_ شينجياڭداعى ٴار سالاداعىلار پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن قىزۋ تالقىلادى
انار بۇلت \ شينجياڭ گازەتىنىڭ تىلشىلەرى
زاڭمەن باسقارۋ _ جۇڭگو ۇلگىسىندەگى وسىزامانداندىرۋدىڭ ماڭىزدى كەپىلى. پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىندە رەفورمانى ونان ارى جاپپاي تەرەڭدەتۋدە، ٴسوز جوق، پارتيانىڭ جالپى بەتتىك باسشىلىعىنا تاباندى بولۋ، حالىقتى وزەك ەتۋگە تاباندى بولۋ، تۋراشىلدىقتان اينىماي جاڭالىق اشۋعا تاباندى بولۋ، ٴتۇزىم قۇرىلىسىن نەگىزگى جەلى ەتۋگە تاباندى بولۋ، مەملەكەتتى جاپپاي زاڭمەن باسقارۋعا تاباندى بولۋ، جۇيە كوزقاراسىنا تاباندى بولۋ سياقتى پرينسيپتەردى دايەكتىلەندىرۋ ايقىندالدى، بۇل شينجياڭداعى قالىڭ كادرلار مەن بۇقارا اراسىندا قىزۋ اڭىس قوزعادى. كوپشىلىك ٴبىر اۋىزدان مىنالاردى ٴبىلدىردى: زاڭ ەرەجە شىعارۋ، زاڭ اتقارۋ، ٴادىليا جۇرگىزۋ، زاڭعا بويسۇنۋ بۋىندارىنداعى رەفورمانى سايكەستى ىلگەرىلەتىپ، شينجياڭدى زاڭمەن باسقارۋدى ىشكەرىلەي ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە اناعۇرلىم كوپ زاڭمەن باسقارۋ كۇشىن قوسامىز.
جالپى ٴماجىلىس مىنالاردى ورتاعا قويدى: جالپى بارىستىق حالىق دەموكراتياسىن دامىتۋ _ جۇڭگو ۇلگىسىندەگى وسىزامانداندىرۋدىڭ ماندىك تالابى. ”ٴبىز زاڭ ەرەجە شىعارۋدىڭ رەفورما بارىسىنداعى جەتەكشىلىك، ارناعا ٴتۇسىرۋ، ىلگەرىلەتۋ جانە قامتاماسىز ەتۋ رولىن ويداعىداي ساۋلەلەندىرىپ، جەرگىلىكتى زاڭ ەرەجە شىعارۋ ارقىلى رەفورمانى ونان ارى جاپپاي تەرەڭدەتۋگە تۇزىمدىك تىرەك ازىرلەيمىز“. اۆتونوميالى رايوندىق حالىق قۇرىلتايى تۇراقتى كوميتەتى زاڭ ـ ٴتۇزىم قىزمەتى كوميتەتىنىڭ مەڭگەرۋشىسى لي جۋان مىنالاردى ٴبىلدىردى: زاڭ ەرەجە شىعارۋ بارىسىندا جالپى بارىستىق حالىق دەموكراتياسىنا تاباندى بولىپ، حالىق قۇرىلتايى ۋاكىلدەرى، مامان ـ وقىمىستىلار، حالىق بۇقاراسى سياقتى قوعامداعى ٴار جاقتىڭ زاڭ ەرەجە شىعارۋعا ات سالىسۋىنىڭ كەڭدىگى مەن تەرەڭدىگىن ۇزدىكسىز كەڭەيتىپ، زاڭ ەرەجە شىعارۋدىڭ پارتيانىڭ دارىپتەمەسىن شىن مانىندە ايگىلەپ، رەفورما مەن دامۋعا ۇيلەسۋىنە مۇمكىندىك جاساپ، حالىقتىڭ تىلەگىن قاناعاتتاندىرۋ كەرەك. جالپى ٴماجىلىس كەڭەستىك دەموكراتيا مەحانيزمىن اقاۋسىزداندىرۋ جونىندە رەفورما مىندەتتەرىن ورتاعا قويدى. اۆتونوميالى رايوندىق ساياسي كەڭەس ەكونوميكا كوميتەتىنىڭ ورىنباسار مەڭگەرۋشىسى رۇڭ جۇن بىلاي دەدى: ٴبىز ساياسي كەڭەستىڭ دارىندىلار شوعىرلانعان، اقىل ـ پاراسات شوعىرلانعان ارتىقشىلىعىن تولىق ساۋلەلەندىرىپ، شينجياڭنىڭ ”بەس ۇلكەن ستراتەگيالىق ورنىن“ كوزدەپ، نازاردى رەفورمانى ونان ارى جاپپاي تەرەڭدەتۋگە، ۇكىمەت ٴىسىن اقىلداسۋعا، اقىل ـ كەڭەس بەرۋگە شوعىرلاندىرامىز.
