اۆتونوميالى رايون پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جەتكىزۋ، ۇيرەنۋ، دايەكتىلەندىرۋ كادرلار جينالىسىن اشتى
يدەيا مەن ارەكەتتى باس شۋجي شي جينپيڭنىڭ ماڭىزدى ٴسوزىنىڭ رۋحىمەن جانە جالپى ٴماجىلىستىڭ ستراتەگيالىق ورنالاستىرۋلارىمەن باتىل بىرلىككە كەلتىرىپ، رەفورمانى اناعۇرلىم جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازۋ كەرەك
ما شيڭرۇي ٴسوز سويلەدى
ەركىن تۇنياز، ٴزۇمىرات وبۇل، نۇرلان ٴابىلماجىن، شاۋكەت يمىن، حى جۇڭيوۋ، جاڭ جۋ قاتىناستى
![](http://kazakh.ts.cn/pic/003/528/307/00352830720_80414aef.jpg)
7 - ايدىڭ 22 - كۇنى اۆتونوميالى رايون كادرلار جينالىسىن اشىپ، پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جەتكىزىپ، ۇيرەنىپ، دايەكتىلەندىرىپ، ۇيرەنۋ، ۇگىتتەۋ، دايەكتىلەندىرۋ قىزمەتىن ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي جينالىسقا قاتىناستى ءارى ءسوز سويلەدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 7 ـ ايدىڭ 22 ـ كۇنى ۇرىمجىدەن حابارلايدى. 7 ـ ايدىڭ 22 ـ كۇنى تۇستەن بۇرىن، اۆتونوميالى رايون كادرلار جينالىسىن اشىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ٴسوزىنىڭ رۋحىن جەتكىزىپ، ۇيرەنىپ، دايەكتىلەندىرىپ، ۇيرەنۋ، ۇگىتتەۋ، دايەكتىلەندىرۋ قىزمەتىن ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي جينالىسقا قاتىناستى ٴارى ٴسوز سويلەدى. ول بىلاي دەپ باسا دارىپتەدى: پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن مۇقيات ويداعىداي ۇيرەنىپ، ويداعىداي ۇگىتتەپ، ويداعىداي دايەكتىلەندىرىپ، باس شۋجي شي جينپيڭنىڭ رەفورمانى جاپپاي تەرەڭدەتۋ جونىندەگى ٴبىر قىدىرۋ جاڭا يدەيالارىن، جاڭا كوزقاراستارىن، جاڭا تۇجىرىمدارىن ىشكەرىلەي دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندەگى ستراتەگيالىق ورنالاستىرۋلارىن كوزدەپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، رەفورمانى العان بەتىنەن قايتپايتىن كۇرەس كۇيىمەن العا ىلگەرىلەتىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز جينالىسقا قاتىناستى ٴارى جالپى ٴماجىلىستىڭ رۋحىن جەتكىزدى. ٴزۇمىرات وبۇل، نۇرلان ٴابىلماجىن، شاۋكەت يمىن، حى جۇڭيوۋ، جاڭ جۋ قاتىناستى.
ما شيڭرۇي بىلاي دەپ اتاپ كورسەتتى: پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى _ مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ شەشۋشى كەزەڭىندە اشىلعان ٴبىر رەتكى داۋىرلىك، جاسامپازدىق، بەلەستىك مانگە يە ماڭىزدى ٴماجىلىس. جالپى ٴماجىلىستىڭ وتكىزىلۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رەفورمانى سوڭىنا دەيىن جۇرگىزۋدەگى بەرىك بەكىمىن جانە كۇشتى بورىشى مەن جاۋاپكەرشىلىك ارقالاۋىن تولىق ايگىلەدى، جاڭا داۋىردەگى جاڭا جورىقتا قانداي تۋ ۇستاۋ، قايسى جولمەن ٴجۇرۋ جونىندەگى قايتالاي جاريالاۋى بولدى، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدە كەلەلى دە تەرەڭ ٴمان الادى. باس شۋجي شي جينپيڭنىڭ جالپى ماجىلىستە سويلەگەن ماڭىزدى ٴسوزى ۇزاق بولاشاقتى كوزدەپ، جالپى جاعدايدى مەڭگەردى، يدەياسى تەرەڭ، مازمۇنى باي، رەفورمانى اناعۇرلىم جاپپاي تەرەڭدەتۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ٴبىر سىپىرا ستراتەگيالىق، جالپى جاعدايلىق كەلەلى رەفورما شارالارىن جۇيەلى ورنالاستىردى، اسا كۇشتى ساياسي، يدەيالىق جانە جەتەكشىلىك سيپاتى بار. جالپى ٴماجىلىس ماقۇلداعان «قاۋلى» جاڭا داۋىردەگى جاڭا جورىقتا جۇڭگو كوممۋنيستىك پارتياسىنىڭ جۇڭگو ۇلگىسىندەگى وسىزامانداندىرۋدى ىلگەرىلەتۋ بورىشىن، مىندەتىن تياناق ەتىپ، رەفورمانى اناعۇرلىم جاپپاي تەرەڭدەتۋدىڭ ايبىندى جوباسىن عىلمي كەسكىندەدى، ول رەفورمانى اناعۇرلىم جاپپاي تەرەڭدەتۋگە جەتەكشىلىك ەتەتىن تۇعىرنامالىق حۇجات بولىپ تابىلادى. ٴبىز ساياسي دەڭگەيدى شىن مانىندە جوعارىلاتىپ، يدەيا مەن ارەكەتتى باس شۋجي شي جينپيڭنىڭ ماڭىزدى ٴسوزىنىڭ رۋحىمەن جانە جالپى ٴماجىلىستىڭ ستراتەگيالىق ورنالاستىرۋىمەن باتىل بىرلىككە كەلتىرىپ، رەفورمانى اناعۇرلىم جاپپاي تەرەڭدەتۋدەگى ساياسي جاۋاپكەرشىلىك سەزىم مەن تاريحي بورىشتىلىق سەزىمدى كۇشەيتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدەگى ٴىس جۇزىندىك ارەكەتىمىز ارقىلى ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداۋىمىز كەرەك.
