16 ەلدىڭ مەديا قىزمەتكەرلەرى ٴۇرىمجىنى ارالادى:
”بۇل كەلگەن سايىن كەلە بەرگىڭ كەلەتىن قالا ەكەن“
□ انار بۇلت \ شينجياڭ گازەتىنىڭ ٴتىلشىسى سو رۇڭجى
6 ـ ايدىڭ 20 ـ كۇنىنەن 22 ـ كۇنىنە دەيىن ”جىبەك جولى ەكونوميكالىق بەلدەۋى وزەكتى رايونىن ارالاۋ“ نەگىزگى تاقىرىپتىق تىلشىلىك قيمىلىنا قاتىناسقان 16 ەلدىڭ 17 مەديا قىزمەتكەرى ٴۇرىمجىنى ارالاپ، ٴۇرىمجى حالىقارالىق قۇرلىقتىق پورت اۋماعىنا، گۋاڭجوۋ اۆتوموبيل توبى ٴمىنىس كولىگى شەكتى سەرىكتەستىگى شينجياڭ بولىمشە سەرىكتەستىگىنە، شينجياڭ جۇمساق بولشەك باقشاسىنا، شينجياڭ كوركەمونەر تەاترى مۇقام كوركەمونەر ۇيىرمەسىنە، شينجياڭ حالىقارالىق ۇلكەن بازارىنا، ت . ب بارىپ، ٴۇرىمجىنىڭ ەكونوميكا، قوعام دامىعان، مادەنيەتى گۇلدەنگەن، سونداي ـ اق حالىق تىنىش ٴومىر، شات ـ شادىمان تىرشىلىك كەشىرگەن ناقتى جاعدايىن شىنايى سەزىندى.
شىلىڭگىر ىستىقتاعى ٴۇرىمجى حالىقارالىق قۇرلىقتىق پورت اۋماعىنىڭ جۇڭگو _ ەۆروپا كەزەكشى پويەزدەرى شوعىرلاندىرۋ ورتالىعىندا پاراۆوزدار قايشالىسىپ، تىنىم تاپپاي جۇمىس ىستەۋدە، ماڭىنداعى تەمىر جول رەليستەرى تارامدالىپ الىسقا سوزىلىپ جاتىر، ”نەتكەن ايبىندى دەسەڭىزشى!“ وزبەكستان «انگرەن اقيقات گازەتىنىڭ» باس رەداكتورى مۇستافينا ارميلا ”جۇڭگو _ ەۆروپا كەزەكشى پويەزى ارقىلى جۇڭگونىڭ كۇندەلىكتى تۇرمىستىق بۇيىمدارى وزبەكستانعا جەتكىزىلدى، سونىمەن بىرگە، وزبەكستاننىڭ ەرەكشە ونىمدەرى دە جۇڭگوعا جەتكىزىلدى، جۇڭگو وندىرگەن كوپتەگەن كۇندەلىكتى تۇرمىستىق بۇيىمداردى ەل ىشىندە ساتىپ العانمىن، زاتتارى وتە تاماشا“، ـ دەدى.
گۋاڭجوۋ اۆتوموبيل توبى ٴمىنىس كولىگى شەكتى سەرىكتەستىگى شينجياڭ بولىمشە سەرىكتەستىگىندە مەديا قىزمەتكەرلەرى چۋانچي اۆتوموبيلىن ٴوندىرۋ جەلىسىنىڭ باس قۇراستىرۋ سەحىنا بارىپ، ٴاربىر جۇمىس جەلىسى ٴتارتىبى مەن ۇلاسپالى جەلى قۇراستىرۋ جالپى بارىسىن ۇعىستى. جاڭا اۆتوموبيل كورمە اۋماعىندا كوپشىلىك اۆتوموبيل باعاسىن تاپتەشتەي سۇرادى ٴارى جاڭا اۆتوموبيلگە وتىرىپ، سىناپ كوردى. گرۋزيا ”رۇستاۋەي ـ 2“ تەلەۆيزياسىنىڭ بىلىكتى جۇرگىزۋشىسى لەۆان پەنسحاۆا وسىزاماندانعان وسى زاۆودتا جۇڭگونىڭ ايگىلى ماركالى اۆتوموبيلدەرىنىڭ سىرتقى پىشىنىنەن جوبالانۋىنا دەيىن تۇگەلدەي حالىقارالىق دەڭگەيگە جەتكەندىگىن سەزىنگەندىگىن ايتتى.