رەفورما جانە زاڭمەن باسقارۋ _ قۇستىڭ ەكى قاناتى، اربانىڭ ەكى دوڭگەلەگى ىسپەتتى، ٴبىرىن ـ ٴبىرى كەمەلدەندىرىپ، ٴبىر ـ بىرىنە سەرىك بولادى. رەفورمانى جاپپاي تەرەڭدەتۋ، ٴسوزسىز، زاڭمەن باسقارۋ قامتاماسىزدىعىن تالاپ ەتەدى، زاڭمەن باسقارۋدىڭ جۇزەگە اسۋى دا رەفورمانى جاپپاي تەرەڭدەتۋدىڭ جەبەۋىنەن قول ۇزە المايدى.
اۆتونوميالى رايوندىق قوعام حاۋىپسىزدىگى مەڭگەرمەسى زاڭ ـ ٴتۇزىم باس اترەتىنىڭ باس اترەت باستىعى ۋ يۇڭ مىنالاردى ٴبىلدىردى: شينجياڭ قوعام حاۋىپسىزدىگى ورگاندارى جالپى ٴماجىلىس رۋحىن جەتەكشى ەتىپ، زاڭمەن باسقارۋ وي جەلىسىنە، تۋراشىلدىقتان اينىماي جاڭالىق اشۋعا، عىلىم ـ تەحنيكالىق قۋات ۇستەۋگە تاباندى بولىپ، ”كاسىپ + مەحانيزم + ۇلكەن ساندى مالىمەت“ جاڭاشا ساقشى ىستەرى اينالىم ۇلگىسىمەن سايكەسەتىن زاڭمەن باسقارۋ قامتاماسىزدىق جۇيەسىن بەلسەنە ورناتىپ، شينجياڭنىڭ زاڭمەن باسقارىلاتىن قوعام حاۋىپسىزدىگى قۇرىلىسىنىڭ جاڭا جاعدايىن ۇزدىكسىز اشادى.
”ٴسوز جوق، نەگىزگى زاڭنىڭ اتقارىلۋىن جاپپاي دايەكتىلەندىرىپ، نەگىزگى زاڭنىڭ بەدەلىن قورعاپ، زاڭ ەرەجە شىعارۋ، زاڭ اتقارۋ، ٴادىليا جۇرگىزۋ، زاڭعا بويسۇنۋ بۋىندارىنداعى رەفورمالاردى سايكەستى ىلگەرىلەتۋ كەرەك“. كۇنەس اۋداندىق حالىق پروكۋراتۋراسىنىڭ پروكۋرورى تۇرسىنجان نۇر جالپى ٴماجىلىستىڭ مازمۇنداماسىن قايتا ـ قايتا ۇيرەندى، ٴتۇسىندى، ونىڭ قاراۋىنشا، مازمۇندامادا ”زاڭدى ٴادىل اتقارۋ، ٴادىليانى ٴادىل جۇرگىزۋ ٴتۇزىلىس ـ مەحانيزمىن اقاۋسىزداندىرۋ“ سياقتى زاڭمەن باسقارۋ سالاسىنداعى رەفورما مىندەتتەرى ايقىندالىپ، پروكۋراتۋرا قىزمەتىن ويداعىداي ىستەۋگە ارەكەت باعدارناماسى ازىرلەندى. ٴبىز دەلونى زاڭ بويىنشا ىستەۋ، ٴادىليانى ٴادىل جۇرگىزۋ پرينسيبىنە تاباندى بولىپ، زاڭدىق باقىلاۋدى كۇشەيتىپ، ادىلدىك پەن تۋراشىلدىقتى قورعاپ، پروكۋراتۋرانىڭ جوعارى ساپالى مىندەت اتقارۋى ارقىلى حالىقتىڭ سۇراۋىنا جاۋاپ بەرىپ، حالىقتىڭ مۇڭ ـ مۇقتاجىن شەشۋىمىز كەرەك.
حالىقتىق شارۋاشىلىقتىڭ دامۋىن زاڭمەن باسقارۋ ورتاسىن ساپالىلاندىرىپ، حالىقتىق كاسىپورىندار مەن كاسىپورىنشىلاردىڭ زاڭدى ۇقىق ـ مۇددەسىن زاڭ بويىنشا قورعاۋ _ حالىق سوتى مەكەمەسىنىڭ قىزمەت جاۋاپكەرشىلىگىنىڭ ٴبىرى. اۆتونوميالى رايوندىق جوعارى حالىق سوتى مەكەمەسى ازاماتتىق ىستەر 2 ـ سوت كوللەگياسىنىڭ ورىنباسار باستىعى لۋ جيانۋي مىنالاردى ٴبىلدىردى: جالپى ٴماجىلىس رۋحىنىڭ وزەكتى ٴمانىن تەرەڭ ٴتۇسىنىپ جانە يگەرىپ، ٴتۇرلى مال ـ مۇلىك ۇقىعى مەن شارۋاشىلىق تۇلعالارىنىڭ زاڭدى ۇقىق ـ مۇددەسىن ٴادىليالىق جاقتان قورعاۋدى كۇشەيتىپ، ٴادىل باسەكەلى بازار ٴتارتىبىن قورعاپ، ٴادىل، جوعارى ٴونىمدى ازاماتتىق ساۋدا ىستەرى سوتى ارقىلى ورنىقتى، ٴادىل، جاريا، زاڭمەن باسقارىلاتىن شارۋاشىلىق ـ ساۋدا ورتاسىن قالىپتاستىرامىز.
