جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ٴماجىلىس اشتى
تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋ قىزمەتتەرىن اقىلداستى، ورنالاستىردى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى
شينحۋا اگەنتتىگىنىڭ 7 ـ ايدىڭ 25 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 7 ـ ايدىڭ 25 ـ كۇنى ٴماجىلىس اشىپ، تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋ قىزمەتتەرىن اقىلداستى، ورنالاستىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى ٴارى ماڭىزدى ٴسوز سويلەدى.
ٴماجىلىس مىنالاردى اتاپ كورسەتتى: بيىل ەلىمىزدىڭ كليمات جاعدايى ناشارلاۋ، كۇشتى جاۋىن ـ شاشىن كوپ، ۋاقىتى ۇزاق بولدى، وزەن ـ داريالاردا تاسقىن ەرتە باستالىپ، تەز كۇشەيدى، ٴىشىنارا جەرلەر قايتا ـ قايتا كۇشتى جاڭبىردىڭ سوققىسىنا ۇشىرادى، تاسقىننان ساقتانۋ، تاسقىنعا قارسى اتتانۋ جاعدايى اۋىر دا كۇردەلى بولدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ٴار دارەجەلى پارتكوم مەن ۇكىمەت جەدەل ارەكەتتەنىپ، بار كۇشپەن توتەپ بەردى، مەملەكەتتىك تاسقىننان ساقتانۋ، قۋاڭشىلىققا قارسى اتتانۋ باس قولباسشىلىق شتابى، ٴارقايسى قاتىستى تاراۋ مەن ورىندار مىندەتىن وتەپ، جاۋاپكەرشىلىگىن ادا ەتىپ، تىزە قوسا سەلبەسىپ، ازاتتىق ارميا مەن قارۋلى ساقشى بولىمدەرى، مەملەكەتتىك ۋنيۆەرسال ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ قوسىنى جانە ٴتۇرلى كاسىپتىك قۇتقارۋ ـ كومەكتەسۋ كۇشتەرى بۇيرىقتى ەستي سالا اتتانىسقا كەلىپ، اتويلاپ الدا ٴجۇردى، قالىڭ كادرلار مەن بۇقارا قيىن ـ قىستاۋ شاقتاردى بىرگە وتكىزىپ، ەل بىرلىگىنەن بەرىك قامال تۇرعىزىپ، مەكەندى قورعاۋدىڭ بەرىك قورعانىس شەبىن بىرگە قۇرىپ، تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋدا كەلەلى كەزەڭدىك جەتىستىككە قول جەتكىزدى.
ٴماجىلىس مىنالاردى باسا دارىپتەدى: قازىر ەلىمىز ” 7ـ ايدىڭ سوڭى مەن 8 ـ ايدىڭ باسىنداعى“ تاسقىننان ساقتانۋدىڭ شەشۋشى مەزگىلىنە تۋرا كەلىپ وتىر، چاڭجياڭ وزەنى سياقتى اعارلاردا تاسقىن ورلەۋىنەن ساقتانۋ، توسپانىڭ جارىلۋىنان ساقتانۋ، قاپتاعان سۋدى اعىزۋ قىسىمى جەڭىلدەمەدى، حۋاڭحى، حۋايحى، حايحى، سۇڭلياۋ وزەنى اعارلارىندا ٴبىرشاما اۋىر تاسقىن جاعدايى تۋىلۋى مۇمكىن، بۇعان تايفىڭ داۋىلىنىڭ كۇشەيۋى قوسىلىپ، تاسقىننان ساقتانۋ جاعدايى اناعۇرلىم قاتاڭ دا كۇردەلى بولدى. قاتىستى وڭىرلەر، تاراۋلار جانە ورىندار تاسقىننان ساقتانۋ، تاسقىنعا قارسى اتتانۋ سىندى ارقاۋدى باستان ـ اياق مىقتاپ شيراتىپ، قىزمەت ىرىقتىلىق ۇقىعىن مىقتاپ يگەرىپ، تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋ سىندى قاتاڭ شايقاستىڭ جەڭىسىنە باتىل قول جەتكىزۋى كەرەك.
