اۆتونوميالى رايوندىق پارتكوم تۇراقتى كوميتەتى ٴماجىلىس اشتى
باس شۋجي شي جينپيڭنىڭ ماڭىزدى ٴسوزىنىڭ، ماڭىزدى نۇسقاۋىنىڭ رۋحىن جەتكىزدى، ۇيرەندى، دايەكتىلەندىردى
پارتيا ورتالىق كوميتەتىنىڭ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، ۇگىتتەۋ قىزمەتى جونىندەگى ورنالاستىرۋلارىن، تالاپتارىن دايەكتىلەندىرۋدى اقىلداستى
ما شيڭرۇي ٴماجىلىستى باسقاردى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 7 ـ ايدىڭ 25 ـ كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 7 ـ ايدىڭ 25 ـ كۇنى تۇستەن بۇرىن ٴماجىلىس اشىپ، باس شۋجي شي جينپيڭنىڭ شانشي شاڭلو قالاسى جاشۇي اۋدانىنداعى ٴبىر جوعارى جىلدامدىقتى تاس جول كوپىرىنىڭ قۇلاعاندىعى جونىندە بەرگەن ماڭىزدى نۇسقاۋىنىڭ رۋحىن جانە پارتيا سىرتىنداعى قايراتكەرلەر اڭگىمە ماجىلىسىندەگى ماڭىزدى ٴسوزىنىڭ رۋحىن جەتكىزدى، ۇيرەندى، دايەكتىلەندىردى، پارتيا ورتالىق كوميتەتىنىڭ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، ۇگىتتەۋ قىزمەتى جونىندەگى ورنالاستىرۋلارىن، تالاپتارىن دايەكتىلەندىرۋدى اقىلداستى، اۆتونوميالى رايوننىڭ پارتيا ٴتارتىبىن ۇيرەنۋ تاربيەسى، جوعارى مەكتەپ وقۋشىلارىنىڭ باتىس بولىككە ەرىكتى قىزمەت وتەۋ جوسپارىنىڭ ىلگەرىلەتىلۋ احۋالى جونىندەگى مالىمەتتى تىڭداپ، كەلەسى قادامداعى قىزمەتتى اقىلداسىپ ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ٴماجىلىستى باسقاردى.
ٴماجىلىس مىنالاردى اتاپ كورسەتتى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، حاۋىپ ـ قاتەر تانىمىن بەرىك ورناتىپ، تومەنگى شەكتە ويلاۋدى كۇشەيتىپ، الدىڭعى مەرزىمدىك قىزمەتتەر نەگىزىندە نازاردى ٴتۇيىندى وڭىرلەر مەن شەشۋشى سالالارعا شوعىرلاندىرىپ، اپات حاۋىپ ـ قاتەرلەرىن قايتادان ٴبىر ـ بىردەن تەكسەرۋ، قايتادان جونگە سالۋ كەرەك. الدىن الا ساقتاندىرۋدى، الدىن الا حابارلاۋدى كۇشەيتىپ، سەل اپاتىنان، گەولوگيالىق اپاتتان، ت.ب الدىن الا ساقتانۋ ينفورماتسياسىن دەر كەزىندە، دالمە ـ ٴدال جاريالاۋ؛ قۇتقارۋ كۇشتەرىن، شۇعىل جاعدايعا توتەپ بەرۋ زاتتىق ماتەريالدارىن، ت .ب دايىنداۋ قىزمەتىن ٴبىر تۇتاس ويداعىداي جوسپارلاپ، شەشۋشى ساتتە جەتكىزۋگە، پايدالانا الۋعا شىنايى كەپىلدىك ەتۋ؛ جول قاتىناسى، كومىر الابى، كەن، ساياحات سياقتى ٴتۇيىندى سالالار مەن كاسىپ سالالارىنداعى كومەسكى كىناراتتاردى ٴبىر ـ بىردەن اداقتاپ تەكسەرۋدى كورنەكتى تۇردە ويداعىداي يگەرىپ، حاۋىپسىزدىك قالتقىسىن بەرىك ورناتۋ كەرەك. ٴار دارەجەلى پارتكوم، ۇكىمەت ”پارتكوم مەن ۇكىمەت تەڭ جاۋاپكەرشىلىك ارقالاۋ، ٴبىر قىزمەت ورنىندا قوس جاۋاپكەرشىلىك وتەۋدى“ قاتاڭ تياناقتاندىرىپ، قاتىستى تاراۋلار ”ٴۇش باسقارۋ، ٴۇش ٴسوزسىز“ تالابىن تياناقتاندىرىپ، ٴارقايسى ٴوندىرىس، تيجارات ورىندارى زاڭ بويىنشا نەگىزگى تۇلعالىق جاۋاپكەرشىلىگىن تياناقتاندىرىپ، ٴوندىرىس حاۋىپسىزدىگى جان تامىرىن باتىل قورعاۋ كەرەك.
