ورتالىق كوميتەت ساياسي بيۋروسى جالپى ٴماجىلىستى باسقاردى، ورتالىق كوميتەتتىڭ باس شۋجيى شي جينپيڭ ماڭىزدى ٴسوز سويلەدى
جالپى ٴماجىلىس شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭدادى جانە تالقىلادى، «جۇڭگو كوممۋنيستىك پارتياسى ورتالىق كوميتەتىنىڭ رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ تۋرالى قاۋلىسىن» قاراپ ماقۇلدادى. شي جينپيڭ «قاۋلى (تالقى نۇسقا)» جونىندە جالپى ماجىلىسكە تۇسىنىك جاسادى
جالپى ٴماجىلىس مىناعان ۇندەدى: بۇكىل پارتيا، بۇكىل ارميا، بۇكىل ەلدەگى ٴار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، رەفورما جاساۋ، ەسىك اشۋ تۋىن بيىك ۇستاپ، زەيىن ـ زەردەنى، كۇش ـ قۋاتتى شوعىرلاندىرىپ، قايراتتانا العا ۇمتىلىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا قۇلشىنا كۇرەس جۇرگىزەيىك
جۇڭگو كوممۋنيستىك پارتياسى 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى 2024 ـ جىلى 7 ـ ايدىڭ 15 ـ كۇنىنەن 18 ـ كۇنىنە دەيىن بەيجيڭدە وتكىزىلدى. ورتالىق كوميتەتتىڭ باس شۋجيى شي جينپيڭ ماڭىزدى ٴسوز سويلەدى.
□ سۋرەتتى شينحۋا اگەنتتىگىنىڭ ٴتىلشىسى جۇي پىڭ تۇسىرگەن
جۇڭگو كوممۋنيستىك پارتياسى 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى 2024 ـ جىلى 7 ـ ايدىڭ 15 ـ كۇنىنەن 18 ـ كۇنىنە دەيىن بەيجيڭدە وتكىزىلدى. ورتالىق كوميتەتتىڭ ساياسي بيۋروسى ٴماجىلىستى باسقاردى.
□ سۋرەتتى شينحۋا اگەنتتىگىنىڭ ٴتىلشىسى ۋاڭ يە تۇسىرگەن
رەفورمانى اناعۇرلىم جاپپاي تەرەڭدەتۋدىڭ باس نىساناسى _ جۇڭگوشا سوتسياليستىك ٴتۇزىمدى ۇزدىكسىز كەمەلدەندىرىپ جانە دامىتىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ. 2035 ـ جىلعا بارعاندا جوعارى دەڭگەيدەگى سوتسياليستىك بازار ەكونوميكاسى ٴتۇزىلىسىن جاپپاي ورناتىپ، جۇڭگوشا سوتسياليستىك ٴتۇزىمدى اناعۇرلىم كەمەلدەندىرىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى نەگىزىنەن جۇزەگە اسىرىپ، سوتسياليستىك وسىزامانداندىرۋدى نەگىزىنەن جۇزەگە اسىرىپ، وسى عاسىردىڭ ورتا شەنىندە جاپپاي سوتسياليستىك وسىزاماندانعان قۇدىرەتتى مەملەكەت قۇرۋعا بەرىك نەگىز قالاۋ. نازاردى جوعارى دەڭگەيدەگى سوتسياليستىك بازار ەكونوميكاسى ٴتۇزىلىسىن قالىپتاستىرۋعا شوعىرلاندىرىپ، نازاردى جالپى بارىستىق حالىق دەموكراتياسىن دامىتۋعا شوعىرلاندىرىپ، نازاردى مادەنيەتتە قۇدىرەتتى سوتسياليستىك مەملەكەت قۇرۋعا شوعىرلاندىرىپ، نازاردى حالىقتىڭ تۇرمىس ساپاسىن جوعارىلاتۋعا شوعىرلاندىرىپ، نازاردى كورىكتى جۇڭگو قۇرۋعا شوعىرلاندىرىپ، نازاردى اناعۇرلىم جوعارى دەڭگەيدەگى تىنىش جۇڭگو قۇرۋعا شوعىرلاندىرىپ، نازاردى پارتيانىڭ باسشىلىق دەڭگەيى مەن ۇزاق ۋاقىت بيلىك جۇرگىزۋ قابىلەتىن جوعارىلاتۋعا شوعىرلاندىرىپ، رەفورمانى ۇزدىكسىز العا ىلگەرىلەتۋ كەرەك. 2029 ـ جىلى جۇڭحۋا حالىق رەسپۋبليكاسى قۇرىلعاندىعىنىڭ 80 جىلدىعى كەزىندە وسى قاۋلىدا العا قويىلعان رەفورما مىندەتتەرىن ورىنداپ بولۋ كەرەك
شينحۋا اگەنتتىگىنىڭ 7 ـ ايدىڭ 18 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ مازمۇنداماسى
(جۇڭگو كوممۋنيستىك پارتياسى 20 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىندە 2024 ـ جىلى 7 ـ ايدىڭ 18 ـ كۇنى ماقۇلداندى)
جۇڭگو كوممۋنيستىك پارتياسى 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى 2024 ـ جىلى 7 ـ ايدىڭ 15 ـ كۇنىنەن 18 ـ كۇنىنە دەيىن بەيجيڭدە وتكىزىلدى.
بۇل رەتكى جالپى ماجىلىسكە ورتالىق كوميتەتتىڭ مۇشەلەرىنەن 199 ادام، ورتالىق كوميتەتتىڭ كانديدات مۇشەلەرىنەن 165 ادام قاتىناستى. ورتالىق ٴتارتىپ تەكسەرۋ كوميتەتى تۇراقتى كوميتەتىنىڭ مۇشەلەرى جانە قاتىستى جاقتارداعى جاۋاپتى جولداستار ماجىلىسكە كەڭەسشى رەتىندە قاتىناستى. پارتيا 20 ـ قۇرىلتايى ۋاكىلدەرى اراسىنداعى نەگىزگى ساتىداعى ٴبىر ٴبولىم جولداستار مەن مامان ـ وقىمىستىلار دا ماجىلىسكە كەڭەسشى رەتىندە قاتىناستى.
جالپى ٴماجىلىستى ورتالىق كوميتەتتىڭ ساياسي بيۋروسى باسقاردى. ورتالىق كوميتەتتىڭ باس شۋجيى شي جينپيڭ ماڭىزدى ٴسوز سويلەدى.
جالپى ٴماجىلىس شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭدادى جانە تالقىلادى، «جۇڭگو كوممۋنيستىك پارتياسى ورتالىق كوميتەتىنىڭ رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ تۋرالى قاۋلىسىن» قاراپ ماقۇلدادى. شي جينپيڭ «قاۋلى (تالقى نۇسقا)» جونىندە جالپى ماجىلىسكە تۇسىنىك جاسادى.
جالپى ٴماجىلىس ورتالىق كوميتەت ساياسي بيۋروسىنىڭ پارتيا 20 ـ كەزەكتى ورتالىق كوميتەتىنىڭ ەكىنشى جالپى ماجىلىسىنەن بەرگى قىزمەتتەرىن تولىق تۇراقتاندىردى. ٴبىر اۋىزدان بىلاي دەپ قارادى: قاتاڭ دا كۇردەلى حالىقارالىق ورتا مەن ەل ىشىندەگى جاپالى دا اۋىر رەفورما، دامۋ، ورنىقتىلىق مىندەتى الدىندا، ورتالىق كوميتەت ساياسي بيۋروسى پارتيا 20 ـ قۇرىلتايىنىڭ جانە پارتيا 20 ـ كەزەكتى ورتالىق كوميتەتىنىڭ ٴبىرىنشى، ەكىنشى جالپى ماجىلىستەرىنىڭ رۋحىن مۇقيات تياناقتاندىرىپ، جاڭا دامۋ ۇستانىمىن تولىق، دۇرىس، جان ـ جاقتى دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ”بەستى ٴبىر تۇلعالاندىرۋ“ جالپى تۇلعالىق ورنالاستىرۋىن ٴبىر تۇتاس ىلگەرىلەتىپ، ”ٴتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، ەل ٴىشى جانە حالىقارا سىندى ەكى كەلەلى جاعدايدى ٴبىر تۇتاس ەسكەرىپ، دامۋ جانە حاۋىپسىزدىكتى ٴبىر تۇتاس ەسكەرىپ، جوعارى ساپالى دامۋدى كۇش سالا ىلگەرىلەتىپ، رەفورمانى جاپپاي تەرەڭدەتۋدى اناعۇرلىم ىلگەرىلەتىپ جانە جوسپارلاپ، سوتسياليستىك دەموكراتيا جانە زاڭمەن باسقارۋ قۇرىلىسىن تىڭعىلىقتى ىلگەرىلەتىپ، ۇگىت، يدەيا، مادەنيەت قىزمەتىن ۇزدىكسىز كۇشەيتىپ، حالىق تۇرمىسىن قامتاماسىز ەتۋ مەن ەكولوگيالىق ورتانى قورعاۋدى شىن مانىندە تىڭعىلىقتى يگەرىپ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىن باتىل قورعاپ، مەملەكەت قورعانىسى مەن ارميا قۇرىلىسىن پارمەندى ىلگەرىلەتىپ، شياڭگاڭ، اۋمىن قىزمەتىن جانە تايۋان جونىندەگى قىزمەتتەردى جالعاستى ىلگەرىلەتىپ، جۇڭگوشا ٴىرى ەلدىك ديپلوماتيانى ىشكەرىلەي ىلگەرىلەتىپ، پارتيانى جاپپاي قاتاڭ باسقارۋدى بۇلجىتپاي ىلگەرىلەتىپ، ەكونوميكانىڭ قايتا ورلەۋىن، جاقسارۋعا بەت الۋىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋعا نىق قادام تاستادى.
جالپى ٴماجىلىس جاڭا داۋىردەن بەرگى رەفورمانى جاپپاي تەرەڭدەتۋدىڭ تابىستى امالياتى مەن ۇلى جەتىستىگىنە جوعارى باعا بەرىپ، رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ ماسەلەلەرىن زەرتتەدى، كەزەكتەگى جانە بۇدان بىلايعى ٴبىر مەزگىل _ جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋى ۇلى ٴىسىن جاپپاي ىلگەرىلەتەتىن شەشۋشى مەزگىل دەپ قارادى. جۇڭگو ۇلگىسىندەگى وسىزامانداندىرۋ _ رەفورما جۇرگىزىپ، ەسىك اشۋ بارىسىندا ۇزدىكسىز العا ىلگەرىلەيدى ٴارى رەفورما جۇرگىزىپ، ەسىك اشۋ بارىسىندا كەڭ ٴورىس اشاتىنى ٴسوزسىز. قىم ـ قۋىت، كۇردەلى حالىقارالىق جانە ەلى ٴىشى جاعدايى الدىندا، جاڭا كەزەكتى عىلىم ـ تەحنيكا توڭكەرىسى مەن شارۋاشىلىق وزگەرىسى الدىندا، حالىق بۇقاراسىنىڭ تىڭ تىلەگى الدىندا، ٴسوز جوق، سانالىلىقپەن رەفورمانى اناعۇرلىم كورنەكتى ورىنعا قويىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى تىعىز ارقاۋ ەتىپ، رەفورمانى اناعۇرلىم جاپپاي تەرەڭدەتۋ كەرەك.
جالپى ٴماجىلىس مىنالاردى باسا دارىپتەدى: رەفورمانى اناعۇرلىم جاپپاي تەرەڭدەتۋدە، ٴسوز جوق، ماركسيزم ـ لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا تاباندى بولىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، باس شۋجي شي جينپيڭنىڭ رەفورمانى جاپپاي تەرەڭدەتۋ جونىندەگى ٴبىر قىدىرۋ جاڭا يدەياسىن، جاڭا كوزقاراسىن، جاڭا تۇجىرىمىن ىشكەرىلەي ۇيرەنىپ جانە دايەكتىلەندىرىپ، جاڭا دامۋ ۇستانىمىن تولىق، دۇرىس، جان ـ جاقتى دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، يدەيانى ازات ەتۋگە، شىندىقتى ٴىس جۇزىنەن ىزدەۋگە، داۋىرمەن بىرگە العا باسۋعا، شىندىققا جۇگىنىپ، ناقتى ٴىس ىستەۋگە تاباندى بولىپ، قوعامدىق وندىرگىش كۇشتەردى اناعۇرلىم ازات ەتىپ جانە ونى دامىتىپ، قوعامنىڭ ومىرشەڭدىگىن اناعۇرلىم تاسقىنداتىپ جانە كۇشەيتىپ، ەل ٴىشى جانە حالىقارا سىندى ەكى كەلەلى جاعدايدى ٴبىر تۇتاس ەسكەرىپ، ”بەستى ٴبىر تۇلعالاندىرۋ“ جالپى تۇلعالىق ورنالاستىرۋىن ٴبىر تۇتاس ىلگەرىلەتىپ، ”ٴتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، ەكونوميكالىق ٴتۇزىلىس رەفورماسىن جەتەكشى ەتىپ، قوعامنىڭ ادىلدىگىن، تۋراشىلدىعىن جەبەۋدى، حالىقتىڭ قۇت ـ ىرىسىن ارتتىرۋدى شىعار ٴتۇيىن جانە تابان تىرەر تياناق ەتىپ، جۇيەلى دە شوعىرلى بولۋعا اناعۇرلىم باسا ٴمان بەرىپ، ٴتۇيىندى كورنەكتىلەندىرۋگە اناعۇرلىم باسا ٴمان بەرىپ، رەفورمانىڭ ناقتى ونىمدىلىگىنە اناعۇرلىم باسا ٴمان بەرىپ، وندىرىستىك قاتىناس پەن وندىرگىش كۇشتەردىڭ، قوندىرما مەن بازيستىڭ، مەملەكەتتى باسقارۋ مەن قوعامدىق دامۋدىڭ اناعۇرلىم ويداعىداي سايكەسۋىن ىلگەرىلەتىپ، جۇڭگو ۇلگىسىندەگى وسىزامانداندىرۋعا قۇدىرەتتى قوزعاۋشى كۇش جانە تۇزىمدىك كەپىل ازىرلەۋ كەرەك.
