جۇڭگو كوممۋنيستىك پارتياسى ورتالىق كوميتەتىنىڭ رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ تۋرالى قاۋلىسى جونىندە پىكىر الىندى
جۇڭگو كوممۋنيستىك پارتياسى ورتالىق كوميتەتى پارتيا سىرتىنداعى قايراتكەرلەر اڭگىمە ٴماجىلىسىن اشتى
شي جينپيڭ باسقاردى ٴارى ماڭىزدى ٴسوز سويلەدى
ۋاڭ حۋنيڭ، ساي چي، ديڭ شۋەشياڭ قاتىناستى
شينحۋا اگەنتتىگىنىڭ 7 ـ ايدىڭ 19 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى 5 ـ ايدىڭ 20 ـ كۇنى جۇڭنانحايدا پارتيا سىرتىنداعى قايراتكەرلەر اڭگىمە ٴماجىلىسىن اشىپ، جۇڭگو كوممۋنيستىك پارتياسى ورتالىق كوميتەتىنىڭ رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ تۋرالى قاۋلىسى جونىندە دەموكراتيالىق پارتيا ـ توپتاردىڭ ورتالىق كوميتەتتەرىنىڭ، مەملەكەتتىك ساۋدا ـ ونەركاسىپشىلەر بىرلەستىگى جاۋاپتىلارىنىڭ جانە پارتيادا، توپتا جوق قايراتكەرلەر ۋاكىلدەرىنىڭ پىكىرلەرى مەن ۇسىنىستارىن تىڭدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ اڭگىمە ٴماجىلىسىن باسقاردى ٴارى ماڭىزدى ٴسوز سويلەپ بىلاي دەپ باسا دارىپتەدى: جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ٴماجىلىسى 20 ـ كەزەكتى ورتالىق كوميتەتتىڭ ٴۇشىنشى جالپى ٴماجىلىسىن اشىپ، رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ ماسەلەسىن ٴتۇيىندى اقىلداسۋدى، ورنالاستىرۋدى ٴارى قاۋلى شىعارۋدى ۇيعاردى، مۇندا جاڭا جورىقتا پارتيا مەن مەملەكەت ٴدوپ كەلگەن جاڭا جاعداي، جاڭا مىندەت شىعار ٴتۇيىن ەتىپ ويلاستىرىلعان، ماقسات _ جۇڭگو كوممۋنيستىك پارتياسى 20 ـ قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، رەفورمانى اناعۇرلىم جاپپاي تەرەڭدەتۋ جونىندە جۇيەلى جوسپار جانە ورنالاستىرۋ جاساپ، ەكىنشى 100 جىلدىق كۇرەس نىساناسىن جۇزەگە اسىرۋعا قۋاتتى قوزعاۋشى كۇش جانە ٴتۇزىم قامتاماسىزدىعىن ازىرلەۋ.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى ۋاڭ حۋنيڭ، ساي چي، ديڭ شۋەشياڭ اڭگىمە ماجىلىسىنە قاتىناستى.
اڭگىمە ماجىلىسىندە جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ٴتوراعاسى جىڭ جيانباڭ، جۇڭگو دەموكراتيالىق وداعى ورتالىق كوميتەتىنىڭ ٴتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ٴتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ٴتوراعاسى ساي دافىڭ، جۇڭگو شارۋا ـ جۇمىسشى دەموكراتيالىق پارتياسى ورتالىق كوميتەتىنىڭ ٴتوراعاسى حى ۋي، جۇڭگو ادىلەت پارتياسى ورتالىق كوميتەتىنىڭ ٴتوراعاسى جياڭ زوجۇن، ”3 ـ قىركۇيەك“ ٴىلمي قوعامى ورتالىق كوميتەتىنىڭ ٴتوراعاسى ۋ ۋيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ٴتوراعاسى سۋ حۇي، مەملەكەتتىك ساۋدا ـ ونەركاسىپشىلەر بىرلەستىگىنىڭ ٴتوراعاسى گاۋ يۇنلۇڭ، پارتيادا، توپتا جوق قايراتكەرلەردىڭ ۋاكىلى پۋ شىلۇڭ ىلگەرىندى ـ كەيىندى لەبىز ٴبىلدىردى. ولار جۇڭگو كوممۋنيستىك پارتياسى ورتالىق كوميتەتىنىڭ رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ تۋرالى قاۋلى نۇسقاسىن بۇكىلدەي قۇپتايتىندىقتارىن بىلدىرە كەلىپ، ٴبىر اۋىزدان بۇل رەفورمانى اناعۇرلىم جاپپاي تەرەڭدەتۋدىڭ كەلەلى شارالارىن عىلمي جوسپارلاپ، جاڭا تاريحي باستاماداعى، جاڭا تاريحي باعىتتاعى رەفورمانىڭ جەتەكشى يدەياسى، نىسانا پرينسيبى جانە كەلەلى مىندەتتەرى سياقتىلاردى ايقىندادى، كەلەلى نازاريالىق مانگە، امالياتتىق مانگە جانە داۋىرلىك مانگە يە دەپ قارادى ٴارى ەكونوميكانىڭ ومىرشەڭدىك كۇشىن تاسقىنداتۋ، وڭىرلەردىڭ سايكەستى دامۋ جاڭا ارناسىن قالىپتاستىرۋ، جان سانىنىڭ جوعارى ساپالى دامۋىن جەبەۋ، جاڭاشا وندىرگىش كۇشتى دامىتۋ، ەمدەۋ، ٴدارى ـ دارمەك، دەنساۋلىق ساقتاۋ ٴتۇزىلىسى رەفورماسىن تەرەڭدەتۋ، دارىندىلاردى تاربيەلەۋدەگى مەحانيزمدىك بوگەتتەردى تالقانداۋ، عىلىم ـ تەحنيكادا جاڭالىق اشۋعا ۇيلەسەتىن عىلىم ـ تەحنيكا فينانسى جۇيەسىن قۇرۋ، مەملەكەت مەنشىگىندەگى كاسىپورىندار مەن حالىق باسقارۋىنداعى كاسىپورىنداردىڭ سايكەسە جاڭالىق اشۋىن ىلگەرىلەتۋ، جوعارى دەڭگەيدە سىرتقا ەسىك اشۋدى ىلگەرىلەتۋ، ەكى جاعالاۋدىڭ توعىسپالى دامۋىن جەبەۋ سياقتىلار جونىندە پىكىر جانە ۇسىنىس بەردى.
كوپشىلىكتىڭ ٴسوزىن مۇقيات تىڭداعاننان كەيىن، شي جينپيڭ ماڭىزدى ٴسوز سويلەدى. ول الدىمەن جۇڭگو كوممۋنيستىك پارتياسى ورتالىق كوميتەتىنىڭ پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسىنىڭ رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندەگى ويلارى مەن حۇجاتتاردى دايىنداۋعا قاتىستى جاعدايلاردى تانىستىردى. ول بىلاي دەپ اتاپ كورسەتتى: دەموكراتيانى اسقاقتاتۋ، كوپتىڭ پاراساتىن ساۋلەلەندىرۋ، ٴار جاقتىڭ پىكىرىن كەڭ كولەمدە تىڭداۋ _ جۇڭگو كوممۋنيستىك پارتياسى ورتالىق كوميتەتىنىڭ كەلەلى ماسەلەلەردى اقىلداسۋداعى، ماڭىزدى ٴماجىلىس حۇجاتتارىن دايىنداۋداعى داعدىلى ٴتاسىلى جانە تاڭداۋلى ٴداستۇرى. بىلتىر 12 ـ ايدا جۇڭگو كوممۋنيستىك پارتياسى ورتالىق كوميتەتىنىڭ تاپسىرۋىمەن ورتالىق كوميتەت بىرلىكساپ ٴبولىمى پارتيا سىرتىنداعى قايراتكەرلەردەن جۇڭگو كوممۋنيستىك پارتياسى 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ قاتىستى كەڭەستىك تاقىرىپتارى جونىندە ارناۋلى پىكىر جانە ۇسىنىس الدى، كوپشىلىك جاڭا داۋىردە رەفورمانى جاپپاي تەرەڭدەتۋدىڭ امالياتتىق تاجىريبەلەرىن، رەفورمانى اناعۇرلىم جاپپاي تەرەڭدەتۋدىڭ جالپى نىساناسىن، بويسۇنۋعا ٴتيىستى ماڭىزدى پرينسيبىن، ٴارقايسى سالانىڭ رەفورمانى اناعۇرلىم جاپپاي تەرەڭدەتۋدەگى نىسانا ـ مىندەتىن، كەلەلى شاراسىن، پارتيا سىرتىنداعى قايراتكەرلەردىڭ رەفورمانى جاپپاي تەرەڭدەتۋدەگى رولىن ساۋلەلەندىرۋ سياقتى ماسەلەلەردى ارقاۋ ەتە وتىرىپ كوپتەگەن قۇندى پىكىر جانە ۇسىنىس بەردى. كوپشىلىك الگىندە سوزدەرىندە جاقسى پىكىر ـ ۇسىنىستاردى ورتاعا قويدى، ٴبىز مۇقيات اقىلداسىپ قابىلدايمىز. ول جۇڭگو كوممۋنيستىك پارتياسى ورتالىق كوميتەتى اتىنان كوپشىلىككە العىس ايتتى.
