_ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
پارتيانىڭ وزەكتى مىندەتتەرىن ارقاۋ ەتە وتىرىپ رەفورما جاساۋدى جوسپارلاۋ جانە ورنالاستىرۋ _ پارتيانىڭ رەفورما جاساۋعا، ەسىك اشۋعا باسشىلىق ەتۋدەگى تابىستى تاجىريبەسى. پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى «جۇڭگو كوممۋنيستىك پارتياسى ورتالىق كوميتەتىنىڭ رەفورمانى ونان ارى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ تۋرالى قاۋلىسىن» قاراپ ماقۇلداپ، جۇڭگو ۇلگىسىندەگى وسىزامانداندىرۋدى ىلگەرىلەتۋ سىندى وسى نەگىزگى تاقىرىپتى تىعىز ارقاۋ ەتە وتىرىپ رەفورمانى ونان ارى جاپپاي تەرەڭدەتۋ ستراتەگيالىق شارالارىن جوبالاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رەفورمانى ونان ارى جاپپاي تەرەڭدەتۋ ارقىلى جۇڭگو ۇلگىسىندەگى وسىزامانداندىرۋدىڭ كەڭ كەلەشەگىن اشۋ بەرىك بەكىمىن تولىق ايگىلەدى.
پارتيا 20 ـ قۇرىلتايى جاڭا ٴداۋىردىڭ جاڭا جورىعىنداعى پارتيانىڭ وزەكتى مىندەتتەرىن بەلگىلەپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە ستراتەگيالىق ورنالاستىرۋ جاسادى. وسى ستراتەگيالىق ورنالاستىرۋلاردى ناقتى تياناقتاندىرۋدا، جۇڭگو ۇلگىسىندەگى وسىزامانداندىرۋدىڭ ايبىندى جوباسىن رەالدىققا اينالدىرۋدا رەفورمانى ونان ارى جاپپاي تەرەڭدەتۋ كەرەك. جاڭا جورىقتا ٴبىز نەگە سۇيەنىپ زەيىن ـ زەردەنى، كۇش ـ قۋاتتى ونان ارى شوعىرلاندىرامىز؟ جۇڭگو ۇلگىسىندەگى وسىزامانداندىرۋعا سۇيەنەمىز. جالپى ماجىلىستە رەفورمانى ونان ارى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ ماسەلەسىنىڭ ٴتۇيىندى تۇردە زەرتتەلۋى ٴدال جۇرت تىلەگىن ۇيىستىرىپ، كۇش ـ قۋات توپتاپ، جاڭا ٴداۋىردىڭ جاڭا جورىعىنداعى پارتيانىڭ وزەكتى مىندەتتەرىن جۇزەگە اسىرۋدىڭ كوكەي تەستى قاجەتى.
جالپى ٴماجىلىس بىلاي دەپ اتاپ كورسەتتى: قىم ـ قۋىت، كۇردەلى حالىقارالىق جانە ەل ٴىشى جاعدايى الدىندا، جاڭا كەزەكتى عىلىم ـ تەحنيكا توڭكەرىسى مەن شارۋاشىلىق وزگەرىسى الدىندا، حالىق بۇقاراسىنىڭ تىڭ تىلەگى الدىندا، ٴسوز جوق، سانالىلىقپەن رەفورمانى اناعۇرلىم كورنەكتى ورىنعا قويىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى تىعىز ارقاۋ ەتىپ، رەفورمانى ونان ارى جاپپاي تەرەڭدەتۋ كەرەك. مىنانى سەرگەكتىكپەن كورە ٴبىلۋىمىز كەرەك: جۇڭگوشا سوتسياليستىك ٴتۇزىمدى كەمەلدەندىرۋ _ قوزعالىستىق بارىس، امالياتتىڭ دامۋىنا ىلەسە ۇزدىكسىز دامىپ، بۇرىننان بار ٴتۇزىمنىڭ ۇزدىكسىز اقاۋسىزداندىرۋدى قاجەت ەتەتىندىگى، جاڭا سالانىڭ، جاڭا امالياتتىڭ تۇزىمدە جاڭالىق اشۋدى ىلگەرىلەتىپ، ٴتۇزىم جاعىنداعى اقتاڭداقتى تولتىرۋدى قاجەت ەتەتىندىگى داۋسىز. تەك رەفورمانى ونان ارى جاپپاي تەرەڭدەتىپ، ٴار جاقتاعى ٴتۇزىلىس ـ مەحانيزمدى ۇزدىكسىز كەمەلدەندىرگەندە عانا، جۇڭگو ۇلگىسىندەگى وسىزامانداندىرۋعا