بىلتىر اۋىل ـ قىستاق كوللەكتيۆ شارۋاشىلىعىنىڭ جالپـى كىرىسى 36 ميلليون يۋاننان استى
انار بۇلت \ شينجياڭ گازەتىنىڭ ٴتىلشىسى گى يوۋجۇن، ەرىكتى ٴتىلشى جوۋ جيڭجيڭ
7 ـ ايدىڭ 10 ـ كۇنى جەمسارى اۋدانى ارگۇڭ قالاشىعى دۇڭجياۋان قىستاعىنا بارعانىمىزدا، جاسىل اعاش، اسەم گۇلدەرمەن كومكەرىلگەن، قاز ـ قاتار سالىنعان قىستاق تۇرعىندارىنىڭ ادەمى ۇيلەرى، ٴار وتباسىنا تۇتاسقان اسفالت جولدار كوزىمىزگە شالىندى، كورىكتى اۋىل ـ قىستاق كارتيناسى مەن مۇندالادى.
”بىرنەشە جىلدىڭ الدىندا، قىستاعىمىز قىستاق كوللەكتيۆ شارۋاشىلىعىنىڭ جىلدىق كىرىسى نەشە مىڭ يۋان عانا تۇراتىن ’تاقىر قىستاق‘ بولاتىن، قازىر قىستاعىمىزدىڭ كوللەكتيۆ شارۋاشىلىق كىرىسى 20 ميلليون يۋاننان استى“، ـ دەدى دۇڭجياۋان قىستاعى پارتيا باس ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى، قىستاق جارنا ەكونوميكا سەلبەستىك كووپەراتيۆىنىڭ القا باستىعى ۋ چاڭۋي ماقتانىشپەن.
7 - ايدىڭ 2 - كۇنى جەمسارى اۋدانى چيڭياڭحۋ اۋىلى دادۇڭگوۋ قىستاعىندا، قىستاق كوللەكتيۆ شارۋاشىلىعى ۇيىمىنىڭ كومبايىنى ءبيداي ورۋدا. سۋرەتتى يە يۇڭفاڭ تۇسىرگەن
2019 ـ جىلى 4 ـ ايدا دۇڭجياۋان قىستاعى بۇكىل شينجياڭ بويىنشا اۋىل ـ قىستاق كوللەكتيۆ مال ـ مۇلىك ۇقىعى ٴتۇزىمى رەفورماسىن تۇيىندە سىناق ەتۋدى الدىمەن ورىستەتىپ، قىستاق جارنا ەكونوميكا سەلبەستىك كووپەراتيۆىن قۇردى. قىستاق قىستاق كوللەكتيۆىنىڭ تيجارات سيپاتتى مال ـ مۇلكىنىڭ %70ىن ەڭبەك جاسى بويىنشا سەلبەستىك كووپەراتيۆ مۇشەلەرىنە ۇلەستىرىپ، %30ىن قىستاق كوللەكتيۆىنە بەردى. بۇكىل قىستاقتاعى 1610 قىستاق تۇرعىنى قىستاق جارنا ەكونوميكا سەلبەستىك كووپەراتيۆىنىڭ جارناگەرى بولىپ، ٴار جىلى قىستاق كوللەكتيۆ مال ـ مۇلىك جارنا پايداسىنان پايدا ٴبولىستى.
ۋ چاڭۋي بىلاي دەپ تانىستىردى: قىستاق جارنا ەكونوميكا سەلبەستىك كووپەراتيۆى قۇرىلعاننان كەيىن، جەردى اينالىمعا سالۋ ٴتاسىلى ارقىلى قىستاق تۇرعىندارىنىڭ جەر تيجارات ۇقىعىن قىستاق كوللەكتيۆىنە جارنا ەتىپ قوسىپ، قىستاق كوللەكتيۆى كولەمدەندىرىپ ەگىپ، ەرەكشە كاسىپ سالاسىن دامىتتى. مۇنان سىرت، سەلبەستىك كووپەراتيۆى توڭىرەكتەگى بىرنەشە قىستاقپەن بىرلەسىپ، جەمسارى اۋدانى تيانتيڭيۋان قامداۋ ـ ساتۋ سەلبەستىك كووپەراتيۆى شەكتى جاۋاپكەرشىلىك سەرىكتەستىگىن باستاماشىلدىقپەن قۇرىپ، ٴارقايسى قىستاقتى اۋىل شارۋاشىلىق ماتەريالدارىن شوعىرلى ساتىپ الۋ، ساتۋ، جەردى اينالىمعا سالىپ شارۋاشىلىق جۇرگىزۋ، اۋىل شارۋاشىلىق ماشينالارىن جۇرگىزۋ، اۋىل شارۋاشىلىق قوسىمشا ونىمدەرىن ساتىپ الۋ جانە العاشقى وڭدەۋ سياقتى ەگۋدەن جيۋعا دەيىن ٴبىر تۇلعالانعان، ”بۇكىلدەي اماناتپەن باسقارىلاتىن“ اۋىل شارۋاشىلىعىنا قوعامدانعان قىزمەت وتەۋ ازىرلەپ، سەلبەستىك كووپەراتيۆىنىڭ كىرىستى ارتتىرۋ ارناسىن كەڭەيتتى.
