پارتيانىڭ جاپپاي باسشىلىعىنا تاباندى بولىپ، رەفورمانىڭ باستان ـ اياق دۇرىس ساياسي بەتالىسپەن العا ىلگەرىلەۋىنە شىنايى كەپىلدىك ەتەيىك
- پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
جۇڭگو كوممۋنيستىك پارتياسى ٴىرى پارتيا، ٴىرى ەلگە باسشىلىق ەتىپ، ۇلى ىستەردى جۇرگىزىپ وتىر. ٴار رەتكى كەلەلى تاريحي كەزەڭدە، پارتيا قاشاندا دۇرىس ساياسي ستراتەگيا مەن تاكتيكانى بەلگىلەپ، ٴبىزدى سانسىز حاۋىپ ـ قاتەرلەر مەن سىن ـ سايىستاردى جەڭىپ، ۇزدىكسىز جەڭىستەن ـ جەڭىسكە جەتۋگە جەتەكتەپ كەلەدى.
جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدىڭ شەشۋشى كەزەڭىندە، پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى بەيجيڭدە جەڭىسپەن وتكىزىلدى. جالپى ٴماجىلىس پارتيا مەن مەملەكەت ىستەرىنىڭ دامۋ جالپى جاعدايىنىڭ ستراتەگيالىق بيىگىن شىعار ٴتۇيىن ەتىپ، رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ ماسەلەسىن ٴتۇيىندى تۇردە زەرتتەپ، «جۇڭگو كوممۋنيستىك پارتياسى ورتالىق كوميتەتىنىڭ رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندەگى قاۋلىسىن» قاراپ ماقۇلدادى. بۇل جاڭا جورىقتا رەفورمانى اناعۇرلىم جاپپاي تەرەڭدەتۋگە جەتەكشىلىك ەتەتىن تۇعىرنامالىق حۇجات، جاڭا تاريحي باستامادا رەفورمانى جاپپاي تەرەڭدەتۋدىڭ كەڭدىككە جانە تەرەڭدىككە قاراي بەت الۋىن ىلگەرىلەتۋدەگى تاعى ٴبىر رەتكى جالپىلىق جۇمىلدىرۋ، جالپىلىق ورنالاستىرۋ، ول شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇڭگوشا سوتسياليستىك ٴتۇزىمدى كەمەلدەندىرۋدەگى، دامىتۋداعى، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدەگى تاريحي ىرىقتىلىعىن، رەفورمانى اناعۇرلىم جاپپاي تەرەڭدەتۋ ارقىلى جۇڭگو ۇلگىسىندەگى وسىزامانداندىرۋدىڭ كەڭ كەلەشەگىن اشۋ بەرىك بەكىمىن تولىق ايگىلەدى، ەل ىشىنە، حالىقاراعا پارتيامىزدىڭ رەفورما جاساۋ، ەسىك اشۋ تۋىن بۇلجىماي بيىك ۇستايتىن كۇشتى سيگنالىن تاراتتى.
دامۋ بارىسىنداعى ماسەلەلەردى رەفورما ادىسىنەن پايدالانىپ شەشۋگە شەبەر بولۋ _ پارتيامىزدىڭ ەل باسقارۋداعى ماڭىزدى تاجىريبەسى. رەفورما جاساۋدىڭ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ جاڭا مەزگىلىندە ەلىمىز ارشىندى قاداممەن داۋىرگە ىلەسۋدە رەفورما جاساۋعا، ەسىك اشۋعا سۇيەندى. پارتيا 18 ـ قۇرىلتايىنان بەرى پارتيا مەن مەملەكەت ىستەرىندە تاريحي سيپاتتى تابىستارعا قول جەتكىزۋدە، تاريحي سيپاتتى وزگەرىس تۋدىرۋدا دا رەفورما جاساۋعا، ەسىك اشۋعا سۇيەندى. جاڭا داۋىردەگى جاڭا جورىقتا جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا جاعدايىن اشۋدا ٴالى دە رەفورما جاساۋعا، ەسىك اشۋعا سۇيەنۋ كەرەك. اماليات مىنانى تولىق دالەلدەدى: پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ ٴتۇبىرلى بەتالىسىنا، بولاشاق تاعدىرىنا، ەڭ سوڭىندا ٴساتتى ـ ٴساتسىز بولۋىنا تىكە قاتىستى.