شينجياڭ ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ باس اترەتى ورگان پارتكومىنىڭ ارناۋلى مىندەتتەگى ورىنباسار شۋجيى جۋ شۋشيان بىلاي دەدى: شينجياڭنىڭ دامۋ كەلەلى جاعدايىمەن ىرىقتىلىقپەن توعىسىپ، الدا ٴجۇرىپ قىزمەت وتەپ، زاڭمەن باسقارۋ وي جەلىسى مەن زاڭمەن باسقارۋ ٴتاسىلىن بەلسەنە قولدانىپ، ٴورت ٴسوندىرۋ، ورتتەن ساقتانۋ زاڭ اتقارۋ رەفورماسىن، دامۋىن ىلگەرىلەتىپ، زاڭ اتقارۋ ساپاسىن جاپپاي جوعارىلاتىپ، ٴورت ٴسوندىرۋ، ورتتەن ساقتانۋ قىزمەتىنىڭ جاۋاپكەرشىلىك جۇيەسىن اقاۋسىزداندىرىپ، ساپالىلاندىرىپ، ٴورت ٴسوندىرۋ، ورتتەن ساقتانۋ حاۋىپسىزدىگى زاڭ ـ ەرەجەلەرىن، تۇزىمدەرىن ۇزدىكسىز كەمەلدەندىرىپ، ٴورت ٴسوندىرۋ، ورتتەن ساقتانۋ زاڭ اتقارۋ دەڭگەيىن ٴونىمدى جوعارىلاتىپ، جوعارى دەڭگەيدەگى ٴورت ٴسوندىرۋ، ورتتەن ساقتانۋ حاۋىپسىزدىگى ارقىلى شينجياڭنىڭ جوعارى ساپالى دامۋىنا دەم بەرەمىز.
جۇڭگو ۇلگىسىندەگى وسىزامانداندىرۋ بارىسىندا مەملەكەتتى جاپپاي زاڭمەن باسقارۋدىڭ ىشكەرىلەي دامۋىن ىلگەرىلەتۋدە، ٴسوز جوق، حالىقتى وزەك ەتۋگە تاباندى بولۋ كەرەك.
”قازىرگى كەزەڭدە حالىق بۇقاراسىنىڭ تاماشا تۇرمىسقا تالپىنىسى وقۋ ـ اعارتۋ، ەمدەۋ سياقتى جاقتاردا ايگىلەنىپ قانا قالماستان، زاڭمەن باسقارۋ سالاسىندا دا ايگىلەندى“. اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتى كەڭسەسى حاتشىلار باسقارماسىنىڭ باستىعى چىن لەي مىنالاردى ٴبىلدىردى: جالپى ٴماجىلىس رۋحىن ۇيرەنۋدى ٴوز قىزمەتىمىزدى ويداعىداي ىستەۋمەن تىعىز ۇشتاستىرىپ، ”زاڭمەن باسقارۋدى حالىق ٴۇشىن جۇرگىزۋدى“ زاڭ ەرەجە شىعارۋ، زاڭ اتقارۋ، ٴادىليا جۇرگىزۋ، زاڭعا بويسۇنۋ، زاڭ جالپىلاستىرۋ قىزمەتتەرىنىڭ تۇتاس بارىسىنا ٴسىڭىرىپ، ”زاڭمەن باسقارۋدى حالىق ٴۇشىن جۇرگىزۋ ارقىلى ناقتى ىستەر ىستەۋ“ قيمىلىن تىڭعىلىقتى، ىشكەرىلەي ورىستەتىپ، بۇقارانىڭ ات سالىسۋ دەڭگەيىن جوعارىلاتۋعا كۇش سالىپ، ٴار ۇلت بۇقاراسىنا زاڭمەن باسقارۋ قۇرىلىسىنىڭ جىلۋى مەن تەبىنىن شىنايى سەزىندىرەمىز.