جالپى ٴماجىلىس مىنالاردى اتاپ كورسەتتى: رەفورمانى اناعۇرلىم جاپپاي تەرەڭدەتۋدىڭ باس نىساناسى _ جۇڭگوشا سوتسياليستىك ٴتۇزىمدى ۇزدىكسىز كەمەلدەندىرىپ جانە دامىتىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ. 2035 ـ جىلعا بارعاندا، جوعارى دەڭگەيدەگى سوتسياليستىك بازار ەكونوميكاسى ٴتۇزىلىسىن جاپپاي ورناتىپ، جۇڭگوشا سوتسياليستىك ٴتۇزىمدى اناعۇرلىم كەمەلدەندىرىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى نەگىزىنەن جۇزەگە اسىرىپ، سوتسياليستىك وسىزامانداندىرۋدى نەگىزىنەن جۇزەگە اسىرىپ، وسى عاسىردىڭ ورتا شەنىندە جاپپاي سوتسياليستىك وسىزاماندانعان قۇدىرەتتى مەملەكەت قۇرۋعا بەرىك نەگىز قالاۋ. نازاردى جوعارى دەڭگەيدەگى سوتسياليستىك بازار ەكونوميكاسى ٴتۇزىلىسىن قالىپتاستىرۋعا شوعىرلاندىرىپ، نازاردى جالپى بارىستىق حالىق دەموكراتياسىن دامىتۋعا شوعىرلاندىرىپ، نازاردى مادەنيەتتە قۇدىرەتتى سوتسياليستىك مەملەكەت قۇرۋعا شوعىرلاندىرىپ، نازاردى حالىقتىڭ تۇرمىس ساپاسىن جوعارىلاتۋعا شوعىرلاندىرىپ، نازاردى كورىكتى جۇڭگو قۇرۋعا شوعىرلاندىرىپ، نازاردى اناعۇرلىم جوعارى دەڭگەيدەگى تىنىش جۇڭگو قۇرۋعا شوعىرلاندىرىپ، نازاردى پارتيانىڭ باسشىلىق دەڭگەيى مەن ۇزاق ۋاقىت بيلىك جۇرگىزۋ قابىلەتىن جوعارىلاتۋعا شوعىرلاندىرىپ، رەفورمانى ۇزدىكسىز العا ىلگەرىلەتۋ كەرەك. 2029 ـ جىلى جۇڭحۋا حالىق رەسپۋبليكاسى قۇرىلعاندىعىنىڭ 80 جىلدىعى كەزىندە، وسى قاۋلىدا العا قويىلعان رەفورما مىندەتتەرىن ورىنداپ بولۋ كەرەك.
جالپى ٴماجىلىس مىنالاردى باسا دارىپتەدى: رەفورمانى اناعۇرلىم جاپپاي تەرەڭدەتۋدە رەفورما جۇرگىزىپ، ەسىك اشقاننان بەرگى، اسىرەسە، جاڭا داۋىردەگى رەفورمانى جاپپاي تەرەڭدەتۋدەگى قۇندى تاجىريبەلەردى قورىتىندىلاپ جانە ونى قولدانىپ، پارتيانىڭ جالپى بەتتىك باسشىلىعىنا تاباندى بولۋ، حالىقتى وزەك ەتۋگە تاباندى بولۋ، تۋراشىلدىقتان اينىماي جاڭالىق اشۋعا تاباندى بولۋ، ٴتۇزىم قۇرىلىسىن نەگىزگى جەلى ەتۋگە تاباندى بولۋ، مەملەكەتتى جاپپاي زاڭمەن باسقارۋعا تاباندى بولۋ، جۇيە كوزقاراسىنا تاباندى بولۋ سىندى پرينسيپتەردى دايەكتىلەندىرۋ كەرەك.
جالپى ٴماجىلىس رەفورمانى اناعۇرلىم جاپپاي تەرەڭدەتۋ جونىندە جۇيەلى ورنالاستىرۋ جاساپ، جوعارى دەڭگەيدەگى سوتسياليستىك بازار ەكونوميكاسى ٴتۇزىلىسىن قۇرۋدى، ەكونوميكانىڭ جوعارى ساپالى دامۋىن جەبەيتىن ٴتۇزىلىس ـ مەحانيزمىن اقاۋسىزداندىرۋدى، جالپى بەتتىك جاڭالىق اشۋدى قولدايتىن ٴتۇزىلىس ـ مەحانيزمىن ورناتۋدى، ماكرولىق ەكونوميكانى باسقارۋ جۇيەسىن اقاۋسىزداندىرۋدى، قالا مەن اۋىلدىڭ توعىسا دامۋ ٴتۇزىلىس ـ مەحانيزمىن كەمەلدەندىرۋدى، جوعارى دەڭگەيدەگى سىرتقا ەسىك اشۋ ٴتۇزىلىس ـ مەحانيزمىن كەمەلدەندىرۋدى، جالپى بارىستىق حالىق دەموكراتياسى ٴتۇزىمى جۇيەسىن اقاۋسىزداندىرۋدى، جۇڭگوشا سوتسياليستىك زاڭمەن باسقارۋ جۇيەسىن كەمەلدەندىرۋدى، مادەنيەت ٴتۇزىلىس ـ مەحانيزم رەفورماسىن تەرەڭدەتۋدى، حالىق تۇرمىسىن قامتاماسىز ەتۋ جانە جاقسارتۋ ءتۇزىمى جۇيەسىن اقاۋسىزداندىرۋدى، ەكولوگيالىق وركەنيەت ٴتۇزىلىس رەفورماسىن تەرەڭدەتۋدى، مەملەكەت حاۋىپسىزدىگى جۇيەسى مەن قۋاتىن وسىزامانداندىرۋدى ىلگەرىلەتۋدى، مەملەكەت قورعانىسى مەن ارميا رەفورماسىن ۇزدىكسىز تەرەڭدەتۋدى، پارتيانىڭ رەفورمانى اناعۇرلىم جاپپاي تەرەڭدەتۋدەگى، جۇڭگو ۇلگىسىندەگى وسىزامانداندىرۋدى ىلگەرىلەتۋدەگى باسشىلىق دەڭگەيىن جوعارىلاتۋدى باسا دارىپتەدى.
