ما شيڭرۇي قارامايلى قالاسىنىڭ مايتاۋ رايونىندا پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحى جونىندە ۇگىت لەكسيا جاسادى، كاسىپ سالاسىنىڭ دامۋى جانە نەگىزگى ساتىنى باسقارۋ سياقتى قىزمەتتەرگە تەكسەرۋ ـ زەرتتەۋ جۇرگىزدى
پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ ستراتەگيالىق ورنالاستىرۋلارىن قىزمەتتىڭ قۋاتتى قوزعاۋشى كۇشىنە اينالدىرىپ، رەفورما رۋحىمەن جوعارى ساپالى دامۋدى ىلگەرىلەتۋدە ۇزدىكسىز تىڭ تابىسقا قول جەتكىزۋ كەرەك
7 - ايدىڭ 24 - كۇنى، اۆتونوميالى رايوندىق پارتكومنىڭ شۋجيى ما شيڭرۇي قارامايلى قالاسىنىڭ مايتاۋ رايونىنا كەلىپ، مۇناي حيميا ونەركاسىبىنە قاتىستى كاسىپورىنداردى جانە نەگىزگى ساتى مالىلەرىن ىشكەرىلەي ارالاپ، كادرلارعا، جۇمىسشى - قىزمەتكەرلەرگە، بۇقاراعا باعىتتاي وتىرىپ، پارتيا 20 - كەزەكتى ورتالىق كوميتەتىءۇشىنشى جالپى ءماجىلىسىنىڭ رۋحى جونىندە ۇگىت لەكسيا جاسادى. سۋرەتتە: ما شيڭرۇي مايتاۋ رايونىنىڭ شينبەي اۋماعى مالىسىنە بارىپ ۇگىت لەكسيا جاساپ، تەكسەرۋ - زەرتتەۋ جۇرگىزىپ، نەگىزگى ساتى كادرلارىمەن جالپى ءماجىلىستىڭ رۋحىن بىرگە ۇيرەنىپ، ۇعىنىپ، كوپشىلىكتىڭ نەگىزگى ساتىنىڭ رەفورما، دامۋ جونىندەگى تالاپ - تىلەكتەرىن، ۇسىنىستارىن تىڭداۋدا.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 7 ـ ايدىڭ 24 ـ كۇنى مايتاۋدان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 7 ـ ايدىڭ 24 ـ كۇنى قارامايلى قالاسىنىڭ مايتاۋ رايونىنا كەلىپ، مۇناي حيميا ونەركاسىبىنە قاتىستى كاسىپورىنداردى جانە نەگىزگى ساتى مالىلەرىن ىشكەرىلەي ارالاپ، كادرلارعا، جۇمىسشى ـ قىزمەتكەرلەرگە، بۇقاراعا باعىتتاي وتىرىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحى جونىندە ۇگىت لەكسيا جاسادى، ٴتۇيىندى كاسىپ سالاسىنىڭ دامۋى جانە نەگىزگى ساتىنى باسقارۋ سياقتى قىزمەتتەرگە ىشكەرىلەي تەكسەرۋ ـ زەرتتەۋ جۇرگىزىپ، ٴبىرىنشى شەپتىڭ قيىنشىلىعىن، تىلەك ـ تالابىن ۇعىسىپ، قاتىستى قىزمەتتەردە وي جەلىنى كەڭەيتۋدى، شارادا جاڭالىق اشۋدى، جوعارى ساپالى دامۋدى ىلگەرىلەتۋگە جەتەكشىلىك ەتىپ، جالپى ٴماجىلىس رۋحىنىڭ جۇرەككە ۇيالاۋىنا، ارەكەتتە ايگىلەنۋىنە، تياناقتانۋىنا شىنايى كەپىلدىك ەتتى. ما شيڭرۇي بىلاي دەپ باسا دارىپتەدى: پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، رۋحاني ٴمانىن جەتە ٴتۇسىنۋ، وزەكتى ماڭىزىن ٴتۇسىنۋ، امالياتتىق تالابىن يگەرۋ جاعىندا ٴۇرتىس كۇش سالىپ، جالپى ٴماجىلىستىڭ ٴتۇرلى ستراتەگيالىق ورنالاستىرۋلارىن شينجياڭنىڭ جوعارى ساپالى دامۋداعى ٴتۇيىندى مىندەتتەرىمەن شىن مانىندە تىعىز ۇشتاستىرىپ، يدەيانى ازات ەتۋگە، شىندىققا ۇمتىلىپ جاڭالىق اشۋعا، شىنايى يگەرىپ ناقتى ىستەۋگە كۇش سالىپ، رەفورما رۋحىمەن دامۋدى يگەرۋ، حالىق تۇرمىسىنا تيىمدىلىك جاساۋ، حاۋىپسىزدىكتى قامتاماسىز ەتۋ قىزمەتتەرىن ىلگەرىلەتۋدە تىڭ تابىسقا قول جەتكىزۋ كەرەك.
پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى جوعارى دەڭگەيلى سوتسياليستىك بازار شارۋاشىلىعى ٴتۇزىلىسىن ورناتۋ، ەكونوميكانىڭ جوعارى ساپالى دامۋىن ىلگەرىلەتۋ ٴتۇزىلىس ـ مەحانيزمىن اقاۋسىزداندىرۋ جونىندە ماڭىزدى ورنالاستىرۋ جاسادى. ما شيڭرۇي جۇڭگو مۇناي توبى مايتاۋ مۇناي حيميا سەرىكتەستىگىنە كەلىپ، كاسىپورىننىڭ رەفورما جاساۋ، شارۋاشىلىق جۇرگىزۋ، دامۋ جاعدايىن ىشكەرىلەي ۇعىستى. وسى كاسىپورىننىڭ قويمالجىڭ بۋتيل بەنزولدى كاۋچۇك ٴوندىرۋ قۋاتى مەن بازار ۇلەسى ەل ىشىندە الدىڭعى ورىندا تۇرادى، ما شيڭرۇي تانىستىرۋدى دەن قويا تىڭداپ، جاڭادان قوسىلعان ٴوندىرىس جەلىسىنىڭ اينالىم جاعدايىن ۇعىسىپ، ونىمدەر كورمەسىن تەكسەرىپ كورىپ، كاسىپورىننىڭ جاۋاپتىلارىمەن كەلەسى قادامداعى دامۋ جونىندە ىشكەرىلەي پىكىر اۋىستىردى. ول بىلاي دەپ اتاپ كورسەتتى: كاسىپورىن _ جوعارى دەڭگەيلى سوتسياليستىك بازار شارۋاشىلىعى ٴتۇزىلىسىنىڭ كۇش دانەكەرى. جالپى ٴماجىلىستىڭ رۋحىن ىشكەرىلەي ٴتۇسىنىپ، كاسىپورىننىڭ ناقتى ٴىس جۇزىندىگىمەن ۇشتاستىرىپ، رەفورما وي جەلىسىن شەبەرلىكپەن قولدانىپ كاسىپورىننىڭ جوعارى ساپالى دامۋىن ىلگەرىلەتۋ كەرەك. بازار شارۋاشىلىعىنىڭ دامۋىنا جانە وسىزامانداندىرۋ قۇرىلىسىنا ۇيلەسەتىن شارۋاشىلىق، باسقارۋ ٴتۇزىلىس ـ مەحانيزمىن ۇزدىكسىز كەمەلدەندىرىپ، بەلسەندىلىكتى، ىرىقتىلىقتى ٴۇرتىس كۇشەيتىپ، دامۋدىڭ قوزعاۋشى كۇشىن، ومىرشەڭدىك كۇشىن قاۋلاتىپ، باتىلدىقپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، كۇشەيتۋدى، ساپالىلاندىرۋدى، زورايتۋدى تەزدەتىپ، وزەكتى باسەكەلىك قۋاتتى جوعارىلاتۋ كەرەك. ما شيڭرۇي كاسىپورىننىڭ بازار قاجەتىن اناعۇرلىم ويداعىداي يگەرىپ، ٴوندىرىس قۋاتىن جارىققا شىعارۋدى جەدەلدەتىپ، بارىن سالىپ ٴوندىرىس