ٴماجىلىس مىنالاردى باسا دارىپتەدى: باس شۋجي شي جينپيڭنىڭ ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ٴارقايسى دەموكراتيالىق پارتيا ـ توپتاردى، ساۋدا ـ ونەركاسىپشىلەر بىرلەستىگىن جانە پارتيادا، توپتا جوق قايراتكەرلەردى پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، يدەيالىق ورتاق تانىم ۇيىستىرىپ، جاۋاپكەرشىلىك ارقالاۋدى كۇشەيتىپ، نازارلارىن شينجياڭنىڭ رەفورمانى اناعۇرلىم جاپپاي تەرەڭدەتۋ، ەكونوميكانىڭ، قوعامنىڭ جوعارى ساپالى دامۋى سياقتى ٴتۇيىندى قىزمەتتەرگە شوعىرلاندىرىپ، ىشكەرىلەي تەكسەرۋ ـ زەرتتەۋ جۇرگىزىپ، بەلسەنە اقىل ـ كەڭەس بەرىپ، جاقسى اقىلشى، جاقسى كومەكشى، جاقسى قىزمەتتەس رولىن تولىق ساۋلەلەندىرۋگە ىنتىماقتاستىرۋ جانە باستاۋ كەرەك. پارتيا ورتالىق كوميتەتىنىڭ كوپ پارتيا سەلبەستىگى ىستەرى جونىندەگى ورنالاستىرۋلارىن، تالاپتارىن تەرەڭ ٴتۇسىنىپ، ساياسيدا بەرىك، ساپاسى تاڭداۋلى، ۋاكىلدىك سيپاتى كۇشتى، قۇرىلىمى ۇيلەسىمدى، ومىرشەڭدىك كۇشكە تولى پارتيا سىرتىنداعى قايراتكەرلەر قوسىنىن جەدەل قۇرۋ كەرەك.
ٴماجىلىس مىنالاردى باسا دارىپتەدى: جەر ـ جەر، تاراۋلار باس شۋجي شي جينپيڭنىڭ جانە پارتيا ورتالىق كوميتەتىنىڭ ورنالاستىرۋلارىن، تالاپتارىن باتىل دايەكتىلەندىرىپ، تياناقتاندىرىپ، دەن قويا جوسپارلاپ اتقارىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسى رۋحىنىڭ ٴتۇيىندى مازمۇندارىن ىشكەرىلەي ۇيرەنۋدى، ۇعىنۋدى ارقاۋ ەتىپ، ۇيرەنۋ، ۇگىتتەۋ، دايەكتىلەندىرۋ ورلەۋىن تەزدەن كوتەرۋ كەرەك. ٴتۇيىندى مىندەتتەردى تياناقتاندىرۋ كەرەك، ٴار دارەجەلى باسشى كادرلار باستاماشىلدىقپەن ۇيرەنۋى، ٴار دارەجەلى پارتكومداردىڭ (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسى جالپى ٴماجىلىس رۋحىن ۇيرەنۋدى ٴتۇيىندى مازمۇن ەتۋى، ٴار دارەجەلى پارتيا مەكتەپتەرى (اكىمشىلىك شۋەيۋان) مەن كادر تاربيەلەۋ ـ باۋلۋ قۇرىلىمدارى مەرزىمگە، توپقا ٴبولىپ، پارتيا مۇشەلەرىنە جۇيەلى باۋلۋ جۇرگىزۋى كەرەك؛ نەگىزگى ساتىنى بەتكە العان، بۇقارانى بەتكە العان ۇگىت لەكسيانى ىشكەرىلەي ورىستەتۋ، اۆتونوميالى رايوندىق پارتكومنىڭ تۇراقتى مۇشەلەرى، ولكە دارەجەلى باسشى جولداستار باستاماشىلدىقپەن ۇگىت لەكسيا جۇرگىزۋى كەرەك؛ ٴار دارەجەلى اقپارات مەديالارى كوپ تۇرعىدان، كوپ ساتىدا ۇگىت جۇرگىزۋدى، تۇسىنىك جاساۋدى ويداعىداي ىستەۋى؛ قاتىستى زەرتتەۋ قۇرىلىمدارى مەن مامان ـ وقىمىستىلار نازاردى ٴتۇيىندى تاقىرىپ تاڭداۋعا شوعىرلاندىرىپ، نازاريالىق زەرتتەۋ ـ تالقى ورىستەتۋى؛ سىرتقا باعىتتالعان ۇگىتتەۋ، تانىستىرۋ قىزمەتىن بەلسەنە ويداعىداي ىستەۋ كەرەك. ٴار دارەجەلى پارتكومدار (پارتيا باسشىلىق گرۋپپاسى) جاۋاپكەرشىلىك ارقالاپ، ٴىس جۇزىندىكپەن ۇشتاستىرىپ، جالپى ٴماجىلىس رۋحى مەن باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ٴبىر تۇلعالى ىلگەرىلەتىپ، دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ ورنالاستىرۋلارىنىڭ، تالاپتارىنىڭ ناقتى ونىمدىلىك بەرۋىنە شىنايى كەپىلدىك ەتۋ كەرەك.
ٴماجىلىس مىنالاردى باسا دارىپتەدى: ٴار دارەجەلى پارتيا ۇيىمدارى باس شۋجي شي جينپيڭنىڭ پارتيانىڭ ٴتارتىپ قۇرىلىسىن جاپپاي كۇشەيتۋ جونىندەگى ماڭىزدى بايىمداۋلارىن جەتە ۇيرەنۋدى، جەتە ٴتۇسىنۋدى مىندەتتى ساباق ەتۋگە، ۇدايىلىق ساباق ەتۋگە تاباندى بولىپ، ٴتارتىپ تاربيەسىن ۇدايىلاندىرۋدىڭ، تۇزىمدەندىرۋدىڭ ٴونىمدى جولىنا بەلسەنە ىزدەنىس جاساۋ كەرەك. پارتيانى جاپپاي قاتاڭ باسقارۋدىڭ نەگىزگى تۇلعالىق جاۋاپكەرشىلىگىن باتىل ارقالاپ، قاتاڭ نەگىزگى اۋەندى، قاتاڭ شارانى، قاتاڭ رايدى ۇزاق ۋاقىت بويى تاباندىلىقپەن جالعاستىرىپ، ٴتارتىپتىڭ قاتاڭ شەكتەمەسىن ۇزدىكسىز كۇشەيتىپ، ۇقىق شوعىرلانعان، قارجى توپتالعان، بايلىق جينالعان سالالارداعى شىرىكتەسۋدى وڭاۋدى ىشكەرىلەتىپ، ستيلى پاك، سالتى دۇرىس ساياسي ەكولوگيانى قۇلشىنا جاراتۋ كەرەك. پارتيا ٴتارتىبىن ۇيرەنۋ تاربيەسىن قورىتىندىلاۋ قىزمەتىن مۇقيات ويداعىداي ىستەپ، جەر ـ جەردىڭ، تاراۋلاردىڭ ۇيرەنۋ تاربيەسىنىڭ تابىستارىن جاۋاپكەرشىلىك ارقالاۋ، ناقتى ٴىس تىندىرۋدىڭ ناقتى ارەكەتىنە شىنايى اينالدىرىپ، شينجياڭنىڭ باياندى تىنىشتىعىنا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتى تىڭعىلىقتى ويداعىداي ىستەۋىن ىلگەرىلەتۋ كەرەك.