ما شيڭرۇي بىلاي دەپ باسا دارىپتەدى: پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، ٴتۇسىنۋ ٴۇشىن «قاۋلىنىڭ» باستى مازمۇنىن، وزەكتى ٴمانىن جانە امالياتتىق تالابىن ىشكەرىلەي ٴتۇسىنىپ جانە يگەرىپ، نەگە رەفورما جاسايمىز، قالاي رەفورما جاسايمىز دەگەن سياقتى كەلەلى ماسەلەلەردى انىقتاپ الۋىمىز كەرەك. رەفورمانى اناعۇرلىم جاپپاي تەرەڭدەتۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ كەلەلى ٴمانىن جانە جالپى تۇلعالىق تالابىن ىشكەرىلەي ٴتۇسىنىپ، رەفورمانىڭ باستان ـ اياق دۇرىس بەتالىسپەن ىلگەرىلەتىلۋىنە شىنايى كەپىلدىك ەتۋ؛ رەفورمانى اناعۇرلىم جاپپاي تەرەڭدەتۋدىڭ پرينسيپتىك تاسىلدەرىن ىشكەرىلەي ٴتۇسىنىپ، رەفورمانىڭ ورنىقتى قاداممەن الىسقا جەتۋىنە، شىنايى ونىمدىلىككە قول جەتكىزۋىنە شىنايى كەپىلدىك ەتۋ؛ رەفورمانى اناعۇرلىم جاپپاي تەرەڭدەتۋدىڭ ستراتەگيالىق ورنالاستىرۋلارىن ىشكەرىلەي ٴتۇسىنىپ، پارتيا ورتالىق كوميتەتى ايقىنداعان كەلەلى رەفورما مىندەتتەرىنىڭ ناقتاپ تياناقتانۋىنا شىنايى كەپىلدىك ەتۋ؛ پارتيا باسشىلىعىنىڭ رەفورمانى اناعۇرلىم جاپپاي تەرەڭدەتۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ٴتۇبىرلى كەپىلى ەكەندىگىن ىشكەرىلەي ٴتۇسىنىپ، پارتيانىڭ باسشىلىعىن رەفورمانىڭ جالپى بارىسىنا سىڭىرۋگە شىنايى كەپىلدىك ەتۋ كەرەك. ٴبىز جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدى تىعىز ارقاۋ ەتىپ، سانالىلىقپەن رەفورمانى ٴتىپتى دە كورنەكتى ورىنعا قويىپ، رەفورمانى جوسپارلاۋداعى سانالىلىقتى، ىرىقتىلىقتى كۇشەيتىپ، رەفورمانى ىلگەرىلەتۋدىڭ عىلميلىعىن، ونىمدىلىگىن جوعارىلاتىپ، رەفورمانى جاپپاي تەرەڭدەتۋ ارقىلى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋدىڭ ٴونىمدى ٴادىسى جونىندە ۇزدىكسىز ىزدەنىس جاساپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى ماسەلەلەردى كۇش سالا شەشىپ، رەفورمانى اناعۇرلىم جاپپاي تەرەڭدەتۋدىڭ ستراتەگيالىق ورنالاستىرۋلارىن جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدەگى قۇدىرەتتى كۇش ـ قۋاتقا شىن مانىندە اينالدىرۋىمىز كەرەك.
ما شيڭرۇي بىلاي دەپ باسا دارىپتەدى: پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ويداعىداي ۇيرەنۋ، ويداعىداي ۇگىتتەۋ، ويداعىداي دايەكتىلەندىرۋ _ كەزەكتەگى جانە بۇدان بىلايعى ٴبىر مەزگىلدەگى كەلەلى ساياسي مىندەت. پارتيا ورتالىق كوميتەتىنىڭ ٴبىر تۇتاس ورنالاستىرۋى بويىنشا دەن قويا ۇيىمداستىرىپ، تىڭعىلىقتى اتقارىپ، بۇكىل رايوندا جوعارىدان تومەنگە دەيىن رەفورمانى اناعۇرلىم جاپپاي تەرەڭدەتۋدىڭ كۇشتى رايىن قالىپتاستىرىپ، جالپى ٴماجىلىس رۋحىنىڭ تياناقتانىپ تامىر تارتۋىن، گۇل اشىپ جەمىس بەرۋىن ىلگەرىلەتۋ كەرەك. ۇيرەنۋگە مۇقيات ۇيىمداستىرىپ، جالپى ٴماجىلىس رۋحىن جەتە يگەرۋ كەرەك. ٴار دارەجەلى باسشى كادرلار باستاماشىلدىق ەتۋگە تاباندى بولىپ، پارتيا مۇشەلەرىن، كادرلاردى ىشكەرىلەي ۇيرەنۋگە كوپ فورمامەن، ساتىلار بويىنشا، جاپپاي قامتىپ ۇيىمداستىرۋ كەرەك. ٴار دارەجەلى پارتكومداردىڭ (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسى جالپى ٴماجىلىس رۋحىن، اسىرەسە، باس شۋجي شي جينپيڭنىڭ ماڭىزدى ٴسوزىنىڭ رۋحىن ماڭىزدى ۇيرەنۋ مازمۇنى ەتىپ، رۋحاني ٴمانىن ىشكەرىلەي ٴتۇسىنۋى، وزەكتى ماڭىزىن ىشكەرىلەي ۇعىنۋى، امالياتتىق تالابىن ىشكەرىلەي يگەرۋى؛ ٴار دارەجەلى پارتيا مەكتەپتەرى (اكىمشىلىك شۋەيۋان) جانە كادرلاردى تاربيەلەۋ، باۋلۋ قۇرىلىمدارى «قاۋلىنى» ٴسوزسىز وقىتىلاتىن ساباققا ەنگىزىپ، باۋلۋدى، كەزەكپەن تاربيەلەۋدى جۇيەلى ورىستەتۋى؛ نەگىزگى ساتى پارتيا ۇيىمدارى ۇيىمدىق تۇرمىس جيىنى، ”ٴۇش جيىن، ٴبىر ساباق“، ”نەگىزگى تاقىرىپتىق پارتيا كۇنى“ سياقتى فورمالار ارقىلى ۇيرەنۋدى ويداعىداي يگەرىپ، ۇيرەنۋدىڭ، دايەكتىلەندىرۋدىڭ ”ەڭ سوڭعى ٴبىر كيلومەترىن“ اشۋى كەرەك. كەڭ كولەمدە ۇگىتتەپ، ۇگىت ـ لەكسيا جاساپ، كۇشتى راي قالىپتاستىرۋ كەرەك. ۇگىت تاراۋلارى ۇگىتتەۋدى، ٴتۇسىندىرۋدى ىشكەرىلەي ۇيىمداستىرىپ ورىستەتۋى؛ اقپاراتتىق ۇگىتتەۋدى، حابارلاۋدى جاڭاشا تاسىلمەن ويداعىداي ىستەۋى؛ نەگىزگى ساتىعا باعىتتالعان، بۇقاراعا باعىتتالعان ۇگىت ـ لەكسيا قيمىلدارىن ىشكەرىلەي ورىستەتۋى؛ مامان ـ وقىمىستىلاردى جالپى ٴماجىلىس رۋحىن ىشكەرىلەي زەرتتەۋ ـ تالقىلاۋعا، ٴدال تۇسىندىرۋگە ۇيىمداستىرۋى كەرەك. دايەكتىلەندىرۋدى، تياناقتاندىرۋدى ويداعىداي يگەرىپ، رەفورمانىڭ ونىمدىلىگىن جوعارىلاتۋ كەرەك. پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋدى، دايەكتىلەندىرۋدى پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەتى ەكىنشى جالپى ٴماجىلىسىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋمەن ۇشتاستىرىپ، ٴبىر تۇلعالى ورنالاستىرىپ، ٴبىر تۇتاس جوسپارلاپ ىلگەرىلەتىپ، رەفورمانى اناعۇرلىم جاپپاي تەرەڭدەتۋدىڭ ٴتۇيىندى مىندەتتەرىن تياناقتاندىرۋدىڭ ناقتى شارالارىن ىشكەرىلەي اقىلداسىپ، جوسپارلاپ، جالپى ٴماجىلىس رۋحىنىڭ تياناقتانىپ، ونىمدىلىك كورسەتۋىن ىلگەرىلەتۋ كەرەك.