”اۋىل ـ قىستاق كوللەكتيۆ مال ـ مۇلىك ۇقىعى ٴتۇزىمى رەفورماسى بايلىقتى مال ـ مۇلىككە، قارجىنى جارناعا، شارۋالاردى جارناگەرگە اينالدىردى، قىستاق تۇرعىندارى شىن مانىندە قىستاق كوللەكتيۆىنىڭ قوجايىنىنا اينالىپ، قىستاق تۇرعىندارىنىڭ قىستاق دارەجەلى باسقارۋعا قاتىناسۋ بەلسەندىلىگىن جۇمىلدىرىپ، قىستاق دارەجەلى پارتيا ۇيىمىنىڭ ۇيىستىرۋ قۋاتى مەن قىستاق كوللەكتيۆ شارۋاشىلىعىنىڭ ناقتى قۋاتىن كۇشەيتىپ، اۋىل ـ قىستاقتى گۇلدەندىرۋگە جاڭا جول اشتى“، ـ دەدى ۋ چاڭۋي.
” 2023 ـ جىلى جەمسارى اۋدانىنداعى 58 قىستاقتىڭ كوللەكتيۆ شارۋاشىلىق جالپى كىرىسى 36 ميلليون يۋاننان استى، قىستاق كوللەكتيۆ شارۋاشىلىق كىرىسى ميلليون يۋاننان اساتىن 11 قىستاق بار بولدى، 100 مىڭ يۋانعا جەتپەيتىن قىستاق تۇگەلدەي اداقتالدى“، ـ دەدى جەمسارى اۋداندىق اۋىل شارۋاشىلىعى، اۋىل ـ قىستاق مەكەمەسى پارتيا باسشىلىق گرۋپپاسىنىڭ مۇشەسى، اۋىل ـ قىستاق سەلبەستىك ەكونوميكاسىن دامىتۋعا جەتەكشىلىك ەتۋ ورتالىعى پارتيا ياچەيكاسىنىڭ شۋجيى جۋ بيانجياڭ تانىستىرىپ.
جۋ بيانجياڭ بىلاي دەدى: جەمسارى اۋدانىنىڭ اۋىل ـ قىستاق كوللەكتيۆ شارۋاشىلىعىنىڭ ۇزدىكسىز دامىپ زورايۋى، باستىسى، تۇتاس اۋداننىڭ نەگىزگى ساتى پارتيا ۇيىمى قۇرىلىسىن كۇشەيتۋدى ۇزدىكسىز سايكەستى ىلگەرىلەتۋ، اۋىل ـ قىستاق كوللەكتيۆ مال ـ مۇلىك ۇقىعى ٴتۇزىمى رەفورماسىن تەرەڭدەتۋ جانە قىستاق كوللەكتيۆ شارۋاشىلىعىن زورايتۋ سىندى ”ٴۇشتى ٴبىر تۇلعالاندىرۋ“ بويىنشا جۇيەلى شوعىرلاندىرۋ رەفورماسىنىڭ ناتيجەسى. وسى رەفورما شارالارىنىڭ اتقارىلۋى اۋىل ـ قىستاق نەگىزگى ساتى پارتيا ۇيىمدارىنىڭ ۇيىمداستىرۋ قۋاتىن، باسشىلىق قۋاتىن جاپپاي جوعارىلاتىپ، اۋىل ـ قىستاقتىڭ دامۋ ومىرشەڭدىك كۇشىن ٴونىمدى جانداندىرىپ، كوللەكتيۆ شارۋاشىلىقتى زورايتۋدى، اۋىل ـ قىستاقتى گۇلدەندىرۋدى جەبەۋدى ۇيىمدىق قامتاماسىزدىقپەن، تۇزىمدىك قامتاماسىزدىقپەن جانە ساياساتتىق تىرەكپەن قامدادى.