جالپى ٴماجىلىس مىنالاردى ورتاعا قويدى: جوعارى دەڭگەيدەگى سوتسياليستىك بازار ەكونوميكاسى ٴتۇزىلىسى _ جۇڭگو ۇلگىسىندەگى وسىزامانداندىرۋدىڭ ماڭىزدى كەپىلى. ٴسوز جوق، بازار مەحانيزمىنىڭ رولىن اناعۇرلىم ويداعىداي ساۋلەلەندىرىپ، اناعۇرلىم ٴادىل، اناعۇرلىم جاندى بازار ورتاسىن قالىپتاستىرىپ، بايلىقتى ىڭعايلاۋ ونىمدىلىگىنىڭ ەڭ ساپالى بولۋىن جانە تيىمدىلىگىنىڭ ەڭ زور بولۋىن جۇزەگە اسىرىپ، ”ەركىنە جىبەرە دە“، ”باسقارا دا“ الاتىن بولۋ، بازار ٴتارتىبىن اناعۇرلىم ويداعىداي ساقتاپ، بازاردىڭ كەمىستىگىن اناعۇرلىم ويداعىداي تولىقتاپ، حالىق شارۋاشىلىعىنىڭ اينالىمىن ىركىلىسسىزدەندىرىپ، تۇتاس قوعامنىڭ ىشكى قوزعاۋشى كۇشى مەن جاڭالىق اشۋ ومىرشەڭدىگىن تاسقىنداتۋ كەرەك. جالپىلىق مەنشىكتەگى شارۋاشىلىقتى تاباندىلىقپەن بەكەمدەپ جانە دامىتىپ، جالپىلىق مەنشىككە جاتپايتىن شارۋاشىلىقتىڭ دامۋىنا تاباندىلىقپەن دەم بەرىپ، قولداپ، جەتەكتەپ، ٴتۇرلى مەنشىكتەگى شارۋاشىلىقتىڭ ٴوندىرىس ماڭىزدى فاكتورلارىنان زاڭ بويىنشا تەڭ پايدالانۋىنا، بازار باسەكەسىنە ادىلدىكپەن ات سالىسۋىنا، زاڭنىڭ تەڭ دارەجەدە قورعاۋىندا بولۋىنا كەپىلدىك ەتىپ، ٴتۇرلى مەنشىكتەگى شارۋاشىلىقتىڭ ٴبىرىنىڭ ارتىقشىلىعىمەن ٴبىرىن تولىقتاۋىن، بىرگە دامۋىن جەبەۋ كەرەك. بۇكىل ەل بويىنشا ٴبىر تۇتاس ٴىرى بازار قالىپتاستىرىپ، بازار ەكونوميكاسىنىڭ نەگىزدىك ٴتۇزىمىن كەمەلدەندىرۋ كەرەك.
جالپى ٴماجىلىس مىنالاردى ورتاعا قويدى: جوعارى ساپالى دامۋ _ جاپپاي سوتسياليستىك وسىزاماندانعان مەملەكەت قۇرۋداعى ماڭداي الدى مىندەت. ٴسوز جوق، رەفورماعا جاڭا دامۋ ۇستانىمى ارقىلى جەتەكشىلىك ەتىپ، جاڭا دامۋ كەزەڭىن تياناق ەتىپ، ۇسىنىم جاعىنداعى قۇرىلىمدىق رەفورمانى تەرەڭدەتىپ، جوعارى ساپالى دامۋدى ىلگەرىلەتۋدى ىنتالاندىرۋ ـ تەجەۋ مەحانيزمىن كەمەلدەندىرىپ، دامۋدىڭ تىڭ قوزعاۋشى كۇشىن، تىڭ باسىمدىعىن قالىپتاستىرۋ كەرەك. جاڭا ساپالى وندىرگىش كۇشتەردى جەرگىلىكتى جاعدايعا قاراي دامىتۋ ٴتۇزىلىس ـ مەحانيزمىن اقاۋسىزداندىرۋ، تۇلعالىق شارۋاشىلىق پەن سيفرلى شارۋاشىلىقتىڭ ىشكەرىلەي توعىسۋىن جەبەۋ ٴتۇزىمىن اقاۋسىزداندىرۋ، قىزمەت وتەۋ كاسىبىن دامىتۋدىڭ ٴتۇزىلىس ـ مەحانيزمىن كەمەلدەندىرۋ، وسىزاماندانعان نەگىزدىك قۇرىلعىلار قۇرىلىسىنىڭ ٴتۇزىلىس ـ مەحانيزمىن اقاۋسىزداندىرۋ، شارۋاشىلىق تىزبەگى مەن ۇسىنىم تىزبەگىنىڭ سەرپىمدىلىگى مەن حاۋىپسىزدىك دەڭگەيىن جوعارىلاتۋ ٴتۇزىمىن اقاۋسىزداندىرۋ كەرەك.
جالپى ٴماجىلىس مىنالاردى ورتاعا قويدى: وقۋ ـ اعارتۋ، عىلىم ـ تەحنيكا، دارىندىلار _ جۇڭگو ۇلگىسىندەگى وسىزامانداندىرۋدىڭ نەگىزدىك، ستراتەگيالىق تىرەگى. ٴسوز جوق، مەملەكەتتى عىلىم ـ تەحنيكا، وقۋ ـ اعارتۋ ارقىلى كوركەيتۋ ستراتەگياسىن، مەملەكەتتى دارىندىلار ارقىلى قۇدىرەتتەندىرۋ ستراتەگياسىن، جاڭالىق اشۋ ارقىلى دامۋدى جەبەۋ ستراتەگياسىن ىشكەرىلەي اتقارىپ، وقۋ ـ اعارتۋ، عىلىم ـ تەحنيكا، دارىندىلار جاعىنداعى ٴتۇزىلىس ـ مەحانيزمدى ٴبىر تۇلعالاندىرۋ رەفورماسىن ٴبىر تۇتاس ىلگەرىلەتىپ، بۇكىل مەملەكەت جۇمىلاتىن جاڭاشا ٴتۇزىلىستى اقاۋسىزداندىرىپ، مەملەكەتتىڭ جاڭالىق اشۋ جۇيەسىنىڭ جالپى تۇلعالىق ونىمدىلىگىن ارتتىرۋ كەرەك. وقۋ ـ اعارتۋدىڭ جالپىلىق رەفورماسىن تەرەڭدەتۋ، عىلىم ـ تەحنيكا ٴتۇزىلىسى رەفورماسىن تەرەڭدەتۋ، دارىندىلاردى جەتىلدىرۋ ٴتۇزىلىس ـ مەحانيزمى رەفورماسىن تەرەڭدەتۋ كەرەك.
جالپى ٴماجىلىس مىنالاردى ورتاعا قويدى: ماكرولىق تىزگىندەۋدىڭ عىلميلىعى، ۇكىمەتتىڭ ۇتىمدى باسقارۋى _ سوتسياليستىك بازار ەكونوميكاسى ٴتۇزىلىسىنىڭ ارتىقشىلىعىن ساۋلەلەندىرۋدىڭ ىشكى تالابى. ٴسوز جوق، ماكرولىق تىزگىندەۋ ٴتۇزىمى جۇيەسىن كەمەلدەندىرىپ، قازىنا ـ باجى، فينانس سياقتى ٴتۇيىندى سالالارداعى رەفورمانى ٴبىر تۇتاس ىلگەرىلەتىپ، ماكرولىق ساياسات بەتالىسىنىڭ بىردەيلىگىن كۇشەيتۋ كەرەك. مەملەكەتتىڭ ستراتەگيالىق پلان جۇيەسى مەن ساياساتتى ٴبىر تۇتاس سايكەستىرۋ مەحانيزمىن كەمەلدەندىرۋ، قازىنا ـ باجى ٴتۇزىلىسى رەفورماسىن تەرەڭدەتۋ، فينانس ٴتۇزىلىسى رەفورماسىن تەرەڭدەتۋ، وڭىرلىك سايكەسە دامۋ ستراتەگياسىن اتقارۋ مەحانيزمىن كەمەلدەندىرۋ كەرەك.
