شينجياڭ گۇلدەنىپ ـ كوركەيگەن، اشىق، الۋان تۇسكە بولەنگەن جەر ەكەن
_ چاد وتانشىلدىق قۇتقارۋ قوزعالىسى ۋاكىلدەر ۇيىرمەسىندەگىلەر شينجياڭدا ەكسكۋرسيادا، ساپاردا بولدى
□ انار بۇلت \ شينجياڭ گازەتىنىڭ ٴتىلشىسى ۋاڭ نا
7 ـ ايدىڭ 3 ـ كۇنىنەن 5 ـ كۇنىنە دەيىن چاد وتانشىلدىق قۇتقارۋ قوزعالىسىنىڭ باس شۋجيى بادا جانە ول باستاعان ۋاكىلدەر ۇيىرمەسىندەگىلەر شينجياڭدا ەكسكۋرسيادا، ساپاردا بولدى. ولار بازار، كاسىپورىن، ەسكەرتكىش سارايى، مەشىت سياقتى جەرلەرگە بارىپ، جەرگىلىكتى بۇقارامەن ىشكەرىلەي اڭگىمەلەستى. ولار جۇڭگو كوممۋنيستىك پارتياسىنىڭ باسشىلىعىندا شينجياڭنىڭ ەكونوميكالىق، قوعامدىق دامۋدا كەرەمەت تابىسقا قول جەتكىزگەندىگىن شىن جۇرەكتەن القادى.
شىلىڭگىر شىلدە كەزى، شينجياڭ حالىقارالىق ۇلكەن بازارىندا ساياحاتشىلار قايشالىسادى، ۇلتتىق ەرەكشەلىگى قويۋ مۋزيكا اسپاپتارى، قالىڭ دا جۇمساق كىلەم، الۋان رەڭدى اتلاس سياقتىلار كوزدىڭ جاۋىن الادى، توڭىرەكتىڭ ٴتورت بۇرىشىنان كەلگەن ساياحاتشىلار وسى ارادا ٴان ـ ٴبيدى تاماشالاپ، ٴدامدى تاعامداردان تاتىپ، كوڭىلدى، ەمىن ـ ەركىن، تاماشا شاقتان ٴلاززاتتاندى. ۋاكىلدەر ۇيىرمەسىنىڭ مۇشەلەرى قايشالىسقان ادامدار اراسىندا قۋانىشتى، بەرەكەلى رايدان اسەرلەنىپ، شينجياڭ حاۋىپسىز، بەيبىت، ورنىقتى، گۇلدەنگەن جەر ەكەن، ادامداردىڭ جارقىن بەينەسى شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ جاقتارىنداعى ناتيجەلەرىنىڭ كورنەكتى ەكەندىگىن تولىق ٴتۇسىندىرىپ بەرەدى دەپ شىن جۇرەكتەن القاۋ ايتتى.
”ٴوز باسىمنان وتكەرگەننەن كەيىن، شينجياڭنىڭ گۇلدەنىپ ـ كوركەيگەن، اشىق، الۋان تۇسكە بولەنگەن جەر ەكەندىگىن، ٴىشىنارا باتىس ەلدەرى مەديالارىنىڭ حابارلاعانىمەن بۇكىلدەي ۇقسامايتىندىعىن بايقادىم“. بادا مىنالاردى ٴبىلدىردى: جۇڭگونىڭ مەملەكەتتىڭ ورنىقتىلىعىن، حاۋىپسىزدىگىن، دامۋىن قورعاۋ جاعىندا قولدانعان شاراسىن باتىل قولدايمىن، جۇڭگو شينجياڭىنىڭ زورلىقتى كۇش، لاڭكەستىك قىلمىستىق ارەكەتتەرىنە زاڭ بويىنشا قاتاڭ سوققى بەرىپ، قوعام ورنىقتىلىعى مەن حالىقتىڭ ٴومىرىن، مال ـ مۇلكىنىڭ حاۋىپسىزدىگىن قورعاعاندىعىن باتىل قولدايمىن.