”ٴۇشتى ٴبىر تۇلعالاندىرۋ“ جۇيەلى شوعىرلاندىرۋ رەفورماسى اياسىندا جەمسارى اۋدانى 58 اۋىل ـ قىستاق كوللەكتيۆ شارۋاشىلىق ۇيىمىن قۇردى، قىستاق باسقارۋىنداعى 27 كاسىپورىندى قۇردى، اۋىل شارۋاشىلىعى ەگىمشىلىگى، باعىمشىلىعى، ساياحاتتى اشۋ جانە اۋىل شارۋاشىلىعىنا قوعامدانعان قىزمەت وتەۋ سياقتى كوپ ٴتۇرلى شارۋاشىلىق نىسانىن ورىستەتتى، ”ۇجىمداسىپ“ دامۋ ٴتاسىلىن قولدانىپ، قىستاق كوللەكتيۆ شارۋاشىلىعىن زورايتتى. 2023 ـ جىلدىڭ سوڭىنا دەيىن اۋدان بويىنشا اۋىل ـ قىستاق كوللەكتيۆ مال ـ مۇلكىنىڭ جالپى سوماسى 717 ميلليون يۋانعا جەتتى. 2023 ـ جىلى اۋدان بويىنشا اۋىل ـ قىستاق كوللەكتيۆ شارۋاشىلىعىنىڭ جالپى كىرىسى 36 ميلليون 236 مىڭ 400 يۋانعا جەتىپ، الدىڭعى جىلداعىدان 15 ميلليون 776 مىڭ 400 يۋان ارتتى.
جۋ بيانجياڭ بىلاي دەپ تانىستىردى: 2020 ـ جىلدان بەرى جەمسارى اۋدانى شينجياڭدا جاڭاشا اۋىل شارۋاشىلىعى شارۋاشىلىق نەگىزگى تۇلعاسىنا قىزمەت وتەۋ ورتالىعى، قىستاق كوللەكتيۆى مال ـ مۇلىك ەسەپ ورتالىعى، اۋىل ـ قىستاق كوللەكتيۆ شارۋاشىلىعىن دامىتۋعا قىزمەت وتەۋ ورتالىعى جانە اۋىل ـ قىستاق مال ـ مۇلىك ۇقىعىن اينالىمعا سالۋ ورتالىعى سىندى 4 ۇلكەن ورتالىق قۇرىپ، ”ٴىرى قازىنا باسقارۋشى“ سياقتى كەز كەلگەن ۋاقىتتا ٴبىر بەكەتتىك قىزمەت وتەپ، كوللەكتيۆ شارۋاشىلىعى سەلبەستىك ۇيىمىنىڭ ٴارقايسى بۋىندارىنداعى قىزمەتتەردى ارناعا ٴتۇسىرىپ، ىركىلىسسىزدەندىرىپ، تارتىپكە سالدى.
”قىستاق دارەجەلى كوللەكتيۆ شارۋاشىلىقتى دامىتۋ جولىندا جاڭالىق اشۋ، ىزدەنىس جاساۋ جاعىندا ٴبىز جەرگىلىكتى جاعدايعا قاراي ىستەۋ پرينسيبىنە تاباندى بولىپ، ەگىمشىلىككە ۇيلەسسە ەگىمشىلىكپەن شۇعىلدانىپ، باعىمشىلىققا ۇيلەسسە باعىمشىلىقپەن شۇعىلدانىپ، ونەركاسىپكە قولايلى بولسا ونەركاسىپتى دامىتىپ، ساياحاتقا قولايلى بولسا ساياحاتتى دامىتىپ، ’ٴبىر قىستاقتا ٴبىر شارا بولۋ‘، ’ٴبىر كاسىپورىندا ٴبىر جوبا بولۋدى‘ اتقاردىق“، ـ دەدى جۋ بيانجياڭ.
