انار بۇلت \ شينجياڭ گازەتىنىڭ ٴتىلشىسى جاڭ يانفاڭ 7 ـ ايدىڭ 24 ـ كۇنى ۇرىمجىدەن حابارلايدى. 7 ـ ايدىڭ 24 ـ كۇنى 2024 ـ جىلعى اۆتونوميالى رايوننىڭ شينجياڭدى مادەنيەتپەن نارلەندىرۋ قىزمەتىن ىلگەرىلەتۋ ٴماجىلىسى اشىلدى. ٴماجىلىس پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەندى، دايەكتىلەندىردى، شي جينپيڭ مادەنيەت يدەياسىن جانە پارتيا ورتالىق كوميتەتىنىڭ شينجياڭدى مادەنيەتپەن نارلەندىرۋ قىزمەتى جونىندەگى ستراتەگيالىق ورنالاستىرۋلارىن ۇيرەندى، دايەكتىلەندىردى، اۆتونوميالى رايوندىق پارتكومنىڭ قىزمەت تالاپتارىن دايەكتىلەندىردى، تياناقتاندىردى، قىزمەتتەردى قورىتىندىلادى، ولقىلىقتاردى تاپتى، سوڭعى جارتى جىلداعى شينجياڭدى مادەنيەتپەن نارلەندىرۋ قىزمەتىن اقىلداسىپ ورنالاستىردى.
اۆتونوميالى رايوندىق پارتكومنىڭ تۇراقتى مۇشەسى، ۇگىت ٴبولىمىنىڭ باستىعى ۋاڭ جيانشين ماجىلىسكە قاتىناستى ٴارى ٴسوز سويلەدى، سۇن حۇڭمەي باسقاردى.
ٴماجىلىس مىنالاردى اتاپ كورسەتتى: بيىل جىل باسىنان بەرى اۆتونوميالى رايوندىق پارتكومنىڭ پارمەندى باسشىلىعىندا، جەر ـ جەر، تاراۋلار شىنايى مويىنداۋدى كۇشەيتۋدى نىسانا ەتۋگە تاباندى بولىپ، نازاردى جىلدىق ٴتۇيىندى مىندەتتەرگە شوعىرلاندىرىپ، جۇيەلى جوسپارلاۋدى كۇشەيتىپ، قامتاماسىزداندىرۋ مەحانيزمىن كەمەلدەندىرىپ، شينجياڭدى مادەنيەتپەن نارلەندىرۋ قىزمەتىن نىق قاداممەن العا ىلگەرىلەتتى.
ٴماجىلىس مىنالاردى باسا دارىپتەدى: شي جينپيڭ مادەنيەت يدەياسىن جەتەكشى ەتۋگە تاباندى بولىپ، قىزمەت ٴتۇيىنىن كورنەكتىلەندىرىپ، 2024 ـ جىلعى اۆتونوميالى رايوننىڭ شينجياڭدى مادەنيەتپەن نارلەندىرۋ قىزمەتىنىڭ ماڭىزدى ٴتۇيىنىن جانە جۇمىس ٴبولىسى جوباسىن ارقاۋ ەتە وتىرىپ مىندەتتەردى تىڭعىلىقتى ىلگەرىلەتۋ كەرەك. شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋدى، ۇگىتتەۋدى، دايەكتىلەندىرۋدى ماڭداي الدى ساياسي مىندەت ەتىپ، پارتيانىڭ جاسامپاز نازارياسىنىڭ تيانشان الابىندا تامىر تارتىپ تياناقتانۋىن ٴۇرتىس ىلگەرىلەتۋ؛ جۇڭحۋا مادەنيەتىن بار كۇشپەن اسقاقتاتىپ، بۇكىل قوعامدا جۇڭحۋا مادەنيەتى نەگىزگى ٴتۇسىن بەينەلەۋگە كۇش سالۋ؛ كوپ ٴتۇرلى شارانى قاتار قولدانا وتىرىپ ٴار ۇلت بۇقاراسىن دۇرىس تاريح كوزقاراسىن بەرىك ورناتۋعا جەتەكتەۋ؛ مەملەكەتتە ٴبىر تۇتاس قولدانىلاتىن ٴتىل ـ جازۋ تاربيەسىن ٴۇرتىس كۇشەيتۋ؛ وسى زامانعى وركەنيەت جاڭا سالتىن كۇش سالا جەتىلدىرۋ، قالىپتاستىرۋ؛ ادەبيەت ـ كوركەمونەر سارا تۋىندىلارى ستراتەگياسىن بار كۇشپەن اتقارىپ، بۇقارانىڭ مادەني تۇرمىسىن بايىتۋ؛ مادەنيەت اۋىس ـ كۇيىسىن، ٴبىر ـ بىرىنەن ۇلگى الۋىن كۇشەيتىپ، ساياحاتتى اشىق ۇستاۋ سەرپىنىن ارتتىرىپ، ۇلتتاردىڭ ارالاسۋىن، ىشتەسۋىن، توعىسۋىن ۇزدىكسىز تەرەڭدەتۋ كەرەك. جاۋاپكەرشىلىكتى قاتايتىپ، ناقتىلاندىرىپ، شينجياڭدى مادەنيەتپەن نارلەندىرۋ قىزمەتىنىڭ ۇزدىكسىز جاڭا ونىمدىلىكتەرگە قول جەتكىزۋىن ىلگەرىلەتۋ كەرەك.
