ما شيڭرۇي اۆتونوميالى رايوندىق پارتكوم فينانس كوميتەتىنىڭ 1 ـ ٴماجىلىسىن باسقارىپ اشقاندا بىلاي دەپ باسا دارىپتەدى
نازاردى جوعارى ساپالى دامۋعا شوعىرلاندىرىپ، باقىلاۋ ـ باسقارۋدى كۇشەيتىپ، حاۋىپ ـ قاتەردەن ساقتانىپ، قىزمەت وتەۋدى ساپالىلاندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا پارمەندى تىرەك ازىرلەۋ كەرەك
ەركىن تۇنياز، ٴزۇمىرات وبۇل، حى جۇڭيوۋ قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 7 ـ ايدىڭ 25 ـ كۇنى ۇرىمجىدەن حابارلايدى. اۆتونوميالى رايوندىق پارتكوم فينانس كوميتەتى 7 ـ ايدىڭ 25 ـ كۇنى 1 ـ ٴماجىلىسىن اشىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەندى، دايەكتىلەندىردى، باس شۋجي شي جينپيڭنىڭ فينانس قىزمەتى جونىندەگى ماڭىزدى بايىمداۋىن مۇقيات دايەكتىلەندىردى، تياناقتاندىردى، رايونىمىز فينانسىنىڭ جوعارى ساپالى دامۋىنا قاتىستى قىزمەتتەردى اقىلداستى، ورنالاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكوم فينانس كوميتەتىنىڭ مەڭگەرۋشىسى ما شيڭرۇي ٴماجىلىستى باسقاردى ٴارى ٴسوز سويلەدى. ول بىلاي دەپ باسا دارىپتەدى: باس شۋجي شي جينپيڭنىڭ جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، نازاردى جوعارى ساپالى دامۋ سىندى ماڭداي الدى مىندەتكە شوعىرلاندىرىپ، شينجياڭنىڭ ٴىس جۇزىندىگىمەن ۇشتاستىرىپ نازاردى ٴتۇيىندى سالالارعا شوعىرلاندىرىپ، فينانستى باقىلاۋ ـ باسقارۋدى كۇشەيتۋدىڭ، فينانس حاۋىپ ـ قاتەرىنەن ساقتانۋدىڭ جانە ونى جويۋدىڭ، فينانستىق قىزمەت وتەۋدى ساپالىلاندىرۋدىڭ ٴتۇرلى ٴتۇيىندى قىزمەتتەرىن تىڭعىلىقتى ويداعىداي ىستەپ، شينجياڭ فينانسىنىڭ جوعارى ساپالى دامۋى ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا اناعۇرلىم پارمەندى تىرەك ازىرلەۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ ماجىلىسكە قاتىناستى.
ٴماجىلىس «اۆتونوميالى رايوندىق پارتكوم فينانس كوميتەتىنىڭ قىزمەت ەرەجەسىن»، «اۆتونوميالى رايوندىق پارتكوم فينانس كوميتەتى كەڭسەسىنىڭ قىزمەت ەگجەي ـ تەگجەيلى ەرەجەسىن»، «اۆتونوميالى رايوننىڭ جەرگىلىكتى ورىننىڭ فينانس قىزمەتىن سايكەستىرۋ مەحانيزمىن» اقىلداستى، قارادى؛ شينجياڭنىڭ 2024 ـ جىلدىڭ الدىڭعى جارتى جىلىنداعى فينانس اينالىمى جانە قىزمەت ورىستەتۋ جاعدايى جونىندەگى مالىمەتتى، شينجياڭنىڭ كاپيتال بازارى اينالىمى جانە باقىلاۋ ـ باسقارۋ، قىزمەت وتەۋ قىزمەتىنىڭ ورىستەتۋ جاعدايى جونىندەگى مالىمەتتى، اۆتونوميالى رايوننىڭ جەرگىلىكتى زاڭدىق يە فينانس قۇرىلىمدارىنىڭ حاۋىپ ـ قاتەرى احۋالى جانە ونى جويۋ، ٴبىر جاقتى ەتۋ قىزمەتى جاعدايى جونىندەگى مالىمەتتى تىڭدادى.