جالپى ٴماجىلىس مىنالاردى ورتاعا قويدى: قالا مەن اۋىلدىڭ توعىسا دامۋى _ جۇڭگو ۇلگىسىندەگى وسىزامانداندىرۋدىڭ تابيعي تالابى. ٴسوز جوق، جاڭاشا ونەركاسىپتەندىرۋدى، جاڭاشا قالا ـ قالاشىقتاندىرۋدى جانە اۋىل ـ قىستاقتى جاپپاي كوركەيتۋدى ٴبىر تۇتاس جوسپارلاپ، قالا ـ اۋىل پلانىن، قۇرىلىسىن، باسقارۋدى توعىستىرۋ دەڭگەيىن جاپپاي جوعارىلاتىپ، قالا ـ اۋىل ماڭىزدى فاكتورلارىنىڭ تەڭ تۇرعىدا ايىرباسقا ٴتۇسۋىن، قوس باعىتتا اۋىسۋىن جەبەپ، قالا مەن اۋىل پارقىن ازايتىپ، قالا مەن اۋىلدىڭ بىرگە گۇلدەنۋىن، دامۋىن جەبەۋ كەرەك. جاڭاشا قالا ـ قالاشىقتانۋ ٴتۇزىلىس ـ مەحانيزمىن اقاۋسىزداندىرۋ جانە ىلگەرىلەتۋ، اۋىل ـ قىستاقتىڭ نەگىزگى تيجارات ٴتۇزىمىن بەكەمدەۋ جانە كەمەلدەندىرۋ، اۋىل شارۋاشىلىعىن كۇشەيتۋدى، ديقاندارعا تيىمدىلىك جەتكىزۋدى، ديقانداردى بايىتۋدى قولداۋ ٴتۇزىمىن كەمەلدەندىرۋ، جەر ٴتۇزىمى رەفورماسىن تەرەڭدەتۋ كەرەك.
جالپى ٴماجىلىس مىنالاردى ورتاعا قويدى: ەسىك اشۋ _ جۇڭگو ۇلگىسىندەگى وسىزامانداندىرۋدىڭ ايقىن بەلگىسى. ٴسوز جوق، سىرتقا ەسىك اشۋ سىندى نەگىزگى مەملەكەت ساياساتىنا تاباندى بولىپ، ەسىك اشۋ ارقىلى رەفورمانى جەبەۋگە تاباندى بولىپ، ەلىمىزدىڭ وراسان زور كولەمدەگى بازار باسىمدىعىنا سۇيەنىپ، حالىقارالىق سەلبەستىكتى كەڭەيتۋ بارىسىندا ەسىك اشۋ قابىلەتىن جوعارىلاتىپ، اناعۇرلىم جوعارى دەڭگەيدەگى اشىق ەكونوميكالىق جاڭا ٴتۇزىلىس ورناتۋ كەرەك. تۇزىمدىك ەسىك اشۋدى ورنىقتى كەڭەيتۋ، سىرتقى ساۋدا ٴتۇزىلىسى رەفورماسىن تەرەڭدەتۋ، شەتەل ساۋداگەرلەرىنىڭ قارجى قوسۋى مەن شەتەلگە قارجى قوسۋدى باسقارۋ ٴتۇزىلىسى رەفورماسىن تەرەڭدەتۋ، وڭىرلىك ەسىك اشۋ ورنالاسىمىن ساپالىلاندىرۋ، ”ٴبىر بەلدەۋ، ٴبىر جولدى“ جوعارى ساپامەن بىرگە گۇلدەندىرۋ مەحانيزمىن كەمەلدەندىرۋ جانە ىلگەرىلەتۋ كەرەك.
جالپى ٴماجىلىس مىنالاردى ورتاعا قويدى: جالپى بارىستىق حالىق دەموكراتياسىن دامىتۋ _ جۇڭگو ۇلگىسىندەگى وسىزامانداندىرۋدىڭ ماندىك تالابى. ٴسوز جوق، جۇڭگوشا سوتسياليستىك ساياسي دامۋ جولىمەن اۋىتقىماي ٴجۇرىپ، ەلىمىزدىڭ ٴتۇبىرلى ساياسي تۇزىمىنە، نەگىزگى ساياسي تۇزىمىنە، ماڭىزدى ساياسي تۇزىمىنە تاباندى بولىپ جانە ونى كەمەلدەندىرىپ، ٴارقايسى جىكتەردەگى دەموكراتيا فورماسىن بايىتىپ، حالىقتىڭ وزىنە ـ ٴوزى قوجايىن بولۋىن مەملەكەتتىڭ ساياسي تۇرمىسى مەن قوعامدىق تۇرمىسىنىڭ ٴارقايسى جاقتارىندا ناقتى، شىنايى ايگىلەۋ كەرەك. حالىقتىڭ وزىنە ـ ٴوزى قوجايىن بولۋ ٴتۇزىمى قۇرىلىسىن كۇشەيتۋ، ٴماسليحاتتىق دەموكراتيا مەحانيزمىن اقاۋسىزداندىرۋ، نەگىزگى ساتىنىڭ دەموكراتيالىق ٴتۇزىمىن اقاۋسىزداندىرۋ، زور بىرلىكساپ قىزمەت جۇيەسىن كەمەلدەندىرۋ كەرەك.
جالپى ٴماجىلىس مىنالاردى ورتاعا قويدى: زاڭمەن باسقارۋ _ جۇڭگو ۇلگىسىندەگى وسىزامانداندىرۋدىڭ ماڭىزدى كەپىلى. ٴسوز جوق، نەگىزگى زاڭنىڭ اتقارىلۋىن جاپپاي دايەكتىلەندىرىپ، نەگىزگى زاڭنىڭ بەدەلىن قورعاپ، زاڭ شىعارۋ، زاڭ اتقارۋ، ٴادىليا جۇرگىزۋ، زاڭعا بويسۇنۋ بۋىندارىنداعى رەفورمانى سايكەستى ىلگەرىلەتىپ، زاڭ الدىندا بارلىق ادامنىڭ تەرەزەسى تەڭ بولۋىن قامتاماسىز ەتۋ مەحانيزمىن اقاۋسىزداندىرىپ، سوتسياليستىك زاڭمەن باسقارۋ رۋحىن اسقاقتاتىپ، قوعامنىڭ ادىلدىگىن، تۋراشىلدىعىن قورعاپ، مەملەكەتتىڭ ٴارقايسى جاقتاعى قىزمەتىن زاڭمەن باسقارۋدى جاپپاي ىلگەرىلەتۋ كەرەك. زاڭ شىعارۋ سالاسىنداعى رەفورمانى تەرەڭدەتۋ، اكىمشىلىكتى زاڭ بويىنشا جۇرگىزۋدى ىشكەرىلەي ىلگەرىلەتۋ، زاڭدى ٴادىل اتقارۋ، ٴادىليانى ٴادىل جۇرگىزۋ ٴتۇزىلىس ـ مەحانيزمىن اقاۋسىزداندىرۋ، زاڭمەن باسقاراتىن قوعام قۇرىلىسى مەحانيزمىن كەمەلدەندىرۋ جانە ىلگەرىلەتۋ، شەتەلگە ساياتىن زاڭمەن باسقارۋ قۇرىلىسىن كۇشەيتۋ كەرەك.