ٴماجىلىس مىنالاردى اتاپ كورسەتتى: حالىقتىڭ ٴومىرىنىڭ حاۋىپسىزدىگىن قامتاماسىز ەتۋدى باستان ـ اياق ٴبىرىنشى ورىنعا قويىپ، باقىلاۋ ـ ولشەۋ ٴتاسىلىن اناعۇرلىم كەمەلدەندىرىپ، الدىن الا ساقتاندىرۋدىڭ دالدىگىن جوعارىلاتىپ، الدىن الا ساقتاندىرۋمەن شۇعىل جاعدايعا توتەپ بەرۋ بويىنشا اتتانىسقا كەلىپ بىرلەسىپ ارەكەتتەنۋدى كۇشەيتىپ، اتتانىسقا كەلۋ قارقىنىن تەزدەتىپ، ساقتانۋ تۇيىندەرىن كورنەكتىلەندىرىپ، نەگىزگى ساتىنىڭ سوڭعى بۋىندارىنا قاداعالاي نازار اۋدارىپ، قاتەرلى وڭىرلەردەگى بۇقارانى الدىن الا ٴارى ـ ٴسارى بولماستان كوشىرىپ، ٴولىم ـ ٴجىتىمدى بارىنشا ازايتۋ كەرەك. ماڭىزدى توسپالاردىڭ، سۋ قويمالاردىڭ جانە نەگىزدىك قۇرىلعىلاردىڭ حاۋىپسىزدىگىنە شىنايى كەپىلدىك ەتۋ، تاسقىننان ساقتانۋ، شارلاپ تەكسەرۋ، قورعانۋ ٴتۇزىمىن تياناقتاندىرۋ، ٴالسىز توسپا بولىكتەرىن، قاتەرلى قۇرىلىستاردىڭ قاتەرلى بولىكتەرىن، قاتەرلى سۋ قويمالارىن ٴتۇيىندى قورعاۋدى كورنەكتىلەندىرىپ، قاتەردى تەكسەرۋ، قاتەردى الاستاۋ سەرپىنىن كۇشەيتىپ، ۇلكەن وزەن ـ داريا توسپالارىنىڭ جىرىلىپ كەتۋىنەن، ٴىرى جانە ٴتۇيىندى ورتا تيپتەگى سۋ قويمالارىنىڭ بۇزىلۋىنان باتىل ساقتانۋ كەرەك. تاسقىننان ساقتانۋ ينجەنەرياسىن عىلمي ورنالاستىرىپ، تاسقىن ىركۋ رايونىنان پايدالانۋ دايىندىعىن ەگجەي ـ تەگجەيلىلەندىرۋ كەرەك. وڭتۇستىكتىڭ سۋىن سولتۇستىككە جەتكىزۋ، گازدى باتىستان شىعىسقا جەتكىزۋ، تاس جول، تەمىر جول سياقتى ماڭىزدى نەگىزدىك قۇرىلعىلارعا، سونداي ـ اق قالانىڭ جەر استى كەڭىستىگى، كوپىر وتكىنى، تۋنەل سياقتى ٴتۇيىندى ورىندارعا باعىتتاي وتىرىپ، حاۋىپ ـ قاتەردى، كومەسكى كىناراتتاردى ونان ارى ٴبىر ـ بىردەن تەكسەرىپ، شۇعىل جاعدايعا توتەپ بەرۋ شارالارىن تياناقتاندىرىپ، حاۋىپسىز اينالىمدى قامتاماسىز ەتۋ كەرەك.
ٴماجىلىس مىنالاردى باسا دارىپتەدى: قاتەردەن اراشالاۋدى، قۇتقارۋ ـ كومەكتەسۋدى، اپاتتان قۇتقارۋدى بار كۇشپەن ورىستەتىپ، ٴبىر تۇتاس جوسپارلاپ ورنالاستىرۋدى جانە الدىن الا ورنالاستىرۋدى كۇشەيتۋ كەرەك. ازاتتىق ارميا، قارۋلى ساقشى بولىمدەرى، ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ قوسىنى، ورتالىق كاسىپورىندارى سياقتى ٴار جاقتاعى كۇشتەر شۇعىل جاعدايعا توتەپ بەرۋ كۇيىن قاي ـ قاشان دا ساقتاپ، ٴبىر تۇتاس ورنالاستىرۋعا بويسۇنىپ، جەدەل اتتانىسقا كەلىپ، جوعارى ونىمدىلىكپەن قۇتقارۋ ـ كومەكتەسۋگە شىنايى كەپىلدىك ەتۋ كەرەك. اپاتتان قۇتقارۋ قارجىسىن دەر كەزىندە بوساتىپ، اپاتتان قۇتقارۋ زاتتىق ماتەريالدارىن جەتكىزىپ، قامسىزداندىرۋ تولەمىن