شي جينپيڭ بىلاي دەپ باسا دارىپتەدى: رەفورمانى اناعۇرلىم جاپپاي تەرەڭدەتۋدە ماسەلەگە بەتپە ـ بەت كەلۋ كەرەك. ماسەلە تانىمىن كۇشەيتىپ، ماسەلەنى باعدار ەتۋدى كورنەكتىلەندىرىپ، دامۋ قاجەتىن ارقاۋ ەتىپ، حالىقتىڭ كوكسەگەن ارمانىنا قاراي بەيىمدەلىپ، جوعارى ساپالى دامۋعا تەجەۋ بولاتىن بوگەتتىك ماسەلەلەردى، قوعامدىق ادىلدىك پەن ادىلەتتىلىككە ىقپال جاسايتىن قولامتالى ماسەلەلەردى، حالىق تۇرمىسى جاعىنداعى قيىن ماسەلەلەردى، پارتيا قۇرىلىسىنداعى كورنەكتى ماسەلەنى، ٴارقايسى سالاداعى حاۋىپ ـ قاتەر ماسەلەسىن كۇش سالا شەشىپ، رەفورمانىڭ باعىتتامالىلىعىن، ناقتى ونىمدىلىگىن كۇشەيتۋ كەرەك. ۇستىنەن وڭاۋ مەن تۇبىرىنەن وڭاۋعا، تۇبىرىنەن وڭاۋدى ماڭىزدى ورىنعا قويۋعا تاباندى بولىپ، ٴارى جان ـ جاقتى بولۋ جاعىنا ۇزدىكسىز كۇش سالىپ، رەفورما شاراسىنىڭ جۇڭگو ۇلگىسىندەگى وسىزامانداندىرۋدى ىلگەرىلەتۋدە شەشۋ قاجەت بولعان كورنەكتى ماسەلەلەردى تۇتاس قامتۋىنا مۇمكىندىك جاساۋ؛ ٴارى تەرەڭدەتۋ جاعىنا ۇزدىكسىز ناقتى كۇش جۇمساپ، ەكونوميكا ٴتۇزىلىسى سىندى ماڭىزدى ٴتۇيىندى كورنەكتىلەندىرىپ، تەرەڭ قاتپارلى ٴتۇزىلىس ـ مەحانيزم كەدەرگىسىن جانە قۇرىلىمدىق قايشىلىقتى كۇش سالا تالقانداۋ كەرەك.
شي جينپيڭ بىلاي دەپ اتاپ كورسەتتى: رەفورمانى اناعۇرلىم جاپپاي تەرەڭدەتۋدە، ٴسوز جوق، ورتاق تانىمدى كۇشەيتۋ كەرەك. بۇكىل پارتيانىڭ، بۇكىل ەل حالقىنىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، ويدى ٴبىر اراعا شوعىرلاندىرىپ، كۇشتى ٴبىر اراعا جۇمساۋ كەرەك. تەكسەرۋ ـ زەرتتەۋدى جاپپاي جۇرگىزىپ، بۇقارالىق لۋشيانمەن ويداعىداي ٴجۇرىپ، حالىقتىڭ قاجەتىن ٴبىلىپ، حالىقتان اقىل ـ كەڭەس الىپ، نەگىزگى ساتىنىڭ جانە بۇقارانىڭ ٴتول جاسامپازدىق رۋحىنا قۇرمەت ەتىپ، بۇقارانىڭ شۇعىل، قيىن، ۋايىمداعان، ٴزارۋ ىستەرىنەن رەفورمانىڭ كۇش سالۋ ٴتۇيىنى مەن قامال الۋ ٴتۇيىنىن ٴداپ باسىپ تابۋعا ٴمان بەرىپ، بۇقارانىڭ تابىس سەزىمىن، شىنايى مويىنداۋ دەڭگەيىن كۇشەيتۋ كەرەك. دەموكراتيانى اسقاقتاتىپ، كوپ پاراساتىن ساۋلەلەندىرۋگە تاباندى بولىپ، رەفورما شەشىمىنىڭ عىلميلىعىن جانە رەفورمانى تياناقتاندىرۋداعى اتقارۋ قابىلەتىن كۇشەيتۋ كەرەك.