جۇرگىزىپ، رەفورمانىڭ، دامۋدىڭ جاڭا تابىستارىمەن وڭىرلىك جوعارى ساپالى دامۋعا اناعۇرلىم ويداعىداي قىزمەت ەتۋىن ٴۇمىت ەتتى. شينجياڭ تيانلي مۇناي حيميا جارنا شەكتى سەرىكتەستىگىنە بارعاندا، ما شيڭرۇي كاسىپورىننىڭ شارۋاشىلىق جۇرگىزۋ، دامۋ قىزمەتىنە سول جەردىڭ وزىندە تەكسەرۋ ـ زەرتتەۋ جۇرگىزىپ، كاسىپ سالاسىنىڭ ورنالاسىمىن جانە جاڭادان سالىنعان نىسانداردىڭ اياق الىسىن تاپتەشتەي سۇراپ ۇعىسىپ، قاتىستى جاۋاپتىلارعا ٴتۇيىندى نىسانداردىڭ ورنالاسىمى مەن قۇرىلىس تەبىنىن ارتتىرىپ، وڭتۇستىك شينجياڭ نىساندارىن باستاۋدى، اتقارۋدى جەدەل ىلگەرىلەتۋدى تاپسىردى؛ باسقارۋ مەحانيزمىن ساپالىلاندىرىپ، بايلىق فاكتورلارىنان پايدالانۋ ونىمدىلىگىن جانە شارۋاشىلىق، باسقارۋ دەڭگەيىن كۇش سالا جوعارىلاتىپ، نازاردى ولقىلىقتاردى تولىقتايتىن، تەبىندى ارتتىراتىن، قوزعاۋشى قۋاتتى كۇشەيتەتىن شەشۋشى بۋىندارعا شوعىرلاندىرىپ، كاسىپ سالاسى تىزبەگىن ۇزارتىپ، دامۋدىڭ جاڭا قوزعاۋشى قۋاتىن، جاڭا باسىمدىعىن ۇزدىكسىز تۇلعالاۋدى دارىپتەدى.
مەملەكەتتىك زاپاس جۇيەنى جەدەل كەمەلدەندىرۋ وسى رەتكى جالپى ٴماجىلىس ورنالاستىرۋىنىڭ ماڭىزدى مازمۇنى. ما شيڭرۇي مايتاۋ مەملەكەتتىك مۇناي زاپاس قويماسىنا بارىپ، قاتىستى قىزمەتتەردىڭ اياق الىسىن ىشكەرىلەي ۇعىسىپ، بىلاي دەپ باسا دارىپتەدى: جالپى ٴماجىلىستىڭ كاسىپ سالاسى تىزبەگىنىڭ، قامداۋ تىزبەگىنىڭ سەرپىمدىلىگى مەن حاۋىپسىزدىك دەڭگەيىن جوعارىلاتۋ جونىندەگى كەلەلى ورنالاستىرۋلارىن تەرەڭ يگەرىپ، دامۋ مەن حاۋىپسىزدىكتى اناعۇرلىم جوعارى دەڭگەيدە ٴبىر تۇتاس جوسپارلاۋعا تاباندى بولىپ، ٴتۇرلى شارالاردى قاتاڭ، ناقتى، ەگجەي ـ تەگجەيلى تياناقتاندىرىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋگە اناعۇرلىم زور ۇلەس قوسۋ كەرەك.