تۇزىمدىك قامتاماسىزدىق ازىرلەۋگە بولادى. قازىر جوعارى ساپالى دامۋدى ىلگەرىلەتۋدە ٴدوپ كەلگەن كورنەكتى ماسەلە ٴالى دە دامۋدىڭ بىركەلكى بولماۋى، تولىق بولماۋى، وسى ماسەلەلەر تۇگەلدەي قوعامنىڭ باستى قايشىلىعىنىڭ وزگەرىسىنىڭ بەينەسى، دامۋ بارىسىنداعى ماسەلە. تەك رەفورمانى ونان ارى جاپپاي تەرەڭدەتكەندە عانا، جوعارى ساپالى دامۋ ارقىلى جۇڭگو ۇلگىسىندەگى وسىزامانداندىرۋدى جاپپاي ىلگەرىلەتۋگە قۋاتتى قوزعاۋشى كۇش ازىرلەي الامىز. جۇڭگو ۇلگىسىندەگى وسىزامانداندىرۋدى ىلگەرىلەتۋ _ شىت جاڭا ٴىس، العا باسۋ جولىندا ٴتۇرلى قايشىلىقتارعا جانە حاۋىپ ـ قاتەرلەرگە، سىن ـ سايىستارعا جولىعارىمىز داۋسىز. تەك رەفورمانى ونان ارى جاپپاي تەرەڭدەتكەندە عانا، كەمەلدى ٴتۇزىم ارقىلى حاۋىپ ـ قاتەردەن ساقتانىپ جانە ونى جويىپ، سىن ـ سايىستارعا ٴونىمدى توتەپ بەرىپ، پارتيا مەن مەملەكەت ىستەرىنىڭ ۇزدىكسىز العا ىلگەرىلەۋىن جەبەي الامىز.
جالپى ماجىلىستە جۇڭگو ۇلگىسىندەگى وسىزامانداندىرۋدى ارقاۋ ەتىپ رەفورمانى ونان ارى جاپپاي تەرەڭدەتۋدىڭ جالپى تۇلعالىق ورنالاستىرۋى عىلمي جوسپارلاندى، بۇل مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدە كەلەلى دە تەرەڭ ٴمان الادى. جۇڭگوشا سوتسياليستىك ٴتۇزىمدى ۇزدىكسىز كەمەلدەندىرۋ جانە دامىتۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ باس نىساناسىن كوزدە ۇستاپ، نازاردى جوعارى دەڭگەيدەگى سوتسياليستىك بازار شارۋاشىلىعى ٴتۇزىلىسىن ورناتۋعا شوعىرلاندىرىپ، نازاردى جالپى بارىستىق حالىق دەموكراتياسىن دامىتۋعا شوعىرلاندىرىپ، نازاردى سوتسياليستىك مادەنيەتتە قۋاتتى ەل قۇرۋعا شوعىرلاندىرىپ، نازاردى حالىقتىڭ تۇرمىس ساپاسىن جوعارىلاتۋعا شوعىرلاندىرىپ، نازاردى كورىكتى جۇڭگو قۇرۋعا شوعىرلاندىرىپ، نازاردى اناعۇرلىم جوعارى دەڭگەيدەگى تىنىش جۇڭگو قۇرۋعا شوعىرلاندىرىپ، نازاردى پارتيانىڭ باسشىلىق دەڭگەيى مەن ۇزاق ۋاقىت بيلىك جۇرگىزۋ قابىلەتىن جوعارىلاتۋعا شوعىرلاندىرىپ، رەفورمانى ۇزدىكسىز العا ىلگەرىلەتۋ كەرەك. جۇيەلى شوعىرلاندىرۋعا اناعۇرلىم باسا ٴمان بەرىپ، ماڭىزدى ٴتۇيىندى كورنەكتىلەندىرۋگە اناعۇرلىم باسا ٴمان بەرىپ، رەفورمانىڭ ناقتى ونىمدىلىگىنە اناعۇرلىم باسا ٴمان بەرىپ، دالمە ـ ٴدال كۇش سالساق، سايكەسە كۇش سالساق، ۇزدىكسىز كۇش سالساق، ٴسوز جوق، 2035 ـ جىلعا دەيىنگى نىسانانى جۇزەگە اسىرىپ، جوعارى دەڭگەيدەگى سوتسياليستىك بازار شارۋاشىلىعى ٴتۇزىلىسىن جاپپاي ورناتىپ، جۇڭگوشا سوتسياليستىك ٴتۇزىمدى اناعۇرلىم كەمەلدەندىرىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى نەگىزىنەن جۇزەگە اسىرىپ، سوتسياليستىك وسىزامانداندىرۋدى نەگىزىنەن جۇزەگە اسىرىپ، وسى عاسىردىڭ ورتا شەنىنە بارعاندا جاپپاي سوتسياليستىك وسىزاماندانعان قۇدىرەتتى مەملەكەت قۇرۋعا بەرىك نەگىز قالاي الامىز.
