□حالىق گازەتى باسماقالاسى
7 ـ ايدىڭ 15 ـ كۇنىنەن 18 ـ كۇنىنە دەيىن جۇڭگو كوممۋنيستىك پارتياسى 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى جەڭىسپەن وتكىزىلدى. جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جاڭا جورىعىندا جۇڭگو رەفورما جاساۋدىڭ، ەسىك اشۋدىڭ جاڭا بەلەسىن تۇلعالادى.
بۇل رەتكى جالپى ٴماجىلىس _ جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدىڭ شەشۋشى كەزەڭىندە اشىلعان ٴبىر رەتكى ايرىقشا ماڭىزدى ٴماجىلىس. جالپى ٴماجىلىس باس شۋجي شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭدادى جانە تالقىلادى، ورتالىق كوميتەت ساياسي بيۋروسىنىڭ پارتيا 20 ـ كەزەكتى ورتالىق كوميتەتىنىڭ ەكىنشى جالپى ماجىلىسىنەن بەرگى قىزمەتتەرىن تولىق تۇراقتاندىرىپ، جاڭا داۋىردەن بەرگى رەفورمانى جاپپاي تەرەڭدەتۋدىڭ تابىستى امالياتى مەن ۇلى جەتىستىگىنە جوعارى باعا بەردى، «جۇڭگو كوممۋنيستىك پارتياسى ورتالىق كوميتەتىنىڭ رەفورمانى ونان ارى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ تۋرالى قاۋلىسىن» قاراپ ماقۇلدادى. جالپى ٴماجىلىستىڭ وتكىزىلۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رەفورمانى سوڭىنا دەيىن جۇرگىزۋ سىندى بەرىك بەكىمىن جانە كۇشتى بورىشى مەن جاۋاپكەرشىلىگىن ايگىلەدى، جاڭا داۋىردەگى جاڭا جورىقتا قانداي تۋ ۇستاۋ، قايسى جولمەن ٴجۇرۋ جونىندەگى قايتالاي ۇندەۋ بولدى، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدە كەلەلى دە تەرەڭ ٴمان الادى.
جالپى ماجىلىستە ماقۇلدانعان «قاۋلىدا» جۇڭگو ۇلگىسىندەگى وسىزامانداندىرۋدى ىلگەرىلەتۋ سىندى وسى نەگىزگى تاقىرىپتى تىعىز ارقاۋ ەتە وتىرىپ رەفورمانى ونان ارى جاپپاي تەرەڭدەتۋ ستراتەگيالىق شارالارى جوبالاندى، بۇل جاڭا جورىقتا رەفورمانى ونان ارى جاپپاي تەرەڭدەتۋگە جەتەكشىلىك ەتەتىن تۇعىرنامالىق حۇجات بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇڭگوشا سوتسياليستىك ٴتۇزىمدى كەمەلدەندىرۋدەگى جانە دامىتۋداعى، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدەگى تاريحي ىرىقتىلىعىن تولىق ايگىلەدى. «قاۋلى» دۇرىس ساياسي بەتالىسقا تاباندى بولىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدە شەشۋگە ٴتيىستى ەلەۋلى ٴتۇزىلىس ـ مەحانيزم ماسەلەلەرىن كۇش سالا مىقتى ۇستاپ رەفورمانى جوسپارلادى، نەگىزگى تاقىرىبى ايقىن، ماڭىزدى ٴتۇيىنى كورنەكتى، شارالارى ناقتى، جارامدى بولدى، جاڭا داۋىردەگى جاڭا جورىقتا رەفورمانى جاپپاي تەرەڭدەتۋدىڭ كەڭدىككە جانە تەرەڭدىككە قاراي بەت الۋىن ىلگەرىلەتۋدەگى جالپىلىق جۇمىلدىرۋ، جالپىلىق ورنالاستىرۋ بولدى، ٴسوز جوق، جۇڭگو ۇلگىسىندەگى وسىزامانداندىرۋعا قۋاتتى قوزعاۋشى كۇش جانە تۇزىمدىك قامتاماسىزدىق ازىرلەيدى.