وسىدان كەيىن ما شيڭرۇي مايتاۋ رايونىنىڭ شينبەي اۋماعى مالىسىنە بارىپ ۇگىت لەكسيا جاساپ، تەكسەرۋ ـ زەرتتەۋ جۇرگىزىپ، ٴمالىنىڭ باسقارۋ جۇلگەسى، قوسىن قۇرىلىسى، نەگىزگى ساتىنىڭ اۋىرتپالىعىن جەڭىلدەتۋ، ۇلتتار ىنتىماعى سياقتى قىزمەت تانىستىرۋىن تىڭداپ، نەگىزگى ساتى كادرلارىمەن جالپى ٴماجىلىستىڭ رۋحىن بىرگە ۇيرەنىپ، ۇعىنىپ، كوپشىلىكتىڭ نەگىزگى ساتىنىڭ رەفورما، دامۋ جونىندەگى تالاپ ـ تىلەكتەرىن، ۇسىنىستارىن تىڭدادى. ول بىلاي دەپ اتاپ كورسەتتى: پارتيا ورتالىق كوميتەتىنىڭ رەفورمانى ونان ارى جاپپاي تەرەڭدەتۋ جونىندەگى ورنالاستىرۋى جۇڭگوشا سوتسياليستىك ٴتۇزىمدى ۇزدىكسىز كەمەلدەندىرىپ جانە دامىتىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ ٴۇشىن بولىپ تابىلادى. نەگىزگى ساتىنى باسقارۋ مۇنىڭ ىشىندەگى ماڭىزدى مازمۇن. ما شيڭرۇي بىلاي دەپ باسا دارىپتەدى: رەفورمانى يگەرۋ، دامۋدى جەبەۋ، سايىپ كەلگەندە، حالىقتى اناعۇرلىم تاماشا تۇرمىسقا كەنەلتۋ ٴۇشىن بولماق. ٴمالى الەۋمەتتىك اۋماعى نەگىزگى ساتىنى باسقارۋدىڭ نەگىزگى بىرلىگى رەتىندە بۇقاراعا قىزمەت وتەۋ سىندى وسى وزەكتى مىندەتپەن تىعىز بايلانىستىرىپ رەفورما جاساۋدى، جاڭالىق اشۋدى ىلگەرىلەتىپ، باسقارۋ، قىزمەت وتەۋ دەڭگەيىن ۇزدىكسىز جوعارىلاتىپ، بۇقارالىق قىزمەتتى ەرەكشە ىجداعاتتىلىقپەن ىستەپ، كوپشىلىكتىڭ جان جۇيەسىنە جەتكىزە ىستەپ، ٴار ۇلت بۇقاراسىن باستاپ جۇڭحۋا ۇلتى ورتاق تۇلعا تانىمىن بەكەمدەپ، اناعۇرلىم باقىتتى دا تاماشا تۇرمىسقا بىرگە ۇمتىلۋى كەرەك.