ما شيڭرۇي بىلاي دەپ اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى فينانس قىزمەتىنە وسكەلەڭ ٴمان بەردى. باس شۋجي شي جينپيڭ ورتالىقتىڭ فينانس قىزمەتى ماجىلىسىندە جانە ولكە، مينيسترلىك دارەجەلى نەگىزگى باسشى كادرلاردىڭ فينانستىڭ جوعارى ساپالى دامۋىن ىلگەرىلەتۋ جونىندەگى ارناۋلى تاقىرىپتىق زەرتتەۋ ـ تالقى كۋرسىندا ماڭىزدى ٴسوز سويلەدى، پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىندە فينانس ٴتۇزىلىسى رەفورماسىن تەرەڭدەتۋ جونىندە ارنايى كەلەلى ورنالاستىرۋ جاسالدى. جەر ـ جەر، تاراۋلار مۇقيات ۇيرەنىپ، ٴتۇسىنىپ، فينانستى جوعارى ساپالى دامىتۋدىڭ جۇڭگو ۇلگىسىندەگى وسىزامانداندىرۋ قۇرىلىسىنىڭ جالپى جاعدايىنداعى ستراتەگيالىق ٴمانىن جەتە تانىپ، فينانستى دامىتۋدىڭ جۇڭگوشا جولىمەن بۇلجىماي ويداعىداي ٴجۇرىپ، پارتيانىڭ فينانس قىزمەتىنە جالپى بەتتىك باسشىلىعىن كۇشەيتىپ، فينانس كوميتەتىنىڭ رولىن تولىق ساۋلەلەندىرىپ، ٴتۇزىم ـ مەحانيزمدى ونان ارى كەمەلدەندىرىپ، ٴتۇيىندى قىزمەتتەردى ناقتى يگەرىپ، ٴار دارەجەلى باسشى كادرلاردىڭ فينانستى ٴتۇسىنۋ، فينانستان پايدالانۋ قابىلەت ـ دەڭگەيىن كۇشەيتىپ، شينجياڭنىڭ جوعارى ساپالى دامۋى مەن وسىزامانداندىرۋ قۇرىلىسىنا پارمەندى قىزمەت وتەۋ جانە ونى قامتاماسىز ەتۋ كەرەك.
ما شيڭرۇي بىلاي دەپ باسا دارىپتەدى: فينانس حاۋىپ ـ قاتەرىنەن ساقتانۋ جانە ونى جويۋ، اسىرەسە، جۇيەلىك فينانس حاۋىپ ـ قاتەرىنىڭ تۋىلۋىنان ساقتانۋ سىندى فينانس قىزمەتىنىڭ ٴتۇبىرلى سيپاتتى مىندەتىن تەرەڭ يگەرىپ، فينانىستى باقىلاۋ ـ باسقارۋدى جاپپاي كۇشەيتىپ، قورا ـ جاي، جەرگىلىكتى ۇكىمەت قارىزى، جەرگىلىكتى ورتا، شاعىن فينانس قۇرىلىمدارى سياقتى ٴتۇيىندى سالالارداعى حاۋىپ ـ قاتەردەن ساقتانۋدىڭ جانە ونى جويۋدىڭ ٴتۇرلى شارالارىن ويداعىداي تياناقتاندىرىپ، تومەنگى شەكتى باتىل ساقتاۋ، مىقتى ساقتاۋ كەرەك. «فينانس حاۋىپ ـ قاتەرىنەن ساقتانۋ جانە ونى جويۋ بويىنشا جاۋاپقا تارتۋ بەلگىلەمەسىن (سىناق رەتىندە اتقارىلادى)» مۇقيات تياناقتاندىرىپ، حاۋىپ ـ قاتەردەن ساقتانۋ ـ تىزگىندەۋ جاۋاپكەرشىلىگىن شىن مانىندە ناقتىلاندىرۋ كەرەك. ٴار دارەجەلى پارتكوم، ۇكىمەت قاراستى جەر جاۋاپكەرشىلىگىن اتقارىپ، ٴوز ٴوڭىرىنىڭ فينانس حاۋىپ ـ قاتەرىنەن ساقتانۋدى جانە ونى جويۋدى، ٴبىر جاقتى ەتۋدى ٴبىر تۇلعالى ىلگەرىلەتۋ؛ فينانستى باقىلاۋ ـ باسقارۋ تاراۋلارى باقىلاۋ ـ باسقارۋ جاۋاپكەرشىلىگىن اتقارىپ، ورتالىق پەن جەرگىلىكتى ورىننىڭ باقىلاۋ ـ باسقارۋدى سايكەستىرۋىن كۇشەيتىپ، بارلىق فينانس قيمىلدارىن زاڭ بويىنشا باقىلاۋ ـ باسقارۋعا ەنگىزۋ؛ ٴارقايسى كاسىپتىك تاراۋلار باسقارۋ جاۋاپكەرشىلىگىن اتقارىپ، ”كاسىپتى باسقارۋدا، ٴسوزسىز، حاۋىپ ـ قاتەردى باسقارۋ“ تالابىن ويداعىداي تياناقتاندىرۋ كەرەك.