جەدەلدەتىپ، اپاتقا ۇشىراعان بۇقارانى ۇيلەسىمدى ورنالاستىرىپ، بۇقارانىڭ ەمدەلۋى، وقۋشىلاردىڭ وقۋ باستاۋى سياقتى قاجەتتەرىن ويداعىداي قامتاماسىز ەتۋ كەرەك. سۋ يگىلىگى، ەلەكتر، قاتىناس، حابارلاسۋ سياقتى بۇلىنگەن نەگىزدىك قۇرىلعىلاردى جەدەل رەمونتتاپ، اپاتقا ۇشىراعان بۇقارانى ٴوندىرىستى قالپىنا كەلتىرۋگە، مەكەندەرىن قايتا قۇرۋعا ۇيىمداستىرۋ جانە باستاۋ كەرەك. اۋىل شارۋاشىلىعىندا اپاتتان ساقتانۋ، اپات زيانىن ازايتۋ قىزمەتىن تىڭعىلىقتى ويداعىداي ىستەپ، اۋىل شارۋاشىلىعىنىڭ زيانىن مۇمكىندىكتىڭ بارىنشا ازايتىپ، مەملەكەتتىڭ استىق حاۋىپسىزدىگىن قامتاماسىز ەتۋ كەرەك. اپاتقا ۇشىراعان قيىنشىلىعى بار بۇقاراعا كوڭىل ٴبولىپ جانە كومەكتەسىپ، اپات سەبەبىنەن كەدەيلەسۋدەن، قايتا كەدەيلەسۋدەن ساقتانۋ كەرەك. شۇعىل جاعدايعا توتەپ بەرۋ بويىنشا قامتاماسىز ەتۋ قابىلەتى قۇرىلىسىن كۇشەيتىپ، قالانىڭ تاسقىننان ساقتانۋ، تاسقىن سۋىن ىعىستىرۋ قابىلەتىن جوعارىلاتىپ، قاتەرلى سۋ قويمالارى، ورتا، شاعىن وزەن اعارلارىنداعى توسپا، تاسقىن ىركۋ رايوندارى سياقتى تاسقىننان ساقتانۋ ينجەنەريالارىنداعى جانە ەگىس اتىزدارىنداعى جايىلعان سۋدى ىعىستىرۋداعى ولقىلىقتاردى تولىقتاپ، جاراتىلىستىق اپاتتاردىڭ جالپىلىق حاۋىپ ـ قاتەرىن جاپپاي تەكسەرۋ جەتىستىكتەرىنەن ويداعىداي پايدالانىپ، نەگىزگى ساتىنىڭ شۇعىل جاعدايعا توتەپ بەرۋ نەگىزى مەن كۇشىن كۇشەيتىپ، تۇتاس قوعامنىڭ اپات زيانىن جان ـ جاقتى ازايتۋ قابىلەتىن ۇزدىكسىز جوعارىلاتۋ كەرەك.
ٴماجىلىس مىنالاردى تالاپ ەتتى: ٴار دارەجەلى پارتكوم مەن ۇكىمەت پارتيا ورتالىق كوميتەتىنىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، تياناقتاندىرىپ، ٴبىر جەردىڭ دامۋىن جەبەۋ، ٴبىر جەردىڭ تىنىشتىعىن ساقتاۋ سىندى ساياسي جاۋاپكەرشىلىكتى شىنايى ارقالاۋى، مەملەكەتتىك تاسقىننان ساقتانۋ، قۋاڭشىلىققا قارسى اتتانۋ باس قولباسشىلىق شتابى ٴبىر تۇتاس جوسپارلاپ سايكەستىرۋدى كۇشەيتۋى، ٴار دارەجەلى باسشى كادرلار الدىڭعى شەپتە قولباسشىلىق ەتۋى، قاتىستى جاقتار تىعىز سايكەسىپ، بىرىككەن كۇش ۇيىستىرۋى كەرەك. نەگىزگى ساتى پارتيا ۇيىمدارى مەن قالىڭ پارتيا مۇشەلەرى مەن كادرلار جاۋىنگەر قورعاندىق جانە اۆانگارد ۇلگىلىك رولىن تولىق ساۋلەلەندىرىپ، تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋدىڭ ٴبىرىنشى شەبىندە ەرلىكپەن العا ۇمتىلىپ، جاۋاپكەرشىلىكتى باتىل ارقالاپ، حالىق بۇقاراسىنىڭ ٴومىرى مەن مال ـ مۇلكىنىڭ حاۋىپسىزدىگىن بار كۇشپەن قامتاماسىز ەتۋى كەرەك.
ٴماجىلىس باسقا دا ىستەردى اقىلداستى.