ٴۇرىمجى قالاسىنىڭ جەڭىس جولىنا ورنالاسقان 8 ـ ارميانىڭ شينجياڭدا تۇراتىن ٴىس باسقارماسى ەسكەرتكىش سارايىندا كونە سۋرەتتەر، تاريحي ارحيۆتەر جانە توڭكەرىستىك مادەني ەسكەرتكىشتەر، سونداي ـ اق مۇسىندەر، ماي بوياۋلى سۋرەتتەر، ەلەكتروندى قۇم تاباق سياقتىلار جۇڭگو كوممۋنيستىك پارتياسىنىڭ شينجياڭداعى شۇعىلالى بارىسىن بايانداۋدا. ۋاكىلدەر ۇيىرمەسىنىڭ مۇشەلەرى بۇل ارادا دەن قويا تىڭداپ، مۇقيات كورىپ، اۋىق ـ اۋىق قىزمەتكەرلەرمەن پىكىرلەستى، الپەتتەرىنەن جۇڭگو كوممۋنيستىك پارتياسى جونىندەگى ٴسۇيىنىش سەزىمدەرى مەن مۇندالادى.
چاد وتانشىلدىق قۇتقارۋ قوزعالىسىنىڭ پارتيا ٴتارتىبى قاتىناسىنا جاۋاپتى مەملەكەتتىك شۋجيى، قوسىمشا مالىمدەمەشىسى يسا دۇبراني بىلاي دەدى: ”جۇڭگو كوممۋنيستىك پارتياسىنىڭ پارتيا قۇرىلىسىنا ايرىقشا ٴمان بەرىپ، پارتيانىڭ ساياسي قۇرىلىسىن، يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، ٴتارتىپ قۇرىلىسىن جاپپاي ىلگەرىلەتۋ ارقىلى قۋاتتى باۋراۋ قۋاتىن، ۇيىستىرۋ قۋاتىن، جاۋىنگەرلىك قۋاتىن جانە ومىرشەڭدىك قۋاتىن ٴۇرتىس قاۋلاتۋى بىزگە تەرەڭ وي سالدى“.
ٴۇرىمجى قالالىق قالا جوباسى كورمە سارايى كوپتەگەن الدىڭعى لەك ينفورماتسيا تەحنيكاسى ارقىلى بايىرعى جىبەك جولىنىڭ شينجياڭداعى ساۋدا جاعدايىن قايتا كەسكىندەپ، جاڭا داۋىردەگى شينجياڭنىڭ ”ٴبىر بەلدەۋ، ٴبىر جول“ وزەكتى رايونى قۇرىلىسىن قۇلشىنا ىلگەرىلەتۋدە قول جەتكىزگەن تابىستارىن باياندادى؛ ٴۇرىمجى حالىقارالىق قۇرلىقتىق پورت رايونىندا زات جيناۋ اۆتوكولىكتەرى ارلى ـ بەرلى قايشالىسادى، تۇرلىشە ەلدەردىڭ، تۇرلىشە كاسىپورىنداردىڭ بەلگىسى باسىلعان قىرۋار كونتينەرلەر رەتتى قويىلعان... قاربالاس جۇمىس جاعدايى ”ٴبىر بەلدەۋ، ٴبىر جولدى“ بىرگە قۇرۋدا قول جەتكىزگەن ٴىس جۇزىندىك تابىستاردى ايگىلەۋدە.
وسى ەكى جەردە ەكسكۋرسيادا، ساپاردا بولعان كەزدە ۋاكىلدەر ۇيىرمەسىنىڭ مۇشەلەرى ٴتۇسىندىرۋدى مۇقيات تىڭداپ، الىپ ەكرانداعى فيلم ماتەريالدارىن كورىپ، ٴار ورىنداعى كورمە تاقتالارىن جانە قويىلعان دۇنيەلەردى مۇقيات ەكسكۋرسيالاپ، قۇم تاباعىنىڭ مودەلىن دەن قويا كورىپ، ”ٴبىر بەلدەۋ، ٴبىر جولدى“ بىرگە قۇرۋ باستاماسىن وسكەلەڭ تۇراقتاندىردى جانە قۇپتادى ٴارى چادتىڭ جۇڭگو شينجياڭىمەن ٴار جاقتاعى دوستىقتى، اۋىس ـ كۇيىستى بەلسەنە ىلگەرىلەتىپ، ٴوزارا پايدا جەتكىزىپ، تەڭ يگىلىككە كەنەلە دامۋدى جۇزەگە اسىراتىندىعىن ٴبىلدىرىستى.