ما شيڭرۇي بىلاي دەپ باسا دارىپتەدى: پارتيا ورتالىق كوميتەتىنىڭ ورنالاستىرۋلارىن، تالاپتارىن ىشكەرىلەي دايەكتىلەندىرىپ، مەملەكەت جالپى جاعدايىنداعى شينجياڭنىڭ ستراتەگيالىق ورنىن كوزدەپ، ورتالىقتىڭ شينجياڭدا تۇراتىن فينانس ورىندارىنىڭ ماڭىزدى رولىن تولىق ويداعىداي ساۋلەلەندىرىپ، فينانستىڭ جوعارى ساپالى دامۋعا قىزمەت وتەۋ ساپا ـ ونىمدىلىگىن كۇش بىرىكتىرە جوعارىلاتۋ كەرەك. فينانس ٴتۇزىلىسى رەفورماسىن تەرەڭدەتىپ، فينانس قۇرىلىمدارىنىڭ ورنىن جانە ونى باسقارۋدى كەمەلدەندىرىپ، قارجى قوسۋ مەن قارجى قۇراۋدى ٴوزارا سايكەستىرەتىن كاپيتال بازارى يقۋاتىن اقاۋسىزداندىرىپ، فينانستى باقىلاۋ ـ باسقارۋ جۇيەسىن كەمەلدەندىرۋ كەرەك. ”سەگىز ٴىرى كاسىپ سالاسى شوعىرى“ قۇرىلىسىن ارقاۋ ەتىپ، ٴتۇيىندى كاسىپ سالالارى مەن ٴتۇيىندى سالالاردىڭ دامۋىنا فينانستىق قولداۋ كورسەتۋدى كۇشەيتىپ، فينانىستىق قامداۋ ـ قاجەتسىنۋدىڭ دالمە ـ ٴدال، ٴونىمدى ۇشتاسۋىن ىلگەرىلەتۋ كەرەك. استىق، ماي، ماقتا، جەمىس ورمانى، مال شارۋاشىلىعى سياقتى كاسىپ سالالارىن، سونداي ـ اق اۋىل ـ قىستاق نەگىزدىك قۇرىلعىسى، جاڭاشا قالا ـ قالاشىقتاندىرۋ قۇرىلىسى سياقتى سالالارعا قاراتىلعان فينانس بايلىعى ۇسىنىلىمىن ارتتىرىپ، حالىقتىق شارۋاشىلىقتى فينانسپەن قولداۋ ساياسات ـ شاراسىن كەمەلدەندىرۋ كەرەك. وڭتۇستىك شينجياڭنىڭ ”شاحمات كوزى“ رولىن جانداندىرۋعا فينانستىق قولداۋ كورسەتۋ تەبىنىن ارتتىرىپ، ”فينانس جاعىنان شينجياڭعا كومەكتەسۋ“ ينجەنەرياسىنىڭ تياناقتانىپ، اتقارىلۋىن بەلسەندى سايكەسە ىلگەرىلەتۋ كەرەك. جىبەك جولى ەكونوميكالىق بەلدەۋى وزەكتى رايونى مەن شينجياڭ ەركىن ساۋدا سىناق رايونى قۇرىلىسىن ارقاۋ ەتىپ، فينانستا جاڭالىق اشۋ سىناق تۇيىندەرىنە قاراتىلعان ٴتۇرلى ساياساتتىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، فينانستىڭ جوعارى دەڭگەيدە سىرتقا ەسىك اشۋىن جەبەۋ كەرەك.
تيان شياڭلي، چىن ۋيجۇن، چىن ميڭگو، ۋاڭ جيانشين، ٴيۇسۇپجان مامەت، ەلزات احمەتجان، قادەن كابەن، ۋاڭ لين، اۆتونوميالى رايوندىق پارتكوم فينانس كوميتەتىنىڭ مۇشەلەرى مەن مۇشە ورىندارداعى جاۋاپتى جولداستار ماجىلىسكە قاتىناستى.