ٴماجىلىس مىنالاردى باسا دارىپتەدى: باتىس بولىك جوسپارىنداعى ەرىكتىلەر _ شينجياڭنىڭ رەفورمانى، دامۋدى، ورنىقتىلىقتى ىلگەرىلەتۋىندەگى ماڭىزدى كۇش، جەر ـ جەر، تاراۋلار تانىمدى شىن مانىندە جوعارىلاتىپ، ٴتىپتى دە بيىك ساياسي دەڭگەيمەن جانە اشىق، سيىسىمدى كوڭىلمەن باتىس بولىك جوسپارى قىزمەتىن ناقتى، ويداعىداي يگەرۋى كەرەك. ەرىكتىلەردىڭ بەلسەندى رولىن تولىق ساۋلەلەندىرۋدى ٴتۇيىن ەتىپ، وڭتۇستىك شينجياڭعا بەيىمدەۋگە، نەگىزگى ساتىعا بەيىمدەۋگە تاباندى بولىپ، تاربيەنى، باۋلۋدى كۇشەيتىپ، ادام مەن قىزمەت ورىننىڭ دالمە ـ ٴدال ۇشتاسۋىن كۇشەيتىپ، وسى كۇشتى شىن مانىندە ويداعىداي باسقارۋ، وسى كۇشتەن ويداعىداي پايدالانۋ كەرەك. ساياساتتىق قامتاماسىزدىقتى كۇشەيتىپ، ٴتىپتى دە كوپ ەرىكتىنى شينجياڭعا كەلىپ قىزمەت ىستەۋگە، شينجياڭدا ەسەيۋگە، شينجياڭدا قالىپ دامۋعا جەتەكتەيتىن ساياسات ـ شارا جۇيەسىن بەلسەنە زەرتتەپ، كەمەلدەندىرىپ، ادامدى سۇيىسپەنشىلىك ارقىلى الىپ قالۋدىڭ، جۇمىس ارقىلى الىپ قالۋدىڭ ٴادىسىن، جولىن كەڭەيتىپ، باسقارۋ، قىزمەت وتەۋ دەڭگەيىن ۇزدىكسىز جوعارىلاتۋ كەرەك. باسشىلىق مەحانيزمىن ورناتىپ، باتىس بولىك جوسپارىنا ەرىكتى قابىلداۋ، باسقارۋ، تاربيەلەۋ، ىستەتۋ سياقتى جالپى بارىستىق قىزمەتتى ويداعىداي ىستەۋدى ٴبىر تۇتاس جوسپارلاپ اقىلداسۋ كەرەك. جاۋاپكەرشىلىكتى تياناقتاندىرۋدى كۇشەيتىپ، وداق كوميتەتى، قوعامدىق قىزمەت، ادام كۇشى بايلىعى جانە قوعامدىق قامتاماسىزداندىرۋ سياقتى قاتىستى تاراۋلار جاۋاپكەرشىلىكتى، قىزمەت ٴبولىسىن ايقىنداپ، سايكەسۋدى، سەلبەسۋدى كۇشەيتىپ، جوعارى مەكتەپ وقۋشىلارىنىڭ باتىس بولىككە ەرىكتى قىزمەت وتەۋ جوسپارى قىزمەتىن كۇش بىرىكتىرىپ ويداعىداي ىستەپ، جۇڭحۋا ۇلتى ورتاق تۇلعا تانىمىن بەكەمدەۋگە، جوعارى ساپالى دامۋدى ىلگەرىلەتۋگە ٴتىپتى دە كوپ ۇلەس قوسۋ كەرەك.