جەمسارى اۋدانى ارگۇڭ قالاشىعى ليۋشۋحىزى قىستاعىندا قىستاق جارنا ەكونوميكا سەلبەستىك كووپەراتيۆى سەلبەسىپ اشۋ سياقتى تاسىلدەر ارقىلى تيجارات مال ـ مۇلكىن جانداندىرىپ، قىستاقتاعى بوس جاتقان 300 مۋ يەن دالانى ”سۋ جەتكىزۋ، ەلەكتر جەتكىزۋ، جول سالۋ، الاڭ تەگىستەۋ“ ارقىلى جەمسارى اۋدانىنىڭ قايتا تۋىندايتىن بايلىقتى جيناپ الۋ، شوعىرلاندىرۋ، جونەلتۋ ورتالىعى ەتىپ قۇرىپ، جاراقسىز بۇيىمداردى ساتىپ الاتىن 24 پۋنكتتى وسىندا ورنالاسۋعا باۋراپ، ٴار جىلى قىستاق كوللەكتيۆ شارۋاشىلىعىنىڭ كىرىسىن 600 مىڭ يۋان ارتتىردى، سونىمەن بىرگە 20 قىستاق تۇرعىنىن جاقىن ماڭدا جۇمىستانۋعا جەتەكتەدى.
بيىل 4 ـ ايدا جەمسارى اۋدانى ارگۇڭ قالاشىعى تۋگۇڭ كوشەسى باتىس قىستاعىنىڭ شىت جاڭا ەگىمشىلىك كاسىپتىك سەلبەستىك كووپەراتيۆى 2023 ـ جىلعى جارنا يەلەرىنىڭ پايدا ٴبولىسى جينالىسىن اشىپ، سەلبەستىك كووپەراتيۆىنىڭ 88 مۇشەسى 700 مىڭ يۋان پايدانى قۋانا ٴبولىستى. بۇل سەلبەستىك كووپەراتيۆى اۋىل شارۋاشىلىق قۇرال ـ جابدىقتارىمەن تىكەلەي قامداۋدان ٴوندىرىستى اماناتتاپ باسقارۋعا دەيىنگى تۇتاس بارىستاعى اۋىل شارۋاشىلىق وندىرىسىنە قوعامدانعان قىزمەت وتەپ، تومەنگى شەككە كەپىلدىك ەتە وتىرىپ پايدا الۋمەن بىرگە، 2 ـ رەت پايدانى ٴبولىسۋ ۇلگىسىن قولدانىپ، قىستاق كوللەكتيۆى مەن قىستاق تۇرعىندارىنىڭ ورنىقتى كىرىسكە يە بولۋىنا مۇمكىندىك جاسادى.
2023 - جىلعى جارنا يەلەرىنىڭ پايدا ٴبولىسى جينالىسىندا توۋگۇڭ كوشەسى باتىس قىستاعىنىڭ تۇرعىنى جاڭ حايبين (وڭدا) 14 مىڭ 712 يۋان پايدانى قۋانا ٴبولىستى. سۋرەتتى جوۋ جيڭجيڭ تۇسىرگەن
2022 ـ جىلى تۋگۇڭ كوشەسى باتىس قىستاعىنىڭ تۇرعىنى جاڭ حايبين 100 مىڭ يۋان قارجى قوسىپ سەلبەستىك كووپەراتيۆىنە جارنا قوسىپ، كەلەسى جىلى 14 مىڭ 712 يۋان پايدا ٴبولىسىن الدى. سەلبەستىك كووپەراتيۆىنە جارنا قوسۋمەن بىرگە، ول جەردى اينالىمعا سالۋ ارقىلى اسقاباق، قارا شەكىلدەۋىكتىك قاربىز، جۇگەرى سياقتى ەگىس داقىلدارىن ەگىپ، ”قوس پايدا“ تاپتى.
”قازىر جەرىمىزدەن سىرت، كوللەكتيۆ شارۋاشىلىق جارنا كىرىسىمىز دە بار، وتباسىمىزدىڭ تۇرمىسى بارعان سايىن جاقساردى“، ـ دەدى جاڭ حايبين.
”ٴبىز پارتيا قۇرىلىسىن جەتەكشى ەتۋگە ۇزدىكسىز تاباندى بولىپ، ’ٴۇشتى ٴبىر تۇلعالاندىرۋ‘ رەفورماسىن تەرەڭدەتىپ، اۋىل ـ قىستاق كوللەكتيۆ شارۋاشىلىعىنىڭ ۇزدىكسىز دامىپ زورايۋىنا جەتەكشىلىك ەتىپ، قولداۋ كورسەتىپ، اناعۇرلىم كوپ بۇقارانىڭ رەفورمانىڭ پايداسىنان بىرگە يگىلىكتەنۋىنە مۇمكىندىك جاساپ، اۋىل ـ قىستاقتى گۇلدەندىرۋدى بىرگە جەبەيمىز“، ـ دەدى جەمسارى اۋداندىق پارتكومنىڭ تۇراقتى مۇشەسى، ۇيىمداستىرۋ ٴبولىمىنىڭ باستىعى جاۋ بين.