ما شيڭرۇي بىلاي دەپ باسا دارىپتەدى: جالپى ٴماجىلىس رۋحىن، اسىرەسە، باس شۋجي شي جينپيڭنىڭ ماڭىزدى ٴسوزىنىڭ رۋحىن دايەكتىلەندىرۋدى، تياناقتاندىرۋدى كەزەكتەگى قىزمەتتەرگە ٴسىڭىرىپ، رەفورمانى جاپپاي تەرەڭدەتۋدى شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ ماڭىزدى اسىلى ەتۋگە تاباندى بولىپ، نازاردى مەملەكەت جالپى جاعدايىنداعى شينجياڭنىڭ ستراتەگيالىق ورنىنا شوعىرلاندىرىپ، رەفورما رۋحى ارقىلى سوڭعى جارتى جىلداعى ٴتۇيىندى قىزمەتتەردى ويداعىداي يگەرۋ كەرەك. قوعام ورنىقتىلىعىن قورعاۋدى باستان ـ اياق ماڭداي الدى ورىنعا قويىپ، ورنىقتىلىقتى قورعاۋ قىزمەتىنىڭ زاڭمەن باسقارىلۋىن، ۇدايىلانۋىن ىشكەرىلەي ىلگەرىلەتىپ، قورا ـ جاي، جەرگىلىكتى ۇكىمەت قارىزى، ورتا، شاعىن فينانس قۇرىلىمدارى سياقتى ٴتۇيىندى سالالارداعى حاۋىپ ـ قاتەرلەردەن ٴونىمدى ساقتانۋ جانە ونى جويۋ؛ پارتيا ورتالىق كوميتەتىنىڭ ەكونوميكالىق قىزمەت جونىندەگى شەشىمدەرىنە، ورنالاستىرۋلارىنا ساي، جوعارى ساپالى دامۋدى جەدەل ىلگەرىلەتىپ، دامۋ جەتىستىكتەرىمەن اناعۇرلىم كوپ، اناعۇرلىم ويداعىداي حالىق تۇرمىسىنا تيىمدىلىك جەتكىزىپ، جۇرت تىلەگىن توعىستىرۋ؛ شينجياڭ ەركىن ساۋدا سىناق رايونىن جوعارى ولشەممەن قۇرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، ازيا ـ ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن تۇلعالاۋ؛ جۇڭحۋا ۇلتى ورتاق تۇلعا تانىمىن ناقتى، جاندى، ٴونىمدى تۇردە بەكەمدەپ، شىنايى مويىنداۋدى كۇشەيتۋدى نىسانا ەتە وتىرىپ شينجياڭدى مادەنيەتپەن نارلەندىرۋدى ىلگەرىلەتۋ؛ پارتيانى جاپپاي قاتاڭ باسقارۋدى تەرەڭدەي ىلگەرىلەتىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى كۇرەستى تەرەڭدەتىپ، جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن سۇبەلى ناتيجەلەرمەن قارسى الۋ كەرەك.
تيان شياڭلي، چىن ۋيجۇن، چىن ميڭگو، ۋاڭ جيانشين، ٴيۇسۇپجان مامەت، ەلزات احمەتجان، قادەن كابەن، ۋاڭ لين، اۆتونوميالى رايوندىق حالىق قۇرىلتايى تۇراقتى كوميتەتى، ۇكىمەت، ساياسي كەڭەس، بيڭتۋان باسشىلىق القالارىنىڭ مۇشەلەرى، شينجياڭ اسكەري رايونىنداعى جانە قارۋلى ساقشى شينجياڭ باس اترەتىندەگى قاتىستى باسشىلار، اۆتونوميالى رايوندىق سوت مەكەمەسىندەگى، پروكۋراتۋراداعى نەگىزگى جاۋاپتى جولداستار، قازىرگى مىندەتىنەن شەگىنگەن جانە زەينەتكە، دەمالىسقا شىققان ٴىشىنارا ولكە دارەجەلى باسشىلار، ۇرىمجىدەگى پارتيا 20 ـ قۇرىلتايىنىڭ ۋاكىلدەرى جانە اۆتونوميالى رايوندىق 10 ـ كەزەكتى پارتكومنىڭ مۇشەلەرى، كانديدات مۇشەلەرى، رايونعا (ورتالىققا) توتە قاراستى قاتىستى تاراۋلارداعى جانە ورىندارداعى نەگىزگى جاۋاپتى جولداستار نەگىزگى جينالىس الاڭىندا جينالىسقا قاتىناستى. ٴارقايسى ايماق، وبلىس، قالالاردا، اۋدان، قالا، رايونداردا، بيڭتۋاننىڭ ورگاندارىندا جانە ٴارقايسى شى ـ قالالاردا، تۋان الاڭدارىندا بولىمشە جينالىس الاڭى ورنالاستىرىلدى.