پارتيا 18 ـ قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ، باستاپ، وراسان زور ساياسي باتىلدىقپەن جانە اقىل ـ پاراساتپەن رەفورمانى جاپپاي تەرەڭدەتۋدى ىلگەرىلەتىپ، تەرەڭ قويناۋعا ۇدەرە ىلگەرىلەۋگە باتىل بولىپ، قيىن تۇيىندەردى شەشۋگە باتىل بولىپ، تاۋەكەلگە بەل بۋىپ، جاڭا قايشىلىقتارعا، جاڭا سىن ـ سايىستارعا بەتپە ـ بەت كەلۋگە باتىل بولىپ، بۇرىن بولماعان تەبىنمەن شىت جاڭا جاعداي اشتى، ورتاعا قويعان ٴبىر قىدىرۋ جاسامپاز نازاريالار، قولدانعان ٴبىر قىدىرۋ كەلەلى شارالار، قول جەتكىزگەن ٴبىر قىدىرۋ كەلەلى سەرپىلىستەر تۇگەلدەي توڭكەرىستىك سيپات الادى. دۇنيە جۇزىنە كوز جىبەرەتىن بولساق، وسىنداي ساياسي ارىن مەن تاريحي جاۋاپكەرشىلىكتە بولىپ، باتىلدىقپەن كەڭ كوسىلگەن، پىشاق ٴدۇزىن ىشكە قاراتقان، وزىنە توڭكەرىس جاساعان مەملەكەت پەن ساياسي پارتيا بولعان ەمەس، وسىنشاما قىسقا ۋاقىت ىشىندە وسىنشاما زور اۋماقتى، وسىنشاما زور كولەمدى، وسىنشاما زور تەبىندى رەفورمانى ىلگەرىلەتكەن مەملەكەت پەن ساياسي پارتيا بولعان ەمەس. جاڭا داۋىردەن بەرى رەفورمانى جاپپاي تەرەڭدەتۋدىڭ تابىستى امالياتى مەن ۇلى تابىستارى، تۇپتەپ كەلگەندە، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى بولىپ جول باستاپ، رول ۇستاۋىنىڭ ارقاسى، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى، ”ەكىنى تۇراقتاندىرۋدىڭ“ ٴبىزدىڭ ٴتۇرلى حاۋىپ ـ قاتەرلەر مەن سىن ـ سايىستارعا توتەپ بەرۋىمىز، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋىمىز جونىنەن شەشۋشى ماڭىز الاتىندىعىن تولىق دالەلدەدى.
رەفورما جاساۋدىڭ، ەسىك اشۋدىڭ بەتالىسى، تۇرعىسى، پرينسيبى بار. جالپى ٴماجىلىس رەفورما جاساپ، ەسىك اشقاننان بەرگى، اسىرەسە، جاڭا داۋىردە رەفورمانى جاپپاي تەرەڭدەتۋ بارىسىنداعى قۇندى تاجىريبەلەردى قورىتىندىلاپ جانە قولدانىپ، رەفورمانى اناعۇرلىم جاپپاي تەرەڭدەتۋدە، ٴسوز جوق، دايەكتىلەندىرۋگە ٴتيىستى كەلەلى پرينسيپتەردى العا قويدى، مۇندا ”پارتيانىڭ جاپپاي باسشىلىعىنا تاباندى بولۋ“ ماڭداي الدى ورىنعا قويىلدى. جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ٴتۇزىمنىڭ ەڭ ۇلكەن ابىزالدىلىعى، رەفورمانى اناعۇرلىم جاپپاي تەرەڭدەتۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ٴتۇبىرلى كەپىلى ەكەندىگىن، ٴسوز جوق، جەتە تانۋ كەرەك. پارتيانىڭ جاپپاي باسشىلىعىنا تاباندى بولىپ، پارتيا ورتالىق كوميتەتىنىڭ بەدەلىن جانە ورتالىقتانعان ٴبىر تۇتاس باسشىلىعىن باتىل قورعاپ، پارتيانىڭ جالپى جاعدايدى ٴبىر تۇتاس مەڭگەرەتىن، ٴار جاقتى سايكەستىرەتىن باسشىلىق ۇيتقىلىق رولىن ساۋلەلەندىرىپ، پارتيا باسشىلىعىن رەفورمانىڭ ٴارقايسى جاعىنا، جالپى بارىسىنا ساباقتاستىرعاندا عانا، رەفورمانىڭ باستان ـ اياق دۇرىس ساياسي بەتالىسپەن العا ىلگەرىلەۋىنە شىنايى كەپىلدىك ەتۋگە بولادى.