رەفورما جاساۋ، ەسىك اشۋ _ پارتيا مەن حالىق ىستەرىنىڭ ارشىندى قاداممەن داۋىرگە ىلەسۋدەگى ماڭىزدى اسىلى. پارتيا 11 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى ٴداۋىر بولگىش بولىپ، رەفورما جاساۋدىڭ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ جاڭا مەزگىلىن اشتى. پارتيا 18 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى دە ٴداۋىر بولگىش بولىپ، جاڭا داۋىردە رەفورمانى جاپپاي تەرەڭدەتۋدىڭ، رەفورمانى جۇيەلى، جالپى تۇلعالىق جوبالاپ ىلگەرىلەتۋدىڭ جاڭا جورىعىن باستاپ، ەلىمىزدىڭ رەفورما جاساۋىنىڭ، ەسىك اشۋىنىڭ شىت جاڭا جاعدايىن اشتى. پارتيا 18 ـ قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ، باستاپ، وراسان زور ساياسي باتىلدىقپەن جانە اقىل ـ پاراساتپەن رەفورمانى جاپپاي تەرەڭدەتۋدى ىلگەرىلەتىپ، رەفورمانىڭ ٴىشىنارالىق ىزدەنىس جاساۋدان، مۇز جارىپ، قورشاۋ بۇزۋدان جۇيەلى جيناقتاۋعا، جاپپاي تەرەڭدەتۋگە دەيىنگى بۇرىلىسىن جۇزەگە اسىرىپ، پارتيا 18 ـ كەزەكتى ورتالىق كوميتەتى ٴۇشىنشى جالپى ماجىلىسىندە بەلگىلەنگەن رەفورما مىندەتتەرىن جالپى تۇلعالىق جاقتان ورىنداپ، جاپپاي دوڭگەلەك داۋلەتتى قوعام قۇرۋعا، پارتيانىڭ ٴبىرىنشى 100 جىلدىق كۇرەس نىساناسىن جۇزەگە اسىرۋعا پارمەندى تۇزىمدىك قامتاماسىزدىق ازىرلەپ، ەلىمىزدىڭ جاپپاي سوتسياليستىك وسىزاماندانعان مەملەكەت قۇرۋ جاڭا جورىعىنا قادام تاستاۋىن ىلگەرىلەتتى. اماليات مىنانى تولىق دالەلدەدى: رەفورما جاساۋدىڭ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ جاڭا مەزگىلىندە ەلىمىز ارشىندى قاداممەن داۋىرگە ىلەسۋدە رەفورما جاساۋعا، ەسىك اشۋعا سۇيەندى. پارتيا 18 ـ قۇرىلتايىنان بەرى پارتيا مەن مەملەكەت ىستەرىندە تاريحي سيپاتتى تابىستارعا قول جەتكىزۋدە، تاريحي سيپاتتى وزگەرىس تۋدىرۋدا دا رەفورما جاساۋعا، ەسىك اشۋعا سۇيەندى. جاڭا داۋىردەگى جاڭا جورىقتا جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا جاعدايىن اشۋدا ٴالى دە رەفورما جاساۋعا، ەسىك اشۋعا سۇيەنۋ كەرەك.