شينجياڭ جۇمساق بولشەك باقشاسىنداعى ەلىكتەمەلى شينجياڭ اۋىل شارۋاشىلىعى ماشينالانعان جۇمىس جۇرگىزۋ اۋماعىندا كانادا ”كانادا ارحيۆىن“ قۇرۋشى جانە باس رەداكتور ايدەڭ يۆنا ماشيناعا وتىرىپ، شينجياڭنىڭ ماشينالانعان جۇمىس جۇرگىزۋىنىڭ اۋىل شارۋاشىلىعى وندىرىسىنە اكەلگەن قولايلىلىعىن سەزىندى. ”ۇلكەن ساندى مالىمەتتىڭ اۆتوماتتى تالداۋ جاساۋىنان پايدالانا وتىرىپ اتىز باپتاۋعا ٴجىتى ىلەسەدى، توتەنشە زەردەلى ەكەن“، ـ دەدى ول.
16 ەلدىڭ مەديا قىزمەتكەرلەرى شينجياڭ كوركەمونەر تەاترى مۇقام كوركەمونەر ۇيىرمەسىنىڭ جاتتىعۋ زالىندا وسى ۇيىرمەنىڭ مۇقام كونسەرتىن تاماشالاپ، شينجياڭدا ۇلتتار مادەنيەتىنىڭ جالعاسۋى مەن دامۋىن سەزىندى.
مۇقام كوركەمونەر ۇيىرمەسىنىڭ ساقتايتىن كونسەرتى، 12 مۇقامنىڭ كلاسسيك ٴۇزىندىسى «جۇلا» ٴار رەت قويىلعاندا تۇگەلدەي قىزۋ اڭىس قوزعاپ كەلدى. ورىنداۋشىلار وزگەشە ٴبي ارەكەتىمەن جانە شەبەرلىگىمەن مۇقام كوركەمونەرىنىڭ جاۋھارىن ايگىلەپ، ٴان مەن ٴبي، مۋزيكا توعىسقان كوركەمونەرلىك فورما كوزدى جارق ەتكىزدى. كوپشىلىك كونسەرتتەن ٴلاززاتتانىپ، كونسەرت اياقتاعاندا دەرەۋ ورىندارىنان تۇرىپ قىزۋ قول شاپالاق سوقتى.
باتار كۇن باتىسقا قۇلديلاپ بارا جاتقان كەزدە 16 ەلدىڭ مەديا قىزمەتكەرلەرى شينجياڭ حالىقارالىق ۇلكەن بازارىنا باردى. ٴدال وسى كەزدە شينجياڭ حالىقارالىق ۇلكەن بازارىندا ساياحاتشىلار قايشالىسىپ جاتقان، ساياحاتشىلاردىڭ ۇلتتىق ٴداستۇرلى كيىم ـ كەشەكتەردى كيىپ، سۋرەتكە ٴتۇسىپ جاتقاندىعىن كەز ـ كەلگەن جەردەن كورۋگە بولاتىن ەدى.
”دۇكەندەردەن مادەنيەت جانە حيكايا ايگىلەنىپ تۇر ەكەن، مۇنىڭ بارلىعى مەنىڭ زەر سالۋىما تاتيدى. بۇل كەلگەن سايىن كەلە بەرگىڭ كەلەتىن قالا ەكەن“ دەپ ٴبىر مەديا قىزمەتكەرى كوپشىلىكتىڭ جۇرەك ٴسوزىن ايتتى، سونىمەن، كوپشىلىك كەلەر جولى تاعى دا ۇرىمجىگە كەلۋگە ۋاعدالاستى.
