انار بۇلت \ شينجياڭ گازەتىنىڭ ٴتىلشىسى لي ياڭ 7 ـ ايدىڭ 24 ـ كۇنى ۇرىمجىدەن حابارلايدى. 7 ـ ايدىڭ 24 ـ كۇنى تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ۇرىمجىدە شينجياڭعا ەكسكۋرسيالاي، ساپارلاي كەلگەن لاتۆيا داشۋەسى كۇڭزى شۋەيۋانىنىڭ باستىعى، لاتۆيالىق بىلىكتى ديپلومات، جۇڭگو تانۋشى پيلدەگوۆيچپەن جانە ونىڭ ساپارلاستارىمەن كەزدەستى.
ەركىن تۇنياز مىنالاردى ٴبىلدىردى: سوڭعى جىلدارى ٴتوراعا شي جينپيڭنىڭ، جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، شينجياڭ حالىقتى وزەك ەتكەن دامۋ يدەياسىنا تاباندى بولىپ، جاڭا داۋىردەگى جۇڭگو كوممۋنيستىك پارتياسىنىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شينجياڭدى زاڭمەن باسقارۋدى، شينجياڭدى ىنتىماقتاسا ورنىقتىرۋدى، شينجياڭدى مادەنيەتپەن نارلەندىرۋدى، حالىقتى بايىتىپ شينجياڭدى گۇلدەندىرۋدى، شينجياڭدى باياندى كوركەيتۋدى ٴبىر تۇتاس جوسپارلاپ ىلگەرىلەتتى، قازىر تيانشان الابىندا قوعامدىق كەلەلى جاعداي ٴۇرتىس ورنىقتى بولىپ، ەكونوميكا جوعارى ساپالى دامۋدا، ٴار ۇلت حالقى تىنىش ٴومىر، شات ـ شادىمان تىرشىلىك كەشىرۋدە. امەريكا قاتارلى باتىس ەلدەرىندەگى ٴىشىنارا كۇشتەر شينجياڭ جونىندەگى وسەك ـ اياڭدار مەن ساندىراقتاردى قايتا ـ قايتا دابىرالادى، مۇنداعى ماقساتى _ ”شينجياڭ ارقىلى جۇڭگونى شاۋجايلاۋ“ قاسكۇنەمدىگىن جۇزەگە اسىرۋ. جۇڭگو شينجياڭىنىڭ ەسىگى قاشاندا دۇنيە جۇزىنە ايقارا اشىلادى، پيلدەگوۆيچ مىرزانىڭ شينجياڭدا ساپاردا بولعان كەزىندە كورگەن ـ بىلگەندەرىن لاتۆيانىڭ ساياسي سالاسىنداعىلارعا جانە حالقىنا تانىستىرىپ، حالىقارادا جۇڭگو شينجياڭى جونىندەگى حيكايانى ويداعىداي بايانداپ، حالىقارالىق قوعامنىڭ شىنايى شينجياڭدى جان ـ جاقتى، وبيەكتيۆ تانۋىنا مۇمكىندىك جاساۋىن شىن جۇرەكتەن ٴۇمىت ەتەمىن. جۇڭگو شينجياڭى لاتۆيامەن ەكونوميكا ـ ساۋدا، مادەنيەت، عىلىم ـ تەحنيكا، وقۋ ـ اعارتۋ، ساياحات سياقتى جاقتاردا سەلبەستىكتى كۇشەيتىپ، ەكى ەل حالقىن باقىتقا كەنەلتۋدى قالايدى.
پيلدەگوۆيچ مىنالاردى ٴبىلدىردى: جۇڭگونىڭ شينجياڭىندا ەكسكۋرسيادا، ساپاردا بولعان كەزىمدە شينجياڭنىڭ ەكونوميكالىق، قوعامدىق دامۋدا بۇرىن بولماعان ىلگەرىلەۋشىلىكتەرگە قول جەتكىزگەندىگىن، ٴار ۇلت حالقىنىڭ تاماشا تۇرمىس كەشىرىپ جاتقاندىعىن، تولىق ٴدىني سەنىم ەركىندىگى بار ەكەندىگىن ٴوز كوزىممەن كوردىم. رولىمدى بەلسەنە ساۋلەلەندىرىپ، اناعۇرلىم كوپ ادامنىڭ جۇڭگونىڭ شينجياڭىن تانۋىن جانە ٴبىلۋىن جەبەيمىن.
لاتۆيا داشۋەسى كۇڭزى شۋەيۋانىنىڭ جۇڭگو جاق باستىعى حى دۇڭ جانە حانىمى، قايسار ابدۇكەرىم، اۆتونوميالى رايوننىڭ قاتىستى تاراۋلارىنداعى جاۋاپتى جولداستار كەزدەسۋگە قاتىناستى.
