افريكا ٴمۇيىسى افريكانىڭ شىعىس سولتۇستىك بولىگىنە ورنالاسقان بولىپ، جيبۋتي، ەفيوپيا، سومالي سياقتى ەلدەر بار، جان سانى شامامەن 115 ميلليون. سول كۇنى تۇستەن كەيىن ۋاكىلدەر ۇيىرمەسى الدىمەن شينجياڭ ەكولوگيا جانە جاعراپيا زەرتتەۋ ورنىنا كەلدى ٴارى شولەيتتەنۋدى وڭاۋ جونىندەگى اڭگىمە، اۋىس ـ كۇيىس ماجىلىسىنە قاتىناستى. ماجىلىسكە قاتىناسقان ماماندار ۋاكىلدەر ۇيىرمەسىنە تاياۋ جىلداردان بەرگى شينجياڭنىڭ شولەيتتەنگەن ورتانى وڭاۋ جانە ەكولوگيانى زەرتتەۋ جاعىنداعى ەڭ جاڭا ىلگەرىلەۋشىلىكتەرىن ەگجەي ـ تەگجەيلى تانىستىردى، ەكى جاق ساحارا ٴشولى مەن تاكلاماكان ٴشولىنىڭ شولەيتتەنۋىن وڭاۋ ماسەلەسىن ارقاۋ ەتىپ قىزۋ تالقى جانە زەرتتەۋ جۇرگىزدى.
ەفيوپيا سىرتقى ىستەر مينيسترلىگى ورتا شىعىس، ازيا جانە تىنىق مۇحيت ىستەرى مەڭگەرمەسىنىڭ باستىعى گەبەييەحۋ اڭگىمە ماجىلىسىندە مىنانى ٴبىلدىردى: شينجياڭ تاياۋ جىلداردان بەرى شولەيتتەنۋدى وڭاۋدا كورنەكتى ونىمدىلىككە قول جەتكىزىپتى، كوپتەگەن تابىستى مىسال بار بولىپ، ۇلگى الۋ، جالپىلاستىرۋ كومەسكى كۇشىنە يە ەكەن.
ۋاكىلدەر ۇيىرمەسى تاعى جينفىڭ عىلىم ـ تەحنيكا جارنا شەكتى سەرىكتەستىگىنىڭ باقشا رايونىنا بارىپ، شينجياڭنىڭ جەل ەلەكتر كاسىپ سالاسىنىڭ جاڭالىق اشا كولەمدەندىرە دامۋ بارىسىن تەرەڭ سەزىنىپ، جەل ەلەكتر كاسىپ سالاسىنىڭ جاڭالىق اشۋ جۇيەسىن، سونداي ـ اق جاسىل ەنەرگيامەن جەرگىلىكتى ەكونوميكانىڭ جوعارى ساپالى دامۋىن قايتكەندە ٴونىمدى ىلگەرىلەتۋدى جۇزەگە اسىرۋعا بولاتىندىعىن ىشكەرىلەي ۇعىستى.
شينجياڭ حالىقارالىق ۇلكەن بازارىندا ٴتۇرلى ـ ٴتۇستى ەرەكشەلىككە يە تاۋارلار تەكشەلەر مەن زات سورەلەرىنە تولتىرا تىزىلگەن، بەينە مىڭ بوياۋلى سۋرەتكە ۇقسايتىن ەدى. ساياحاتشىلار ارلى ـ بەرلى ارالاپ، وزدەرى ۇناتقان تاۋارلاردى تاڭداپ الۋدا. كوزدىڭ جاۋىن الاتىن تاۋارلار ۋاكىلدەر ۇيىرمەسىنىڭ مۇشەلەرىن ەرەكشە باۋراپ، ولار ەرىكسىزدەن: ”وتە كوركەم ەكەن“! دەپ تاڭداي قاقتى.
ەكسكۋرسيانىڭ، ساپاردىڭ تەرەڭدەۋىنە بايلانىستى، ۋاكىلدەر ۇيىرمەسى شينجياڭنىڭ كوپتەگەن جەرىندە ۇلكەن بازار بار ەكەندىگىن، ٴبىراق شينجياڭ حالىقارالىق ۇلكەن بازارى وزگەشە ەرەكشەلىككە يە ەكەندىگىن، ول حالىقارالىق فاكتورلاردى توعىستىرىپ، قۇرىلىستى، ساۋدا ـ ساتتىقتى، كوڭىل اشۋدى، اس ـ سۋدى ٴبىر تۇلعالاندىرىپ، شينجياڭنىڭ ساياحات ونىمدەرىن شوعىرلى ايگىلەيتىن جەرگە، ونان دا ماڭىزدىسى، شينجياڭنىڭ ەرەكشەلىككە يە ساياحاتىنىڭ تاماشا تانىسقىسىنا اينالعاندىعىن ۇعىستى.
ۋگاندا سىرتقى ىستەر مينيسترلىگى حالىقارالىق ساياسي باس مەكەمەسىنىڭ باستىعى اۋديدا مىنانى ٴبىلدىردى: شينجياڭ حالىقارالىق ۇلكەن بازارى اشىق جانە سيىسىمدى قاسيەتتى ايگىلەگەن كوپ نەگىزدى مادەنيەتكە يە ورىن، سونداي ـ اق سىرت جەرلەردەن كەلگەن ساياحاتشىلاردىڭ شينجياڭنىڭ باي مازمۇندى تاريحىن زەرتتەيتىن، تۇسىنەتىن تەرەزەسى ەكەن.