جۇڭگو ۇلگىسىندەگى وسىزامانداندىرۋدى ىلگەرىلەتۋدى تىعىز ارقاۋ ەتىپ، رەفورمانى ونان ارى جاپپاي تەرەڭدەتۋدە، پارتيانىڭ جالپى بەتتىك باسشىلىعىنا تاباندى بولۋ، حالىقتى وزەك ەتۋگە تاباندى بولۋ، تۋراشىلدىقتان اينىماي جاڭالىق اشۋعا تاباندى بولۋ، ٴتۇزىم قۇرىلىسىن نەگىزگى جەلى ەتۋگە تاباندى بولۋ، مەملەكەتتى جاپپاي زاڭمەن باسقارۋعا تاباندى بولۋ، جۇيە كوزقاراسىنا تاباندى بولۋ سياقتى پرينسيپتەردى دايەكتىلەندىرۋ كەرەك. ٴسوز جوق، مىنانى تەرەڭ تانۋ كەرەك: وسى كەلەلى پرينسيپتەر _ رەفورما جاساعاننان، ەسىك اشقاننان بەرى، اسىرەسە، جاڭا داۋىردە رەفورمانى جاپپاي تەرەڭدەتۋدىڭ باعالى تاجىريبەلەرى جونىندە جاسالعان عىلمي قورىتىندى، پارتيامىزدىڭ رەفورما جونىندەگى زاڭدىلىق سيپاتتى تانىمدى ۇزدىكسىز تەرەڭدەتۋىنىڭ كەلەلى جەتىستىگى، رەفورمانى ونان ارى جاپپاي تەرەڭدەتۋدىڭ عىلميلىعىن، بولجامدىلىعىن، ىرىقتىلىعىن، جاسامپازدىعىن كۇشەيتۋدە، رەفورمانىڭ ورنىقتى قاداممەن الىسقا جەتۋىن ىلگەرىلەتۋدە كەلەلى جەتەكشى ٴمان الادى. جاڭا جورىقتا وسى كەلەلى پرينسيپتەردى دايەكتىلەندىرىپ، پارتيا باسشىلىعىن رەفورمانىڭ ٴارقايسى جاعىنا، جالپى بارىسىنا ساباقتاستىرىپ، حالىقتىڭ نەگىزگى تۇلعالىق ورنىنا جانە ٴتول جاسامپازدىق رۋحىنا قۇرمەت ەتىپ، جۇڭگوشا سوتسياليزمگە اۋىتقىماي تاباندى بولىپ، ٴتۇبىرلى ٴتۇزىمدى بەكەمدەپ، نەگىزگى ٴتۇزىمدى كەمەلدەندىرىپ، ماڭىزدى تۇزىمدە جاڭالىق اشىپ، زاڭمەن باسقارۋ وي جەلىسى مەن زاڭمەن باسقارۋ ٴتاسىلىن شەبەرلىكپەن قولدانىپ رەفورمانىڭ قيىن ماسەلەلەرىن شەشىپ، رەفورمانىڭ جۇيەلىلىگىن، ٴبىر تۇلعالىلىعىن، سايكەسىمدىلىگىن كۇشەيتسەك، ٴسوز جوق، رەفورمانى ىلگەرىلەتۋدە ۇزدىكسىز تىڭ سەرپىلىسكە قول جەتكىزە الامىز.
جۇڭگو ۇلگىسىندەگى وسىزامانداندىرۋ رەفورما جاساۋ، ەسىك اشۋ بارىسىندا ۇزدىكسىز ىلگەرىلەيدى، سونداي ـ اق رەفورما جاساۋ، ەسىك اشۋ بارىسىندا كەڭ كەلەشەك اشاتىندىعى داۋسىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، رەفورمانى ونان ارى جاپپاي تەرەڭدەتۋ نەگىزگى تاقىرىبىن، كەلەلى پرينسيبىن، كەلەلى شارالارىن، ٴتۇبىرلى كەپىلىن تەرەڭدەي ٴتۇسىنىپ جانە يگەرىپ، قايراتتانا العا ۇمتىلىپ، ٴورىس اشا جاڭالىق اشساق، ٴسوز جوق، جاڭا جورىقتا رەفورما جاساۋدىڭ، ەسىك اشۋدىڭ جاڭا تاراۋىن جازىپ، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋدە كەدەرگىلەردەن، بوگەتتەردەن تايسالماي ٴوتىپ، ارىنداي العا ىلگەرىلەي الامىز.
(شينحۋا اگەنتتىگىنىڭ 7 ـ ايدىڭ 20 ـ كۇنى بەيجيڭنەن بەرگەن حابارى)