ما شيڭرۇي تەكسەرۋ ـ زەرتتەۋ بارىسىندا بىلاي دەپ باسا دارىپتەدى: جەر ـ جەر، تاراۋلار پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋدى، دايەكتىلەندىرۋدى قۋاتتى قوزعاۋشى كۇشكە اينالدىرىپ، جوعارى ساپالى دامۋدىڭ ٴار سالاسىنا ٴسىڭىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋدى ارقاۋ ەتىپ، مەملەكەت جالپى جاعدايىنداعى شينجياڭنىڭ ستراتەگيالىق ورنىن كوزدەي وتىرىپ، جاڭا وي جەلىسىن جوسپارلاپ، جاڭا شارا قاراستىرىپ، جاڭا ىسكەرلىك كورسەتىپ، جالپى ٴماجىلىس ورنالاستىرعان كەلەلى شارالاردى شىندىققا جۇگىنىپ ناقتى ىستەي وتىرىپ سوڭىنا دەيىن تىڭعىلىقتى، ەگجەي ـ تەگجەيلى تياناقتاندىرۋى كەرەك. وسىزاماندانعان كاسىپ سالاسى جۇيەسىن جەدەل ورناتۋ ارقىلى جوعارى ساپالى دامۋعا پارمەندى تىرەك بولۋ كەرەك. مۇناي، گاز، كومىر، كەن سياقتى بايلىقتار مەن كاسىپ سالالارىنىڭ بۇكىل ەلدىڭ ەكونوميكالىق كەلەلى جاعدايىنداعى ماڭىزدى رولىن تولىق ساۋلەلەندىرىپ، ”سەگىز ٴىرى كاسىپ سالاسى شوعىرى“ سياقتى ەرەكشەلىككە، باسىمدىققا يە كاسىپ سالالارىنىڭ ساپاسىن جوعارىلاتىپ، ونىمدىلىگىن ارتتىرۋدى ٴۇرتىس ىلگەرىلەتىپ، ولقى كاسىپ سالالارىنىڭ تىزبەكتى تولىقتاۋىن، باسىمدىققا يە كاسىپ سالالارىنىڭ تىزبەكتى ۇزارتۋىن، ٴداستۇرلى كاسىپ سالالارىنىڭ تىزبەكتى جوعارىلاتۋىن، جاڭادان گۇلدەنگەن كاسىپ سالالارىنىڭ تىزبەك قالىپتاستىرۋىن تەزدەتىپ، كاسىپ سالاسى نەگىزىنىڭ جوعارى دەڭگەيگە كوتەرىلۋىن جانە كاسىپ سالاسى تىزبەگىنىڭ وسىزاماندانۋ دەڭگەيىن جاپپاي جوعارىلاتۋ كەرەك. قالا، اۋىل تۇرعىندارىنىڭ تۇرمىستىق دەڭگەيىن ۇزدىكسىز جاقسارتۋ ارقىلى جوعارى ساپالى دامۋدى پارمەندى كورنەكتىلەندىرۋ كەرەك. حالىقتى وزەك ەتكەن دامۋ يدەياسىنا تاباندى بولىپ، ٴار ۇلت بۇقاراسىنىڭ ەڭ كوڭىل بولەتىن، ەڭ تىكە، ەڭ رەال مۇددە ماسەلەلەرىن ٴبىر تۇتاس جوسپارلاپ ويداعىداي شەشىپ، كىرىستى ارتتىرۋ ارناسىن ٴۇرتىس كەڭەيتىپ، نەگىزگى ساتىنى باسقارۋ دەڭگەيىن جوعارىلاتىپ، ٴار ۇلت بۇقاراسىنىڭ تابىس سەزىمىنىڭ، باقىت سەزىمىنىڭ، حاۋىپسىزدىك سەزىمىنىڭ اناعۇرلىم تولىق بولۋىنا، اناعۇرلىم قامتاماسىز ەتىلۋىنە، اناعۇرلىم باياندى بولۋىنا مۇمكىندىك جاساۋ كەرەك. جوعارى دەڭگەيلى حاۋىپسىزدىك ارقىلى جوعارى ساپالى دامۋدى پارمەندى قامتاماسىز ەتۋ كەرەك. دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، ٴتۇيىندى سالالارداعى حاۋىپ ـ قاتەرلەردەن، كومەسكى كىناراتتاردان ٴونىمدى ساقتانىپ جانە ونى ٴتارتىپتى جويىپ، ٴوندىرىس حاۋىپسىزدىگى قىزمەتىن ويداعىداي يگەرۋدى كورنەكتىلەندىرىپ، ٴار جاقتىڭ جاۋاپكەرشىلىگىن ويداعىداي تياناقتاندىرىپ، جوعارى ساپالى دامۋ مەن جوعارى دەڭگەيلى حاۋىپسىزدىكتىڭ ۇتىمدى ىقپالداستىعىن جۇزەگە اسىرۋ كەرەك.