ۋاكىلدەر ۇيىرمەسىندەگىلەر تاعى جينفىڭ عىلىم ـ تەحنيكا جارنا شەكتى سەرىكتەستىگى سياقتى كاسىپورىندارعا بارىپ، جەل كۇشىمەن ەلەكتر تاراتۋ جۇمىسى مەن جاڭا ەنەرگيا الاڭ ـ پۋنكتى قۇرىلىسى، حالىقارالىق بازار اشۋ سياقتى جاعدايلاردى ۇعىستى. مۇشەلەر ٴبىر اۋىزدان مىنالاردى ٴبىلدىردى: جۇڭگو شينجياڭىنىڭ جەل ەلەكتر تەحنيكاسى، فوتوۆولت تەحنيكاسى ەلگە ايان، چادتا دا جەل ەنەرگياسى مەن كۇن نۇرىنىڭ ٴتۇسۋى جەتكىلىكتى، جۇڭگو شينجياڭىمەن جاڭا ەنەرگيا سالاسىندا سەلبەستىك ورىستەتۋدى ٴۇمىت ەتەمىز ٴارى شينجياڭ كاسىپورىندارىنىڭ چادقا بارىپ قارجى قوسىپ، شارۋاشىلىقتارىن كوركەيتىپ، بىرگە دامۋدى جەبەۋىن قارسى الامىز.
”ٴبىز شينجياڭنىڭ ەكونوميكالىق، قوعامدىق دامۋىنىڭ گۇلدەنىپ ـ كوركەيگەندىگىن سەزىندىك، شينجياڭدا ۇيرەنگەن پايدالى تاجىريبەلەردى چادقا الا قايتىپ حالىقتى باقىتقا كەنەلتۋدى ٴۇمىت ەتەمىز ٴارى سىرتقا شىنايى، كوركەم شينجياڭدى بەلسەنە ۇگىتتەيمىز“، ـ دەدى چاد وتانشىلدىق قۇتقارۋ قوزعالىسىنىڭ مەملەكەتتىڭ سىرتقا قاراتىلعان قارىم ـ قاتىناسىنا جانە شەتەلدەگى پارتيا مۇشەلەرىنە جاۋاپتى مەملەكەتتىك شۋجيى، زۇڭتۇڭ سارايىنىڭ ورىنباسار باس حاتشىسى اشاسا ليح داماني.
ۋاكىلدەر ۇيىرمەسىندەگىلەر تاعى ٴۇرىمجى ياڭحاڭ مەشىتىنە بارىپ ٴدىني قىزمەتكەرلەرمەن ىشكەرىلەي پىكىر اۋىستىرىپ، شينجياڭنىڭ ٴدىن ىستەرىن زاڭ بويىنشا باسقارۋ، ٴدىني قيمىل ورىندارىن، ٴدىني قايراتكەرلەر مەن دىنگە سەنەتىن بۇقارانىڭ زاڭدى ۇقىق ـ مۇددەسىن زاڭ بويىنشا قامتاماسىز ەتۋ، دىنگە سەنەتىن بۇقارانىڭ قالىپتى ٴدىني قاجەتى مەن زاڭدى ٴدىني قيمىلدارىن زاڭ بويىنشا قامتاماسىز ەتۋ ٴتۇرلى شارالارىن القايتىندىقتارىن ٴبىلدىردى.
ۋاكىلدەر ۇيىرمەسىنىڭ مۇشەلەرى جابال مىنالاردى ٴبىلدىردى: قىسقا عانا ەكسكۋرسيا ـ ساپار بارىسىندا شينجياڭنىڭ ”كەڭ ـ بايتاق“ جانە ”كوركەم“ ەكەندىگىن كورىپ ـ بىلدىك، شينجياڭ حالقىنىڭ جۇزدەرىنەن ەسكەن باقىتتى كوردىك، بۇدان كەيىن شينجياڭعا تاعى كەلىپ ارالاپ كورەمىز.