جالپى ٴماجىلىس مىنالاردى ورتاعا قويدى: جۇڭگو ۇلگىسىندەگى وسىزامانداندىرۋ _ ماتەريالدىق وركەنيەت پەن رۋحاني وركەنيەتتى ٴوزارا سايكەستىرەتىن وسىزامانداندىرۋ. ٴسوز جوق، مادەنيەت سەنىمىن كۇشەيتىپ، سوتسياليستىك وزىق مادەنيەتتى دامىتىپ، توڭكەرىستىك مادەنيەتتى ساۋلەلەندىرىپ، جۇڭحۋانىڭ تاڭداۋلى ٴداستۇرلى مادەنيەتىن جالعاستىرىپ، ينفورماتسيا تەحنيكاسىنىڭ قارىشتاپ دامۋ جاڭا جاعدايىنا جەدەل ۇيلەسىپ، زور كولەمدەگى تاڭداۋلى مادەنيەت دارىندىلار قوسىنىن جەتىلدىرىپ جانە قالىپتاستىرىپ، تۇتاس ۇلتتىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭدىك كۇشىن تاسقىنداتۋ كەرەك. يدەولوگيا قىزمەتى جاۋاپكەرشىلىك ٴتۇزىمىن كەمەلدەندىرۋ، مادەنيەتتىك قىزمەت وتەۋ مەن مادەنيەت ونىمدەرى ۇسىنىمى مەحانيزمىن ساپالىلاندىرۋ، ينتەرنەتتى جان ـ جاقتى باسقارۋ جۇيەسىن اقاۋسىزداندىرۋ، اناعۇرلىم ونىمدىلىككە يە حالىقارالىق تاراتۋ جۇيەسىن ورناتۋ كەرەك.
جالپى ٴماجىلىس مىنالاردى ورتاعا قويدى: دامۋ بارىسىندا حالىق تۇرمىسىن قامتاماسىز ەتۋ جانە جاقسارتۋ _ جۇڭگو ۇلگىسىندەگى وسىزامانداندىرۋدىڭ كەلەلى مىندەتى. ٴسوز جوق، بار كۇشىمىزدى سالىپ ٴىس تىندىرۋعا، شاماعا قاراي ٴىس ىستەۋگە تاباندى بولىپ، نەگىزگى الەۋمەتتىك قىزمەت وتەۋ ٴتۇزىمى جۇيەسىن كەمەلدەندىرىپ، جالپىعا ٴتيىمدى، نەگىزدىك، تۇبەسەلى حالىق تۇرمىسى قۇرىلىسىن كۇشەيتىپ، حالىق ەڭ كوڭىل بولەتىن، ەڭ تىكە، ەڭ رەال مۇددە ماسەلەسىن ويداعىداي شەشىپ، حالىقتىڭ تاماشا تۇرمىسقا تالپىنىسىن ۇزدىكسىز قاناعاتتاندىرۋ كەرەك. كىرىس ٴبولىسى ٴتۇزىمىن كەمەلدەندىرۋ، جۇمىستانۋدى الدىمەن ويلاستىرۋ ساياساتىن كەمەلدەندىرۋ، قوعامدىق قامتاماسىزداندىرۋ جۇيەسىن اقاۋسىزداندىرۋ، ەمدەۋ، ٴدارى ـ دارمەك، دەنساۋلىق ساقتاۋ ٴتۇزىلىسى رەفورماسىن تەرەڭدەتۋ، حالىق سانىنىڭ دامۋىن قولداۋ جانە قىزمەت وتەۋ جۇيەسىن اقاۋسىزداندىرۋ كەرەك.
جالپى ٴماجىلىس مىنالاردى ورتاعا قويدى: جۇڭگو ۇلگىسىندەگى وسىزامانداندىرۋ _ ادام مەن تابيعات جاراسىمدى، قاتار ٴومىر سۇرەتىن وسىزامانداندىرۋ. ٴسوز جوق، ەكولوگيالىق وركەنيەت ٴتۇزىمى جۇيەسىن كەمەلدەندىرىپ، كومىر قىشقىل گازىنىڭ شىعارىلۋىن تومەندەتۋدى، لاستانۋدى ازايتۋدى، جاسىلدانۋدى ۇلعايتۋدى، ەكونوميكانى ارتتىرۋدى سايكەستى ىلگەرىلەتىپ، كليمات وزگەرىسىنە بەلسەنە توتەپ بەرىپ، تۇنىق سۋ، جاسىل تاۋ _ باعالى بايلىق ۇستانىمىن تياناقتاندىرۋدىڭ ٴتۇزىلىس ـ مەحانيزمىن جەدەل كەمەلدەندىرۋ كەرەك. ەكولوگيالىق وركەنيەتتىڭ نەگىزدىك ٴتۇزىلىسىن كەمەلدەندىرۋ، ەكولوگيالىق ورتانى وڭاۋ جۇيەسىن اقاۋسىزداندىرۋ، جاسىل، تومەن كومىر قىشقىل گازدى دامۋ مەحانيزمىن اقاۋسىزداندىرۋ كەرەك.
جالپى ٴماجىلىس مىنالاردى ورتاعا قويدى: مەملەكەت حاۋىپسىزدىگى _ جۇڭگو ۇلگىسىندەگى وسىزامانداندىرۋدىڭ ورنىقتى، باياندى بولۋىنىڭ ماڭىزدى نەگىزى. ٴسوز جوق، جالپى تۇلعالىق مەملەكەت حاۋىپسىزدىگى كوزقاراسىن جاپپاي دايەكتىلەندىرىپ، مەملەكەت حاۋىپسىزدىگىن قورعاۋ ٴتۇزىلىس ـ مەحانيزمىن كەمەلدەندىرىپ، جوعارى ساپالى دامۋ مەن جوعارى دەڭگەيدەگى حاۋىپسىزدىكتىڭ ۇتىمدى ىقپالداستىعىن جۇزەگە اسىرىپ، مەملەكەتتىڭ باياندى تىنىشتىعىن شىنايى قامتاماسىز ەتۋ كەرەك. مەملەكەت حاۋىپسىزدىگى جۇيەسىن اقاۋسىزداندىرۋ، الەۋمەتتىك حاۋىپسىزدىكتى باسقارۋ مەحانيزمىن كەمەلدەندىرۋ، قوعامدىق باسقارۋ جۇيەسىن اقاۋسىزداندىرۋ، شەتەلگە ساياتىن مەملەكەت حاۋىپسىزدىگى مەحانيزمىن كەمەلدەندىرۋ كەرەك.
