شينحۋا اگەنتتىگىنىڭ 7 ـ ايدىڭ 18 ـ كۇنى بەيجيڭنەن بەرگەن حابارى. ورتالىق كوميتەت ۇگىت ٴبولىمى 7 ـ ايدىڭ 18 ـ كۇنى كەشتە بەيجيڭدە پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ تەلەۆيزور ـ تەلەفون ٴماجىلىسىن اشتى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ٴبولىمىنىڭ باستىعى لي شۋلەي ماجىلىسكە قاتىناستى ٴارى ٴسوز سويلەدى، بىلاي دەپ باسا دارىپتەدى: پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، ۇعىنىپ، ”ەكىنى تۇراقتاندىرۋدى“ باتىل قولداۋ، ”ەكىنى قورعاۋدى“ باتىل ورىنداۋ ساياسي سانالىلىعىن كۇشەيتىپ، جالپى ٴماجىلىس رۋحىن ۇيرەنۋ، ۇگىتتەۋ، دايەكتىلەندىرۋ ورلەۋىن كوتەرۋدى بار كۇشتى سالا ىلگەرىلەتۋ كەرەك.
ٴماجىلىس مىنانى اتاپ كورسەتتى: پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ شەشۋشى مەزگىلىندە اشىلعان ٴبىر رەتكى توتەنشە ماڭىزدى ٴماجىلىس. جالپى ٴماجىلىس ماقۇلداعان «قاۋلى» _ جاڭا تاريحي باستامادا رەفورمانى جاپپاي تەرەڭدەتۋدىڭ كەڭدىككە جانە تەرەڭدىككە قاراي بەت الۋىن ىلگەرىلەتۋدەگى تاعى ٴبىر رەتكى جالپىلىق جۇمىلدىرۋ، جالپىلىق ورنالاستىرۋ، ٴارى پارتيا 18 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىنەن بەرگى رەفورمانى جاپپاي تەرەڭدەتۋدىڭ امالياتتىق جالعاسى، ٴارى جاڭا جورىقتا جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ داۋىرلىك تىڭ پاراعى بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇڭگوشا سوتسياليستىك ٴتۇزىمدى كەمەلدەندىرۋدەگى جانە دامىتۋداعى، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدەگى تاريحي ىرىقتىلىعىن، رەفورمانى ونان ارى جاپپاي تەرەڭدەتۋ ارقىلى جۇڭگو ۇلگىسىندەگى وسىزامانداندىرۋدىڭ كەڭ كەلەشەگىن اشۋ بەرىك بەكىمىن تولىق ايگىلەپ، ەل ىشىنە، حالىقاراعا پارتيامىزدىڭ رەفورما جاساۋ، ەسىك اشۋ تۋىن بۇلجىماي بيىك ۇستايتىن كۇشتى سيگنالىن تاراتتى.
ٴماجىلىس مىنانى باسا دارىپتەدى: ۇگىت، يدەيا، مادەنيەت شەبى باستاماشىلدىقپەن جالپى ٴماجىلىس رۋحىن ويداعىداي ۇيرەنىپ، ويداعىداي ٴتۇسىنىپ، ۇگىتتەۋدى، حابارلاۋدى دەن قويا ۇيىمداستىرىپ، شوعىرلى ۇگىت لەكسيانى كەڭ كولەمدە ورىستەتىپ، نازاريالىق زەرتتەۋدى، ٴتۇسىندىرۋدى تەرەڭدەتىپ، سىرتقا ۇگىتتەۋدى، ٴتۇسىندىرۋدى بەلسەنە ورىستەتىپ، جالپى ٴماجىلىس رۋحىنىڭ جۇرت كوڭىلىنە تەرەڭ ۇيالاۋىن ىلگەرىلەتىپ، رەفورمانى ونان ارى جاپپاي تەرەڭدەتۋدەگى ستراتەگيالىق ورنالاستىرۋدى جۇڭگو ۇلگىسىندەگى وسىزامانداندىرۋدى ىلگەرىلەتەتىن قۇدىرەتتى كۇش ـ قۋاتقا اينالدىرۋى كەرەك.