شي جينپيڭ بىلاي دەپ باسا دارىپتەدى: رەفورمانى جوسپارلاۋ مەن ىلگەرىلەتۋدە، ٴسوز جوق، جۇيە كوزقاراسىنا، جالپى جاعداي كوزقاراسىنا تاباندى بولىپ، ستراتەگيالىق وي جۇگىرتۋدى، ديالەكتيكالىق وي جۇگىرتۋدى كۇشەيتىپ، جەڭىل، اۋىر، باياۋ، شۇعىلىن پارىقتاندىرىپ، جۇيەلى دە شوعىرلى بولۋعا اناعۇرلىم باسا ٴمان بەرۋ كەرەك. رەفورما شاراسىنىڭ سايكەستى، تۇلعالى بولۋىن كۇشەيتىپ، ٴارقايسى سالا، ٴارقايسى جاقتاعى رەفورما شاراسىنىڭ ٴبىر باعىتتا كۇش سالۋىن ىلگەرىلەتىپ، تۇلعالىق ونىمدىلىكتى كۇشەيتۋ كەرەك. قاتىستى جاقتار، قاتىستى تاراۋلار، قاتىستى سالالار رەفورمانى ىلگەرىلەتۋدىڭ بىرىككەن كۇشىن قالىپتاستىرىپ، اركىم ٴوز بىلگەنىن ىستەۋدەن، ٴبىر ـ بىرىنە ورالعى بولۋدان قاتاڭ ساقتانۋى جانە ونى جەڭۋى كەرەك.
شي جينپيڭ بىلاي دەپ اتاپ كورسەتتى: رەفورمادا جوسپارلاۋعا ٴمان بەرۋ كەرەك، ونان دا ماڭىزدىسى، تياناقتاندىرۋدى ويداعىداي يگەرۋ كەرەك. شەگە قاعۋ رۋحىن ساۋلەلەندىرىپ، دۇرىس ناتيجە كوزقاراسىن ورناتىپ جانە امالياتتا ايگىلەپ، ناقتى جاعدايعا تەكسەرۋ جۇرگىزىپ، ناقتى شارا اتقارىپ، ناقتى ونىمدىلىككە تالپىنىپ، فورماشىلدىقتان قاتاڭ ساقتانىپ جانە ونى جەڭىپ، سىرتى عانا جىلتىراعان وبراز ينجەنەرياسىمەن، حالىقتى قالجىراتىپ، اقشانى بوسقا شاشاتىن ناتيجە ينجەنەرياسىمەن اينالىسۋدان قاتاڭ ساقتانۋ كەرەك. اتقارۋ جوباسىن ويداعىداي جاساپ، دالمە ـ ٴدال شارا اتقارىپ، ٴدال ۋاعىندا، ۇيلەسىمدى ىستەپ، بار كۇشتى سالىپ ٴىس تىندىرىپ، شاماعا قاراي ٴىس ىستەپ، ٴىس جۇزىندىكتەن الشاقتاۋدان قاتاڭ ساقتانۋ كەرەك. ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، الدىمەن ورناتۋ، سوڭىنان قالدىرۋعا ٴمان بەرۋ كەرەك، ورناتپاي جاتىپ قالدىرۋعا بولمايدى. ۇيىمدىق باسشىلىقتى كۇشەيتىپ، جاۋاپكەرشىلىكتى قاتايتىپ، ناقتىلاندىرىپ، ٴار دارەجەلى باسشىلىق القاسى مەن باسشى كادرلاردىڭ رەفورمانى تياناقتاندىرۋ قابىلەتى مەن دەڭگەيىن جوعارىلاتىپ، پارتيا ورتالىق كوميتەتىنىڭ رەفورما شەشىمدەرىنىڭ، ورنالاستىرۋلارىنىڭ ناقتى ونىمدىلىك كورسەتۋىنە شىنايى كەپىلدىك ەتۋ كەرەك.
لي گانجيە، لي شۋلەي، لي حۇڭجۇڭ، حى ليفىڭ، جاڭ گوچيڭ، چىن ۋىنچيڭ، ۋاڭ شياۋحۇڭ، مۋ حۇڭ، جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار اڭگىمە ماجىلىسىنە قاتىناستى.
اڭگىمە ماجىلىسىنە قاتىناسقان پارتيا سىرتىنداعى قايراتكەرلەردەن شاۋ حۇڭ، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن جانە جاڭ ىندي، جياڭ ليپيڭ، فاڭ گۋاڭحۋا، ياڭ حۋايۇڭ قاتارلىلار بار.