جالپى ٴماجىلىس مىنالاردى ورتاعا قويدى: مەملەكەت قورعانىسى مەن ارميانى وسىزامانداندىرۋ _ جۇڭگو ۇلگىسىندەگى وسىزامانداندىرۋدىڭ ماڭىزدى قۇرامداس بولىگى. ٴسوز جوق، پارتيانىڭ حالىق ارمياسىنا شارتسىز باسشىلىعىنا تاباندى بولىپ، ارميانى رەفورما ارقىلى قۇدىرەتتەندىرۋ ستراتەگياسىن ىشكەرىلەي اتقارىپ، ارميا قۇرىلعاندىعىنىڭ 100 جىلدىق كۇرەس نىساناسىن ۋاعىندا جۇزەگە اسىرۋعا، مەملەكەت قورعانىسى مەن ارميانى وسىزامانداندىرۋدى نەگىزىنەن جۇزەگە اسىرۋعا پارمەندى كەپىلدىك ازىرلەۋ كەرەك. حالىق ارمياسىنىڭ باسشىلىق ەتۋ ـ باسقارۋ ٴتۇزىلىس ـ مەحانيزمىن كەمەلدەندىرۋ، بىرلەسىپ سوعىس جۇرگىزۋ جۇيەسى رەفورماسىن تەرەڭدەتۋ، قاراستىلىعىن ارميادان جەرگىلىككە، جەرگىلىكتەن ارمياعا اۋىستىرۋ رەفورماسىن تەرەڭدەتۋ كەرەك.
جالپى ٴماجىلىس مىنالاردى باسا دارىپتەدى: پارتيانىڭ باسشىلىعى _ رەفورمانى اناعۇرلىم جاپپاي تەرەڭدەتۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ٴتۇبىرلى كەپىلى. ٴسوز جوق، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ۇعىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ وزىنە ـ ٴوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتۋدىڭ وسكەلەڭ سانالىلىعىن ساقتاپ، رەفورما رۋحى مەن قاتاڭ ولشەم ارقىلى پارتيانى باسقارۋعا، پارتيانى جونگە سالۋعا تاباندى بولىپ، پارتيانىڭ وزىنە ـ ٴوزى توڭكەرىس جاساۋ ٴتۇزىمىن ارناعا ٴتۇسىرۋ جۇيەسىن كەمەلدەندىرىپ، پارتيانىڭ ٴوزىن ـ ٴوزى كىرشىكسىزدەندىرۋىن، ٴوزىن ـ ٴوزى كەمەلدەندىرۋىن، ٴوزىن ـ ٴوزى جاڭارتۋىن، ٴوز دەڭگەيىن جوعارىلاتۋىن ۇزدىكسىز ىلگەرىلەتىپ، پارتيانى باستان ـ اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى ەتۋگە شىنايى كەپىلدىك ەتۋ كەرەك. پارتيا ورتالىق كوميتەتىنىڭ رەفورمانى اناعۇرلىم جاپپاي تەرەڭدەتۋگە بولعان ورتالىقتانعان ٴبىر تۇتاس باسشىلىعىنا تاباندى بولۋ، پارتيا قۇرىلىسى ٴتۇزىمى رەفورماسىن تەرەڭدەتۋ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتۋ، رەفورمانى تياناقتاندىرۋدى شەگە قاعۋ رۋحىمەن ويداعىداي يگەرۋ كەرەك.
جالپى ٴماجىلىس مىنالاردى باسا دارىپتەدى: جۇڭگو ۇلگىسىندەگى وسىزامانداندىرۋ _ بەيبىت دامۋ جولىمەن جۇرەتىن وسىزامانداندىرۋ. ٴسوز جوق، دەربەس، وزىنە ـ ٴوزى قوجايىن بولۋ سىندى بەيبىت ديپلوماتيالىق ساياساتتى باتىل اتقارىپ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتىپ، بۇكىل ادامزاتقا ورتاق قۇندىلىقتى امالياتتا ايگىلەپ، الەمدىك دامۋ دارىپتەمەسىن، الەمدىك حاۋىپسىزدىك دارىپتەمەسىن، الەمدىك وركەنيەت دارىپتەمەسىن تياناقتاندىرىپ، تەڭ، ٴتارتىپتى بولعان دۇنيە ٴجۇزىنىڭ كوپ ۇيەكتەنۋىن، جالپىعا ٴتيىمدى، سيىسىمدى بولعان ەكونوميكانىڭ جاھاندانۋىن دارىپتەپ، سىرتقى ىستەر قىزمەتى مەحانيزمى رەفورماسىن تەرەڭدەتىپ، الەمدىك باسقارۋ جۇيەسى رەفورماسى مەن قۇرىلىسىنا بەلسەنە ات سالىسىپ جانە جەتەكشىلىك ەتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاۋ كەرەك.
جالپى ٴماجىلىس مىنالاردى اتاپ كورسەتتى: جالپى ٴماجىلىس رۋحىن ويداعىداي ۇيرەنۋ، ويداعىداي دايەكتىلەندىرۋ _ بۇكىل پارتيا، بۇكىل مەملەكەتتىڭ كەزەكتەگى جانە بۇدان بىلايعى ٴبىر مەزگىلدەگى كەلەلى ساياسي مىندەتى. جالپى ٴماجىلىستىڭ رۋحىن ىشكەرىلەي ۇيرەنىپ جانە ٴتۇسىنىپ، رەفورمانى اناعۇرلىم جاپپاي تەرەڭدەتۋدىڭ نەگىزگى تاقىرىبىن، كەلەلى پرينسيبىن، كەلەلى شارالارىن، ٴتۇبىرلى كەپىلىن جەتە ٴتۇسىنۋ جانە ونى يگەرۋ كەرەك. بۇكىل پارتيا جوعارىدان تومەنگە دەيىن ٴبىر نيەت، ٴبىر تىلەكپەن «قاۋلىنى» دايەكتىلەندىرۋدى، تياناقتاندىرۋدى ويداعىداي يگەرىپ، رەفورمانى اناعۇرلىم جاپپاي تەرەڭدەتۋدىڭ ستراتەگيالىق ورنالاستىرۋلارىن جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ قۇدىرەتتى كۇشىنە اينالدىرۋ كەرەك.
