تاڭداۋلى ٴداستۇردى اسقاقتاتىپ، رەفورما جاساۋعا، جاڭالىق اشۋعا تاباندى بولىپ، ەكونوميكالىق، قوعامدىق دامۋعا قىزمەت وتەۋ، ەكى جاعالاۋدىڭ اۋىس ـ كۇيىسىن، سەلبەستىگىن جەبەۋ جاعىندا بەلسەندى رول اتقارىڭىزدار
شينحۋا اگەنتتىگىنىڭ 7 ـ ايدىڭ 24 ـ كۇنى بەيجيڭنەن بەرگەن حابارى. شيامىن اۆياتسيا شەكتى سەرىكتەستىگى قۇرىلعاندىعىنىڭ 40 جىلدىعى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ تاياۋدا شيامىن اۆياتسيا سەرىكتەستىگىندەگى بارلىق قىزمەتكەرگە جاۋاپ حات قايتارىپ، ولاردى قىزۋ قۇتتىقتادى ٴارى شىنايى ٴۇمىتىن ٴبىلدىردى.
شي جينپيڭ جاۋاپ حاتىندا بىلاي دەدى: مەن شيامىندا قىزمەت ىستەگەن كەزىمدە شيامىن اۆياتسيا سەرىكتەستىگىنىڭ العاش قۇرىلۋىنا قاتىناسقانمىن، 40 جىلدان بەرى سەرىكتەستىكتىڭ ٴوسىپ ـ جەتىلۋىنە نازار اۋدارىپ كەلەمىن. قازىر كەزىندە قۇر قول شاڭىراق كوتەرگەن شيامىن اۆياتسيا سەرىكتەستىگىنىڭ قارىشتاپ دامىعانىن كورىپ قاتتى قۋاندىم.
شي جينپيڭ بىلاي دەپ باسا دارىپتەدى: جاڭا داۋىردەگى جاڭا جورىقتا سىزدەردىڭ تاڭداۋلى ٴداستۇردى اسقاقتاتىپ، رەفورما جاساۋعا، جاڭالىق اشۋعا تاباندى بولىپ، وزەكتى باسەكەلىك قۋاتتى كۇشەيتىپ، حاۋىپسىزدىك تومەنگى شەگىن بەكەمدەپ، ەكونوميكالىق، قوعامدىق دامۋعا قىزمەت وتەۋ، ەكى جاعالاۋدىڭ اۋىس ـ كۇيىسىن، سەلبەستىگىن جەبەۋ جاعىندا بەلسەندى رول اتقارىپ، حالىق اۆياتسيا ىستەرىنىڭ جوعارى ساپالى دامۋىن ىلگەرىلەتۋگە، قاتىناستا قۋاتتى ەل قۇرۋعا اناعۇرلىم كوپ كۇش قوسۋلارىڭىزدى ٴۇمىت ەتەمىن.
شيامىن اۆياتسيا شەكتى سەرىكتەستىگى 1984 ـ جىلى 7 ـ ايدا قۇرىلعان، ەلىمىزدەگى تۇڭعىش وسى زامانعى كاسىپورىن ٴتۇزىمى بويىنشا جۇمىس جۇرگىزگەن اۆياتسيا سەرىكتەستىگى. شي جينپيڭ شيامىندا قىزمەت ىستەگەن كەزىندە العاش قۇرىلعان كەزەڭدەگى شيامىن اۆياتسيا سەرىكتەستىگىنىڭ كوپتەگەن قيىن ماسەلەسىن ٴوزى سايكەستىرىپ شەشكەن ەدى ٴارى شيامىن اۆياتسياسىنىڭ رەفورماسىنا، دامۋىنا باستان ـ اياق قامقورلىق جاساپ، جەتەكشىلىك ەتىپ كەلەدى. قازىر شيامىن اۆياتسيا سەرىكتەستىگى اشقان ەل ٴىشى ـ سىرتىنداعى اۋە جولى 400دەن استى، جىلدىق جولاۋشى تاسىمال مولشەرى 40 ميلليون ادامعا (رەت) تايادى، ۇشۋ حاۋىپسىزدىگى بەس جۇلدىز سيلىعى، جۇڭگو ساپا سيلىعى سياقتى داڭقتارعا يە بولدى. تاياۋدا شيامىن اۆياتسيا سەرىكتەستىگىندەگى بارلىق قىزمەتكەر باس شۋجي شي جينپيڭگە حات جازىپ، سەرىكتەستىك قۇرىلعان 40 جىلدان بەرى رەفورما جاساپ، جاڭالىق اشۋعا سۇيەنىپ قول جەتكىزگەن دامۋ ناتيجەلەرىنەن مالىمەت بەرىپ، اۋەلگى ماقساتتى ۇمىتپاي، قايراتتانا رەفورما جاساپ، سەرىكتەستىكتى كۇشەيتۋگە، ساپالىلاندىرۋعا، زورايتۋعا قۇلشىنىپ، بۇعازدىڭ ەكى جاعالاۋىنىڭ توعىسا دامۋىنا بەلسەنە دەم بەرۋ بەكىمدەرىن بىلدىرگەن بولاتىن.
