انار بۇلت \ شينجياڭ گازەتىنىڭ حابارى (ءتىلشى يۇي شي حابارلايدى). قيىنشىلىعى بار وتباسىنداعى وقۋشىلاردىڭ ەكونوميكالىق اۋىرتپالىعىن جەڭىلدەتۋ ماقساتىندا، 7 - ايدىڭ 18 - كۇنى شينجياڭ حۇڭشى قايىرىمدىلىق قور قوعامى شامسيا الەۋمەتتىك يگىلىك قورىنىڭ داشۋە وقۋشىلارىنا كومەكتەسۋ جوسپارى ىسكە قوسىلدى. 7 - ايدىڭ 18 - كۇنىنەن باستاپ 8 - ايدىڭ 5 - كۇنىنە دەيىن كومەكتەسۋ شارتىنا ۇيلەسەتىن شينجياڭ وقۋشىلارى ءوتىنىش بەرۋىنە بولادى.
وسى رەتكى قارجىلاي كومەكتەسۋدىڭ شارتى مىناداي: شينجياڭ كولەمىندە 2024 - جىلعى جوعارى مەكتەپ ەمتيحانىنا قاتىناسقان بيىلعى كەزەكتەگى ورتا مەكتەپ وقۋىن تاۋىسقان وقۋشىلار بولۋى، جوعارى مەكتەپ ەمتيحان ناتيجەسى تولىق كۋرس بويىنشا 1 - توپتا، تولىق كۋرس بويىنشا 2 - توپتا قابىلداۋ ءنومىر شەگىنەن اسقان بولۋى، سونداي - اق وتباسى ەكونوميكالىق قيىنشىلىققا ءدوپ كەلگەن بولۋى كەرەك؛ بيىل ورتا مەكتەپ وقۋىن تاۋىسقان مۇگەدەك وقۋشىلار بولۋى، ىشىنە تولىق كۋرس نەمەسە جوعارى تەحنيكۋم مەكتەپتەرىنە قابىلدانعان مۇگەدەك وقۋشىلار قامتىلادى. كومەكتەسۋ جوسپارىندا جيىنى 30 سان بەلگىلەندى، ءار وقۋشىنىڭ ۇيرەنۋ جانە تۇرمىسىنا 3000 يۋان قارجىلاي كومەك، سونداي - اق قاجەتتى تۇرمىستىق بۇيىمدار بەرىلەدى.
تۇتاس شينجياڭنىڭ جەر - جەرىندەگى كومەكتەسۋ شارتىنا ۇيلەسەتىن وقۋشىلار جەلىدەگى تىزىمدەلۋ جالعانىمى http://lxi.me/77mri ارقىلى ءوتىنىش بەرۋىنە بولادى. تىزىمدەلۋ ماتەريالدارى مىنالاردى قامتيدى: جوعارى مەكتەپ ەمتيحان ناتيجە كەستەسى، وتباسىنىڭ ەكونوميكالىق احۋالى جايلى انىقتاما، مۇگەدەكتىك انىقتاماسى. شينجياڭ حۇڭشى قايىرىمدىلىق قور قوعامى ءوتىنىش ەتۋشىنىڭ تولىمدىلىعىن تەكسەرۋگە ارناۋلى كاسىبي ۇجىم ۇيىمداستىرادى. ەڭ سوڭعى بەلگىلەنگەن كومەكتەسۋ تىزىمدىگى وسى قور قوعامىنىڭ سايتىندا جاريالانىپ، قوعامنىڭ قاداعالاۋىن قابىلدايدى. ناقتى احۋالدى ۇعىسپاقشى بولعان اتا - انالار نەمەسە وقۋشىلار شينجياڭ حۇڭشى قايىرىمدىلىق قور قوعامىنا تەلەفون جالعاۋىنا بولادى: 8860072-0991
