بارىسىن جاندى ەستەلىككە الىپ، جاڭا داۋىردەگى جۇڭگو كوممۋنيستەرىنىڭ ماركسيزمنىڭ جۇڭگوشالانۋىن، زامانالانۋىن ىلگەرىلەتۋدە قول جەتكىزگەن كەلەلى نازاريالىق جاڭالىق اشۋ جەتىستىكتەرىن شوعىرلى بەينەلەپ، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە جەتەكشىلىك ەتەتىن اقيقات كۇشى مەن امالياتتىق ۇلى كۇشىن تولىق كورسەتىپ، جۇڭگو كوممۋنيستىك پارتياسىنىڭ مەملەكەتتىڭ، ۇلتتىڭ دامۋى، ادامزاتتىڭ بولاشاعى مەن تاعدىرى جونىندەگى بورىشى مەن جاۋاپكەرشىلىگىن ايگىلەدى، ول _ شي جينپيڭ جاڭا ٴداۋىر جۇڭگوشا سوتسياليزم يدەياسىن جان ـ جاقتى، جۇيەلى بەينەلەيتىن قۇزىرلى شىعارما. «شي جينپيڭنىڭ جۇڭگو ۇلگىسىندەگى وسىزامانداندىرۋ جونىندەگى بايىمداۋلارىنان ۇزىندىلەر» شي جينپيڭ جولداستىڭ جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگى، ماندىك تالابى جانە كەلەلى پرينسيبى سياقتى باي مازمۇندى تەرەڭ پايىمداۋلارىن جۇيەلى بەينەلەپ، پارتيا 18 ـ قۇرىلتايىنان بەرگى جۇڭگو ۇلگىسىندەگى وسىزامانداندىرۋدىڭ نازاريا جانە اماليات جاعىنداعى جاڭالىق اشۋىن، تىڭ تابىسىن شوعىرلى بەينەلەپ، پارتيانىڭ حالىققا باسشىلىق ەتىپ، جۇڭگو ۇلگىسىندەگى وسىزامانداندىرۋدىڭ جاڭا جولىمەن ٴساتتى جۇرگەندىگىن، ادامزات وركەنيەتىنىڭ جاڭا فورماتسياسىن جاراتقاندىعىن، وسىزامانداندىرۋدىڭ جاڭا كارتيناسىن كەسكىندەگەندىگىن ايگىلەدى.
3 كىتاپتىڭ فانتي نۇسقاسىنىڭ باسپادان شىعىپ تاراتىلۋى شياڭگاڭ، اۋمىن وقىرماندارىنىڭ شي جينپيڭ جاڭا ٴداۋىر جۇڭگوشا سوتسياليزم يدەياسىن جۇيەلى تۇسىنۋىنە، جۇڭگو ۇلگىسىندەگى وسىزامانداندىرۋدىڭ نازاريالىق جۇيەسى مەن امالياتتىق تالابىن تەرەڭ تۇسىنۋىنە سەپتىگىن تيگىزەدى، شياڭگاڭدىق، اۋمىندىق باۋىرلاستاردى مەملەكەت، ۇلت جانە مادەنيەت جونىندەگى شىنايى مويىنداۋدى كۇشەيتىپ، بۇكىل ەلدەگى ٴار ۇلت حالقىمەن بىرگە ٴبىر جاعادان باس، ٴبىر جەڭنەن قول شىعارىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا ىنتىماقتاسا كۇرەس جۇرگىزۋگە جەتەكتەۋ جونىنەن توتەنشە ماڭىزدى مانگە يە.
شياڭگاڭ ەرەكشە اكىمشىلىك رايونىنىڭ اكىمى لي جياچاۋ، ورتالىق ۇكىمەتتىڭ شياڭگاڭدا تۇراتىن بايلانىس كەڭسەسىندەگى جاۋاپتى جولداستار، شياڭگاڭنىڭ وتاندى ٴسۇيۋ، شياڭگاڭدى ٴسۇيۋ قۇرىلىمدارىنىڭ، ساياسي ۇيىرمەلەرىنىڭ، قوعامدىق ۇيىمدارىنىڭ ۋاكىلدەرى جانە باسپا ٴسوز سالاسىنىڭ ۋاكىلدەرى جاڭا كىتاپتى جاريالاۋ ماجىلىسىنە جانە باسپا ٴسوز اڭگىمە ماجىلىسىنە قاتىناستى. شياڭگاڭ دوستىقتى ىلگەرىلەتۋ قوعامى، شياڭگاڭ جۇڭگو كاسىپورىندارى قوعامى، شياڭگاڭ وقۋ ـ اعارتۋ قىزمەتكەرلەرى بىرلەستىگى سياقتىلاردىڭ قاتىستى جاۋاپتىلارى جاڭا كىتاپتاردى جاريالاۋ ماجىلىسىندە تارتۋ ەتىلگەن كىتاپتاردى قابىلدادى. 3 كىتاپتىڭ فانتي نۇسقاسى سول كۇننەن باستاپ شياڭگاڭداعى، اۋمىنداعى ۇلكەن كىتاپحانالاردا جاپپاي سورەگە شىعارىلدى ٴارى ٴتۇيىندى تانىستىرىلىپ ساتىلدى.