انار بۇلت \ شينجياڭ گازەتىنىڭ ٴتىلشىسى حي حۇڭۋي 7 ـ ايدىڭ 25 ـ كۇنى ۇرىمجىدەن حابارلايدى. اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىمىزشا، بيىل الدىڭعى جارتى جىلدا شينجياڭنىڭ ساۋداگەر شاقىرىپ، قارجى ەنگىزۋدە تياناقتاندىرىپ اتقارعان نىسانى 2790 بولىپ، رايون سىرتىنان ەنگىزىپ تياناقتاندىرعان قارجىسى 449 ميلليارد 257 ميلليون يۋان بولىپ، سايكەس مەزگىلدەگىدەن %3.93 ارتقان. مۇنىڭ ىشىندە سولتۇستىك شينجياڭ ٴوڭىرىنىڭ رايون سىرتىنان ەنگىزىپ تياناقتاندىرعان قارجىسى 272 ميلليارد 737 ميلليون يۋان بولىپ، تۇتاس رايون جالپى مولشەرىنىڭ %60.71 ىن ۇستاپ، سايكەس مەزگىلدەگىدەن %8.45 ارتقان.
رايون سىرتىنان تياناقتاندىرعان قارجىنىڭ جالپى مولشەرى بويىنشا الدىڭعى 3 ورىنداعىسى جەكە ـ جەكە ىلە قازاق اۆتونوميالى وبلىسى، اقسۋ ايماعى، سانجى حۇيزۋ اۆتونوميالى وبلىسى بولىپ، تياناقتانعان قارجى جەكە ـ جەكە 72 ميلليارد 790 ميلليون يۋان، 71 ميلليارد 843 ميلليون يۋان، 67 ميلليارد 193 ميلليون يۋان بولدى. ارتۋ قارقىنىنان قاراعاندا، الدىڭعى 3 ورىنداعىسى قارامايلى قالاسى، سانجى وبلىسى، تۇرپان قالاسى بولىپ، سايكەس مەزگىلدەگىدەن جەكە ـ جەكە %27.13 ، %21.33، 14 %14.91 ارتقان.
شينجياڭ نازاردى كاسىپ سالاسى شوعىرىنا شوعىرلاندىرىپ، دالمە ـ ٴدال ساۋداگەر شاقىردى. اۆتونوميالى رايوننىڭ ”سەگىز ٴىرى كاسىپ سالاسى شوعىرى“ ٴتۇيىندى كاسىپ سالاسى تىزبەگىنىڭ كارتاسىن ىشكەرىلەي زەرتتەپ، ايماقتاردىڭ، وبلىستاردىڭ، قالالاردىڭ ٴوز كاسىپ سالاسىنىڭ دامۋ جاعدايىنا نەگىزدەلىپ، وزدەرىنىڭ كاسىپ سالاسىنا ساۋداگەر شاقىرۋ ٴتۇيىنىن، بەتالىسىن ايقىنداپ، كاسىپورىنداردىڭ شينجياڭعا كەلىپ قىزمەت تەكسەرۋىن، كەڭەسۋىن سايكەستىرىپ، كاسىپ تىزبەگىنىڭ ٴۇزىلۋ تۇيىندەرىنە مەڭزەس تولىقتاما تىزبەك جاساپ، دالمە ـ ٴدال ساۋداگەر شاقىرۋدى كورنەكتىلەندىرىپ، شينجياڭنىڭ جوعارى، ورتا، تومەنگى بۋىنداردا تىعىز سايكەسكەن، تۇلعالاندىرىلعان كەمەلدى كاسىپ سالاسى تىزبەگىن قالىپتاستىرۋىن اناعۇرلىم جەبەۋگە جەتەكشىلىك ەتتى. بيىل الدىڭعى جارتى جىلدا شينجياڭ ”سەگىز ٴىرى كاسىپ سالاسى شوعىرى“ نىسانىنان 1835ىن تياناقتاندىرىپ، اتقارىپ، رايون سىرتىنان ەنگىزىپ تياناقتاندىرعان قارجىسى 358 ميلليارد 984 ميلليون يۋان بولىپ، سايكەس مەزگىلدەگىدەن %24.51 ارتتى.
بيىل جىل باسىنان بەرى اۆتونوميالى رايوندىق ساۋدا ىستەرى مەڭگەرمەسى ٴتۇرلى شارالاردى بەلسەنە قولدانىپ، ساۋداگەر شاقىرىپ قارجى ەنگىزۋ ايگىلى ماركا قيمىلىن قالىپتاستىرىپ، كاسىپ سالاسى سەلبەستىگىن تانىستىرۋ، ۇشتاستىرۋ قيمىلىن كوپ رەت وتكىزدى.
اۆتونوميالى رايوندىق ساۋدا ىستەرى مەڭگەرمەسى ساۋداگەر شاقىرۋ باسقارماسىنىڭ ورىنباسار باستىعى لين يفىڭ مىنالاردى ٴبىلدىردى: اۆتونوميالى رايوندىق ساۋدا ىستەرى مەڭگەرمەسى ساۋداگەر شاقىرىپ قارجى ەنگىزۋ قىزمەتىن ۇزدىكسىز كورنەكتى ورىنعا قويىپ تياناقتاندىرۋدى ىلگەرىلەتىپ، ساۋداگەر شاقىرىپ قارجى ەنگىزۋ ارناسىن ۇزدىكسىز كەڭەيتىپ، ساۋداگەر شاقىرىپ قارجى ەنگىزۋدىڭ ساپاسىن، ونىمدىلىگىن جوعارىلاتىپ، ٴبىر تۇتاس جوسپارلاپ سايكەستىرۋدى، جەتەكشىلىك ەتۋدى كۇشەيتىپ، نىسان زاپاسىن ارتتىرىپ، ٴتۇيىندى نىسانداردىڭ ناقتىلانۋىن، تياناقتانۋىن ويداعىداي يگەرىپ، اۆتونوميالى رايوننىڭ ەكونوميكاسىنىڭ، قوعامىنىڭ جوعارى ساپالى دامۋىنا پارمەندى تىرەك ازىرلەيدى.