پارتيانىڭ وزەكتى مىندەتتەرىن ارقاۋ ەتە وتىرىپ رەفورما جاساۋدى جوسپارلاۋ جانە ورنالاستىرۋ _ پارتيانىڭ رەفورما جاساۋعا، ەسىك اشۋعا باسشىلىق ەتۋدەگى تابىستى تاجىريبەسى. پارتيا 20 ـ قۇرىلتايى جاڭا داۋىردەگى جاڭا جورىقتاعى پارتيانىڭ وزەكتى مىندەتتەرىن بەلگىلەپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە ستراتەگيالىق ورنالاستىرۋ جاسادى. جۇڭگو ۇلگىسىندەگى وسىزامانداندىرۋدى ىلگەرىلەتۋ _ شىت جاڭا ٴىس، العا باسۋ جولىندا ٴتۇرلى قايشىلىقتارعا جانە حاۋىپ ـ قاتەرگە، سىن ـ سايىستارعا جولىعارىمىز داۋسىز. قىم ـ قۋىت تا كۇردەلى حالىقارا، ەل ٴىشى جاعدايى الدىندا، جاڭا ٴبىر رەتكى عىلىم ـ تەحنيكا توڭكەرىسى مەن كاسىپ سالاسى وزگەرىسى الدىندا، حالىق بۇقاراسىنىڭ جاڭا تىلەگى الدىندا، ٴسوز جوق، رەفورمانى ۇزدىكسىز العا ىلگەرىلەتۋ كەرەك. بۇل جۇڭگوشا سوتسياليستىك تۇزىمگە تاباندى بولۋدىڭ جانە ونى كەمەلدەندىرۋدىڭ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدىڭ قاجەتتى تالابى، جاڭا دامۋ ۇستانىمىن دايەكتىلەندىرىپ، ەلىمىز قوعامىنداعى باستى قايشىلىقتىڭ وزگەرىسىنە اناعۇرلىم ويداعىداي ۇيلەسۋدىڭ قاجەتتى تالابى، حالىقتى وزەك ەتۋگە تاباندى بولىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ٴادىل يگىلىكتەندىرۋدىڭ قاجەتتى تالابى، ەلەۋلى حاۋىپ ـ قاتەرلەرگە، سىن ـ سايىستارعا توتەپ بەرىپ، پارتيا مەن مەملەكەت ىستەرىنىڭ ورنىقتى قاداممەن الىسقا جەتۋىن ىلگەرىلەتۋدىڭ قاجەتتى تالابى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، 100 جىلدىق وزگەرىستىڭ جەدەل قۇبىلۋى بارىسىندا ستراتەگيالىق ىرىقتىلىققا قول جەتكىزۋدىڭ قاجەتتى تالابى، جاڭا داۋىردەگى پارتيا قۇرىلىسى جاڭا دا ۇلى ينجەنەرياسىن ىشكەرىلەي ىلگەرىلەتىپ، اناعۇرلىم پارمەندى، قۋاتتى ماركسيزمدىك ساياسي پارتيا قۇرۋدىڭ قاجەتتى تالابى. بۇكىل پارتيا، ٴسوز جوق، رەفورمانى سانالىلىقپەن اناعۇرلىم كورنەكتى ورىنعا قويىپ، جاڭا داۋىردەگى جاڭا جورىقتا پارتيانىڭ وزەكتى مىندەتتەرىن جۇزەگە اسىرۋ ٴۇشىن قايراتتانا العا ۇمتىلىپ، ەرلىكپەن العا باسۋى كەرەك.
وسى رەتكى جالپى ماجىلىستە ماقۇلدانعان «قاۋلى» جۇڭگو ۇلگىسىندەگى وسىزامانداندىرۋدى ارقاۋ ەتىپ رەفورمانى ونان ارى جاپپاي تەرەڭدەتۋدىڭ جالپى تۇلعالىق ورنالاستىرۋىن عىلمي جوسپارلاپ، رەفورمانى ونان ارى جاپپاي تەرەڭدەتۋدىڭ جەتەكشى يدەياسىن، باس نىساناسىن، كەلەلى پرينسيبىن ايقىنداپ، الداعى 5 جىلداعى كەلەلى رەفورما شارالارىنا ٴتۇيىندى ورنالاستىرۋ جاسادى. رەفورمانى ونان ارى جاپپاي تەرەڭدەتۋدىڭ باس نىساناسى _ جۇڭگوشا سوتسياليستىك ٴتۇزىمدى ۇزدىكسىز كەمەلدەندىرىپ جانە دامىتىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ. جاڭا جورىقتا شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، باس شۋجي شي جينپيڭنىڭ رەفورمانى جاپپاي تەرەڭدەتۋ جونىندەگى ٴبىر قىدىرۋ جاڭا يدەياسىن، جاڭا كوزقاراسىن، جاڭا تۇجىرىمىن ىشكەرىلەي ۇيرەنىپ، دايەكتىلەندىرىپ، رەفورما جاساعاننان، ەسىك اشقاننان بەرگى، اسىرەسە، جاڭا داۋىردە رەفورمانى جاپپاي تەرەڭدەتۋ بارىسىنداعى قۇندى تاجىريبەلەردى قورىتىندىلاپ جانە قولدانىپ، پارتيانىڭ جالپى بەتتىك باسشىلىعىنا تاباندى بولىپ، حالىقتى وزەك ەتۋگە تاباندى بولىپ، تۋراشىلدىقتان اينىماي جاڭالىق اشۋعا تاباندى بولىپ، ٴتۇزىم قۇرىلىسىن نەگىزگى جەلى ەتۋگە تاباندى بولىپ، مەملەكەتتى جاپپاي زاڭمەن باسقارۋعا تاباندى بولىپ، جۇيە كوزقاراسىنا تاباندى بولساق، ٴبىز، ٴسوزسىز، 2035 ـ جىلعا دەيىنگى نىسانانى جۇزەگە اسىرىپ، جوعارى دەڭگەيلى سوتسياليستىك بازار شارۋاشىلىعى ٴتۇزىلىسىن جاپپاي ورناتىپ، جۇڭگوشا سوتسياليستىك ٴتۇزىمدى ونان ارى كەمەلدەندىرىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى نەگىزىنەن جۇزەگە اسىرىپ، سوتسياليستىك وسىزامانداندىرۋدى نەگىزىنەن جۇزەگە اسىرىپ، وسى عاسىردىڭ ورتا شەنىنە بارعاندا جاپپاي سوتسياليستىك وسىزاماندانعان قۇدىرەتتى مەملەكەتتى قۇرۋعا بەرىك نەگىز قالاي الامىز.
پارتيانىڭ باسشىلىعى _ رەفورمانى ونان ارى جاپپاي تەرەڭدەتۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ٴتۇبىرلى كەپىلى. ٴسوز جوق، پارتيانىڭ وزىنە ـ ٴوزى توڭكەرىس جاساۋ ارقىلى قوعامدىق توڭكەرىسكە جەتەكشىلىك ەتۋ وسكەلەڭ سانالىلىعىن ساقتاپ، رەفورما جاساۋ رۋحىمەن جانە قاتاڭ ولشەممەن پارتيانى باسقارۋعا، پارتيانى جونگە سالۋعا تاباندى بولىپ، پارتيانىڭ باستان ـ اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتۋ كەرەك. پارتيا ورتالىق كوميتەتىنىڭ رەفورما جاساۋدى ونان ارى تەرەڭدەتۋدەگى ورتالىقتانعان ٴبىر تۇتاس باسشىلىعىنا تاباندى بولىپ، شەگە قاعۋ رۋحىمەن رەفورما جاساۋدى تياناقتاندىرۋدى ويداعىداي يگەرىپ، رەفورمانى ونان ارى جاپپاي تەرەڭدەتۋ ستراتەگيالىق ورنالاستىرۋىن جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ قۋاتتى كۇشىنە اينالدىرۋ كەرەك.
جۇڭگو ۇلگىسىندەگى وسىزامانداندىرۋ رەفورما جاساۋ، ەسىك اشۋ بارىسىندا ۇزدىكسىز ىلگەرىلەتىلەدى، سونداي ـ اق رەفورما جاساۋ، ەسىك اشۋ بارىسىندا كەڭ كەلەشەك اشاتىندىعى داۋسىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، رەفورما جاساۋ، ەسىك اشۋ تۋىن بيىك ۇستاپ، زەيىن ـ زەردەنى، كۇش ـ قۋاتتى شوعىرلاندىرىپ، قايراتتانا العا ۇمتىلىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ ٴۇشىن، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا قۇلشىنا كۇرەس جۇرگىزەيىك!
(شينحۋا اگەنتتىگىنىڭ 7 ـ ايدىڭ 18 ـ كۇنى بەيجيڭنەن بەرگەن حابارى)