تۋراشىلدىقتان اينىماعاندا عانا، باعداردان اداسپاۋعا، اۋدارىپ تاستاۋ سيپاتتى قاتەلىك وتكىزبەۋگە بولادى، جاڭالىق اشقاندا عانا، ٴداۋىردى يگەرۋگە، داۋىرگە جەتەكشىلىك ەتۋگە بولادى. جاڭا جورىقتا رەفورمانى اناعۇرلىم جاپپاي تەرەڭدەتۋدە، ٴسوز جوق، باس نىسانانى كوزدەپ، يدەيانى ازات ەتۋگە، شىندىقتى ٴىس جۇزىنەن ىزدەۋگە، داۋىرمەن بىرگە العا باسۋعا، شىندىققا جۇگىنىپ، ناقتى ٴىس ىستەۋگە تاباندى بولىپ، ٴارى جولدى وزگەرتپەيتىن، جىگەردى وزگەرتپەيتىن اسا كۇشتى تاباندىلىق تانىتىپ، جۇڭگوشا سوتسياليزمگە اۋىتقىماي تاباندى بولۋ، ٴارى باتىلدىقپەن جاڭالىق اشاتىن، باتىلدىقپەن قامال الاتىن جىگەر، ارىندى ساقتاپ، رەفورمانىڭ ۇزدىكسىز تىڭ تابىستارعا قول جەتكىزۋىن ىلگەرىلەتۋ كەرەك. ٴارى توماعا ـ تۇيىق، توقىراعان كونە سۇردەكپەن جۇرمەي، ٴارى باعداردان اداستىراتىن تەرىس جولعا تۇسپەي، جۇڭگوشا سوتسياليزم جولىمەن بۇلجىماي ٴجۇرىپ، رەفورمانى سوڭىنا دەيىن جۇرگىزگەندە عانا، ەلىمىزدىڭ دامۋ، العا باسۋ تاعدىرىن ٴوز قولىمىزدا بەرىك ۇستاۋىمىزعا بولادى.
پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ويداعىداي ۇيرەنۋ، ويداعىداي دايەكتىلەندىرۋ _ كەزەكتەگى جانە بۇدان بىلايعى ٴبىر مەزگىلدەگى بۇكىل پارتيانىڭ، بۇكىل ەلدىڭ كەلەلى ساياسي مىندەتى. رەفورما جەلكەن جايىپ، دابىل قاعىپ، قايتا جورىققا اتتانۋعا قۋزادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، باس شۋجي شي جينپيڭنىڭ رەفورمانى جاپپاي تەرەڭدەتۋ جونىندەگى ٴبىر قىدىرۋ جاڭا يدەيالارىن، جاڭا كوزقاراستارىن، جاڭا تۇجىرىمدارىن ىشكەرىلەي ۇيرەنىپ، دايەكتىلەندىرىپ، العان بەتىنەن قايتپايتىن كۇرەسكەرلىك بەينەمەن رەفورمانى العا ىلگەرىلەتسەك، ٴبىز، ٴسوز جوق، جۇڭگو ۇلگىسىندەگى وسىزامانداندىرۋدىڭ ايبىندى جوباسىن تاماشا رەالدىققا اينالدىرا الامىز.
(شينحۋا اگەنتتىگىنىڭ 7 ـ ايدىڭ 19 ـ كۇنى بەيجيڭنەن بەرگەن حابارى)