اۆتونوميالى رايوندىق ٴادىليا مەڭگەرمەسى زاڭ جالپىلاستىرۋ جانە زاڭ بويىنشا باسقارۋ باسقارماسىنىڭ ورىنباسار باستىعى جاڭ يىڭجۇن مىنالاردى ٴبىلدىردى: جالپى حالىققا زاڭ جالپىلاستىرۋ تەبىنىن اناعۇرلىم ارتتىرىپ، زاڭمەن باسقارۋ مادەنيەتى مەن زاڭ جالپىلاستىرۋ ۇگىتىنىڭ ورگانيكالى توعىسۋىن ىلگەرىلەتىپ، ەندىك باعىتتا شەتىنە، بويلىق باعىتتا تۇبىنە جەتەتىن، جالپى حالىقتى قامتىعان، جاندى دا جالىندى زاڭ جالپىلاستىرۋ قىزمەت جۇيەسىن ورناتىپ، تۇتاس قوعامنىڭ زاڭدى قۇرمەتتەۋىن، زاڭدى ۇيرەنۋىن، زاڭعا بويسۇنۋىن، زاڭدى قولدانۋىن ىلگەرىلەتەمىز.
”ٴبىز كاسىپورىندارعا بارىپ حاۋىپسىزدىك تەكسەرۋىن جۇرگىزىپ، كاسىپورىنداردىڭ حاۋىپسىزدىك بويىنشا ساقتانۋ ٴتۇزىمىن كەمەلدەندىرۋىنە كومەكتەسىپ، كاسىپورىن توڭىرەگىنىڭ اماندىق ورتاسىن رەتتەپ ـ وڭاپ، كاسىپورىنداردىڭ قالىپتى ٴوندىرىس، شارۋاشىلىق ٴتارتىبىن قامتاماسىز ەتەمىز“. كورلا قالالىق قوعام حاۋىپسىزدىگى مەكەمەسى اماندىق ساقتاۋ ۇلكەن اترەتىنىڭ ورىنباسار باستىعى دىليار ارىپ بىلاي دەدى: جالپى ٴماجىلىستىڭ رۋحىن مۇقيات ٴتۇسىنىپ، كاسىپورىندارمەن تىلدەسۋدى، بايلانىستى ۇزدىكسىز كۇشەيتىپ، قىزمەت وتەۋ شارالارىن ساپالىلاندىرىپ، اناعۇرلىم بەرىك بەكىممەن، اناعۇرلىم پارمەندى شارامەن كاسىپورىنداردى دامۋ بارىسىندا ۋايىمنان ارىلتىپ، قيىنشىلىعىن شەشەمىز.
وسى بىرنەشە كۇندە ٴۇرىمجى ساييا ينتەرنەت عىلىم ـ تەحنيكا شەكتى سەرىكتەستىگىنىڭ باس ديرەكتورى يۋە فىڭ جالپى ٴماجىلىستىڭ حابارى مەن رۋحىنىڭ تۇسىندىرمەسىنە ايرىقشا نازار اۋداردى. ”رەفورمانى ونان ارى جاپپاي تەرەڭدەتىپ، سوتسياليستىك زاڭمەن باسقارۋ رۋحىن اسقاقتاتىپ، حالىقتىق كاسىپورىندارىمىزعا اناعۇرلىم جاقسى دامۋ ورتاسىن جانە اناعۇرلىم كوپ دامۋ ورايىن ازىرلەيتىندىگىنە سەنەمىن“، ـ دەدى ول.
”نەگىزگى ساتىداعى ساياسي ـ زاڭ كادرلارىمىز مەملەكەتتىڭ ساياسي حاۋىپسىزدىگىن قورعاۋ، قوعامدىق كەلەلى جاعدايدىڭ ورنىقتىلىعىنا شىنايى كەپىلدىك ەتۋ، قوعامنىڭ ادىلدىگىن، تۋراشىلدىعىن جەبەۋ، حالىقتىڭ تىنىش ٴومىر، شات ـ شادىمان تىرشىلىك كەشىرۋىن قامتاماسىز ەتۋ قىزمەت جاۋاپكەرشىلىگىن، بورىشىن بار كۇشپەن اتقارىپ، جاڭا داۋىردەگى جاڭا جورىقتا ساياسي ـ زاڭ قىزمەتىنىڭ وسىزاماندانۋىن قۇلشىنا ىلگەرىلەتۋگە تىڭ دا اناعۇرلىم زور ۇلەس قوسامىز“، ـ دەدى ٴۇرىمجى جوعارى، جاڭا تەحنيكا كاسىپ سالالارىن اشۋ رايونى (جاڭا قالا رايونى) پارتكومى ساياسي ـ زاڭ كوميتەتىنىڭ كادرى باي ميڭجيە.
(ٴتىلشى جاڭ لەي، قاتىناسقان تىلشىلەر سۇي يۇنيان، جاڭ يانفاڭ، ۋاڭ نا، ياڭ شۋحان، گو ليڭ)