جالپى ٴماجىلىس كەزەكتەگى جاعدايعا جانە مىندەتتەرگە تالداۋ جاساپ، تۇتاس جىلداعى ەكونوميكالىق، قوعامدىق دامۋ نىساناسىن جۇزەگە اسىرۋعا بۇلجىماي تاباندى بولۋدى باسا دارىپتەدى. پارتيا ورتالىق كوميتەتىنىڭ ەكونوميكالىق قىزمەت جونىندەگى شەشىمدەرى مەن ورنالاستىرۋلارىنا نەگىزدەلىپ، ماكرولىق ساياساتتى ويداعىداي تياناقتاندىرىپ، ىشكى سۇرانىستى بەلسەنە كەڭەيتىپ، جەرگىلىكتى جاعدايعا قاراي جاڭا ساپالى وندىرگىش كۇشتى دامىتىپ، سىرتقى ساۋدانىڭ جاڭا قوزعالىس قۋاتىن جەدەل جەتىلدىرىپ، جاسىل، تومەن كومىر قىشقىل گازدى دامۋدى تىڭعىلىقتى ىلگەرىلەتىپ، حالىق تۇرمىسىن شىنايى قامتاماسىز ەتىپ جانە جاقسارتىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ جانە كەڭەيتۋ كەرەك. ”14 ـ بەسجىلدىق“ پلاننىڭ تياناقتانۋ احۋالىن قورىتىندىلاپ جانە باعالاپ، ”15 ـ بەسجىلدىق“ پلاننىڭ الدىڭعى مەرزىمدىك جوسپارلاۋ قىزمەتىن شىن مانىندە ويداعىداي ىستەۋ كەرەك.
جالپى ٴماجىلىس مىنالاردى اتاپ كورسەتتى: دامۋ مەن حاۋىپسىزدىكتى ٴبىر تۇتاس ويداعىداي ەسكەرىپ، ٴۇي ـ جاي شارۋاشىلىعى، جەرگىلىكتى ۇكىمەتتەردىڭ قارىزى، ورتاشا، شاعىن فينانس قۇرىلىمدارى سياقتى ٴتۇيىندى سالالارعا تونەتىن حاۋىپ ـ قاتەردەن ساقتانۋدىڭ جانە ونى جويۋدىڭ ٴتۇرلى شارالارىن ويداعىداي تياناقتاندىرىپ، حاۋىپسىز ٴوندىرىس جاۋاپكەرشىلىگىن قاتاڭ تياناقتاندىرىپ، جاراتىلىستىق اپاتتاردان، اسىرەسە، تاسقىن ـ سەل اپاتىن باقىلاۋ ـ ولشەۋ، ساقتانۋ ـ تىزگىندەۋ شارالارىن كەمەلدەندىرىپ، قوعامدىق حاۋىپسىزدىككە تونەتىن حاۋىپ ـ قاتەردەن ساقتانۋ ـ تىزگىندەۋ تورىن بەكەمدەپ، قوعامنىڭ ورنىقتىلىعىن شىن مانىندە قورعاۋ كەرەك. قوعامدىق پىكىر جەتەكشىلىگىن كۇشەيتىپ، يدەولوگياعا تونەتىن حاۋىپ ـ قاتەردەن ٴونىمدى ساقتانۋ جانە ونى جويۋ كەرەك. سىرتقى حاۋىپ ـ قاتەرلەر مەن سىن ـ سايىستارعا ۇتىمدى توتەپ بەرىپ، الەمدىك باسقارۋ جۇيەسىنە جەتەكشىلىك ەتىپ، ٴتيىمدى سىرتقى ورتانى ىرىقتىلىقپەن قالىپتاستىرۋ كەرەك.
جالپى ٴماجىلىس مىنالاردى باسا دارىپتەدى: جالپى ٴماجىلىستىڭ رۋحىن ۇيرەنۋمەن، ۇگىتتەۋمەن، دايەكتىلەندىرۋمەن ۇشتاستىرىپ، پارتيانىڭ جاڭالىق اشۋ نازارياسىمەن قارۋلانۋدى ويداعىداي يگەرىپ، بۇكىل پارتيانىڭ ماركسيزمدىك دەڭگەيىن جانە وسىزامانداندىرۋ قۇرىلىسى قابىلەتىن جوعارىلاتۋ كەرەك. پارتيانى جاپپاي قاتاڭ باسقارۋ جۇيەسىن اقاۋسىزداندىرىپ، ستيلدى شىنايى وڭاپ، فورماشىلدىق، تورەشىلدىك دەرتىن جويىپ، نەگىزگى ساتىنىڭ اۋىرتپالىعىن ۇزدىكسىز جەڭىلدەتىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتىپ، ارالاپ تەكسەرۋ قىزمەتىن تىڭعىلىقتى ويداعىداي ىستەۋ كەرەك. نەگىزگى تاقىرىپتىق تاربيەنىڭ جەتىستىكتەرىن بەكەمدەۋ جانە ونى كەڭەيتۋ، پارتيا ٴتارتىبى جونىندەگى ۇيرەنۋ تاربيەسىن تەرەڭدەتۋ، پارتيانىڭ ىنتىماعىن، بىرلىگىن قورعاۋ، پارتيانىڭ جاسامپازدىق قۋاتىن، ۇيىستىرۋ قۋاتىن، جاۋىنگەرلىك قۋاتىن ۇزدىكسىز كۇشەيتۋ كەرەك.
جالپى ٴماجىلىس پارتيا ۋستاۆىنداعى بەلگىلەمەلەر بويىنشا، ورتالىق كوميتەتتىڭ كانديدات مۇشەلەرى ديڭ شياڭچۇن، يۇي ليجۇن، يۇي جيحۇڭداردى ورتالىق كوميتەتتىڭ مۇشەلىگىنە تولىقتاۋدى ۇيعاردى.
جالپى ٴماجىلىس چين گاڭ جولداستىڭ قىزمەتتەن بوساۋ ٴوتىنىشىن قابىلداپ، چين گاڭ جولداستى ورتالىق كوميتەتتىڭ مۇشەلىگى مىندەتىنەن بوساتتى.
جالپى ٴماجىلىس جۇڭگو كوممۋنيستىك پارتياسى ورتالىق اسكەري ىستەر كوميتەتىنىڭ لي شاڭفۋ، لي يۇيچاۋ، سۇن جينميڭدەردىڭ تارتىپكە، زاڭعا اۋىر قايشىلىق جاساۋ ماسەلەلەرى جونىندەگى تەكسەرۋ بايانداماسىن قاراپ جانە ماقۇلداپ، ورتالىق كوميتەت ساياسي بيۋروسىنىڭ بۇدان بۇرىن ۇيعارعان لي شاڭفۋدى، لي يۇيچاۋدى، سۇن جينميڭدى پارتيادان ايداۋ جازاسىن تۇراقتاندىردى.
جالپى ٴماجىلىس مىناعان ۇندەدى: بۇكىل پارتيا، بۇكىل ارميا، بۇكىل ەلدەگى ٴار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، رەفورما جاساۋ، ەسىك اشۋ تۋىن بيىك ۇستاپ، زەيىن ـ زەردەنى، كۇش ـ قۋاتتى شوعىرلاندىرىپ، قايراتتانا العا ۇمتىلىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ ٴۇشىن، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا قۇلشىنا كۇرەس جۇرگىزەيىك!
